Jesus ta dinwa muNasaret
(Mat. 13:53-58Luk. 4:16-30)1 Ndele Ye okwa dja oko, ta i moshilando shambulavo, novalongwa vaye ove mu shikula. 2 Ndele Eshabata eshi le uya, okwa hovela okulonga ovanhu moshinagoga nomoku mu pwilikina vahapu ova kumwa va tya: “Ei e i kwete oyapeni, nounongo ou e u pewa owa tya ngahelipi? Noilonganghono ei tai longwa komake aye oi fike peni? 3 Ke fi omuhongi womiti winya, omona waMaria nomumwaina waJakob naJoses naJudas naSimon? Novamwaina ovakainhu havo ovo ve li mokati ketu?” Ndele vo ove mu yala. 4 Opo nee Jesus okwa tya kuvo: “Omuxunganeki iha dinwa pamwe pe lili, omoshilando tuu shambulavo, nomovakwao nomeumbo lavo.” 5 Ye ina dula okulonga ko oko nande oshilonganghono, ovanaudu vamwe aveke e va tenheka omake aye ndele te va velula. 6 Ndele Ye okwa kuminwa okuhaitavela kwavo.
Opo nee Ye okwa li ta endaenda momikunda, ndele ta longo ovanhu.
Jesus ta tumu ovayapostoli
(Mat. 10:1-15Luk. 9:1-6)7 Opo nee Ye okwa ifana ovo omulongo navavali ve uye kuye nokwa hovela oku va tuma oovavali noovavali, ndele okwe va pa eenghono okupangela eemhepo da nyata. 8 Oye okwe va lombwela vaha ye ko nasha kondjila, onhaili aike, hamungome ile ekutu ile oimaliwa mondjato. 9 Ndelenee ova efelwa va djale eenghaku, ndele haikutu ivali. 10 Ndele Ye okwa tya kuvo: “Keshe meumbo omo tamu i mo, kaleni mo fiyo otamu ka ehena komesho. 11 Ndele oko itamu tambulwa ko, nye itamu pwilikinwa, djeni ko nye mu pupule ondwi koshi yeemhadi deni, i ninge ondobwedi kuvo.” 12 Ndele ova ya, ndele va udifa nokutya, ovanhu ve nokulidilulula. 13 Ova ta mo eendemoni dihapu ndele va vaeka ovanaudu vahapu nomaadi, ndele ove va velula.
Johannes Omushashi ta dipawa
(Mat. 14:1-11Luk. 9:7-9)14 Ohamba Herodes okwe mu kundana, osheshi edina laJesus ola shiivika novanhu ova tya: “Johannes Omushashi okwa nyumuka koufi, onghee eenghono odo otadi longo muye.” 15 Ndele vamwe ova tya: Oye Elia. Vamwe ova tya: Oye omuxunganeki ngaashi umwe womovaxunganeki. 16 Ndele Herodes eshi e shi uda okwa tya: “Johannes ou nde mu tetifa omutwe, oye a nyumuka koufi.”
17 Osheshi Herodes okwa tumine ko, a kwatifa Johannes nokwe mu mangifa, ndele okwe mu idililifa modolongo omolwaHerodias, omukainhu wondenge yaye Filippus. Osheshi Herodes okwe mu hombola. 18 Osheshi Johannes okwa tile kuHerodes: “Ito dulu okukala nomukainhu wondenge yoye, osheshi oshidila.” 19 Herodias okwe mu kwatela onghone ndele okwa kala a hala oku mu dipaa, ndele okwa nyengwa. 20 Osheshi Herodes okwa tila Johannes, eshi a li e mu shii, oye omulumenhu omuyuki nomuyapuki, ndele okwe mu amena. Ndele moku mu pwilikina okwa limbililwa koinima ihapu, ndele okwa hokwa oku mu pwilikina.
