Paulus ta hovele olweendo lotete letumo
1 Ndele meongalo lomuAntiokia omwa li ovaxunganeki novalongindjovo Barnabas naSimeon a lukwa Nigeri naLukius Omukireni, naManahen, ou a tekulilwa pamwe naHerodes, omupangeli woshitine, naSaulus. 2 Ndele fimbo tava ningi elongelokalunga lokulongela Omwene nove lidilika eendja, Omhepo Iyapuki oya tya kuvo: “Yoololelei nge Barnabas naSaulus va ka longe oshilonga osho nde shi va ifanena.” 3 Ndele eshi ve lidilika eendja ndele tava ilikana, ve va tenheka omake nove va lekela.
Paulus muKipro
4 Hano ava ngaashi va tumwa kOmhepo Iyapuki, ova ya kuSeleukia, ndele oko nee va dja, tava yauka, ndele tava i kuKipro. 5 Ndele eshi va fika kuSalamis, ova udifa eendjovo daKalunga meeshinagoga dOvajuda; vo va li naJohannes, omuyakuli wavo.
6 Ndele eshi va endaenda onhunhu ei aishe fiyo omuPafo, ova hanga mo omhule, omuxunganeki omunaipupulu, Omujuda, edina laye Barjesus. 7 Ye okwa li ha kala pomupangeli wonhunhu Sirgius Paulus, ou a li omulumenhu omunaendunge, nokwa ifana Barnabas naSaulus, a hala okuuda eendjovo daKalunga. 8 Ndele omhule ei Elimas, osheshi osho edina laye tali lundululwa, okwe va twila ondubo a hala okulimbilika omupangeli aha itavele. 9 Ndele Saulus, ou a lukwa Paulus, mokuyadifwa Omhepo Iyapuki okwe mu tala nokutongolola 10 ndele ta ti: “Omona waSatana ove, ou yadi oihelele noukolokoshi keshe, ove omutondi wouyuki aushe, ito efa nande okupengifa eendjila da yuka dOmwene. 11 Ndele paife eshi, tala, eke lOmwene oli li kombada yoye, ndele to twika uha mone etango omafiku amwe.” Opo tuu opo omulaulu fokofoko owe mu tuvikila, ye ta pumauka ta kongo ou te mu kwata komhango. 12 Opo nee omupangeli eshi a mona osho sha ningwa po, okwa itavela ndele a kuminwa omalongo Omwene.
Paulus ta udifa muAntiokia shomuPisidia
13 Ndele Paulus naava va li pamwe naye, eshi va dja muPafo, ova yauka vali, va ya kuPerge shomuPamfilia, oko Johannes okwa tukuka navo, ndele okwa shuna kuJerusalem. 14 Ndelenee vo ova dja muPerge ndele tava ehene ko, va fika kuAntiokia shomuPisidia nomefiku lEshabata ova ya moshinagoga ndele tava kala omutumba. 15 Ndele omhango novaxunganeki eshi ya leshwa, oovene voshinagoga ova tuma kuvo ndele tava ti: “Ovalumenhu nye ovamwatate, ngeenge mu nondjovo yekumaido yokulombwela ovanhu, popyeni hano.” 16 Opo nee Paulus a fikama ndele e va mweneka neke ndele ta ti:
“Ovalumenhu nye Ovaisraeli, nanye vamwe hamu tila Kalunga, pwilikineni! 17 Kalunga ou koshiwana eshi shaIsrael okwa hoolola ootate, noshiwana eshi shetu e shi lenga fimbo va kala ovanailongo medu laEgipiti ndele te va pitifa mo nokwooko kwaye kwa yeluka. 18 Ndele okwe lididimikila eenghedi davo mombuwa efimbo li fike lwopomido omilongo ine, 19 ndele okwa nyona po oiwana iheyali ya kala medu laKaanan, nedu lavo okwe li va tukulila efyuululo. 20 Ndele eshi sha ningwa mefimbo li fike lwopomido omafele ane nomido omilongo itano. Ye okwe va pa ovapangelitokoli fiyo okomuxunganeki Samuel. 21 Ndele opo nee vo ve lihalela ohamba, ndele Kalunga okwe va pa Saul, omona waKis, omulumenhu womepata laBenjamin. Osho ngaha pa pita omido omilongo ine. 22 Ndele eshi ye e mu shundula, okwe va tumbila David, a ninge ohamba, ngaashi Ye e mu tonga, ta ti: ‘Ame onda mona David, omona waIsai, omulumenhu nde mu hokwa komutima wange, ndele ye ota wanifa ehalo lange alishe.’ 23 Omoludalo laau, Kalunga okwa pendulila Israel Omukulili Jesus, ngaashi e shi udaneka, 24 Oye eshi a holoka, okwa hanga Johannes ta udifile oshiwana ashishe shaIsrael eshasho lelidilululo. 25 Ndele pokuxulifa okweenda kwaye, Johannes okwa tya: ‘Aame haame ou tamu diladilile nge, tala, ohandi shikulwa kwaau, inandi wana okuditula nande omiya deenghaku dokeemhadi daye.’
