Okudalwa kwaJesus
1 Ndele momafiku enya opa ningwa omhango ya dja komukesari Augustus, ounyuni aushe u lishangife u yandje oifendela. 2 Elishangifo eli olotete, nola ningwa Kirenius eshi a li omwene waSiria. 3 Ndele aveshe ova ya ko, ve ke lishangife, keshe ou moshilando shavo. 4 Ndele osho yo Josef a fikama muGalilea moshilando shaNasaret nokwa ya kuJudea koshilando shaDavid sha ifanwa Betlehem, osheshi ye owomeumbo nomepata laDavid, 5 e ke lishangife pamwe nomuputulwa waye Maria, ou a li omufimba. 6 Ndele pa ningwa, eshi va li ko, efiku lokudala le mu hanga. 7 Ndele ye okwe livelipa oshiveli shaye okamati ndele okwe ka tonyena momalapi, ndele okwe ka nangeka mepeta lokulila oimuna, osheshi inava mona onhele mongulu yovaenda.
Ovaengeli novafita
8 Ndele oko kwa li ovafita va nangela oimuna yavo oufiku moixwa. 9 Ndele omweengeli wOmwene e uya noshinge shOmwene she va minikila, ndele vo ova haluka nehaluko linene. 10 Ndele omweengeli wOmwene okwa tya kuvo: “Inamu tila, taleni ame ohandi mu udifile ehafo linene tali ningi lovanhu aveshe. 11 Onena tuu eli mwa dalelwa Omukulili moshilando shaDavid, Oye tuu ou Kristus Omwene. 12 Nedidiliko mu mu koneke oleli: otamu ka mona okaana ka tonyenwa momalapi, ndele taka nangekwa mepeta lokulila oimuna.”
13 Ndelenee ohaluka, pomweengeli opa holoka ongudu inene yovakwaita vomeulu, ova hambelela Kalunga tava ti: 14 “Efimano olaKalunga mokombadambada nombili kombada yedu movanhu e va hokwa.” 15 Ndele ovaengeli eshi va dja po puvo va shuna meulu, ovafita ova tongafana tava ti: “Tu yeni hano kuBetlehem tu ka tale eshi sha ningwa ko, Omwene e shi tu hololela.” 16 Ndele vo ova ya nokweendelela, ndele va mona Maria naJosef nokaana ka nangala mepeta lokulila oimuna. 17 Ndele eshi ve ka mona, ova hepaulula apeshe eendjovo odo ve di lombwelelwa okaana aka. 18 Ndele aveshe ava ve di uda ova kuminwa odo ve di hepaululilwa kovafita. 19 Ndele Maria okwa tuvikila eendjovo odo adishe momutima waye. 20 Ndele ovafita ova shuna nokuhambelela nokufimaneka Kalunga omolwaaishe ei ve i uda nove i mona, ngaashi va lombwelwa.
Jesus ta twalwa motembeli
21 Ndele eshi pa pita omafiku ahetatu, okaana ka pita etanda nedina lako ola lukwa Jesus, olo tuu olo ke li lukwa komweengeli fimbo inaka holoka medimo laina.
22 Nomafiku avo elikosho opamhango yaMoses eshi a wana, ove ka twala kuJerusalem, ve ka twale koshipala shOmwene; 23 ongaashi sha shangwa momhango yOmwene: Okalume keshe taka yeulula oshidalelo shaina naka yapulilwe Omwene, 24 nokuyandja eyambo omalyamono avali ile ounghutyona vavali opanghedi yomhango yOmwene.
