Jesus ta velula omupiya womukulunhu wovakwaita
1 Ndele eshi a mana okupopya eendjovo edi adishe momatwi ovanhu, okwa ya nee kuKapernaum. 2 Ndele oko okwa li omunefele e na omupiya a vela unene, hinga a fye, ndele ye okwa li e holike kuye. 3 Ye eshi a kundana Jesus, okwa tuma ovakulunhu vOvajuda kuye, ndele ve mu indila, e uye a velule omupiya waye. 4 Hano ava eshi ve uya kuJesus, ove mu indila shili va tya: “Okwa wana okukwafwa kwoove, 5 Osheshi oku hole oshiwana shetu ndele okwe tu tungila oshinagoga.” 6 Opo Jesus okwa ya ko pamwe navo. Hano eshi a li ehe li vali kokule neumbo laye, omunefele okwa tuma ko ookaume kaye vamwe ve mu lombwele: “Omwene, ino lihepeka, osheshi ame inandi wapala u uye meumbo lange. 7 Onghee nde litala inandi wana ndi uye mwene kwoove, ndelenee tonga ashike ondjovo imwe, omupiya wange ta veluka. 8 Osheshi naame yo omupangelwa, ndele ondi na ovakwaita mepangelo lange, ndele ohandi lombwele ou: ‘Inda,’ ndele ta i, nomukwao: ‘Ila,’ ndele te uya, nokomupiya wange: ‘Shi longa,’ ndele te shi longo.” 9 Ndele Jesus eshi e di uda, okwe mu kuminwa ndele a pungulukila kovanhu ve mu shikula, ndele ta ti: “Ohandi mu lombwele: Eitavelo linene li fike apa inandi li mona nomuIsrael.” 10 Ndele ovatumwa eshi va aluka ko ve uya keumbo, ova hanga omupiya a veluka.
Jesus ta nyumuna omumati womufiyekadi
11 Ndelenee opa ningwa, Ye okwa ya koshilando edina lasho Nain, novalongwa vaye novanhu vahapu ova enda pamwe naye. 12 Ndele eshi a ehena koshivelo shoshilando, tala, omufi a humbatwa mo, omumati ewifa laina omufiyekadi, novanhu vahapu vomoshilando ove mu findikila. 13 Ndele Omwene eshi e mu mona okwe mu etififa olukeno ndele okwa tya kuye: “Ino lila.” 14 Nokwa ehena ko ndele ta kumu kolutala, ovahumbati ova kanghama. Ye okwa tya: “Omunyasha, ohandi ku lombwele, penduka po.” 15 Nakufya okwa kala omutumba, ndele okwa hovela okupopya. Ye okwe mu pa ina. 16 Ndele aveshe ova kwatwa ketilo ndele ova hambelela Kalunga tava ti: “Omuxunganeki munene a holoka mokati ketu, naKalunga e uya a tale ovanhu vaye.” 17 Netumbalo eli laye ola udika muJudea ashishe nokomikunda adishe domoushiinda.
Johannes Omushashi ta tumu kuJesus
18 Ndele Johannes okwa hepaululilwa aishe ei kovalongwa vaye. 19 Opo Johannes okwa ifana ovalongwa vaye vavali, ndele okwe va tuma kOmwene okupula: “Oove tuu ou onakuuya, ile natu teelele umwe?” 20 Ndele ovalumenhu venya eshi va fika kuye ova tya: “Johannes Omushashi okwe tu tuma kwoove, ndele ta ti: ‘Oove tuu ou onakuuya, ile natu teelele umwe?’ ” 21 Ndele mefimbo tuu olo ye okwa velula vahapu va li ve kwetiwe komaudu nokeemhepo dii, novapofi vahapu okwe va pashula. 22 Ndele Ye okwe va nyamukula ta ti: “Indeni mu ka hepaululile Johannes ei mwe i mona nomwe i uda: ovapofi otava mono ko, noingudu tai ende, ovanashilundu tava yela, novafitamatwi tava udu ko, ovafi otava nyumunwa, neehepele tadi udifilwa evaengeli. 23 Nomunelao oye ou ita limbililwa nge.”
