Ouyapostoli nelininipiko
1 Keshe umwe ne tu tale ofye ovapiya vaKristus, nomalenga oiholekwa yaKalunga. 2 Ndele komesho yoinima aishe omalenga otaa pulwa oudiinini. 3 Ndelenee oshinima shinini kwaame ngeenge handi tokolwa kunye, ile ketokolo lopanhu; naame mwene itandi litokola, 4 osheshi meliudo lange kamu na sha, ndele hasho tashi pe nge ouyuki, osheshi omutokoli wange oye Omwene. 5 Hano inamu tokola sha manga efimbo inali fika, fimbo Omwene ine uya, ou ta holola ei ya holekwa momulaulu, nomadilongo omutima ote a holola; opo nee keshe umwe ota pewa epandulo laye kuKalunga.
6 Oinima ei, ovamwatate, ofye naApollos otwe i liyeleka omolweni, opo mu lilonge okuhakoya kombada yaasho sha shangwa, opo muhe linenepeke nokupopila umwe nokudina omukwao. 7 Osheshi olyelye te ku tula komesho? Noshikwashike eshi u shi kwete, ino shi pewa? Ndele ngeenge owe shi pewa, oshike to litange wa fa ino shi pewa? 8 Ndele nye omwa kuta, mwa punapala nokuli, mwa ninga nokuli mwa fa eehamba muhe na nafye! Heeno, ngeno mwa ninga ovapangeli, nafye yo tu pangele pamwe nanye! 9 Osheshi ondi shii fye ovayapostoli twa tulwa kuKalunga konima yaaishe, ngaashi ava va yandjwa kokufya; otwa ninga nokuli oshiyolifa shounyuni aushe, shovaengeli noshovanhu. 10 Ofye omalai omolwaKristus, nye ovanamayele muKristus, ofye oingone, nye ovanaenghono; onye mwa fimana, fye otwa dinika. 11 Fiyo okefimbo eli otwa fya ondjala notwa fya enota, otu li hamunghele nohatu dengwa, notuhe nomutumba, 12 ohatu lihepeke nokulikwafa nomake etu. Ohatu popiwa nai, ndele ohatu nangeke noupuna; hatu tewatewa, ndele fye ohatu lididimike; 13 hatu lundilwa, fye ohatu popi nombili; fye otwa talika ngaashi oshala shounyuni aushe, fye oonakweefiwa kwaaveshe fiyo onena eli.
14 Eshi itandi shi shange ndi mu fife ohoni, ndelenee oku mu kumaida ngaashi ovamwange ovaholike. 15 Osheshi nande omu kale mu novatekuli omayovi omulongo muKristus, kamu nooxo vahapu; osheshi ame onde mu dala muKristus Jesus okevaengeli. 16 Onghee ohandi mu kumaida; ningeni ovahopaeleli vange. 17 Onghee nde mu tumina Timoteus, ou omumwange omuholike nomudiinini mOmwene, oye te mu dimbulukifa okweenda kwange muKristus, nhumbi handi longo apeshe nomeongalo keshe. 18 Vamwe ove linenepeka, ve shii ame ihandi uya kunye. 19 Ndelenee Omwene ngeenge e shi hala, ohandi uya diva kunye, opo nee ohandi ka pula haendjovo dovalinenepeki adike, ndelenee neenghono yo davo. 20 Osheshi ouhamba waKalunga kau fi womeendjovo, ndelenee omeenghono. 21 Shilipipo mwa hala? Ondi uye kunye ndi noshimwati, ile onohole nomhepo ya lota?