21 Hano efiku la wapala le ke uya, Herodes eshi a ningila omalenga aye novaneyovi novakulunhu vomuGalilea oshivilo shefiku ledalo laye. 22 Nomona okakadona kaHerodias oke uya mo, ndele taka tula po oudano, ndele wo owa wapalela unene Herodes novaenda vaye. Ohamba oya tya kokakadona: “Indile nge keshe osho wa hala ndele ohandi shi ku pe.” 23 Ndele ye okwa anena okakadona: “Keshe eshi to shi indile nge, ohandi shi ku pe, nande etata loshilongo shange.” 24 Ko oka pita pondje, ndele oka tya kuina: “Ohandi indile shike?” Ye okwa nyamukula: “Omutwe waJohannes Omushashi.” 25 Ko oka ya mo diva taka endelele ke uye kohamba, ke mu indila ndele taka ti: “Ame onda hala u pe nge paife eshi omutwe waJohannes Omushashi moshiyaxa.” 26 Ohamba oya nyika oluhodi linene, ndele omolweano layo novaenda inai hala oku shi ka anyena. 27 Diva ohamba oya tuma ko omukwaita, ndele okwe mu lombwela a ete omutwe waJohannes. Ou okwa ya ndele okwe mu teta omutwe modolongo, 28 ndele okwa eta omutwe waye moshiyaxa, ndele okwe u pa okakadona, okakadona oke u pa ina. 29 Ovalongwa vaye eshi ve shi uda, ove uya ndele tava kufa po oshimhu shaye, ndele tave shi pake mombila.
Ekutifo lovalumenhu omayovi atano
(Mat. 14:13-21Luk. 9:10-17Joh. 6:1-14)30 Ndele ovayapostoli ova ongala puJesus, ndele tave mu hepaululile aishe, keshe osho ve shi ninga nakeshe osho ve shi longa. 31 Ndele Ye okwa tya kuvo: “Ileni tu ke likaleleni koima kwe likalela, nye mu tulumukwe po kanini.” Osheshi okwa li ku na vahapu ava tave uya notava di po, ndele kava li vehe na nande efimbo lokulya. 32 Ndele ova ya nowato okoima oko kwe likalela, mouwike. 33 Ndele vahapu ove va mona eshi tava i, navahapu ove shi kundana nove mu shikula kolupadi nokweendelela va dja koilando aishe, ndele vo tava fiki ko tete. 34 Ndele eshi a fika koukukutu, okwa mona ko ovanhu vahapu, ndele okwe va udila olukeno, osheshi ova li va fa eedi dihe na omufita, ndele okwa hovela oku va longa oinima ihapu.
35 Ndele etango eshi la toka, ovalongwa ove uya kuye tava ti: “Poima apa omombuwa yongaho, ndele paife etango la toka. 36 Va lekela va ye komaumbo nokomikunda, ve ke lilandele oikulya.” 37 Ye okwe va nyamukula ta ti: “Va peni oikulya.” Vo ova tya kuye: “Natu ke va landele omingome deedenari omafele avali, fye tu va pe va lye?” 38 Ye okwa tya kuvo: “Nye omu na omingome ngapi? Indeni mu ka tale.” Eshi ve ke di tala, ova tya: “Odi li ko nhano neeshi mbali.” 39 Opo Ye okwe va lombwela, va kale omutumba eengudu neengudu de likalela pomwiidi mutalala. 40 Ndele ova kala omutumba eengudu neengudu da shaama, dimwe odefele, dimwe odomilongo nhano.
41 Ye okwa kufa omingome odo nhano neeshi mbali, okwa tala keulu, okwa pandula, ndele ta pambula omingome ndele te di pe ovalongwa vaye, ve di tukulile ovanhu, neeshi odo mbali okwe di tukulila yo aveshe. 42 Ndele aveshe ova lya, va kuta. 43 Ndele va toola oundjaumukile vomingome oimbale omulongo naivali i yadi neeshi yo. 44 Naava va lya omingome edi ova li ovalumenhu omayovi atano.
