Saulus te lidilululifwa
(Oil. 22:6-16Oil. 26:12-18)1 Ndelenee Saulus ou okwa fula onya natango nedipao lovalongwa vOmwene. Ye okwa ya komupristeli omukulunhu, 2 ndele te mu indile eenhumwafo da shangelwa eeshinagoga domuDamaskus, opo ngeenge ta mono oonakweenda nondjila ei, ngeenge omulumenhu ile omukainhu, a shiive oku va manga noku va twala kuJerusalem. 3 Fimbo ye e li mokweenda kwaye, opa ningwa, eshi e uya popepi naDamaskus, ohaluka okwa viliminwa kouyelele wokeulu; 4 ndele okwe lishata poshi nokwa uda ondaka tai ti kuye: “Saul, Saul, oshike to taataa nge?” 5 Ndele ye okwa tya: “Omwene, Oove lyelye?” Ye okwe mu nyamukula: “Aame Jesus Omunasareti, ou to mu taataa. 6 Ndele fikama po u ye moshilando, omo to ka lombwelwa eshi u noku shi ninga.” 7 Ndele ovalumenhu ava va li po va enda pamwe naye, ova kanghwa ashike ofika, ova uda ondaka, ndele inava mona po nande omunhu. 8 Opo nee Saulus okwa fikama po, ndele eshi omesho aye a pashuka, okwa li ehe wete ko vali, vo ove mu kwata komhango, ndele ove mu twala muDamaskus.
9 Ndele okwa li a twika omafiku atatu, ye ina lya sha, ye ina nwa sha.
Saulus ta shashwa
10 Ndelenee muDamaskus omwa li mu nomulongwa edina laye Ananias. Oye ou Omwene e mu lombwela memoniko ta ti: “Ananias!” Oye okwa nyamukula: “Tala, aame ou, Omwene!” 11 Opo nee Omwene okwa tya kuye: “Fikama, inda kondjila inya ya lukwa ya yuka, ove u ka pule meumbo laJudas omulumenhu Omutarso, edina laye Saulus, osheshi tala, ye ota ilikana, 12 ndele ye okwa mona memoniko omulumenhu te uya kuye, edina laye Ananias, e mu tenheke omake aye a dule okumona ko vali.” 13 Ndelenee Ananias okwa nyamukula: “Omwene, omulumenhu winya onde mu uda kuvahapu, oye a ningila ovayapuki voye vomuJerusalem owii muhapu. 14 Ndele ye okwa pewa eenghono kovapristeli ovakulunhu okumanga, naaku yo, ovo aveshe ovo hava ifana edina loye.” 15 Ndele Omwene okwe mu lombwela: “Inda ko, osheshi oye oshilongifo shange sha hoololwa shokuhumbatela edina lange koiwana yovapaani nokeehamba nokovana vaIsrael, 16 osheshi nda hala ndi mu monifile oudjuu opo u fike, e noku u humbatela edina lange.” 17 Ndele Ananias okwa fikama, ndele ta i keumbo olo, ndele te mu tenheke omake aye, ta ti: “Omumwatate Saul, Omwene Jesus, ou e ku lihololela mondjila ei we uya nayo, Oye okwa tuma nge, opo u pashuke, ndele u yadifwe Omhepo Iyapuki.” 18 Ndele opo tuu opo momesho aye omwa wa oinima ya fa oipwakotolwa, opo nee ye a pashuka diva, nokwa fikama ndele e lishashifa 19 ndele ta li eendja, opo nee a pama vali. Ndele Saulus okwa kala povalongwa vomuDamaskus omafiku amwe.
Paulus ta udifa
20 Ndele ye okwa udifa diva meeshinagoga Kristus nokutya, Jesus Oye Omona waKalunga, 21 ndele aveshe ava ve mu uda ova kumwa, ndele tava ti: “Hamba, haye tuu ou kwa li a hanauna po aveshe ava va ilikana edina eli laJesus muJerusalem? Osho hasho she mu eta yo omu, ye e va twale va mangwa kovapristeli ovakulunhu?” 22 Ndele Saulus okwa pama nokupamenena nokwa kumwifa Ovajuda ava va li muDamaskus, eshi e va tomha nokutya, Jesus Oye Kristus.
