Ovaapostele va Kristus
1 Eṋe otji mu sokutuvara nai: Oweṱe ovakarere va Kristus, nu wina oweṱe ovatye voviundikwa vya Ndjambi. 2 Notjiṋa tji tji undjirwa ko komutye otja ingwi okongwi okutja eye a rire omuṱakame motjiungura tje. 3 Nu ku ami hi nokurikenda kutja me pangurwa i eṋe poo me pangurwa i ombanguriro yovandu; nami omuini wina hi nakuripangura ko. 4 Hi nokurizemburuka otjiṋa momeritjiviro wandje womomutima, nungwari kape nokuheya kutja ami, tjiri, hi nandjo. Muhona eye porwe ongu me ndji pangura. 5 Otji mu hi nokusokupangura omundu komurungu woruveze. Ombanguriro osenina i sokuundja nga Muhona tji meya; eye ma eta kondjerera imbi oviundikwa vyonḓorera nu ma vandurura ouripura wovandu womoukoto. Nu auhe otji ma pewa i Ndjambi ondangero ndje mu pwira.
6 Nu motjimbe tjeṋu, vakwetu, ami mba ungurisa Apolos na ami otjo tji horera ku imbi avihe mbi mba hungire, kokutja mu rihonge okupitira mweṱe imbi mbya tjangwa: “Amu katuka ko omaraerero Ndjambi nga zikamisa!” Kokutja ape ha ningi umwe mokati keṋu ngu me rihivire omundu kaaṋi nokunyengwa omuhonge womukwao. 7 Owaṋi ngwe ku yandjera okurira omunanḓengu kombanda yovakweṋu? Indu Ndjambi ke ku pere avihe mbi u na vyo are? Nu tji wa pewa vyo, indu mo rihivire tjike aayo ovyo ko perwe?
8 Eṋe mu na avihe mbi mu zera, nu? Mwa tumba rukuru, nu? Eṋe mu honapara otja ozombara, nu? Eṱe katuya rira ozombara. Andakuzu uri eṋe oweṋe ozombara, kokutja tu sore okuhonapara puna eṋe! 9 Ku ami pe ri aayo Ndjambi wa yandja ku eṱe, imba ovaapostele, oruveze orusenina moruteto, aayo oweṱe ovandu mbu twa pangurwa kokuṱa avehe amave tarere. Eṱe twa rira ovatarerwa wouye nowovaengeri novovandu. 10 Oweṱe omayova motjimbe tja Kristus, nungwari eṋe oweṋe ovanazondunge moruwano na Kristus! Eṱe oweṱe ovingundi, nungwari eṋe oweṋe ovanamasa! Eṱe oweṱe ovanyengurwa, nungwari eṋe oweṋe ovayozikwa! 11 Nga mba eṱe tu ṱondjara nonyota, tu zara ozombanda nḓa tauka, tu tonwa nu katu nonganda pu twa tura; 12 tu ungura nongondjero onene nomake wetu. Tu sengwa tji matu sere ondaya; tji matu tatumisiwa tu zara ondatumisiro ndji; 13 tji matu yambururwa tu zira noukozu. Eṱe twa rira oviyaya vyouye, nu wina twa isiwa po otjinguruvau tjovandu, nga ku ndinondi!
14 Oviṋa mbi hi nokumutjangera kutja mu ṱohoṋi, nungwari me vi tjangere kutja mbi mu vyure otja mbu mu ri ovanatje vandje ovasuverwa. 15 Nu nanga mu kara novatumbure omayovi omurongo mbe mu honga ongarero yeṋu youkriste, eṋe mu na iho umwe uriri; orondu mokumuzuvarisira Ombuze Ombwa ami mba rira iho mu Kristus Jesus. 16 Ami otji me riyarikaṋa ku eṋe kutja mu horere ku ami. 17 Opu me zu okuhinda Timoteus ku eṋe, ngu ri omuatje wandje omusuverwa nomuṱakame mu Muhona. Eye me mu zemburukisa omeritjindiro nomahongero wandje mu Kristus Jesus, ngu mbi honga akuhe mozombongo azehe.
18 Tjiva mokati keṋu ve ritongamisa, tjinga amwa tjangovasi ami hi nokuya ku eṋe. 19 Nungwari ami meya ku eṋe tjimanga Muhona tji ma vanga, nu otji me yokutjiwa omuini kutja ovandu mba mbe ritongamisa nai, owo ovakwatjike, nu kakuyekutjiwa ingwi okuhungira tjinene kwawo uriri. 20 Orondu ouhona wa Ndjambi kau munika momambo uriri, nungwari owo u munika momahupiro wovandu na mu imbi mbi mave tjiti. 21 Mamu vanga tjike? Hi ye ku eṋe notuhongwe poo hi ye ku eṋe mombepo yorusuvero nouwa womutima?
