1 Owo va twara Otjipwikiro tjOmerikutiropamwe wa Ndjambi kondanda David ndja ṱunina tjo nave ketjitwa moukoto. Nu va punguhira Ndjambi ozombunguhiro ozoningiririsiwa nozohange. 2 David tja za nokupunguha ozombunguhiro nḓa, otja sera otjiwaṋa ondaya mena ra Muhona, 3 ne ve haṋene ovikurya avehe. Eye wa yandja omboroto ombomba, nonyama ndja terekwa pomakara, nomandjembere nga kahisiwa kOmuisrael auhe, omurumendu nomukazendu.
4 David wa toorora Ovalevi tjiva okuhongorera ovandu tji mave rikotamene ku Muhona, Ndjambi wa Israel, komurungu wOtjipwikiro tjOmerikutiropamwe, amave imburire Muhona nokumutanga. 5 Asaf wa toororwa okurira omuhongore, nu Sakaria ongwa ri omuvatere we. OoJaasiel na Semiramot na Jehiel na Matitja na Eliab na Benaja na Obed-Edom na Jeiel omba ri ovanyande voviharpe. Asaf wa ri omunyande wozongoma zovitenda, 6 novapristeri vevari ooBenaja na Jahasiel aruhe aave nyanda ozohiva komurungu wOtjipwikiro tjOmerikutiropamwe. 7 Meyuva ndo David otja yandja ousemba ku Asaf na kOvalevi ovakwao okuimburira Muhona eimburiro rondangero otjikando otjitenga.
Eimburiro rondangero
(Psa 10:1-15Psa 96:1-13Psa 106:1, Psa 47-48)8 Itjeye okuhepa ku Muhona,
zuvariseye ounene womasa we;
tjiviseye komihoko imbi eye mbya tjita.
9 Imburireye Muhona ondangero
mena roviṋa ovihimise eye mbya tjita!
10 Kareye nenyando kokutja oweṱe ove;
avehe mbe rikotamena ku ye ngave yoroke.
11 Kakweye ombatero ku Muhona,
nu rikotameneye ku ye aruhe.
12 Zemburukeye ovihimise Ndjambi mbya tjita,
nozombanguriro eye nḓa tya,
13 eṋe zondekurona za Jakob,
omukarere wa Ndjambi,
zondekurona za Israel,
ngwa toororwa i Ndjambi.
14 Muhona eye oNdjambi wetu;
omarakiza we owouye auhe.
15 Zemburukeye aruhe omerikutiropamwe
wa Ndjambi eye nga zikamisa nga aruhe,
16 omerikutiropamwe, nga tjita ku Abraham,
nomazikamisiro, nga tjita ku Isak.
17 Muhona wa tjita omerikutiropamwe na Jakob,
ngu maye karerere nga aruhe.
18 Eye wa tjere ku ye: “Ami me ku pe ehi ra Kanaan,
oro mari rire ouini woye.”
19 Moruveze ndo otjiwaṋa tja Ndjambi katja ri nonḓengu;
nu tja ri otjozonganda mehi ra Kanaan.
20 Owo va ryanga mokati komihoko,
okuza kouhona umwe nga ku warwe.
21 Nungwari Ndjambi ka yandjere umwe e ve ṋiṋikize; mokuvevatera
Eye wa rakiza ozombara, a tja:
22 “Amu tjiti otjipo kovakarere ovatoororwa;
amu ṱunu kovaprofete vandje.”
23 Imburireye Muhona, uye auhe!
Eyuva arihe zuvariseye ombuze ombwa kutja eye we tu yama.
24 Zuvariseye ounene we koviwaṋa,
novitjitwa vye ovihimise komihoko avihe.
25 Muhona Omunamasa, neṱe twa sokumutanga; twa
sokutira ye poomukuru ngamwa avehe varwe.
26 Oomukuru voviwaṋa avihe vyarwe owo oviserekarera vyovisenginina porwavyo,
nungwari Muhona wa utire omayuru.
27 Ongeṋangeṋeno nounene wouhona we vi mu kovera,
omasa nondjoroka vi urisa ondjuwo ye ondjapuke.
28 Tangeye Muhona,
viwaṋa avihe kombanda yehi,
tangeye ounene nomasa we!
29 Tangeye ena ra Muhona enandjozikiro;
eteye ozombunguhiro, nu hiteye mondjuwo ye
Ripeteye komurungu wa Muhona,
eye tji me rimunikisa mouyapuke we.
30 Zezereye komurungu we, mahi aehe!
Ouye wa zikamisiwa nomasa, nu kamaau teratera.
31 Yorokeye, hi nevaverwa!
Tjiviseye koviwaṋa kutja Muhona eye ombara.
32 Zuzuma, kuvare, na imbi ovinamuinyo mbi ri move;
yorokeye, mahi omakunwa, na imbi avihe mbi ri mu eṋe!