Ekundo lomuxungu Simeon
25 Ndele tala, muJerusalem omwa li mu nomunhu edina laye Simeon, omuyuki nokwa tila Kalunga, onakuteelela ehekeleko laIsrael, nOmhepo Iyapuki ya kala muye. 26 Ndele okwa hololelwa kOmhepo Iyapuki kutya, ye ita mono efyo fimbo ina mona Kristus Omwene. 27 Ndele ye okwa etwa kOmhepo Iyapuki motembeli. Hano ovakulunhu eshi va eta mo okaana Jesus ve ka ningile panghedi yomhango, 28 naye yo okwe ka ukata momaoko aye, ndele ta hambelele Kalunga ndele ta ti:
29 “Omwene, paife oto lekele omupiya woye, a ye nombili
ngaashi wa tile,
30 osheshi omesho ange a mona exupifo loye,
31 we li longa moipafi yoiwana aishe,
32 ouyelele okuminikila ovapaani
nefimano loshiwana shoye Israel.”
33 Ndele xe naina ova kuminwa eendjovo odo de mu popilwa. 34 Ndele Simeon okwe va nangeka noupuna ndele okwa tya kuina yako Maria:
“Tala, ou okwa tulwa po okupundula nokuyambula vahapu vomuIsrael
nedidiliko eli tali twilwa eemhata,
35 naave mwene yo, eongamukonda otali tyuula omutima woye,
omadiladilo avahapu opo a hololwe.”
Ekundo lomukainhu Hanna
36 Ndele omo mwa li yo Hanna, omuxunganeki, omona waFanuel womepata laAsser. Okwa li a kula. Eshi a hombolwa okakadona, okwa kala nomulumenhu waye omido heyali, 37 ndele pefimbo olo okwa li omufiyekadi e nomido omilongo hetatu nanhee. Ye ina dja mo nandenande motembeli, ndelenee okwa longela mo Kalunga oufiku nomutenya nokulidilika nokwiilikana. 38 Ndele opefimbo tuu olo okwe uya po, okwa hambelela Kalunga nokwe ka hepaulula kwaaveshe ovo va teelela ekulilo laJerusalem.
Eputuko laJesus
39 Ndele eshi va wanifa aishe pamhango yOmwene, ova shuna kuGalilea koshilando shavo kuNasaret. 40 Ndele okaana oka kula ndele oka pama momhepo noka yada ounongo, nonghenda yaKalunga ya kala kombada yako.
Okaana Jesus motembeli
41 Ndele ovakulunhu vako ova li hava i kuJerusalem keshe omudo koshivilo shaPaasa. 42 Ndele ye eshi a wanifa omido omulongo nambali ova ya ko vali panghedi yoshivilo. 43 Ndelenee omafiku oo eshi a pita po, ndele va dja ko, okaana Jesus oka fyaala muJerusalem, ndele Josef naina yako va li inave shi shiiva. 44 Ndelenee ova li ve shii oku li mongudu yovaendi, ndele ova enda oshikako shefiku limwe, ndele ove mu konga mokati kavakwao naava ve lishii navo, 45 ndele eshi inave mu mona mo, ova shuna kuJerusalem oku mu konga. 46 Ndele eshi pa pita omafiku atatu, opo nee ove ka hanga nee motembeli, ke li omutumba mokati kovalongindjovo noku va pwilikina noku va pula. 47 Ndele aveshe ovo ve ka uda ova kuminwa eendunge dako nomanyamukulo ako. 48 Ndele eshi ve ka mona ngaha ova haluka, ina okwe ka lombwela: “Omumwange, oshike we tu ningila ngaha? Tala, fye naxo twe ku konga nokuyehama.” 49 Ndele Ye okwa tya kuvo: “Oshike mwa konga nge? Kamu shi shii hamba, Ame ndi nokukala mwaai yaTate?” 50 Ndele vo ova li vehe udite ko eendjovo odo e di va lombwela. 51 Ndele Ye okwa dja mo navo, nokwe uya kuNasaret ndele okwa li ha dulika kuvo. Ndele ina okwa tuvikila eendjovo odo adishe momutima waye.
52 Ndele Jesus okwa kula mounongo nomoukulunhu nomonghenda puKalunga nopovanhu.
Okuvalwa kwaJesus
(Mat. 1:18-25)1 Pomasiku ngeyaka omupangeli Omuroma Augustus okwa gandja oshipango kutya aantu ayehe ye li mepangelo lye, oye na okwiinyolitha, opo ya gandje oompale. 2 Einyolitho ndika olyo lyotango nolya ningwa, Kirenius sho a li omuleli gwaSiria. 3 Aantu ayehe oya yi, ye ki inyolithe, kehe gumwe omoshilando shaandjawo.