Omuyapostoli gwaKristus
1 Ano natu talwe kutya otse aayakuli yaKristus, mboka twa pewa iipatululo yegumbo lyiiholekwa yaKalunga. 2 Omusilishimpwiyu kehe ota tegelelwa, a kale omwiinekelwa. 3 Ngame polwandje kandi na ko nasha nokupangulwa kune nenge kompangu yilwe yopantu. Itandi vulu nokuli okwiipangula ngame mwene. 4 Ondi na eiyuvo lya yela, ihe itashi ti ando kutya kandi na oondjo. Omuwa oye omupanguli gwandje. 5 Onkee ano inamu pangula nando olye, esiku lyu uthwa manga inaali thika. Epangulo oli na okutegelela sigo uuna ndoka Omuwa mwene te ya. Oye te ke eta puuyelele iiholekwa ayihe mbyoka aantu ye yi longa momilema, nota ka holola wo omadhiladhilo gawo ngoka ga holama. Nena kehe gumwe ota ka pewa esimano kuKalunga, ndyoka e li ilongela.
6 Aamwamene, oshinima shika onde shi ukitha kombinga yaApollos noyandje mwene, oshoka onda gama kune. Ondu ulike kutse yene, opo mu ilonge kutya eyele ndika otali ti shike: “Ino konda shoka shu uthwa.” Inaku kala nando ogumwe mokati keni ti itangele nguka ye ta dhini ngwiyaka. 7 Olye e ku ningi u vule yakweni? Oshike shono u na inoo shi pewa kuKalunga? Onkee oto vulu ngiini okwiitanga wa fa iinima ayihe inoo yi pewa omagano?
8 One omu na nale ashihe shoka mwa pumbwa. One aayamba. One omwa ningi aakwaniilwa, nonando tse katu shi aakwaniilwa. Onda halele, mu kale mwa ninga lela aakwaniilwa, opo natse wo tu ninge aakwaniilwa pamwe nane. 9 Onde shi tala kutya tse aayapostoli otwa pewa kuKalunga ehala lya dhinika. Tse otwa fa aantu ya tokolelwa eso montaneho yaayehe. Muuyuni otu li mo twa tongololwa kaantu nokaayengeli. 10 Otse aagoya molwaKristus, ihe ne aanandunge muukumwe naKristus. Otse aankundi, ihe ne aanankondo. Tse otwa dhinika, ihe ne otamu simanekwa. 11 Sigo ongashingeyi otu li po twa sa ondjala nenota, twa zalekwa iinyanyu, otatu dhengwa, otatu endagula koombinga noombinga. 12 Otatu longo twa mana mo, opo tu imonene iipalutha. Otatu yambeke mboka taye tu thingi. Ngele tatu tidhaganwa, otatu idhidhimike. 13 Ngele tatu popiwa nayi, otatu yamukula noohapu oombwanawa. Ethimbo alihe otse otwa fa oshilambo shiiyagaya muuyuni mbuka nondoya yevi ndika.
14 Moku mu nyolela ngeyi itandi shi ningi ando nda hala oku mu sitha ohoni, ihe otandi shi ningi, ndi mu longe oondunge ongaamwandje aaholike. 15 Oshoka mokukala kweni muKristus nando omu kale mu na aalongi omayuvi omulongo, omu na owala ho gumwe awike. Oshoka ngame onda ningi ho mokukala kweni muKristus Jesus, sho nde mu uvithile elaka etoye. 16 Onkee otandi mu indile, mu landule oshiholelwa shoka tandi shi mu ulukile. 17 Omolwoshinima shika otandi mu tumine Timoteus. Oye omumwandje omuholike nomwiinekelwa mOmuwa. Oye te ke mu dhimbulukitha omikalo adhihe ndi dhi na mokukala kwandje akuhe muKristus Jesus, naandhoka tandi longo aantu momagongalo agehe.
18 Yamwe yomokati keni oya tameke okwiinenepeka, sho taa dhiladhila kutya itandi ya we, ndi mu talele po. 19 Omuwa ngele okwe shi hala, otandi ke ya mbala, ndi mu talele po notandi ki imonena ko mwene shoka aayinenepeki haa vulu okuninga, itaaku talwa owala okupopya kwawo. 20 Oshoka Oshilongo shaKalunga kashi shi oshinima shokupopya kwowala, ihe oshinima shi na oonkondo. 21 Otamu hogolola po shini? Nandi ye kune ndi na ongola nenge nandi ye ndi na omutima gu udha ohole nombili?