23 Opo nee efimbo eshi la pita po, Ovajuda ve mu pangela omhangela oku mu dipaa. 24 Ndele Saulus okwa uda omhangela yavo, ndele vo ova kelela oivelo omutenya noufiku, va dule oku mu dipaa. 25 Ndele ovalongwa vaye ove mu kufa po oufiku ndele tave mu kulukifa, e li moshimbaba kombada yekuma lohote.
26 Ndele ye eshi e uya muJerusalem okwa hetekela okulitula movalongwa, ndele vo aveshe ve mu tila, osheshi inave shi itavela nokutya, ye a ninga shili omulongwa. 27 Ndelenee Barnabas okwe mu tambula, ndele e mu twala kovayapostoli ndele te va hepaululile, Saulus nhumbi ye a mona Omwene mondjila, nOmwene e mu popifa, ndele nhumbi a udifa nouladi medina laJesus muDamaskus. 28 Opo nee osho kwa li he uya mo ndele ha piti mo mokati kavo muJerusalem ndele ta udifa nouladi medina lOmwene. 29 Ndele ta popi nokuludika nOvaheleni, ndele ava ova kendabala oku mu dipaa. 30 Ovamwatate eshi ve shi koneka, ove mu twala kuKesarea, ndele ove mu tuma kuTarso.
31 Opo nee eongalo alishe lomuJudea ashishe nolomuGalilea nolomuSamaria ola li li nombili, ndele fimbo tali litungu mokweenda metilo lOmwene nomokupopilwa kOmhepo Iyapuki, ola hapupala.
Petrus ta velula omunhu ta vele ombada
32 Ndele fimbo Petrus a li ta endaenda mokati kavo aveshe, okwa fika nokovayapuki venya va kala muLidda. 33 Omo nee a hanga omunhu, edina laye Eneas, ou kwa li a nangala komutala omido hetatu, osheshi ye okwa li ta vele ombada. 34 Ndele Petrus okwe mu lombwela: “Eneas, Jesus Kristus ote ku velula, fikama, ove u liyalele omutala woye. Ye okwa fikama po diva.” 35 Opo Ovalidda aveshe nOvasaroni, ava ve mu mona, ove liameka kOmwene.
Petrus ta nyumuna Tabita
36 Ndele muJoppa omwa li mu nomulongwa omukainhu, edina laye Tabita, mOshigreka Dorkas, otali ti ngeenge la lundululwa: omenye. Ye okwa li ha longo oilonga iwa ihapu ndele ta yandje oikwafa ihapu. 37 Ndele momafiku enya okwa hangika koudu, ndele ta fi, ndele vo ove mu kosha, ndele ve mu nangeka mondjuwo yokombada. 38 Ndele Lidda eshi sha li popepi naJoppa, novalongwa eshi va uda Petrus oko e li, ova tuma ko ovalumenhu vavali, nove mu indila e uye kuvo divadiva. 39 Ndele Petrus okwa fikama ndele ta i pamwe navo. Ye eshi a fika ko, vo ove mu twala mondjuwo inya yokombada, ovafiyekadi aveshe ove uya kuye, tava lili, ndele tave mu ulikile eembidja neehema odo Dorkas e di hondja, eshi a li puvo. 40 Ndele Petrus okwa tya, ovo aveshe nava dje mo, ndele a twa eengolo ndele ta ilikana, ndele ta pungulukile koshimhu ndele ta ti: “Tabita, penduka po!” Ye okwa pashuka ndele eshi a mona Petrus, okwa kala omutumba. 41 Ndele Petrus okwe mu kwata keke laye ndele okwe mu fikamifa, a ifana mo ovayapuki novafiyekadi ndele te mu tula mokati kavo e nomwenyo. 42 Ndele eshi osha udika muJoppa ashishe, ndele vahapu ova itavela Omwene. 43 Ndele ye okwa menekela muJoppa omafiku mahapu, opuSimon omushiki woipa.
Eitedhululo lyaSaulus
(Iil. 22:6-16Iil. 26:12-18)1 Ihe pomasiku ngeyaka Saulus okwa li u udha uutondwe okutonda aalongwa yOmuwa nokwa hala oku ya dhipaga. Oye okwa yi komuyambimukuluntu 2 e te mu indile, a pewe oontumwafo dhi faalelwe aawiliki yoosinagoga muDamaskus, opo a wape okukwata nokweeta kuJerusalem aalanduli ayehe yondjila yOmuwa mboka te ya adha ko, aalumentu naakiintu.