4 Josef wo okwa thikama muNasaret shomuGalilea nokwa yi kuJudea koshilando shaDavid, shi ithanwa Betlehem, oshoka oye okwa li omunezimo lyaDavid. 5 Oye okwa yi, e ki inyolithe pamwe nomuyalekwa gwe Maria, ngoka a li omusimba.
6 Ano manga ya li muBetlehem, ethimbo lyaMaria lyokuvala olya thiki. 7 Oye okwa yelipa osheeli she shokamati nokwe ka dhingile momalapi e te ka langeke metemba lyokulila iimuna, oshoka mongulu yaayenda kamwa li mu na eha.
Aayengeli naasita
8 Komukunda ngoka okwa li ku na aasita ye li kelundu ya langela iimuna yawo uusiku. 9 Omuyengeli gwOmuwa okwe ya holokele, neadhimo lyOmuwa olye ya adhimine. Aasita oya haluka noonkondo. 10 Omuyengeli okwa ti kuyo: “Inamu tila! Oshoka ngame otandi mu uvithile elaka lyenyanyu enene tali ningi lyaantu ayehe. 11 Nena tuu ndjika mwa valelwa Omukulili moshilando shaDavid. Oye Kristus, Omuwa. 12 Endhindhiliko lyoku mu dhimbulula olyo ndika: Otamu ka mona okahanona ka dhingilwa nomalapi noka langekwa metemba lyokulila iimuna.”
13 Ombaadhilila pomuyengeli nguka opwa li pu na ongundu onene yaayengeli yomegulu, ya hambelele Kalunga ya ti:
14 “Esimano olyaKalunga gwokombandambanda!
Nombili kombanda yevi maantu e ya hokwa!”
15 Aayengeli sho ya zi po puyo, ya shuna megulu, aasita oya lombwelathana ya ti: “Tu yeni ano kuBetlehem, tu ka tale shoka sha ningwa ko, Omuwa e shi tu hololele.”
16 Oyo oya yi nokweendelela noya mono Maria naJosef nokahanona ka langekwa metemba lyokulila iimuna. 17 Aasita sho ya mono okahanona, oya hokololele aantu shoka omuyengeli a tile okanona haka. 18 Ayehe mboka ye shi uvu, oya kuminwa oohapu ndhoka ye dhi hokololelwa kaasita. 19 Ihe Maria okwa kala ta dhiladhila oohapu ndhoka adhihe nokwe dhi pungula momwenyo gwe. 20 Aasita oya shuna nokusimaneka nokuhambelela Kalunga, oshoka ayihe oye yi uvu noye yi mono, ngaashi omuyengeli e ya lombwele.
Jesus ta falwa motempeli
21 Sho pwa piti omasiku gahetatu, okanona oka fukalekwa noka lukwa Jesus, edhina tuu ndyoka ke li lukwa komuyengeli, manga ka li mela lyayina.
22 Omasiku geiyopaleko pampango yaMoses sho ga pu ko, oya fala okanona kuJerusalem e taye ke eta koshipala shOmuwa. 23 Shika osha nyolwa mompango yOmuwa kutya: Okanona okasheeli kehe taka valwa kuyina, oke na okuyoololelwa Omuwa, 24 nonaku gandjwe omayambo: omatendenguti gaali nenge uungutyona uyali.
25 Ano muJerusalem omwa li mu na omulumentu, edhina lye Simeon. Oye okwa li omuyuuki, ha tila Kalunga nokwa kala a tegelela ehupitho lyaIsrael. Ombepo Ondjapuki oya li muye. 26 Oye okwa li a tseyithilwa kOmbepo Ondjapuki kutya ita si, manga inaa mona Omugwayekwa gwOmuwa. 27 Ombepo Ondjapuki noya fala Simeon motempeli. Nena aakuluntu yaJesus oye mu eta kotempeli noye mu ningile, ngaashi ompango tayi shi ti. 28 Simeon oku ukata okanona momaako ge nokwa hambelele Kalunga a ti:
29 “Ngashingeyi Omuwa, sho wa gwanitha omauvaneko goye,
laleka ndje ihe, omuntu gwoye, ndi ye nombili.