Jesus ta hepaulula Johannes
24 Ovatumwa vaJohannes eshi va dja po, okwa hovela okuhepaululila eengudu dovanhu Johannes, ta ti: “Mombuwa omwa ile mu ka tale shike? Olumbungu mbela tali nyenganyengifwa komhepo? 25 Ile omwa ile mu ka tale shike? Omunhu mbela a djala oikutu iwa ipu? Tala ovanhu hava djala oikutu iwa ipu, ove li meengulu deehamba. 26 Ile omwa ile mu ka tale shike? Omuxunganeki mbela? Oshili handi mu lombwele: Ye oku dule omuxunganeki. 27 Oye tuu ou a shangwa kwa tiwa: ‘Tala, ohandi ku tetekelifile omutumwa wange, te ku longekidile ondjila yoye komesho yoye.’ 28 Ohandi mu lombwele: mokati kaava va dalwa kovakainhu kaku nomunene e dule Johannes, ndele ou munini e dulike kwaaveshe mouhamba waKalunga, oye e mu dule.” 29 Ndele ovanhu aveshe ava va li ve mu uda, novafutifi yo ova hepaulula Kalunga Oye omuyuki, ndele ove lishashifa eshasho laJohannes. 30 Ndelenee Ovafarisai novanongo vomhango ova dina omhangela yaKalunga molwaashi inave liyandja va shashwe kuye. 31 Jesus ta twikile: “Ndelenee Omwene okwa tya: Ovanhu vepupi eli ohandi va yeleke nashike nova fa lyelye? 32 Vo ova fa ounona ve li omutumba poilandelo, tava ingidafana ndele tava ti:
‘Otwe mu shikila eenyalilo,
nye inamu tutula oudano;
notwa imba omaimbilo eenghali,
ndele onye inamu lila.’
33 “Osheshi Johannes Omushashi e uya ina lya omungome, ye ina nwa omaviinyu, nye otamu ti: ‘Oku kwetiwe kondemoni.’ 34 Omona wOmunhu e uya, ha li ndele ha nu, nye otamu ti: ‘Tala, omufukenhu ou nongholwe, kaume kovafendelifi nokovalunde.’ 35 Ndelenee ounongo wa hololwa kovana aveshe vavo nokutya owa yuka.”
Jesus ta vaekwa komukainhu omulunde
36 Ndele umwe womOvafarisai okwe mu ifana a lye pamwe naye, Ye okwa ya meumbo lOmufarisai ndele okwa kala omutumba poshililo. 37 Ndele tala, moshilando omo omwa li mu na omukainhu omulunde, ye eshi a uda kutya Jesus e li meumbo lOmufarisai e li omutumba poshililo, okwe uya mo e noshanga yomaadi a nyika nawa unene. 38 Nokwa ehena konima yaye peemhadi daye, ta lili, ndele ta hovele okututika eemhadi daye nomahodi ndele te di pushula neexwiki dokomutwe waye, ndele ta fipi eemhadi daye ndele te di vaeke nomaadi a nyika nawa. 39 Ndele Omufarisai ou e mu ifana eshi e shi mona, okwe lipopila mwene meni laye, ta ti: “Ou ngeno omuxunganeki, ngeno a koneka omukainhu ou omushike nokwa tya ngahelipi, nokutya, ye omulunde.” 40 Ndele Jesus okwe mu nyamukula ta ti: “Simon, ondi na ondjovo oku ku lombwela.” Ye okwa tya: “Omuhongi, popya.” 41 “Okwa li ku nomuyandji woikolo e novanhu vavali ve mu lila oikolo, umwe okwe mu lila oikolo yeedenari omafele atano, nomukwao omilongo itano. 42 Ndele eshi va nyengwa okufuta, okwe di va dimina po aveshe ovo vavali. Olyelye hano mwaava vavali ta kala e mu hole e dule mukwao?” 43 Ndele Simon okwa nyamukula, ta ti: “Ndishi oye ou a diminwa po dihapu.” Ye okwa tya kuye: “Wa tokola nawa.” 44 Ndele mokupungulukila komukainhu okwa tya kuSimon: “Omukainhu ou mu wete ou? Ame nde uya meumbo loye, ove ino pa nge omeva okukosha eemhadi, ou a tutika eemhadi dange nomahodi ndele okwe di fetifa eexwiki daye. 45 Ove ino fipa nge komilungu, ndele ou nghee tuu e uya mo ina efa okufipa eemhadi dange. 46 Ove ino vaeka omutwe wange nomaadi, ndele ou okwa vaeka eemhadi dange nomaadi. 47 Hano handi ku lombwele: Ou okwa diminwa po omatimba mahapu, onghee oku na ohole ihapu, ndele ou ta diminwa po manini, ye oku na ohole inini.” 48 Nokwa tya komukainhu: “Omatimba oye okwa dimwa po.” 49 Ovaenda vokoshililo ova hovela okudiladila: “Ou olyelye, nomatimba eshi te a dimi po?” 50 Ndele Ye okwa tya komukainhu: “Eitavelo loye le ku xupifa, inda nombili.”
Jesus ta aludha omumati gwomukuluntu gwaakwiita
(Mat. 8:5-13)1 Jesus sho a mana okulombwela aantu oohapu ndhoka, okwa yi kuKapernaum. 2 Omukuluntu gwaakwiita Omuroma okwa li e na omumati gwe e mu hole ta alukwa e li pokusa. 3 Omulumentu nguka sho a kundana Jesus, okwa tumu aakuluntu yAajuda kuye oku mu indila, e ye, a aludhe omumati gwe. 4 Oyo oye ya kuJesus noye mu hehela nuupenda ya ti: “Omulumentu nguka okwa gwana okukwathwa kungoye. 5 Oye oku hole oshigwana shetu shAajuda nokwe tu tungila osinagoga.”