26 “Ovalumenhu nye ovamwatate, onye ovana vomoludalo laAbraham, nanye ava vamwe hamu tila Kalunga, fye otwa tuminwa ondjovo yexupifo eli. 27 Osheshi Ovajerusalem novakulunhu vavo eshi inava koneka Jesus, omoku mu tokola, va wanifa yo eendjovo dovaxunganeki, edi hadi leshwa keshe Eshabata. 28 Ndele nande inava mona mo muye etimba lokufya, ova indila Pilatus e mu yandje a dipawe. 29 Ndele eshi va wanifa ngaha omishangwa adishe de mu popya, ove mu kufa ko komuti nove mu nangeka mombila. 30 Ndelenee Kalunga okwe mu nyumuna movafi. 31 Ndele momafiku mahapu e lihololela venya va dile kuGalilea ve uya pamwe naye kuJerusalem, nopaife ovo eendobwedi mokati kovanhu. 32 Hano fye ohatu mu udifile eenghundana diwa nokutya, eudaneko linya Kalunga e li pa ootate, 33 okwe li wanifila ovana, ofye tuu ava, eshi e tu nyumunina Jesus. Ngaashi mwa shangwa mEpsalome etivali:
‘Oove Omona wange,
onena eli nde ku dala.’
34 Ndele eshi e mu nyumuna movafi, Oye ke na vali okushuna mefyo, mokupopya ota ti:
‘Ohandi ke mu pa omapuniko mayapuki a pama aDavid.’
35 Opo nee ta popi yo monhele imwe:
‘Omuyapuki woye ito efa a mone eolelo.’
36 Osheshi David eshi a longele ehalo laKalunga pefimbo laye, okwa kofa, ndele okwa ongelwa pooxekulu, ndele okwa mona eolelo. 37 Ndelenee ou a nyumunwa kuKalunga ina mona eolelo. 38 Opo nee hano ovalumenhu nye ovamwatate, kaleni mu shi shii, omolwaau nye otamu udifilwa ekufilepo lomatimba. 39 Ndele moinima ei aishe mwa nyengwa okuyukipalifwa komhango yaMoses, omwaau keshe ou ta itavele, ota ningi omuyuki. 40 Litaleni hano, muha hangike kwaashi sha popiwa kovaxunganeki:
41 ‘Taleni onye ovadini,
mu kumwe, nye mu nyonauke po,
osheshi ame ohandi longo oshilonga shimwe
momafiku aa eni,
heeno, oshilonga eshi, ngeno mu shi lombwelwe,
itamu shi itavele.’ ”
Ovayapostoli tava ame kovapaani
42 Ndele vo eshi va dja mo moshinagoga, ova indilwa va hepaulule eendjovo edi nomEshabata tali uya. 43 Ndele eshi va dja mo moshinagoga nova hanauka, Ovajuda vahapu novatilikalunga ova shikula Paulus naBarnabas, ndele ava ove va longa nove va kumaida okukala monghenda yaKalunga.
