Ananias naSafira tava handukilwa
1 Ndelenee omulumenhu umwe, edina laye Ananias, pamwe nomukainhu waye Safira, ova landifa po epya lavo, 2 omulumenhu okwa holeka po oimaliwa imwe, nomukainhu waye e i shii, noshitukulwa shimwe shayo okwe shi tula keemhadi dovayapostoli. 3 Ndele Petrus okwa tya: “Ananias, oshike wa efela Satana a yade omutima woye, eshi wa fufya Omhepo Iyapuki ndele wa holeka oimaliwa imwe yomepya? 4 Kala li loye fimbo inali landifwa po, naashi la landifwa po, oshilandwa shalo kasha li mepangelo loye? Oshike hano eshi wa paka mo momutima woye u longe eshi? Havanhu wa fufya, oKalunga.” 5 Ananias eshi a uda eendjovo edi, okwa wila poshi ndele okwa fya, aveshe ava ve shi uda, ova kwatwa ketilo linene. 6 Ovalumenhu ovanyasha ova fikama, ndele ve mu tuvika, ndele tave mu twala pondje, ndele tave mu pake.
7 Neetundi nhatu eshi da pita po, omukainhu waye okwe uya po, okwa li ehe shii sha, eshi sha ningwa po. 8 Ndele Petrus okwe mu pula: “Lombwele nge, epya leni omwe li landifa po tuu oimaliwa ei?” Ye okwa tya: “Heeno, oyoyo.” 9 Ndele Petrus okwe mu lombwela: “Oshike mwa udafana okushinda Omhepo Iyapuki yOmwene? Tala, eemhadi daava va ka paka omulumenhu woye, odi li poshivelo vo otave ku twala ko.” 10 Opo tuu opo ye a wila poshi okeemhadi daye nokwa fya; ndele ovalumenhu ovanyasha, eshi ve uya mo, ove mu hanga a fya, ove mu twala pondje ndele ove ke mu paka pomulumenhu waye. 11 Neongalo alishe naaveshe ava ve di uda, ova tila nokutililila.
Eongalo tali tandavele
12 Ndele komake ovayapostoli okwa ningwa oilongadidiliko noikumwifa ihapu mokati kovanhu, ndele vo aveshe va li ve nediladilo limwe, ndele va diinina okwoongalela molukala laSalomo. 13 Ndele mwaava ve lili inamu hetekela nande umwe e litule muvo, ndelenee ovanhu ve va fimaneka. 14 Ndele ava va itavela Omwene, ova hapupala, eengudu dinene dovalumenhu nodovakainhu. 15 Ndele pa ningwa, ovanaudu va twalwa peendjila ve li keembete nokomalutala, opo Petrus ngeenge ta ende po, omudidimbe waye u hange ngeno nande umwe womuvo. 16 Ndele koilando yomoushiinda waJerusalem okwa dja yo ovanhu vahapu, ndele va eta ovanaudu naava va hepekwa keemhepo da nyata, vo aveshe ova velulwa.
Omwene ta popile ava vaye
17 Opo nee omupristeli omukulunhu okwa fikama pamwe nongudu yaye aishe, oshimhanga shOvasadukai, ve yadi ehandu, 18 ndele ova kwatifa ovayapostoli ndele ove va idilila modolongo ei yaaveshe. 19 Ndelenee oufiku omweengeli wOmwene okwa yeulula oivelo yodolongo, okwe va pitifa mo ndele ta ti: 20 “Indeni mu ka holokele motembeli nye mu hepaululile ovanhu eendjovo adishe domwenyo ou.” 21 Ndele eshi ve di uda ova ya ongula inene motembeli ndele tava longo ovanhu.
Ndele omupristeli omukulunhu navakwao ove uya nova ifana oshiongalele shavo nongudu aishe yovakulunhu vovana vaIsrael; va tuma kodolongo, va ka talwe ko. 22 Ndele ovapiya ava vetokolo eshi ve uya modolongo, vo inave va hanga mo, ova aluka ndele ova hepaulula 23 tava ti: “Odolongo yoovene otwe i hanga ya idilwa shili novanangeli ova kala ofika poivelo, ndele eshi twe i yeulula, inatu hanga mo nande omunhu.” 24 Opo nee omukulunhu wovanangeli votembeli novapristeli ovakulunhu eshi va uda oinima ei, ova limbililwa, ndele tava diladila oshike tashi ke uya po. 25 Ndele mwe uya umwe ndele ta ti kuvo: “Taleni, ovalumenhu venya mwa idilila modolongo, ove li motembeli ndele tava longo ovanhu.”