Jesus ta ende kombada yomeva efuta
(Mat. 14:22-33Joh. 6:15-21)45 Ndele Ye okwa fininika diva ovalongwa vaye va ye mowato, vo va tetekele komunghulo wokombinga inya, kuBetsaida, fimbo Ye mwene ta lekele ovanhu. 46 Ye eshi e va lekela, okwa londa komhunda a ka indile. 47 Ndele eshi kwa laula, owato oya li mokati kefuta, oYe aeke a li kedu. 48 Ndele eshi kwa li e va wete ve noudjuu mokuduwa kwavo, shaashi omhepo ye va dja komesho, okwe uya kuvo, penangelo etine loufiku ta ende kombada yomeva, ndele okwa li a hala oku va koyelela po. 49 Ndele vo eshi ve mu mona ta ende kombada yomeva, ova li ve shii Ye oshilulu, ndele tava ingida pombada. 50 Osheshi aveshe ve mu mona nova haluka. Ndele divadiva okwe va popifa, a tya kuvo: “Kaleni nomwenyo muwa, Aame ou, inamu tila.” 51 Ye okwa ya kuvo mowato, ndele omhepo oya mwena. Ndele vo ova halukilila meni lavo. 52 Osheshi vo inava ninga eendunge nopomingome dinya, ndele omitima davo oda li da kukuta.
Jesus ta velula ovanaudu
(Mat. 14:34-36)53 Ndele eshi va taulukila kwinya, ove uya kuGenesaret ndele tava ehenifa owato poshau. 54 Eshi va dja mo mowato, ovanhu ove mu koneka diva. 55 Ndele vo ova kala nokutondoka noshikandjo ashishe, ndele tava hovele okuhumbata ovanaudu komalutala, eshi va uda apa e li. 56 Ndele keshe oko a ya, komikunda ile koilando ile komaumbo, ovanaudu ova tulwa poilandelo, ndele Ye okwa indilwa va shiive nande okukuma kominghulo doshikutu shaye. Aveshe ava ve mu kuma, ova veluka.
Jesus ta dhinwa muNasaret
(Mat. 13:53-58Luk. 4:16-30)1 Jesus okwa zi po mpoka nokwe ya koshilando shaandjawo. Aalongwa ye noye mu landula.
2 Mesiku lyEsabati okwa tameke okulonga aantu mosinagoga. Oyendji mboka ye mu pulakene, oya kumwa e taa pula: “Ayihe mbika okwe yi adha peni? Oondunge ndhoka e na, odha tya ngiini? Iilongankondo mbyoka ta longo, oyi thike peni? 3 Ke shi nani omuhongi gwiipilangi, omuna gwaMaria, omumwayina gwaJakob, Josef, Judas naSimon? Aamwayina aakiintu kaye li putse mpano?” Oyo noye mu nyeme.
4 Jesus okwa ti kuyo: “Omuhunganeki iha dhinwa palwe, aawe, omoshilando tuu shaandjawo, maakwawo nomegumbo lyaandjawo.”
5 Onkee ano Jesus ina vula we okuningila ko oshilongankondo shasha. Aavu yamweyamwe ayeke a tenteke iikaha ye nokwe ya aludha. 6 Oye okwa kuminwa okwaayitaala kwawo. Oye okwa li te endaenda nomikunda dhopuushiinda e ta longo aantu.
Jesus ta tumu aalongwa omulongo nayaali
(Mat. 10:5-15Luk. 9:1-6)7 Jesus okwi ithana aalongwa ye omulongo nayaali nokwa tameke oku ya tuma ooyaali nooyaali e te ya pe oonkondo dhokupangela oombepo dha nyata. 8 Okwe ya indike wo, yaa ye nasha mondjila, kakele kolwoondje: hashikwiila, hampunda yokweenda nayo, haimaliwa moondjato. 9 “Zaleni oongaku, ihe inamu zala oohema mbali.” 10 Okwe ya lombwele ishewe a ti: “Ngele tamu yi megumbo, kaleni moka, sigo tamu ka huma ko. 11 Ngele ope na mpoka itaamu taambwa ne itaamu pulakenwa, zii po, ne mu pupule ko ontsi koompadhi dheni, opo shi ninge onzapo yoku ya pa uusama.”
12 Oyo oya yi noyu uvitha kutya aantu naa itedhulule. 13 Oyo oya tidha mo oompwidhuli odhindji noya gwayeke aavu oyendji nomagadhi e taye ya aludha.