44 Ndele mEshabata la shikula hanga oshilando ashishe sha ongala okuuda eendjovo daKalunga. 45 Ndele Ovajuda eshi va mona eengudu dovanhu, ova yada ondubo unene, nova twifa Paulus eemhata ndele va sheka eendjovo daye. 46 Opo nee Paulus naBarnabas ova popya nouladi tava ti: “Onye tuu ava mu nokuudifilwa tete eendjovo daKalunga; ndele nye eshi tamu di kandula po, nomwe litala inamu wapala okuya momwenyo waalushe, hano taleni, ohatu liameke kovapaani. 47 Osheshi osho ngaha Omwene e tu lombwela:
‘Ame nde ku tula po ouyelele wovapaani,
u ninge exupifo fiyo okominghulo dedu.’ ”
48 Ndele ovapaani eshi ve shi uda, ova hafa nova fimaneka eendjovo daKalunga, nova ninga ovaitaveli, aveshe ava va nuninwa okuya momwenyo waalushe. 49 Ndele eendjovo dOmwene oda tandavela moshikandjo ashishe. 50 Ndele Ovajuda ova hongaula ovakainhu ovanamadina ovatilikalunga novalumenhu ovafimanekwa moshilando, va pendulila Paulus naBarnabas ehaulo, ndele tave va te mo moikandjo aishe yavo. 51 Opo nee ove va pupulile ondwi yokeemhadi davo nova ya kuIkonium. 52 Ndele ovalongwa ova yadifwa ehafo nOmhepo Iyapuki.
Barnabas naSaulus taa hogololwa e taa tumwa: ondjenda yotango
1 Megongalo lyomuAntiokia omwa li mu na aahunganeki naalongihapu ngaashi Barnabas, Simeon, ngoka hi ithanwa Omuluudhe, Lukius Omukireni, Manahen, ngoka a putuka pamwe nomupangeli Herodes, naSaulus. 2 Ano manga ya li taa longele Omuwa noyi idhilika iikulya, Ombepo Ondjapuki okwe ya lombwele ta ti: “Yoololelii ndje mo Barnabas naSaulus, ya longe oshilonga shoka nde ya ithanena.”
3 Nena oyo oyi idhilike iikulya e taa galikana, opo ihe oye ya tenteke iikaha noye ya laleke.
Barnabas naSaulus muKipro
4 Ano Barnabas naSaulus sho ya tumwa kOmbepo Ondjapuki, oya yi kuSeleukia, naahoka oya zi ko nosikepa e taa yi kontuntu yaKipro. 5 Sho ya thiki kuSalamis, oyu uvitha oohapu dhaKalunga moosinagoga dhAajuda. Oyo oya li pamwe, naJohannes Markus te ya kwatha miilonga.
6 Oyo oye endaenda nontuntu ayihe, sigo ya thiki kuPafo, hoka ya adha ko omulumentu gwontumba Omujuda ompulile, edhina lye Bar-Jesus, ngoka hi iti omuhunganeki. 7 Oye okwa li kuume komupangeli gwontuntu, Sergius Paulus, ngoka a li omulumentu omunandunge. Omupangeli okwi ithana Barnabas naSaulus, ye ye kuye, oshoka okwa li a hala okuuva oohapu dhaKalunga. 8 Ihe ompulile ndjoka Elimas, ngaashi edhina lye tali ti mOshigreka, oye ya tsile ondumbo noya kambadhala okutula omalimbililo meitaalo lyomupangeli. 9 Saulus, ngoka hi ithanwa wo Paulus, oku udhithwa Ombepo Ondjapuki. Oye okwa tala ompulile e yi tongolola 10 e te yi lombwele ta ti: “Akutu ngoye, omuna gwaSatana! Ongoye omutondi gwaashihe shoka oshiwanawa nou udha iihelele iiwinayi yoludhi kehe. Aluhe oto kambadhala okupilika oshili yOmuwa, u yi ninge iifundja! 11 Onkee ano oshikaha shOmuwa otashi ku adha ngashingeyi. Ongoye to ka tsika noito ka mona nando uuyelele wetango uule womasiku gamwe.”
Mbalambala etsitsiya eluudhe olya siikile omeho gaElimas, oye nokwa kala nokweenda ta kongo ngoka te mu kwata keti. 12 Omupangeli sho a mono shono sha ningwa po, okwi itaale. Oye okwa kuminwa noonkondo elongo ndyoka tali popi Omuwa.
