Ombepo youatjiri nombepo ombukise
1 Vakwetu ovasuverwa, amu kambura momundu auhe ngu ma tja u nOmbepo ya Ndjambi, nungwari ve roreye kutja ozombepo zawo za za ku Ndjambi; orondu mouye mu novaprofete ovengi woposyo. 2 Nu kutja oyo Ombepo ya Ndjambi mamu i tjivirwa komuhingo mbwi: Auhe ngu ma hongonona kutja Jesus Kristus weya na rire omundu eye u nOmbepo ndja za ku Ndjambi. 3 Nungwari auhe ngu hi nokuhongonona Jesus komuhingo mbwi eye ke nOmbepo ndja za ku Ndjambi. Ombepo ndje na yo oyo ndji ndja za kOmunavita na Kristus, indji ombepo ndji mwa zuva kutja mai ya, nu nambano ndje ya mouye.
4 Nungwari, vanatje vandje, oweṋe ova Ndjambi, nu mwa tona ovaprofete woposyo, Ombepo ndji ndji ri mu eṋe tjinga ai nomasa pombepo ndji ndji ri mu imba wouye. 5 Ovaprofete woposyo ve hungira oviṋa vyouye, nouye otji u puratene ku wo, owo tjinga averi ovouye. 6 Nungwari eṱe oweṱe ova Ndjambi. Ingwi ngu tjiwa Ndjambi ma puratene ku eṱe, nu ingwi ngu he ri owa Ndjambi ke nokupuratena ku eṱe. Komuhingo mbwi otji matu yenene okutjiwa ombangu pokati kOmbepo youatjiri nombepo yomapukisiro.
Ndjambi orusuvero
7 Vakwetu ovasuverwa, ngatu suverasane, orondu orusuvero rwa za ku Ndjambi. Nu auhe ngu suvera eye omuatje wa Ndjambi, nu u tjiwa Ndjambi. 8 Ingwi ngu ha suvere ka tjiwa Ndjambi, orondu Ndjambi tjinga e ri orusuvero. 9 Nu Ndjambi wa raisa orusuvero rwe ku eṱe, indu tja hinda Omuna we erike porwe kouye, kokutja eṱe tu mune omuinyo mu ye. 10 Norusuvero rwakatjotjiri ru ri nai: Kakutja oweṱe mbu twa suvera Ndjambi, nungwari eye ongwe tu suvera na hindi Omuna we kokutja mu ye eṱe tu isirwe ourunde wetu.
11 Nu, vakwetu ovasuverwa, Ndjambi tje tu suvera komuhingo mbwi, eṱe wina twa sokusuverasana. 12 Kape nomundu ngwa rorere okumuna Ndjambi. Nungwari tji twa suverasana, Ndjambi ma kara mu eṱe, norusuvero rwe aru yenenisiwa mu eṱe.
13 Nu, tjiri, eṱe matu tjiwa kutja tu ri mu Ndjambi nokutja eye u ri mu eṱe, tjinga e tu pa Ombepo ye. 14 Neṱe twa muna otjiṋa hi natu tji zuvarisire ovakwetu kutja Ihe wa hinda Omuna we e yokurira Omukuture wouye. 15 Auhe ngu ma hongonona kutja Jesus Omuna wa Ndjambi, eye ma kara mu Ndjambi, nu Ndjambi a kara mu ye. 16 Eṱe oveni matu tjiwa nu twa kambura kutja Ndjambi we tu suvera.
Ndjambi orusuvero, nu ngu ri morusuvero ma kara mu Ndjambi, nu Ndjambi a kara mu ye. 17 Orusuvero rwa yenenisiwa mu eṱe kokutja tu yanḓipare mEyuva rOmbanguriro, ongarero yetu mouye mbwi tjinga ai ri otja indji oya Kristus. 18 Morusuvero kamu nondiriro; orusuvero rwakatjotjiri ru ramba ondiriro aihe. Norusuvero otji ru hiya yenenisiwa momundu ngu tira, ondiriro tjinga ai undja omberero.
19 Eṱe tu suvera, Ndjambi tjinga a tenga po okutusuvera, 20 ingwi ngu ma tja wa suvera Ndjambi, nungwari a tondo omukwao, eye omunavizeze. Orondu tje hi nokusuvera omukwao ngwe mu muna, ma sora vi okusuvera Ndjambi ngwe ha munu. 21 Netwako, ndi twa pewa i Kristus oro ndi: Ingwi ngwa suvera Ndjambi nga suvere omukwao wina.