Ovayapostoli tava hepaulula Jesus koshipala shovakulunhu
26 Opo omukulunhu okwa ya pamwe novapiya vetokolo oku ke va tala ko, ye ine va eta keenghono, osheshi ova tila okudipawa nomamanya kovanhu. 27 Ndele vo eshi ve va eta, ove va tula moipafi yoshiongalele shovakulunhu, nomupristeli omukulunhu okwe va pula, 28 ta ti: “Fye otwe mu shilika shili, onye muha longe vali ovanhu edina eli, ndele taleni, Jerusalem ashishe omwe shi yadifa nelongo leni, nomwa hala mu twike ohonde yomulumenhu winya kombada yetu.” 29 Ndele Petrus novayapostoli vakwao ova nyamukula tava ti: “Okudulika kuKalunga ku dule okudulika kovanhu. 30 Kalunga kootate yetweni okwa nyumuna Jesus, ou nye mwe mu endjelelifa komuti nomwe mu dipaa. 31 Oye ou Kalunga e mu nenepekifa neke laye lokolulyo, a ninga Omwene, e mu lenge mouyehame Omukulili okupa Ovaisraeli elidilululo nedimepo lomanyonauno. 32 Ndele fye eendobwedi doinima ei aishe, nongaashi Omhepo Iyapuki yo, ou Kalunga e i pa aveshe ava hava dulika kuye.”
Ovayapostoli tava dengwa ndele tava efiwa
33 Ndele vo eshi ve di uda, oda lulumika eemwenyo davo, opo va hala oku va dipaa. 34 Ndele moshiongalele omwa fikama Omufarisai umwe edina laye Gamaliel, omulongimhango a fimanekwa kovanhu aveshe, okwa lombwela ovalumenhu va twalwe manga pondje. 35 Opo nee a lombwela ovakulunhu voshiongalele: “Ovalumenhu nye Ovaisraeli, lidiladileni nawa eshi mwa hala oku shi ningila ovalumenhu ava! 36 Manga omafiku oo inae uya, Teodas okwa holokele nokwa tile, vati oye omushikeshike, novalumenhu ve fike pomafele ane ove litula puye, ye okwa dipawa naavenya aveshe va ama kuye va halakanifwa po nova manwa po. 37 Ndele konima yaau, pomafiku omavalulo ovanhu, okwa holokele Judas, Omugalilea, ye okwa hongaula ovanhu, ve mu shikule, naye yo okwa nyonauka po naaveshe ava ve mu hokwa, ova halakanifwa po. 38 Hano paife ohandi ti kunye: Efeni ovalumenhu ava, va kale ngaha, eudafano eli noshilonga eshi ngeenge osha dja movanhu, otashi ka xula po, 39 ndelenee ngeenge osha dja muKalunga, nye itamu dulu oku va nyonauna po. Litaleni, muha monike nokuli, onye ovakondjifi vaKalunga mwene.” 40 Ndele vo ova ninga ngaashi ye a tonga, ova ifanena mo ovayapostoli, ndele tave va dengifa nove va lombwela, vaha popye vali medina laJesus, nove va efa va ye. 41 Vo eshi va dja mo moshiongalele shovakulunhu, ova hafa eshi va talwa va wana okushekelwa edina laJesus. 42 Ndele vo inava efa okulonga omafiku aeshe motembeli nomomaumbo nova udifa evaengeli laKristus Jesus.
Ananias naSafira
1 Ihe okwa li ku na omulumentu gumwe, edhina lye Ananias, nomukadhi Safira. Ananias okwa landitha po epya lyawo, 2 ihe okwi ipungulile iimaliwa yimwe, nomukadhi okwa li e shi shi. Oshihupe shiimaliwa okwe shi eta kaayapostoli. 3 Nena Petrus okwe mu pula a ti: “Ananias, omolwashike wa zimine, Satana a pangele momutima gwoye nokwe ku lombwele, u fundje Ombepo Ondjapuki, sho wa holeke oshitopolwa shimwe shondando yepya lyeni? 4 Epya ndyoka nomanga inoo li landitha po, kalya li lyoye? Naasho we li landitha po, iimaliwa mbyono ya zi mo, oyoye. Omolwashike ano wa tokola momutima gwoye, u ninge oshinima shi thike mpaka? Ongoye ino fundja aantu, ihe owa fundju Kalunga.”