Paulus tu uvitha muAntiokia shomuPisidia
13 Paulus naamboka ya li pamwe naye, oya zi mo muPafo nosikepa e taa yi kuPerge shomuPamfilia. Ihe Johannes Markus okwe ya thigi hoka e ta shuna kuJerusalem. 14 Oyo oya zi mo muPerge e taa yi kuAntiokia shomuPisidia; nomEsabati oya yi mosinagoga e taa kuutumba. 15 Ano sho kwa leshwa mompango yaMoses nomomambo gaahunganeki, aawiliki yosinagoga oye ya tumine elaka tali ti: “Aamwameme, tse otwa hala, mu popithe egongalo, pamwe omu na elaka lyasha lyoku ya tsa omukumo.” 16 Nena Paulus okwa thikama, okwe ya mweneke noshikaha nokwa tameke okupopya ta ti:
“Aaisraeli ooyakwetu naapagani amuhe mu li mpaka, mboka hamu galikana Kalunga, pulakeneni shoka te ti. 17 Kalunga koshigwana shika shAaisraeli okwa hogolola ootate nokwe ya indjipaleke pethimbo lyokukala kwawo aakwiilongo mevi lyaEgipiti e taa ningi oshigwana oshinene. Kalunga okwe ya tembudha mo muEgipiti koonkondo dhe oonene 18 e te ya idhidhimikile uule woomvula omilongo ne mombuga. 19 Oye okwa hanagula po iigwana iheyali mbyoka ya adhikile mevi lyaKaanan, noshilongo shawo okwe shi pe aantu ye Aaisraeli. 20 Shika osha pula ethimbo li thike poomvula omathele gane nomilongo ntano.
“Konima yaashika Kalunga okwe ya pe aatokolihapu sigo opethimbo lyomuhunganeki Samuel. 21 Oyo noya pula, ya pewe omukwaniilwa. Opo ihe Kalunga okwe ya pe Saul, omuna gwaKish, omunezimo lyaBenjamin, a ninge omukwaniilwa gwawo. Oye nokwe ya lele uule woomvula omilongo ne. 22 Kalunga sho a kutha ko Saul koshipundi shuukwaniilwa, okwa langeke ko David, a ninge omukwaniilwa gwawo. Mokupopya David Kalunga okwa ti: ‘Ngame onda koneke kutya David, omuna gwaIsai, oye omulumentu ngoka ta ka gwanitha ashihe shoka nda hala, e shi ninge, onkee onde mu hokwa.’ 23 Kalunga okwa lenge ihe Jesus gwomoluvalo lwaDavid, a ninge omuhupithi gwoshigwana shAaisraeli, ngashika e shi uvaneka. 24 Jesus okwa tetekelwa kuJohannes, ngoka u uvithile oshigwana ashihe shAaisraeli kutya nayi itedhulule e taa shashwa. 25 Ihe Johannes sho a li popepi nokuhulitha oshilonga she, okwa lombwele aantu ta ti: ‘Otamu dhiladhila kutya ongame lye? Ngame kandi shi ngoka tamu tegelele. Ihe ngoka te ya konima yandje, ngame inandi gwana nande okukutha ko oongaku koompadhi dhe.’
26 “Aamwameme, ne mboka mwa za moluvalo lwaAbraham naapagani mboka mu li mpaka hamu galikana Kalunga, Kalunga okwe tu tumine elaka ndika lyehupitho. 27 Aajerusalem naawiliki yawo inaa dhimbulula kutya oye lye, yo inaa uva ko oohapu dhaahunganeki ndhoka hadhi leshelwa aantu Esabati kehe. Ihe mokutokola Jesus oya tsakanitha oohapu ndhoka dhaahunganeki. 28 Nokuli nando oya li kaa wete etompelo lyoku mu tokolela eso, oyo oyi indile Pilatus e mu gandje, a dhipagwe. 29 Ano oyo sho ya gwanitha ayihe mbyoka Omanyolo tage yi popi kombinga ye, oye mu kutha ko komushigakano noye mu tula mombila. 30 Ihe Kalunga okwe mu yumudha kuusi. 31 Omasiku ogendji okwi ihololele aantu mboka ye ende pamwe naye okuza kuGalilea sigo okuJerusalem. Ngashingeyi aantu mboka oyo oonzapo dhe mokati koshigwana shAaisraeli.