Ombepo youatjiri nombepo ombukise
1 Vakwetu ovasuverwa, amu kambura momundu auhe ngu ma tja u nOmbepo ya Ndjambi, nungwari ve roreye kutja ozombepo zawo za za ku Ndjambi; orondu mouye mu novaprofete ovengi woposyo. 2 Nu kutja oyo Ombepo ya Ndjambi mamu i tjivirwa komuhingo mbwi: Auhe ngu ma hongonona kutja Jesus Kristus weya na rire omundu eye u nOmbepo ndja za ku Ndjambi. 3 Nungwari auhe ngu hi nokuhongonona Jesus komuhingo mbwi eye ke nOmbepo ndja za ku Ndjambi. Ombepo ndje na yo oyo ndji ndja za kOmunavita na Kristus, indji ombepo ndji mwa zuva kutja mai ya, nu nambano ndje ya mouye.
4 Nungwari, vanatje vandje, oweṋe ova Ndjambi, nu mwa tona ovaprofete woposyo, Ombepo ndji ndji ri mu eṋe tjinga ai nomasa pombepo ndji ndji ri mu imba wouye. 5 Ovaprofete woposyo ve hungira oviṋa vyouye, nouye otji u puratene ku wo, owo tjinga averi ovouye. 6 Nungwari eṱe oweṱe ova Ndjambi. Ingwi ngu tjiwa Ndjambi ma puratene ku eṱe, nu ingwi ngu he ri owa Ndjambi ke nokupuratena ku eṱe. Komuhingo mbwi otji matu yenene okutjiwa ombangu pokati kOmbepo youatjiri nombepo yomapukisiro.
Ndjambi orusuvero
7 Vakwetu ovasuverwa, ngatu suverasane, orondu orusuvero rwa za ku Ndjambi. Nu auhe ngu suvera eye omuatje wa Ndjambi, nu u tjiwa Ndjambi. 8 Ingwi ngu ha suvere ka tjiwa Ndjambi, orondu Ndjambi tjinga e ri orusuvero. 9 Nu Ndjambi wa raisa orusuvero rwe ku eṱe, indu tja hinda Omuna we erike porwe kouye, kokutja eṱe tu mune omuinyo mu ye. 10 Norusuvero rwakatjotjiri ru ri nai: Kakutja oweṱe mbu twa suvera Ndjambi, nungwari eye ongwe tu suvera na hindi Omuna we kokutja mu ye eṱe tu isirwe ourunde wetu.
11 Nu, vakwetu ovasuverwa, Ndjambi tje tu suvera komuhingo mbwi, eṱe wina twa sokusuverasana. 12 Kape nomundu ngwa rorere okumuna Ndjambi. Nungwari tji twa suverasana, Ndjambi ma kara mu eṱe, norusuvero rwe aru yenenisiwa mu eṱe.
13 Nu, tjiri, eṱe matu tjiwa kutja tu ri mu Ndjambi nokutja eye u ri mu eṱe, tjinga e tu pa Ombepo ye. 14 Neṱe twa muna otjiṋa hi natu tji zuvarisire ovakwetu kutja Ihe wa hinda Omuna we e yokurira Omukuture wouye. 15 Auhe ngu ma hongonona kutja Jesus Omuna wa Ndjambi, eye ma kara mu Ndjambi, nu Ndjambi a kara mu ye. 16 Eṱe oveni matu tjiwa nu twa kambura kutja Ndjambi we tu suvera.
Ndjambi orusuvero, nu ngu ri morusuvero ma kara mu Ndjambi, nu Ndjambi a kara mu ye. 17 Orusuvero rwa yenenisiwa mu eṱe kokutja tu yanḓipare mEyuva rOmbanguriro, ongarero yetu mouye mbwi tjinga ai ri otja indji oya Kristus. 18 Morusuvero kamu nondiriro; orusuvero rwakatjotjiri ru ramba ondiriro aihe. Norusuvero otji ru hiya yenenisiwa momundu ngu tira, ondiriro tjinga ai undja omberero.
19 Eṱe tu suvera, Ndjambi tjinga a tenga po okutusuvera, 20 ingwi ngu ma tja wa suvera Ndjambi, nungwari a tondo omukwao, eye omunavizeze. Orondu tje hi nokusuvera omukwao ngwe mu muna, ma sora vi okusuvera Ndjambi ngwe ha munu. 21 Netwako, ndi twa pewa i Kristus oro ndi: Ingwi ngwa suvera Ndjambi nga suvere omukwao wina.
