Oixuna ya longwa koonakukalamo muGibea
1 Momafiku enya muIsrael inamu kala ohamba. Nomulumenhu umwe Omulevi okwa kala ngaashi omunailongo komunghulo weemhunda daEfraim. Ndele ye okwe likongela omukainhu, omwalikadi wopomunghulo muBetlehem shomuJuda. 2 Ndelenee omwalikadi waye wopomunghulo okwe mu handukila nokwa dja po puye ta i keumbo laxe muBetlehem shomuJuda. Ndele oko a kala eehani nhee. 3 Opo nee omulumenhu waye okwa fikama ndele te mu shikula a kundafane naye nombili, opo e mu alule. Omupiya waye okwa li puye neendongi mbali. Nomukainhu okwe mu twala meumbo laxe. Ndele xe yomwalikadi omunyasha eshi e mu mona, okwa hafela okuuya kwaye. 4 Ndele xemweno, xe yomwalikadi omunyasha, ina hala oku mu lekela, opo nee winya a kala puye omafiku atatu, ndele tava li ndele tava nu ndele va kala ko oufiku. 5 Ndelenee fimbo ongula inene mefiku etine vo va penduka ndele pokufikama kwaye xe yomwalikadi omunyasha ta ti koshitenya: “Pameka omwenyo woye nokapambu komungome, opo nee tamu dulu okuya.” 6 Ndele vo va kala po, naaveshe vavali va lila nova nwina pamwe. Opo nee xe yomwalikadi omunyasha ta ti komulumenhu: “Itavele nge, u kale po oufiku, nomwenyo woye nau kale wa hafa. 7 Ndelenee omulumenhu eshi a fikama a ye, xemweno e mu fininika, opo nee a kala po vali oufiku.” 8 Ongula inene yefiku etitano fimbo ye ta fikama a ye, xe yomwalikadi omunyasha ta ti: “Pameka omwenyo woye u uhale po fiyo okomatango.” Ndele vo aveshe vavali va lya. 9 Ndelenee omulumenhu eshi a fikama a ye pamwe nomwalikadi waye nomupiya waye, xemweno yaye, xe yomwalikadi omunyasha ta ti kuye: “Tala, etango tali ningine, onguloshi ye uya. Kaleni apa mu nangale. Tala, ola toka nokuli, kala apa u nangale. Nomwenyo woye nau hafe, opo mu shiive okuushuka ongula inene mu ye komatwali eni.” 10 Ndelenee omulumenhu ina hala vali okunangala, nokwa fikama ndele ta i neendongi mbali nomwalikadi waye wopomunghulo, ndele a fika ponhele ya shaama naJebus, nokutya Jerusalem. 11 Ndele vo eshi ve uya kuJebus netango ola ningina nokuli, omupiya ta ti komwene waye: “Tu yeni koshilando eshi shOvajebusi, tu ka nangale mo.” 12 Ndelenee omwene waye ta ti kuye: “Itatu dulu okuya mo moshilando shovanailongo, omo muhe novana vaIsrael, ndelenee tu nokutwikila fiyo okuGibea.” 13 Ye ta ti vali komupiya waye: “Ila tu ye konhele imwe tu nangale muGibea ile muRama.” 14 Osho hano va twikila vali. Netango ole va ninginina puGibea shOvabenjamin. 15 Ndele vo ova tengunukila kuGibea va nangale mo. Ndele va ya mo ndele tava kala mondabo yoshilando. Ndele inapa monika nande umwe ou e va ifana meumbo ile e va nangeka.