6 Jesus okwa yi pamwe nayo. Manga inaa thika pegumbo, omukuluntu gwaakwiita okwa tumu ookuume ke yamwe kuJesus, ye mu lombwele kutya: “Omuwa, ino ihepeka owala, oshoka ngame inandi opala, u ye megumbo lyandje. 7 Ngame sho ndi itala, inandi opala, ndi ye kungoye. Popya owala ohapu yimwe, omumati gwandje nota aluka. 8 Oshoka nangame wo omuntu omupangelwa, ihe ondi na aakwiita mepangelo lyandje. Otandi lombwele nguka. ‘Inda!’ nota yi. Otandi lombwele nomukwawo: ‘Ila!’ note ya. Sho tandi lombwele nomupika gwandje: ‘Longa shika!’ ote shi longo.”
9 Jesus sho e shi uvu, okwa kumwa nokwa taalele kongundu yaantu mboka ya li taye mu landula e ta ti kuyo: “Otandi mu lombwele, nomAaisraeli inandi mona mo nando omuntu gumwe e na eitaalo li thike pundika.”
10 Ano aatumwa sho ya galukile megumbo, oya adha omumati a aluka nale.
Jesus ta yumudha omuna gwomuselekadhi
11 Inapu pita ethimbo ele, Jesus okwa yi koshilando, edhina lyasho Nain. Aalongwa ye nongundu onene yaantu oye mu landula. 12 Sho a thiki peelo lyoshilando, okwa tsakanene naantu yi inda omudhimba taa yi kefumviko lyomumati a valwa awike, kuyina omuselekadhi. Ongundu onene yaantu yomoshilando oya thindikile omuselekadhi. 13 Omuwa sho a mono omuselekadhi ngoka, okwe mu uvile olukeno e ta ti kuye: “Ino lila we.” 14 Jesus okwa hedha popepi nokwa gumu ontala hoka kwa indwa omudhimba, aayindi noya thikama. Nena Jesus okwa ti: “Mugundjuka, otandi ku lombwele, penduka po!” 15 Omumati ngoka a li a sa, okwa penduka nokwa tameke okupopya. Jesus nokwa ti: “Omumwoye oye ngu.”
16 Aantu oya tameke okutila noya hambelele Kalunga ya ti: “Omuhunganeki omunene a holoka mokati ketu. Kalunga okwe ya okuhupitha aantu ye.”
17 Ehokololo ndika tali popi shoka Jesus e shi ningi, olya taandele muJudea ashihe nomomikunda dhopuushiinda.
Aatumwa ya zi kuJohannes Omushashi
(Mat. 11:2-19)18 Aalongwa yaJohannes oye mu hokololele ayihe mbika. 19 Nena Johannes okwi ithana yaali yomaalongwa ye nokwe ya tumu kOmuwa oku mu pula: “Ongoye tuu nguka nakuya, nenge otu na okutegelela gulwe?”
20 Ano aalongwa mbeyaka sho ya thiki kuJesus, oya ti: “Johannes Omushashi okwe tu tumu kungoye, tu pule: ‘Ongoye tuu nguka nakuya, nenge otu na okutegelela gulwe?’ ”
21 Pethimbo tuu ndyoka Jesus okwa aludha aantu oyendji ya li ye na omavu, omauwehame noompwidhuli nokwa tonatitha aaposi. 22 Oye okwa yamukula aalongwa yaJohannes a ti: “Indeni, mu ka hokololele Johannes mbyoka mwe yi mono nomwe yi uvu: Aaposi otaa mono ko, iilema otayi ende, aanashilundu otaa yele, oombolo otaa uvu ko, aasi otaa yumudhwa noohepele otaa uvithilwa elaka etoye. 23 Ihe omunelago oye tuu ngoka itaa etha ndje.”
24 Ano aalongwa yaJohannes sho ya yi, Jesus okwa tameke okulombwela aantu ta popi Johannes ta ti: “Mombuga omwa yile, mu ka tale shike? Enenge tali nyenganyengithwa kombepo? 25 Nenge omwa yile, mu ka tale shike? Omuntu a zala oonguwo dho opala? Tala, aantu mboka haa zala oonguwo tadhi adhima, oye li muutoye moombala dhaakwaniilwa. 26 Lombwelii ndje, mombuga omwa ka talele tuu shike? Omuhunganeki andola? Ongame tandi mu lombwele: Oye e vule omuhunganeki. 27 Oye tuu ngoka a nyolwa kwa tiwa: ‘Ongame tandi tumu omutumwa gwandje, e ku tetekele. Oye ngoka te ku opalekele ondjila.’ 28 Ongame tandi mu lombwele: Kaku na nando ogumwe gwomaantu omunene e vule Johannes Omushashi. Ihe mOshilongo shaKalunga ngoka omushuushuka kwaayehe oye e mu vule.”