Johannes Omushashi ta dhipagwa
(Mat. 14:1-12Luk. 9:7-9)14 Omukwaniilwa Herodes oku uvu ayihe mbika, oshoka edhina lyaJesus olya adhika lya tseyika akuhe, naantu yamwe oya ti: “Nguka oJohannes Omushashi a yumuka kuusi, onkee oonkondo dha tya ngaaka otadhi longo muye.”
15 Ihe yamwe oya ti, oElia; yamwe ishewe, gumwe gwomaahunganeki yonale.
16 Herodes sho e shi uvu, okwa ti: “Johannes ngoka nda tetitha omutse, oye a yumuka.” 17 Oshoka Herodes okwa li a tumu aantu, ya ka kwate Johannes, noye mu manga e taye mu tula mondholongo. Shika osha ningwa omolwaHerodias ngoka Herodes a adhika a hokana, nonando oye omukiintu gwamumwayina Filippus. 18 Onkee Johannes okwa ti kuHerodes: “Itashi vulika, u hokane omukiintu gwamumwanyoko.”
19 Herodias okwa tondo Johannes nokwa li a hala oku mu dhipaga, ihe okwa nyengwa. 20 Herodes wo okwa li a tila Johannes, oshoka okwa li e mu shi kutya ye omulumentu omuyuuki nomuyapuki, onkee okwe mu gamene. Okwa li ngaa a hokwa oku mu pulakena, nonando sho e mu pulakene, ina tseya shoka e na okuninga.
21 Ihe esiku lyo opala olye ya, uuna Herodes a ningile omalenga ge, aawiliki yiita naanenentu yomuGalilea oshituthi shevalo lye. 22 Omukadhona omuna gwaHerodias sho e ya moshituthi, okwa tutula uudhano nowo opalele Herodes naayenda. Omukwaniilwa nokwa lombwele omukadhona a ti: “Indila ndje kehe shoka wa hala, otandi shi ku pe.” 23 Oye okwe mu uvanekele nokugana e ta ti: “Shaa shoka to indile ndje, otandi shi ku pe, nonando owi indile, ndi ku pe etata lyoshilongo shandje.”
24 Omukadhona okwa yi kuyina nokwe mu pula a ti: “Meme, ondi na okupula shike?”
Yina okwa yamukula: “Omutse gwaJohannes Omushashi.”
25 Omukadhona okwa shuna mbalambala komukwaniilwa nokweendelela nokwe mu indile e ta ti: “Onda hala, u pe ndje ngashingeyi omutse gwaJohannes Omushashi moshiyaha shika.”
26 Nena omukwaniilwa okwa nika oluhodhi olunene, ihe omolwegano lye nomolwaayenda ina vula we oku mu tinda. 27 Omukwaniilwa okwa tumu mbala omukwiita gwomaatonateli yuuwa nokwe mu lombwele, e mu etele omutse gwaJohannes. Omukwiita okwa yi kondholongo e ta tete Johannes omutse. 28 Oye nokwe gu eta gu li moshiyaha e te gu pe omukadhona, opo e gu fale kuyina. 29 Aalongwa yaJohannes sho ye shi uvu, oye ya noya kutha po omudhimba gwe e taye gu tula mombila.
Jesus ta kutitha aalumentu omayuvi gatano
(Mat. 14:13-21Luk. 9:10-17Joh. 6:1-14)30 Aayapostoli sho ya galuka, oye ya kuJesus noye mu hokololele ashihe shoka ya ningi naashoka ya longo aantu. 31 Okwa li ku na aantu oyendji taye ya notaa yi, onkee kaya li ye na ethimbo lyokulya. Jesus okwa lombwele ihe aalongwa ye a ti: “Ileni, tu yeni, tu ki ikalele, opo mu vululukwe kashona.” 32 Oyo noya londo mowato e taa yi kokuma kwaa na aantu.