3 Ano mondjila ye yokuya kuDamaskus, sho a li popepi noshilando, okwa adhiminwa ombaadhilila kuuyelele wa zi megulu. 4 Oye okwi ihata pevi noku uvu ewi tali mu popitha tali ti: “Saulus, Saulus, omolwashike to tidhagana ndje?”
5 Saulus okwa pula a ti: “Ongoye lye, Omuwa?”
Ewi olye mu yamukula lya ti: “Ongame Jesus, ngoka to mu tidhagana. 6 Thikama po, inda moshilando, moka to ka lombwelwa shoka u na oku shi ninga.”
7 Aalumentu mboka ya li taa ende pamwe naSaulus, oya si onkumamuthika yo inaa tumbula nando oshitya shimwe. Oyo oyu uvu ewi, ihe inaa mona nando omuntu gumwe. 8 Saulus okwa thikama ihe, sho a tonata, okwa li a tsika ye inaa vula okumona nando osha. Onkee oye mu kwata koshikaha noye mu fala kuDamaskus. 9 Saulus nokwa kala a tsika uule womasiku gatatu, nopethimbo ndyoka alihe ina lya sha ye ina nwa nando osha.
10 MuDamaskus omwa li mu na omulongwa gumwe, edhina lye Ananias. Omuwa okwe mu ihololele memoniko nokwe mu lombwele ta ti: “Ananias!”
Oye okwa yamukula a ti: “Ongame nguka, Omuwa!”
11 Nena Omuwa okwe mu lombwele ihe ta ti: “Thikama, inda kaandjaJudas mEpandaanda lya lukwa Eukililo e to pula omulumentu Omutarsus, edhina lye Saulus. Ongoye to ke mu adha ta galikana. 12 Nokuli oye okwa mono memoniko omulumentu, edhina lye Ananias, te ya kuye e te mu tenteke iikaha ye, opo a tonate.”
13 Ananias okwa yamukula a ti: “Omuwa, onda hokololelwa kaantu oyendji kutya omulumentu nguka okwa hepeke noonkondo aantu yoye muJerusalem. 14 Nokuli huka kuDamaskus okwe ya ko e na epitikilo lyaayambi aakuluntu okukwata ayehe mboka haa ku galikana.”
15 Omuwa okwe mu lombwele a ti: “Inda ko kuye, oshoka ngame onde mu hogolola, a longele ndje ye a tseyithile aapagani naakwaniilwa yawo nAaisraeli edhina lyandje. 16 Ngame mwene onda hala oku mu ulukila, uudhigu mpoka u thike mboka e na oku u humbata omolwedhina lyandje.”
17 Ananias okwa thikama ihe e ta yi. Oye okwa yi megumbo ndyoka nokwa tenteke iikaha ye kuSaulus e te mu lombwele ta ti: “Mumwameme Saulus, Omuwa Jesus ngoka e ku ihololele mondjila yoye, sho to ya huka, oye a tumu ndje kungoye, opo u mone ko ishewe nou udhithwe Ombepo Ondjapuki.” 18 Mbalambala momeho gaSaulus omwa gu iinima ya fa iipeta yoohi, oye nokwa tsikuluka. Nena oye okwa thikama e ta shashwa. 19 Opo ihe Saulus okwa li iikulya nokwa kolo.
Saulus tu uvitha muDamaskus
Saulus okwa kala paalongwa yomuDamaskus omasiku gamwe. 20 Oye okwa yi u ukilila kosinagoga nokwa tameke okuuvithila aantu kutya Jesus oye Omuna gwaKalunga.
21 Ayehe mboka ye mu uvu, oya kumwa. Oyo oya pulathana ya ti: “Omulumentu nguka haye ngoka a li ha dhipaga aantu ayehe mboka haa galikana medhina ndika lyaJesus muJerusalem? Pamwe naahuka okwe ya ko nelalakano tuu ndyoka okukwata aantu ya tya ngaaka, ye e ya fale kaayambi aakuluntu?”
22 Ihe Saulus oku uvitha noonkondo. Oye okwa tompo Aajuda yomuDamaskus kutya Jesus oye Kristus, yo inaa vula oku mu ludhikitha.