33 Omiti momahwa mavi imbi
nondjoroka komurungu wa Muhona,
eye tji meya okupangura ouye.
34 Itjeye okuhepa ku Muhona,
eye tjinga e ri omuwa;
orusuvero rwe ru karerera nga aruhe!
35 Itjeye nai ku ye: “Tu yama, Ndjambi Omukuture wetu;
tu wonga kumwe; tu yeura koviwaṋa,
kutja tu ku tjere okuhepa
nu tu tange ena roye eyapuke.”
36 Tangeye Muhona, Ndjambi wa Israel!
Mu tangeye aruhe nga aruhe!
Otjiwaṋa atjihe tja tja: “Amen! Muhona nga tangwe!”
Omerikotameneno mOjerusalem na mOgibeon
37 David wa zika Asaf nOvalevi ovakwao kutja aruhe ve rire ovatjevere pomerikotameneno ngaa ye tjitirwa poṋa paa pe ṱizirwa Otjipwikiro tjOmerikutiropamwe. Owo aave ungurire oviungura mbi okuza keyuva nga keyuva. 38 Obed-Edom, omuzandu wa Jedutun, novarumendu omirongo hamboumwe na hambondatu vonganda ye va ri ovavatere vawo. Hosa na Obed-Edom va ri ovatjevere vopomivero.
39 Nungwari Sadok, omupristeri, novapristeri ovakwao va ri ovatjevere vopoṋa pomerikotameneno ku Muhona kondunda mOgibeon. 40 Omuhuka nongurova aihe aave punguhire ozombunguhiro ozoningiririsiwa kotjipunguhiro otja tji pa tjangwa mOmatwako Muhona nga yandjere kOvaisrael. 41 Puna wo mbo pa ri ooHeman na Jedutun novakwao varwe, mba toororwa okuimburira Muhona omiimbo vyondangero mena rorusuvero rwe ndu hi nomaandero. 42 OoHeman na Jedutun wina va ri ovatjevere vozohiva nozongoma zovitenda, novinangoma vyarwe mbyaa vi nyandwa, omiimbo vyondangero ngunda amavi imburwa. Nungwari imba ovandu vonganda ya Jedutun va ri ovatjevere vopomivero.
43 Okuzambo auhe wa yaruka koye; nu David wa yaruka koye okukaminika eṱunḓu re.
1 Owo va twara Otjipwikiro tjOmerikutiropamwe wa Ndjambi kondanda David ndja ṱunina tjo nave ketjitwa moukoto. Nu va punguhira Ndjambi ozombunguhiro ozoningiririsiwa nozohange. 2 David tja za nokupunguha ozombunguhiro nḓa, otja sera otjiwaṋa ondaya mena ra Muhona, 3 ne ve haṋene ovikurya avehe. Eye wa yandja omboroto ombomba, nonyama ndja terekwa pomakara, nomandjembere nga kahisiwa kOmuisrael auhe, omurumendu nomukazendu.
4 David wa toorora Ovalevi tjiva okuhongorera ovandu tji mave rikotamene ku Muhona, Ndjambi wa Israel, komurungu wOtjipwikiro tjOmerikutiropamwe, amave imburire Muhona nokumutanga. 5 Asaf wa toororwa okurira omuhongore, nu Sakaria ongwa ri omuvatere we. OoJaasiel na Semiramot na Jehiel na Matitja na Eliab na Benaja na Obed-Edom na Jeiel omba ri ovanyande voviharpe. Asaf wa ri omunyande wozongoma zovitenda, 6 novapristeri vevari ooBenaja na Jahasiel aruhe aave nyanda ozohiva komurungu wOtjipwikiro tjOmerikutiropamwe. 7 Meyuva ndo David otja yandja ousemba ku Asaf na kOvalevi ovakwao okuimburira Muhona eimburiro rondangero otjikando otjitenga.
Eimburiro rondangero
(Psa 10:1-15Psa 96:1-13Psa 106:1, Psa 47-48)8 Itjeye okuhepa ku Muhona,
zuvariseye ounene womasa we;
tjiviseye komihoko imbi eye mbya tjita.
9 Imburireye Muhona ondangero
mena roviṋa ovihimise eye mbya tjita!
10 Kareye nenyando kokutja oweṱe ove;
avehe mbe rikotamena ku ye ngave yoroke.
11 Kakweye ombatero ku Muhona,
nu rikotameneye ku ye aruhe.
12 Zemburukeye ovihimise Ndjambi mbya tjita,
nozombanguriro eye nḓa tya,
13 eṋe zondekurona za Jakob,
omukarere wa Ndjambi,
zondekurona za Israel,
ngwa toororwa i Ndjambi.
14 Muhona eye oNdjambi wetu;
omarakiza we owouye auhe.