16 Ndelenee tala, onguloshi omulumenhu umwe a kulupa, a dja koilonga yaye yomepya, nomulumenhu ou okwa dile keemhunda daEfraim ndele a kala muGibea omunailongo. Ndelenee ovalumenhu vomonhele oyo va li Ovabenjamin. 17 Ndele ye eshi a yelula omesho aye okwa mona ovaendanandjila ava mondabo yoshilando. Nomulumenhu a kulupa ta pula: “Oto i peni nowa dja peni?” 18 Ndele ye ta ti kuye: “Fye ohatu di kuBetlehem shomuJuda, komunghulo weemhunda daEfraim, oko handi di; ndele nda ile fiyo okuBetlehem shomuJuda, ndele handi i kovakwetu keumbo. Ndelenee apa kape na ou te tu idililile meumbo laye, 19 nande tu nomwiidi neendja keendongi detu ndele tu na yo omungome nomaviinyu kwaame mwene nokomupiya woye omukainhu nokomulumenhu omunyasha, ou e li povapiya voye. Inatu pumbwa sha.” 20 Opo nee omulumenhu a kulupa ta ti: “Ombili nai kale naave! Keshe eshi to shi pumbwa, ame opo ndi li. Ashike ino nangala mondabo oufiku.” 21 Opo nee ye e va twala meumbo laye ndele ta pe eendongi eendja. Ndele vo eshi va kosha eemhadi davo, va lya ndele tava nu. 22 Fimbo tava hafifa eemwenyo davo, ovalumenhu vomoshilando, ovalumenhu vai, va dingilila eumbo, ndele tava konghola unene konhu; ndele tava popi nomulumenhu a kulupa, omwene weumbo, ndele tava ti: “Omulumenhu ou e uya meumbo loye, mu eta kufye, tu nangale naye.” 23 Opo nee omulumenhu, omwene weumbo okwa pita pondje kuvo ndele ta ti kuvo: “Ahowe, ovakwetu, inamu ninga owii, omulumenhu ou eshi e uya meumbo lange. Inamu ninga oshififahoni shi fike opo.” 24 Omona wange okakadona oye ou, ye okakadona, nomwalikadi waye wopomunghulo. Ame handi va eta pondje ndele va ningileni osho sha wapala momesho eni, ndelenee omulumenhu ou inamu mu ningila oshififahoni shi fike opo. 25 Ndelenee ovalumenhu eshi inava hala oku mu pwilikina, omulumenhu okwa kwata omwalikadi waye wopomunghulo, ndele te mu twala pondje kuvo. Ndele vo ova nangala naye noku mu hepeka oufiku aushe fiyo okeengula, ndele ve mu efa eluwa eshi tali tende. 26 Ndele petendo leluwa omwalikadi e uya ndele ta wile po ponhu yeumbo lomulumenhu omo omwene waye a li nokwa nangala ko fiyo kwa yela. 27 Nomwene waye eshi a penduka ongula ndele ta yeulula oivelo yongulu ndele ta piti pondje a ka twikile eengeda daye, tala, apa pa nangala omwalikadi waye, omwalikadi waye wopomunghulo moshivelo shongulu nomake aye koikulo yoposhi. 28 Ndele ye ta ti kuye: “Penduka tu ye.” Ndelenee kape nenyamukulo. Opo nee ye okwe mu londeka kondongi yaye. Nomulumenhu okwa fikama ndele ta i keumbo laye. 29 Ndelenee ye eshi e uya keumbo, okwa kufa omukonda ndele ta timbaula omwalikadi waye wopomunghulo oinhimbu omulongo naivali, ndele e i tumina moshilongo ashishe shaIsrael. 30 Nakeshe umwe ou e shi mona, okwa tya: “Oshinima sha fa eshi, inashi ningwa noinashi monika okefiku ovana vaIsrael va pita mo medu laEgipiti fiyo onena eli. Shi diladileni, kundafaneni, popyeni!”
Omulevi noshikumbu she
1 Pethimbo ndiyaka, manga muIsrael kaamwa li omukwaniilwa, okwa li Omulevi a kala kokule kevi lyokoondundu dhaEfraim. Okwa kutha omukadhona muBetlehem shaJuda, a ninge oshikumbu she. 2 Ihe oshikumbu oshe mu geele e tashi shuna kaandjahe kuBetlehem nosha kala ko oomwedhi ne. 3 Nena omulumentu okwa tokola oku shi landula nokwa kambadhala oku shi heka, shi galukile kuye. Okwa yi ko nomupiya gwe nuusino uyali. Omukadhona okwa fala Omulevi maandjahe, nahe sho e mu mono, okwe mu taamba noku mu hambelela. 4 He okwe mu thiminike, a kale po, nokwa kala po omasiku gatatu. Omulevi nomukadhona gwe oya pakelwa po e taa lala mo. 5 Ongula yesiku etine oya meneka, ya ye. Ihe he yomukadhona okwa ti kOmulevi: “Lya utale tango. Otashi ku koleke. Opo ihe tamu vulu okuya”
6 Osho ngaaka aalumentu mboka yaali oya kuutumba e taa li e taa nu. Nena he yomukadhona okwa ti kuye: “Zimina, u lale muka e to nyanyukwa.”
7 Omulevi okwa thikama, a ye, ihe hemweno okwe mu indile noonkondo, onkee okwa lala mo natango uusiku umwe. 8 Ongula onene yesiku etitano okwa penduka, a ye, ihe he yomukadhona okwa ti: “Alikana, lya iikulya, mu ye komatango.” Osho aalumentu mbeyaka yaali oya lile pamwe.