32 “Onkee ano tse otu li mpaka nena, opo tu mu uvithile elaka ndika etoye kutya euvaneko ndyoka Kalunga e li uvanekele ootate Aajuda, okwe li tu gwanithile tse oyana pamwe naapagani wo. Shika okwe shi ningi, sho a yumudha Jesus kuusi. 33 Ngaashi mEpisalomi etiyali mwa nyolwa taku tiwa:
‘Ongoye omumwandje,
onena ndjika nda ningi Ho.’
34 Moku mu yumudha kuusi itaa ka mona we eolelo, Kalunga okwa ti ngeyi:
‘Ongame otandi ke mu yambeka lela nomayambeko omayapuki,
omayambeko tuu ngoka nde ga uvanekela David.’
35 Osho wo ota popi pehala ekwawo ta ti:
‘Omuntu gwoye omwiinekelwa ito mu etha a ole.’
36 Oshoka David sho a longo ehalo lyaKalunga pethimbo lye, okwa si nokwa fumvikwa pooha dhoohe, olutu lwe e talu olele mevi. 37 Ihe Jesus, ngoka Kalunga e mu yumudha kuusi, olutu lwe inalu olela mo mevi.
38 “Onkee ano kaleni, mu shi shi amuhe kutya one otamu uvithilwa elaka ndyoka tali popi edhimopo lyoondjo dheni omolwaJesus. 39 Tseyeni wo kutya kehe ngoka ti itaale Jesus, ota dhiminwa po oondjo adhihe ndhoka ompango yaMoses ya nyengwa oku dhi mu dhimina po. 40 Onkee ano kotokeni, opo mwaa adhike kushoka sha popiwa kaahunganeki, sho taa ti:
41 ‘Pulakeneni, ne mboka hamu dhini oohapu dhaKalunga.
Kumweni, e tamu yonuka po.
Oshoka otandi longo oshilonga shimwe pomasiku gokukalamwenyo kweni.
Oshilonga shoka itamu shi itaale,
nando opu kale omuntu te shi mu fatululile.’ ”
42 Paulus naBarnabas manga ya li taa piti mo mosinagoga, oya pulwa, ya galuke mEsabati tali landula okuhokolola natango iinima mbyoka. 43 Aantu sho ya halakana, Aajuda nosho wo aapagani oyendji mboka yi itedhululila muujuda, oya landula Paulus naBarnabas. Nena aayapostoli oye ya uvithile noye ya kumagidha, ya dhiginine okukala yi inekela esilohenda lyaKalunga.
44 Esabati lya landula konyala kehe gumwe gwomoshilando okwe ya, a pulakene oohapu dhOmuwa. 45 Aajuda sho ya mono ongundu yaantu, oya kwatwa kefupa noya tamaneke Paulus e taye mu sheke. 46 Ihe Paulus naBarnabas oya popi nuulaadhi u vule woshito ya ti: “One mwa li mu na okuuvithilwa tango oohapu dhaKalunga, ihe sho mwe dhi dhini nomwi iwete inaamu gwana okuya momwenyo gwaaluhe, nena ano tse otatu mu etha, tu ka uvithile aapagani. 47 Oshoka Omuwa okwe tu pe oshipango shika tashi ti:
‘Onde ku tula po, u kale uuyelele waapagani,
u kale ondjila yehupitho lyuuyuni auhe.’ ”
48 Aapagani sho ye shi uvu, oya nyanyukwa noya simaneke oohapu dhOmuwa; naayehe mboka Kalunga e ya hogolola, ya ka mone omwenyo gwaaluhe, oya ningi ooitaali.
49 Oohapu dhaKalunga odha taandele apehe moshilongo shiyaka. 50 Ihe Aajuda oya sikumudha aawiliki yoshilando naakiintu aapagani aanamadhina mboka haa galikana Kalunga. Oyo oya tameke okutidhagana Paulus naBarnabas noye ya tidha mo moshilongo shawo. 51 Omolwokwaaitaala kwawo aayapostoli oye ya pupulile oontsi dhokoompadhi dhawo noya yi kuIkonium. 52 Ihe aalongwa yomuAntiokia oya li ya nyanyukwa unene noyu udha Ombepo Ondjapuki.