29 Aantu ayehe naafendelithi mboka ya li ya pulakene euvitho lyaJohannes, oya vulika kehalo eyuuki lyaKalunga e taa shashwa kuJohannes. 30 Ihe aafarisayi naanongompango inaa vulika kehalo lyaKalunga, onkee oya tindi okushashwa kuJohannes.
31 “Ihe aantu yopethimbo ndika otandi ya yeleke nashike? Oya fa shike? 32 Oya fa uunona wa kuutumba pomalandelo tau igidhile uukwawo e tau ti: ‘Otse twe mu hakelele, ihe ne inamu tutula uudhano. Otse notwi imbi omaimbilo goosa, ihe ne inamu lila.’ 33 Johannes Omushashi okwe ya, ti idhilike iikulya ye ita nu omaviinu, ihe ne otamu ti: ‘Oye oku na oompwidhuli.’ 34 Omuna gwOmuntu okwe ya, ta li ye ta nu. One notamu ti: ‘Tala komufukedhi nonkolwi, kuume kaafendelithi nokaalunde.’ 35 Ihe uunongo waKalunga owa hololwa u uka kwaayehe mboka ye u taamba.”
Jesus maandjaSimon omufarisayi
36 Omufarisayi gumwe okwa hiya Jesus, a lye pamwe naye. Jesus okwa yi megumbo lye nokwa kuutumba e ta li. 37 Moshilando shoka omwa li mu na omukiintu a li a kala muulunde. Sho u uvu kutya Jesus oku li megumbo lyomufarisayi ta li, okwa yi mo e na ohanga yu udha omugwayo. 38 Oye okwa thikama lwokonima yaJesus poompadhi dhe nokwa tameke okulila e ta thetitha oompadhi dhaJesus nomahodhi ge nokwe dhi kukutike nomafufu gokomutse gwe. Nena okwa simaneke Jesus nokuhupita oompadhi dhe nokwe dhi gwayeke omugwawo gwa nika nawa. 39 Ihe omufarisayi ngoka a hiya Jesus sho e shi mono, okwi ipopile a ti: “Omulumentu nguka ngele omuhunganeki, okwa li e na okutseya wo omukiintu nguka e mu gumu kutya omulunde.”
40 Jesus okwe mu lombwele a ti: “Simon, onda hala, tu popye po.” Oye a yamukula: “Oshike, Muhongi?”
41 Jesus okwa ti kuye: “Okwa li ku na omuyamba gumwe a lilwa iimaliwa kaantu yaali: Gumwe okwe mu lile oongunga dhiimaliwa omathele gatano nomukwawo omilongo ntano. 42 Ano sho ya li kaaye na shoka taa futu, okwe dhi ya dhimine po ayehe. Olye ano gwaambaka yaali ta kala e na ohole oyindji?”
43 Simon okwa yamukula a ti: “Ndishi oye ngoka a dhiminwa po oongunga odhindji.”
Jesus okwa ti kuye: “Eyamukulo lyoye oli li mondjila.” 44 Opo Jesus okwa tala omukiintu ngoka nokwa ti kuSimon: “Omukiintu nguno ou mu wete? Ongame sho nde ya megumbo lyoye, ino pa ndje omeya gokwiiyoga koompadhi, ihe omukiintu nguno okwa theta oompadhi dhandje nomahodhi ge e te dhi kukutike nomafufu gokomutse gwe. 45 Ngoye ino thipa ndje komilungu, ihe omukiintu nguno, sho nde ya mo, ine etha okusimaneka ndje nokuthipa oompadhi dhandje. 46 Ngoye ino gwayeka omutse gwandje nomagadhi, ihe ye okwa gwayeke oompadhi dhandje nomugwayo gwa nika nawa. 47 Onkee ano otandi ku lombwele: Omukiintu nguno sho a holola ohole oyindji, osha ulike wo kutya okwa dhiminwa po oondjo odhindji. Oshoka ngoka a dhiminwa po oondjo oonshona, oku na wo ohole onshona.”
48 Jesus okwa ti komukiintu: “Oondjo dhoye odha dhimwa po.”
49 Aantu mboka ya li ya kuutumba poshililo, oya tameke okupulathana ya ti: “Nguka olye ano, ta vulu okudhima po oondjo?”
50 Opo Jesus okwa lombwele omukiintu: “Eitaalo lyoye lye ku hupitha. Inda nombili.”