9 Omulumentu, oshikumbu she nomupiya gwe sho ya tameke okuthikama, he okwa ti: “O, etango otali peguka; laleni ano mpaka. Otaku ka luudha mbala; kaleni mpaka, mu nyanyukwe. Ngula otamu vulu okumeneka, mu idhenge mondjila, mu ye kegumbo.”
10-11 Ihe omulumentu okwa li inaa hala okulala we nkoka, onkee yo noshikumbu she nomupiya gwe oyi idhenge mela lyondjila nuusino wawo uyali u na iithala. Olya li lya toka nokuli, sho ye ya popepi naJebus (tashi ti Jerusalem), onkee omupiya okwa ti kumwene gwe: “Omolwashike itaatu kankama, tu lale moshilando shAayebusi?”
12-13 Ihe mwene okwa ti: “Itatu kankama moshilando shaa shi shAaisraeli. Otatu pitilile po, tu tsikile kashona, tu ka laleni puGibea nenge puRama.” 14 Osho ya pitilile Jebus noya tsikile ondjila yawo. Sho ye ya muGibea moshilongo shAabenjamin, etango otali ningine nokuli. 15 Oya paguka mondjila noya lala mwiyaka. Oya yi moshilando noya kuutumba pomapindikilo, ihe kakwa li ngoka e ya taamba maandjawo uusiku mboka.
16 Manga ya li mpoka, omusamane gumwe omukulupe okwe ya pomuzimbuko gwiilonga ta zi komapya. Ye mwene ogwoshilongo shokoondundu dhaEfraim, ihe nena okwa li muGibea. (Aantu yalwe muGibea oyomezimo lyaBenjamin.) 17 Omusamane omukulupe okwa ndhindhilike omweendanandjila pomapindikilo nokwe mu pula: “Oto zi peni noto yi peni?”
18 Omulevi okwa yamukula: “Otwa yile kuBetlehem shomuJuda, nonena otu li mondjila tu uka kegumbo li li kokule moshilongo shokoondundu dhaEfraim. Kaku na ngoka e tu taamba maandjawo, tu lale mo, 19 nando ngame, mukwetu nomupiya gwandje otu na oshikwiila nomaviinu niikulya yuusino wandje. Otu na ayihe tatu yi pumbwa.”
20 Omusamane omukulupe okwa ti: “Otamu taambwa megumbo lyandje. Otandi mu sile oshimpwiyu, inamu tokelwa pomapindikilo.” 21 Okwe ya taamba maandjawo e ta palutha uusino wawo. Aayenda ye oyi iyogo koompadhi noya li uulalelo.
22 Oya li ya nyanyukwa, sho ohaluka aakongi yiipala oya zi moshilando noya kunduka egumbo e taa dhenge omweelo. Oya ti komusamane omukulupe: “Piitha mo omulumentu ngoka e ya maandjeni. Otwa hala, tu lale naye.”
23 Ihe omukulupe okwa yi pondje e ta ti kuyo: “Aawe, itashi vulika, ookuume kandje! Alikana, inamu longa iihuna yi thike mpoka! Omulumentu nguka omuyenda gwandje. 24 Taleni, oshikumbu she osho shika nomumwandje omukadhonalela. Otandi ye mu etele pondje ngashingeyi. Ningeni nayo shoka mwa hala. Ihe omulumentu inamu mu ningila iihuna yi thike mpoka.” 25 Ihe aalumentu inaye mu pulakena. Osho Omulevi okwa kutha oshikumbu she e te shi unzile pondje puyo. Oyo ye shi kutha e taa lala nasho uusiku auhe, sigo otaku shi.
26 Pepito lyetango omukiintu okwe ya e ti imbwata popepi nomweelo gwegumbo lyomusamane omukulupe, moka mwa li omulumentu gwe. Okwa kala mpoka, sigo etango tali piti. 27 Omulumentu gwe sho a penduka ongula ndjoka nokwe egulula omweelo, a ye, okwa mono oshikumbu she sha lala pomweelo gwegumbo nomaako gu uka komweelo. 28 Okwa ti: “Penduka, tu ye.” Ihe inashi yamukula sha. Okwa kambakaneke omudhimba gwasho kokasino e ta tsikile ondjila ye yu uka kegumbo.
29 Sho a thiki, okwa yi megumbo e ta kutha oshimbele. Okwa kutha omudhimba gwoshikumbu she, okwe gu tete miitopolwa omulongo niiyali e ta tumu oshitopolwa shimwe kukehe limwe lyomazimo gaIsrael omulongo nagaali. 30 Shaa ngoka e shi mono, okwa ti: “Inatu shi uva nando onale, iihuna yi thike mpaka! Iinima mbika inayi ningwa, hela Israel a tembuka muEgipiti! Otu na okuninga po sha. Oshike nee?”