33 Ihe nonando ongaaka, aantu oyendji oye ya mono, sho taa yi, noye ya dhimbulula e taa matuka ye li kolupadhi, ya zi miilando ayihe noya thiki ko tango kehala ndyoka Jesus naalongwa ye ya li yu uka ko. 34 Ano Jesus sho a thiki komunkulo, okwa zi mo mowato nokwa mono ongundu onene yaantu. Oye okwa li e ya uvitile olukeno, oshoka oya li ya fa oonzi dhaa na omusita. Oye nokwa tameke oku ya longa iinima oyindji. 35 Ano sho kwa toko, aalongwa ye oye ya kuye noya ti: “Eha ndika ombuga yowala, netango olya toka. 36 Laleka aantu, ya ye komagumbo nokomikunda dhopuushiinda, ye ki ilandele iikulya.”
37 Jesus okwe ya yamukula a ti; “Ya peni iikulya.”
Oyo oya ti kuye: “Natu ye, tu ke ya landele iikwiila niimaliwa omathele gaali, tu ya pe, ya lye?”
38 Jesus okwe ya pula a ti: “Omu na po ano iikwiila ingapi? Indeni, mu ke yi tale.”
Sho ye yi mono, oya ti: “Otu na itano noohi mbali.”
39 Jesus okwa lombwele aalongwa ye, ya lombwele aantu ayehe, ya kuutumbe pomwiidhi omutalala, yo ye ya topole moongundu. 40 Aantu oya kuutumba moongundu: dhimwe odha li dhi na aantu ethele nadhimwe omilongo ntano. 41 Jesus okwa kutha ihe iikwiila itano noohi mbali, okwa ligamene kegulu nokwa hambelele. Ye okwa pambula iikwiila, e te yi pe aalongwa ye, ye yi topolele aantu. Osho wo okwa topolele ayehe oohi ndhoka mbali. 42 Oyo ayehe oya li e taa kuta. 43 Aalongwa oya toola iipambu yiikwiila oontungwa omulongo nambali dhu udha nosho wo iihupe yoohi. 44 Aantu mboka ya li iikwiila mbiyaka oya li aalumentu omayuvi gatano.
Jesus te ende kombanda yomeya
(Mat. 14:22-33Joh. 6:15-21)45 Mbalambala Jesus oku ulumike aalongwa ye, ya ka londe mowato, opo ye ke mu tetekele komunkulo gwahandiyaka yefuta kuBetsaida, manga ye ta laleke aantu. 46 Sho e ya laleke, okwa londo kondundu, opo a galikane. 47 Ongulohi sho ye ya, owato oya adhika mokati kefuta, naJesus okwa li awike kevi. 48 Nena okwa dhimbulula kutya, aalongwa oye na uudhigu mokudhuga kwawo, oshoka ombepo yoshikungulu oya li tayi ya ziilile moshipala. Pethimbo lyokoongulasha Jesus okwe ya kuyo te ende kombanda yomeya. Okwa li a hala oku ya pitilila. 49 Ihe sho ye mu mono te ende kombanda yomeya, oya li ye shi oshiluli noya kugu mokule. 50 Ayehe oya haluka, sho ye mu mono.
Ihe mbalambala Jesus okwe ya popitha a ti: “Ikoleleni, inamu tila, ongame!” 51 Nena okwa yi kuyo mowato, ombepo noya kodha. Aalongwa oya li ya kumwa noya piyagana. 52 Oya nyengwa okuuva ko oshiningwanima shiikwiila shoka tashi ti; omadhiladhilo gawo oga li ga simpa.
Jesus ta aludha aavu muGenesaret
(Mat. 14:34-36)53 Oyo ya taagulukile handiyaka yetale noye ya kevi lyaGenesaret e taa tula owato komunkulo. 54 Ano sho ya zi mo mowato, mbalambala aantu yaankoka oya dhimbulula Jesus. 55 Oyo oya matuka nomukunda aguhe noye eta aavu, ye ya inda koontala e taye ya fala kehala kehe hoka yu uvu Jesus e li ko. 56 Ano shaa tuu mpoka Jesus a yi, momikunda nenge moshilando nenge momagumbo, aantu oye eta aavu yawo pomagongalelo gaantu noye mu indile, a pitike, aavu ya gume nando okoongenge dhonguwo ye. Ayehe mboka ye yi gumu, oya aluka.