Ovaapostele va Kristus
1 Eṋe otji mu sokutuvara nai: Oweṱe ovakarere va Kristus, nu wina oweṱe ovatye voviundikwa vya Ndjambi. 2 Notjiṋa tji tji undjirwa ko komutye otja ingwi okongwi okutja eye a rire omuṱakame motjiungura tje. 3 Nu ku ami hi nokurikenda kutja me pangurwa i eṋe poo me pangurwa i ombanguriro yovandu; nami omuini wina hi nakuripangura ko. 4 Hi nokurizemburuka otjiṋa momeritjiviro wandje womomutima, nungwari kape nokuheya kutja ami, tjiri, hi nandjo. Muhona eye porwe ongu me ndji pangura. 5 Otji mu hi nokusokupangura omundu komurungu woruveze. Ombanguriro osenina i sokuundja nga Muhona tji meya; eye ma eta kondjerera imbi oviundikwa vyonḓorera nu ma vandurura ouripura wovandu womoukoto. Nu auhe otji ma pewa i Ndjambi ondangero ndje mu pwira.
6 Nu motjimbe tjeṋu, vakwetu, ami mba ungurisa Apolos na ami otjo tji horera ku imbi avihe mbi mba hungire, kokutja mu rihonge okupitira mweṱe imbi mbya tjangwa: “Amu katuka ko omaraerero Ndjambi nga zikamisa!” Kokutja ape ha ningi umwe mokati keṋu ngu me rihivire omundu kaaṋi nokunyengwa omuhonge womukwao. 7 Owaṋi ngwe ku yandjera okurira omunanḓengu kombanda yovakweṋu? Indu Ndjambi ke ku pere avihe mbi u na vyo are? Nu tji wa pewa vyo, indu mo rihivire tjike aayo ovyo ko perwe?
8 Eṋe mu na avihe mbi mu zera, nu? Mwa tumba rukuru, nu? Eṋe mu honapara otja ozombara, nu? Eṱe katuya rira ozombara. Andakuzu uri eṋe oweṋe ozombara, kokutja tu sore okuhonapara puna eṋe! 9 Ku ami pe ri aayo Ndjambi wa yandja ku eṱe, imba ovaapostele, oruveze orusenina moruteto, aayo oweṱe ovandu mbu twa pangurwa kokuṱa avehe amave tarere. Eṱe twa rira ovatarerwa wouye nowovaengeri novovandu. 10 Oweṱe omayova motjimbe tja Kristus, nungwari eṋe oweṋe ovanazondunge moruwano na Kristus! Eṱe oweṱe ovingundi, nungwari eṋe oweṋe ovanamasa! Eṱe oweṱe ovanyengurwa, nungwari eṋe oweṋe ovayozikwa! 11 Nga mba eṱe tu ṱondjara nonyota, tu zara ozombanda nḓa tauka, tu tonwa nu katu nonganda pu twa tura; 12 tu ungura nongondjero onene nomake wetu. Tu sengwa tji matu sere ondaya; tji matu tatumisiwa tu zara ondatumisiro ndji; 13 tji matu yambururwa tu zira noukozu. Eṱe twa rira oviyaya vyouye, nu wina twa isiwa po otjinguruvau tjovandu, nga ku ndinondi!
14 Oviṋa mbi hi nokumutjangera kutja mu ṱohoṋi, nungwari me vi tjangere kutja mbi mu vyure otja mbu mu ri ovanatje vandje ovasuverwa. 15 Nu nanga mu kara novatumbure omayovi omurongo mbe mu honga ongarero yeṋu youkriste, eṋe mu na iho umwe uriri; orondu mokumuzuvarisira Ombuze Ombwa ami mba rira iho mu Kristus Jesus. 16 Ami otji me riyarikaṋa ku eṋe kutja mu horere ku ami. 17 Opu me zu okuhinda Timoteus ku eṋe, ngu ri omuatje wandje omusuverwa nomuṱakame mu Muhona. Eye me mu zemburukisa omeritjindiro nomahongero wandje mu Kristus Jesus, ngu mbi honga akuhe mozombongo azehe.
18 Tjiva mokati keṋu ve ritongamisa, tjinga amwa tjangovasi ami hi nokuya ku eṋe. 19 Nungwari ami meya ku eṋe tjimanga Muhona tji ma vanga, nu otji me yokutjiwa omuini kutja ovandu mba mbe ritongamisa nai, owo ovakwatjike, nu kakuyekutjiwa ingwi okuhungira tjinene kwawo uriri. 20 Orondu ouhona wa Ndjambi kau munika momambo uriri, nungwari owo u munika momahupiro wovandu na mu imbi mbi mave tjiti. 21 Mamu vanga tjike? Hi ye ku eṋe notuhongwe poo hi ye ku eṋe mombepo yorusuvero nouwa womutima?