30 Oshoka onda mono nomeho gandje ehupitho ndyoka
31 we li longekidha montaneho yaantu ayehe:
32 Uuyelele wokuminikila aapagani, nesimano lyaantu yoye Aaisraeli.”
33 He nayina oya kuminwa oohapu ndhoka Simeon e dhi popi. 34 Simeon okwe ya yambeke e ta ti kuMaria, yina yokanona: “Omunona nguka okwa tulwa po kuKalunga okupundukitha nokuyambukitha oyendji yomAaisraeli. Oye endhindhiliko lya zi kuKalunga, ihe oyendji itaye ke mu taamba. 35 Osho ngeyi omadhiladhilo gawo omawinayi ngoka ga holama otage ya puuyelele. Ihe uudhigu ongegongamwele lya tsa otau ka ulula omutima gwoye.”
36 Okwa li ku na omuhunganeki omukiintu, edhina lye Anna, omuna gwaFanuel, gwomezimo lyaAser. Oye okwa li a koka. Manga a li omukadhona, okwa hokanwa e ta kala nomulumentu gwe oomvula heyali; 37 Okwa adhika ihe omuselekadhi gwoomvula omilongo hetatu nane. Ethimbo alihe okwa kala motempeli koshipala shaKalunga uusiku nomutenya ti idhilike iikulya nokugalikana. 38 Ethimbo olyo tuu ndyoka okwe ya po nokwa hambelele Kalunga e ta hokolola okanona kwaayehe mboka ya li ya tegelela ethimbo lyekulilo lyaJerusalem.
Okuputuka kwaJesus
39 Sho ya tsakanitha ayihe pampango yOmuwa, oya shuna kuGalilea koshilando shaandjawo kuNasaret. 40 Omunona okwa koko nokwa kolo u udha oondunge nokwa hokiwa kuKalunga.
Omunona Jesus motempeli
41 Aakuluntu yaJesus oya li haa yi omumvo kehe kuJerusalem koshituthi shOpaasa. 42 Jesus sho a gwanitha oomvula omulongo nambali, oya yi naye koshituthi, ngaashi hashi ningwa aluhe.
43 Omasiku goshituthi sho ga piti, oya shuna kegumbo, ihe Jesus okwa thigala muJerusalem. Aakuluntu oya li inaaye shi tseya kutya oku li peni. 44 Oya tengeneke owala kutya oku li mongundu yaayendi, sigo ye ende esiku alihe. Opo ihe oya tameke oku mu konga maanezimo nomaashiwikile. 45 Sho inaaye mu mona, oya shuna kuJerusalem, ye ke mu konge. 46 Konima yomasiku gatatu oye mu mono ihe motempeli, a kuutumba mokati kaalongi Aajuda, te ya pulakene ye te ya pula. 47 Ayehe mboka ye mu pulakene, oya kuminwa oondunge dhe nomayamukulo ge. 48 Aakuluntu ye sho ye mu mono, oya kumwa. Yina nokwa ti kuye: “Mumwandje, omolwashike we tu ningile ngeyi? Ngame naho otwe ku kongo nokunika uuthigwa.”
49 Jesus okwe ya yamukula a ti: “Omwa kongele ndje shike? Kamu shi shi nani kutya ngame ondi na okukala mumbika yaTate?” 50 Ihe kaya li yu uvite ko kutya okwa hala oku ya lombwela shike.
51 Jesus okwa zi mo pamwe nayo e taa shuna kuNasaret nokwa kala ha vulika kuyo. Yina okwa pungula oohapu ndhoka adhihe momwenyo gwe. 52 Jesus okwa koko palutu nomoondunge, a hokiwa kuKalunga nokaantu.