23 Sho pwa piti omasiku ogendji, Aajuda oya gongala noyu uvanene, ya dhipage Saulus. 24 Ihe Saulus okwa londodhwa. Aajuda oya kala ihe ya langela iiyelo yoshilando uusiku nomutenya, opo ye mu dhipage. 25 Ihe aalanduli yaSaulus oye mu pitithile mombululu yomekuma noye mu kulukithile pevi e li montungwa.
Saulus muJerusalem
26 Saulus okwa yi kuJerusalem nokwa kambadhala okwiitula mongundu yaalongwa yaahoka. Ihe ayehe oya li ye mu tila, oshoka oya li ya nyengwa okwiitaala kutya Saulus okwi itedhulula. 27 Ihe Barnabas okwi itula puye e te mu fala kaayapostoli nokwe mu tseyitha kuyo. Barnabas okwa hokololele aayapostoli, nkene Omuwa ihololele Saulus mondjila yokuya kuDamaskus naashoka Omuwa e mu lombwele. Oye okwe ya hokololele wo, nkene Saulus a li u uvitha edhina lyaJesus nuulaadhi uunene muDamaskus. 28 Onkee ano Saulus okwa kala paalongwa nokwe ende noshilando ashihe shaJerusalem nokuuvitha edhina lyOmuwa Jesus nuulaadhi uunene. 29 Oye okwa li wo ha popi nokuludhika nAajuda mboka haa popi Oshigreka, ihe mbaka oya li taa kambadhala oku mu dhipaga. 30 Ano ooitaali sho ya dhimbulula oshinima sha tya ngaaka, oya kutha Saulus noye mu fala kuKesarea e taye mu tumu kuTarsus.
31 Nena egongalo alihe lyomuJudea, muGalilea nomuSamaria olya kala li na ombili. Kekwatho lyOmbepo Ondjapuki egongalo olya tungala nolyi indjipala, naayehe oya li haa simaneke Omuwa.
Petrus muLidda nomuJoppa
32 Petrus okwa li he ende apehe mokati kaalongwa, onkee pethimbo limwe okwa yi, a ka talele po aantu yaKalunga mboka ya kala muLidda. 33 Omo a adha omulumentu, edhina lye Eneas, ngoka a kala uule woomvula hetatu e na uuvu wombanda. 34 Petrus okwe mu lombwele a ti: “Eneas, Jesus Kristus ote ku aludha ngashingeyi. Thikama, u yale iinguma yoye.” Mbalambala Eneas okwa thikama. 35 Aantu ayehe mboka ya kala muLidda nomesilu lyaSharon, oye mu mono noyi itaale Omuwa.
36 Ano muJoppa omwa li mwa kala omukiintu omwiitaali, edhina lye Tabita. Edhina ndika mOshigreka oDorkas, ndyoka tali ti omenye. Oye okwa kala aluhe ta longo uuwanawa nota kwatha oohepele. 37 Pomasiku ngeyaka Tabita okwa kwatwa kuuvu e ta si. Nena ooitaali oya yogo omudhimba gwe noye gu langeke mondjugo yopombanda. 38 Ooitaali oya adhika yu uvu kutya Petrus oku li muLidda. Oshoka Lidda osha li popepi naJoppa, oya tumu aalumentu yaali kuPetrus nelaka tali ti: “Alikana, endelela, u ye kutse!”
39 Petrus okwa thikama ihe e ta yi pamwe nayo. Oye sho a thiki kuJoppa, oye mu fala mondjugo ndjoka yopombanda. Opo ihe aaselekadhi ayehe oye ya taa lili e taa kundukidha Petrus noye mu ulukile oohema noombaikitha ndhoka Tabita a li e dhi hondjo, manga a li e na omwenyo. 40 Nena Petrus okwe ya lombwele, ya ze mo mondjugo. Oye okwa tsu oongolo e ta galikana Kalunga. Opo ihe okwa punguluka nokwa taalele komudhimba e ta ti: “Tabita, penduka!”
Oye okwa tonata, naasho a mono Petrus, okwa kuutumba. 41 Petrus okwe mu kwata koshikaha nokwe mu ambidhidha. Oye okwi ithana ihe ooitaali naaselekadhi e te mu gandja kuyo e na omwenyo. 42 Onkundana ndjika oya taandele noshilando ashihe shaJoppa, onkee aantu oyendji mboka ye shi uvu, oyi itaale Omuwa. 43 Petrus okwa kala omasiku ogendji muJoppa maandjaSimon, omupeli gwiipa.