15 Zemburukeye aruhe omerikutiropamwe
wa Ndjambi eye nga zikamisa nga aruhe,
16 omerikutiropamwe, nga tjita ku Abraham,
nomazikamisiro, nga tjita ku Isak.
17 Muhona wa tjita omerikutiropamwe na Jakob,
ngu maye karerere nga aruhe.
18 Eye wa tjere ku ye: “Ami me ku pe ehi ra Kanaan,
oro mari rire ouini woye.”
19 Moruveze ndo otjiwaṋa tja Ndjambi katja ri nonḓengu;
nu tja ri otjozonganda mehi ra Kanaan.
20 Owo va ryanga mokati komihoko,
okuza kouhona umwe nga ku warwe.
21 Nungwari Ndjambi ka yandjere umwe e ve ṋiṋikize; mokuvevatera
Eye wa rakiza ozombara, a tja:
22 “Amu tjiti otjipo kovakarere ovatoororwa;
amu ṱunu kovaprofete vandje.”
23 Imburireye Muhona, uye auhe!
Eyuva arihe zuvariseye ombuze ombwa kutja eye we tu yama.
24 Zuvariseye ounene we koviwaṋa,
novitjitwa vye ovihimise komihoko avihe.
25 Muhona Omunamasa, neṱe twa sokumutanga; twa
sokutira ye poomukuru ngamwa avehe varwe.
26 Oomukuru voviwaṋa avihe vyarwe owo oviserekarera vyovisenginina porwavyo,
nungwari Muhona wa utire omayuru.
27 Ongeṋangeṋeno nounene wouhona we vi mu kovera,
omasa nondjoroka vi urisa ondjuwo ye ondjapuke.
28 Tangeye Muhona,
viwaṋa avihe kombanda yehi,
tangeye ounene nomasa we!
29 Tangeye ena ra Muhona enandjozikiro;
eteye ozombunguhiro, nu hiteye mondjuwo ye
Ripeteye komurungu wa Muhona,
eye tji me rimunikisa mouyapuke we.
30 Zezereye komurungu we, mahi aehe!
Ouye wa zikamisiwa nomasa, nu kamaau teratera.
31 Yorokeye, hi nevaverwa!
Tjiviseye koviwaṋa kutja Muhona eye ombara.
32 Zuzuma, kuvare, na imbi ovinamuinyo mbi ri move;
yorokeye, mahi omakunwa, na imbi avihe mbi ri mu eṋe!
33 Omiti momahwa mavi imbi
nondjoroka komurungu wa Muhona,
eye tji meya okupangura ouye.
34 Itjeye okuhepa ku Muhona,
eye tjinga e ri omuwa;
orusuvero rwe ru karerera nga aruhe!
35 Itjeye nai ku ye: “Tu yama, Ndjambi Omukuture wetu;
tu wonga kumwe; tu yeura koviwaṋa,
kutja tu ku tjere okuhepa
nu tu tange ena roye eyapuke.”
36 Tangeye Muhona, Ndjambi wa Israel!
Mu tangeye aruhe nga aruhe!
Otjiwaṋa atjihe tja tja: “Amen! Muhona nga tangwe!”
Omerikotameneno mOjerusalem na mOgibeon
37 David wa zika Asaf nOvalevi ovakwao kutja aruhe ve rire ovatjevere pomerikotameneno ngaa ye tjitirwa poṋa paa pe ṱizirwa Otjipwikiro tjOmerikutiropamwe. Owo aave ungurire oviungura mbi okuza keyuva nga keyuva. 38 Obed-Edom, omuzandu wa Jedutun, novarumendu omirongo hamboumwe na hambondatu vonganda ye va ri ovavatere vawo. Hosa na Obed-Edom va ri ovatjevere vopomivero.
39 Nungwari Sadok, omupristeri, novapristeri ovakwao va ri ovatjevere vopoṋa pomerikotameneno ku Muhona kondunda mOgibeon. 40 Omuhuka nongurova aihe aave punguhire ozombunguhiro ozoningiririsiwa kotjipunguhiro otja tji pa tjangwa mOmatwako Muhona nga yandjere kOvaisrael. 41 Puna wo mbo pa ri ooHeman na Jedutun novakwao varwe, mba toororwa okuimburira Muhona omiimbo vyondangero mena rorusuvero rwe ndu hi nomaandero. 42 OoHeman na Jedutun wina va ri ovatjevere vozohiva nozongoma zovitenda, novinangoma vyarwe mbyaa vi nyandwa, omiimbo vyondangero ngunda amavi imburwa. Nungwari imba ovandu vonganda ya Jedutun va ri ovatjevere vopomivero.
43 Okuzambo auhe wa yaruka koye; nu David wa yaruka koye okukaminika eṱunḓu re.
