Otjipwikiro tjOmerikutiropamwe matji isiwa mo mOkirjat-Jearim
(2Sam 6:1-11)1 David wa kahungira kumwe novahongore avehe vovira vyeyovi novyesere. 2 David wa tjivisa nai kOvaisrael avehe, mba woronganena mbo: “Tjinangara mamu itavere, nu tjinangara oyo ombango ya Muhona, Ndjambi wetu, ngatu hinde ovatumwa kovakwetu votjiwaṋa tjetu mba hupa, na kovapristeri na kOvalevi mbe ri movihuro vyawo, ve keveraere kutja ve ye okuworonganena mba puna eṱe. 3 Tjazumba matu i natu kaeta Otjipwikiro tjOmerikutiropamwe wa Ndjambi, tjinga ape ha ri omundu ngwe rikendere na tjo moruveze rwouhona wa Saul.” 4 Otjiwaṋa atjihe tja ri nohange nomambo nga natji itavere.
5 David otja woronganisa Ovaisrael kominda avihe mehi, okuza komukuro wa Engipte kuṱa keyuva kokumuho nga komakapitiro wa Hamat kuṱa keyuva kokunene. Owo va woronganena okukaeta Otjipwikiro tjOmerikutiropamwe kotjihuro Kirjat-Jearim. 6 David wa ya puna Ovaisrael avehe kotjihuro Baala, tji tji ri Kirjat-Jearim, mehi ra Juda, kutja ve kaete Otjipwikiro tjOmerikutiropamwe wa Ndjambi tji tji nena ra Muhona ngu haama kotjihavero tje tjouhona kombanda yovakerubi. 7 Owo va kapitisa Otjipwikiro tjOmerikutiropamwe mondjuwo ya Abinadab nave tji turike metemba epe. OoUsa na Ahio omba hongorera etemba ndi, 8 ngunda David nOvaisrael avehe amave pundu nomasa wawo aehe okuyozika Ndjambi. Owo va imbura nave nyanda ovihumba mbi: Oviharpe nozonḓukwa nozongoma zovitenda nozohiva.
9 Tji ve ya potjitondero tja Kidon, ozonduwombe otji za putara, nu Usa wa roporora eke na ṱiza Otjipwikiro tjOmerikutiropamwe wa Ndjambi. 10 Tjimanga Muhona wa ṱomazenge na Usa, ne mu zepa mena rokutja wa ṱunu kOtjipwikiro tjOmerikutiropamwe. Eye wa kokera mbo komurungu wa Ndjambi. 11 David wa pindika tjinene, Muhona tjinga a vera Usa tjimanga nai; poṋa mbo opu pa rukirwa Peres-Usa nga ku Ndinondi.
12 David wa tira Ndjambi na tja: “Nambano Otjipwikiro tjOmerikutiropamwe me tji toora komuhingo uṋe?” 13 David otje ha twarere Otjipwikiro tjOmerikutiropamwe kOjerusalem. Moruveze rwanao eye we tji esa pondjuwo yomurumendu wena Obed-Edom ngwa zire kotjihuro Gat. 14 Otjo tja kara mbo oure womieze vitatu, nu Muhona wa sera eṱunḓu ra Obed-Edom ondaya, notjiṋa ngamwa atjihe tji tja ri otje wina.
Otjipwikiro tjOmerikutiropamwe matji isiwa mo mOkirjat-Jearim
(2Sam 6:1-11)1 David wa kahungira kumwe novahongore avehe vovira vyeyovi novyesere. 2 David wa tjivisa nai kOvaisrael avehe, mba woronganena mbo: “Tjinangara mamu itavere, nu tjinangara oyo ombango ya Muhona, Ndjambi wetu, ngatu hinde ovatumwa kovakwetu votjiwaṋa tjetu mba hupa, na kovapristeri na kOvalevi mbe ri movihuro vyawo, ve keveraere kutja ve ye okuworonganena mba puna eṱe. 3 Tjazumba matu i natu kaeta Otjipwikiro tjOmerikutiropamwe wa Ndjambi, tjinga ape ha ri omundu ngwe rikendere na tjo moruveze rwouhona wa Saul.” 4 Otjiwaṋa atjihe tja ri nohange nomambo nga natji itavere.
5 David otja woronganisa Ovaisrael kominda avihe mehi, okuza komukuro wa Engipte kuṱa keyuva kokumuho nga komakapitiro wa Hamat kuṱa keyuva kokunene. Owo va woronganena okukaeta Otjipwikiro tjOmerikutiropamwe kotjihuro Kirjat-Jearim. 6 David wa ya puna Ovaisrael avehe kotjihuro Baala, tji tji ri Kirjat-Jearim, mehi ra Juda, kutja ve kaete Otjipwikiro tjOmerikutiropamwe wa Ndjambi tji tji nena ra Muhona ngu haama kotjihavero tje tjouhona kombanda yovakerubi. 7 Owo va kapitisa Otjipwikiro tjOmerikutiropamwe mondjuwo ya Abinadab nave tji turike metemba epe. OoUsa na Ahio omba hongorera etemba ndi, 8 ngunda David nOvaisrael avehe amave pundu nomasa wawo aehe okuyozika Ndjambi. Owo va imbura nave nyanda ovihumba mbi: Oviharpe nozonḓukwa nozongoma zovitenda nozohiva.
9 Tji ve ya potjitondero tja Kidon, ozonduwombe otji za putara, nu Usa wa roporora eke na ṱiza Otjipwikiro tjOmerikutiropamwe wa Ndjambi. 10 Tjimanga Muhona wa ṱomazenge na Usa, ne mu zepa mena rokutja wa ṱunu kOtjipwikiro tjOmerikutiropamwe. Eye wa kokera mbo komurungu wa Ndjambi. 11 David wa pindika tjinene, Muhona tjinga a vera Usa tjimanga nai; poṋa mbo opu pa rukirwa Peres-Usa nga ku Ndinondi.
12 David wa tira Ndjambi na tja: “Nambano Otjipwikiro tjOmerikutiropamwe me tji toora komuhingo uṋe?” 13 David otje ha twarere Otjipwikiro tjOmerikutiropamwe kOjerusalem. Moruveze rwanao eye we tji esa pondjuwo yomurumendu wena Obed-Edom ngwa zire kotjihuro Gat. 14 Otjo tja kara mbo oure womieze vitatu, nu Muhona wa sera eṱunḓu ra Obed-Edom ondaya, notjiṋa ngamwa atjihe tji tja ri otje wina.