5 Ananias nkene tuu u uvu oohapu ndhika, okwi ihata pevi nokwa si. Aantu ayehe mboka yu uvu oshinima shika, oya haluka noonkondo. 6 Nena aalumentu aagundjuka oye ya mo e taa kutha po omudhimba gwe noye gu fala pondje e taye mu fumvike.
7 Ootundi ndatu sho dha piti po, omukadhi okwe ya mo mongulu moka mwa li Petrus. Oye okwa li inaa tseya shoka sha ningilwa omulume. 8 Petrus okwe mu pula a ti: “Lombwela ndje, iimaliwa mbika oyo ayihe mwa pewa, sho mwa landitha po epya lyeni?”
Oye okwa yamukula a ti: “Eeno, oyo ayike.”
9 Nena Petrus okwe mu lombwele a ti: “Omolwashike mwa tokola nomulumentu gwoye okumakela Ombepo yOmuwa? Aalumentu mboka ya fumvike omulumentu gwoye, oye li ngashingeyi posheelo, oyo notaye ku fala ko wo.” 10 Mbalambala Safira wo okwi ihata pevi poompadhi dhaPetrus e ta si. Aalumentu aagundjuka oye ya mo noya mono kutya okwa sa. Oyo oye mu fala pondje e taye ke mu fumvika pooha dhomulume. 11 Egongalo alihe naantu yalwe ayehe mboka yu uvu oshinima shika, oya haluka noonkondo.
Iikumithalonga niilongankondo
12 Iikumithalonga niilongankondo oyindji oya ningwa kaayapostoli mokati kaantu. Ooitaali ayehe oya li haa gongala pamwe mondunda yaSalomo. 13 Kapwa li pu na nando ogumwe ngoka kee shi omwiitaali, a mono omukumo okwiitula mongundu yawo, nonando aantu oya li ye ya popile muuwanawa. 14 Ihe omwaalu gwaamboka yi itaale Omuwa, ogwa tana. Muyo omuwa li aalumentu naakiintu oyendji. 15 Omolwiikumithalonga mbyoka ya ningwa kaayapostoli, aantu oya fala aavu yawo poondjila nomapandaanda noye ya langeke komalutala, opo Petrus ngele te ende po, omuzizimba gwe gu adhe nando yamwe yomuyo. 16 Nokiilando yopuushiinda waJerusalem okwa zi ongundu onene yaantu ye eta aavu yawo naamboka ye niwe koombepo dha nyata. Oyo ayehe noya aludhwa.
Aayapostoli taa tidhaganwa
17 Nena omuyambimukuluntu pamwe nongundu ye ayihe, iilyo yongundu yaasadukayi, oya sile aayapostoli efupa noonkondo noya tokola okuninga po sha. 18 Oyo oya kwata aayapostoli noye ya tula mondholongo yaayehe. 19 Ihe uusiku omuyengeli gwOmuwa okwa egulula omiyelo dhondholongo, okwa piitha mo aayapostoli nokwe ya lombwele e ta ti: 20 “Indeni motempeli, ne mu ka hokololele aantu iinima ayihe kombinga yokukalamwenyo huka okupe.” 21 Aayapostoli oya vulika kelombwelo lyomuyengeli noya yi motempeli, manga eluwa tali tende, e taa tameke okulonga aantu.
Omuyambimukuluntu nongundu ye oya hiya oshigongi shaakuluntu yAajuda ayehe, ye ye koshigongi shaatokoli. Opo ihe oya tumu aalumentu kondholongo, ye ete aayapostoli moshigongi. 22 Ihe aatumwa sho ya thiki kondholongo, aayapostoli inaye ya adha mo. Onkee oya galukile koshigongi noya lombwele aakwashigongi ya ti: 23 “Otse sho twa thiki kondholongo, otwa adha omiyelo dhayo dha patekeka naalangeli oya langela nawa piiyelo, ihe sho twe egulula omiyelo, otwi iyadhaadha mo owala.” 24 Omukuluntu gwaalangeli yotempeli naayambi aakuluntu sho ye shi uvu, oyi ipula nonkumwe mokudhiladhila shoka sha ningilwa aayapostoli. 25 Ihe omulumentu gumwe okwe ya mo mongulu yoshigongi e te ya lombwele ta ti: “Taleni, aalumentu mbeyaka mwa tulile mondholongo, oye li ngashingeyi motempeli taa longo aantu.” 26 Nena omukuluntu gwaalangeli yotempeli okwa yi pamwe naamati ye noya ka tala ko aayapostoli. Ihe inaye ya eta ko kethiminiko, oshoka oya li ya tila kutya otashi vulika, aantu ye ya dhipage nomamanya.
27 Oyo oye eta mo aayapostoli noye ya kaleke omuthika komeho goshigongi. Omuyambimukuluntu okwa ti kuyo: 28 “Otse otwe mu lombwele: Inamu longa we nando aantu medhina lyomulumentu nguka Jesus. Taleni ihe shoka mwa ningi. Jerusalem ashihe mwe shi udhitha elongo lyeni. One omwa hala nokuli oku tu tsika ondjo yeso lyomulumentu ngoka Jesus.”
29 Nena Petrus naayapostoli ooyakwawo oye ya yamukula ya ti: “Otse otu na okuvulika kuKalunga, hakaantu. 30 Kalunga ngoka ootate haye mu longele, oye ngoka a yumudha Jesus tuu ngoka mwe mu alele komushigakano nomwe mu dhipaga. 31 Kalunga okwe mu yeluthile pombanda kolulyo lwe, a kale Omuwiliki nOmuhupithi, nokwa pe Aaisraeli ompito yokwiitedhulula, ya dhiminwe po oondjo dhawo. 32 Mokuhokolola iinima mbika otse oonzapo pamwe nOmbepo Ondjapuki, ndjoka Kalunga he yi gandja omagano kumboka haa vulika kuye.”
33 Iilyo yoshigongi shaatokoli sho yu uvu oohapu ndhika, odhe ya lulumike koomwenyo noya tokola okudhipaga aayapostoli. 34 Ihe moshigongi omwa thikama gumwe, omulongimpango nomufarisayi, edhina lye Gamaliel, ngoka a li ha simanekwa kaantu ayehe. Oye okwa gandja elombwelo, aayapostoli ya piithwe mo manga. 35 Opo ihe okwa lombwele oshigongi a ti: “Aaisraeli ne ooyakwetu, dhiladhileni nawa shoka mwa hala okuningila aalumentu mbaka. 36 Oshoka inapu pita ethimbo ele, sho Teudas a holokele nokwi iningi aniwa oye ashikeshalye, naalumentu ye thike lwopomathele gane oyi igameke kuye. Ihe oye okwa dhipagwa, naalanduli ye ayehe oya halakanithwa noya manwa po. 37 Konima yaanguka, pethimbo lyomayalulo gaantu, Judas Omugalilea okwa holoka po. Oye okwi ihilile ongundu, ihe naye wo okwa dhipagwa, naalanduli ye oya halakanithwa po. 38 Onkee ano ngashingeyi otandi mu lombwele, aalumentu mbaka inamu ya ningila nando uuwinayi washa. Ya etheni, ya tye ngaaka, oshoka oshilonga shika shawo ngele osha za momuntu, otashi ka hula po; 39 ihe ngele osha za muKalunga, nena one itamu vulu nando oku ya sinda. Nokuli otamu ke shi mona kutya otamu kondjitha Kalunga.”
Oshigongi shaatokoli osha taamba epukululo lyaGamaliel. 40 Oyo oyi ithanene mo ihe aayapostoli noya lombwele aalangeli, ye ya dhenge. Opo ihe oye ya indike, yaa popye we nando olumwe medhina lyaJesus, noye ya etha. 41 Aayapostoli oya zi mo moshigongi shaatokoli ya nyanyukwa noonkondo, sho Kalunga e ya tala ya gwana okuhepekelwa edhina lyaJesus. 42 Nokuli esiku kehe oya tsikile okulonga nokuuvitha motempeli nomomagumbo elaka etoye ndyoka tali ti kutya Jesus oye Kristus.
