Paulus muEfeso
1 Ndele Apollos fimbo a li muKorinto, Paulus okwa li ta ende nokupitapita moilongo yokombada, ndele ta fiki muEfeso, ndele okwa hanga mo ovalongwa vamwe 2 nokwa pula kuvo: “Nye omwa pewa tuu Omhepo Iyapuki eshi mwa itavela?” Vo ove mu nyamukula, tava ti: “Fye inatu uda nandenande, ngeenge oku na Omhepo Iyapuki.” 3 Ndele okwe va pula: “Nye omwa shashwa neshasho lilipi?” Vo ve mu nyamukula: “Eshasho laJohannes.” 4 Opo nee Paulus ta ti: “Johannes okwa li ta shashe neshasho lelidilululo, eshi a lombwela ovanhu ve nokwiitavela ou te mu shikula, nokutya oJesus.” 5 Ndele vo, eshi ve di uda, ova shashelwa medina lOmwene Jesus. 6 Ndele Paulus eshi e va tenheka omake aye, Omhepo Iyapuki ye uya muvo, vo ova popya omalaka ndele tava xunganeke. 7 Ndele venya va li ve fike pomulongo navavali.
8 Ndele ye okwa ya moshinagoga nokwa popya navo nouladi omafiku e fike peehani nhatu, ndele ta kendabala oku va hepaululila oinima ei yomouhamba waKalunga. 9 Ndele vamwe eshi ve likukutika nova anya okwiitavela, tava sheke ondjila moipafi yovanhu, ye okwa dja po puvo, ndele ta tongola mo ovalongwa muvo, ndele okwa li ha popi keshe efiku mofikola yaTirannus. 10 Ndele eshi pa pita omido mbali, novanhu aveshe vomuAsia, nOvajuda nOvagreka, ova uda eendjovo dOmwene.
11 Ndele Kalunga okwa longifa yo Paulus oilonga inene yeenghono, 12 ngaashi yo eenashituke noitetahema yaye oya ka tenhekwa kovanaudu, noudu we va efa, neemhepo dii oda dja mo muvo. 13 Ndele eemhule dimwe Ovajuda ovaendaendi, va hetekela yo okutumbula edina lOmwene Jesus kombada yaava va li ve neemhepo dii, ndele tava ti: “Ame ohandi mu anifa medina lOmwene Jesus, ou ta udifwa kuPaulus.” 14 Mokati kaava ve shi ninga, omwa li ovana ovamati vaheyali vaSkeva, omupristeli omukulunhu wOvajuda, 15 ndele omhepo ii oye va nyamukula tai ti: “Jesus ondi mu shii, naPaulus ondi mu wete, ndele onye oolyelye?” 16 Nomunhu ou e nomhepo ii, okwe va nhukila ndele e va finda, ngaashi ou osho naawinya, vo ova puma mo meumbo olo ve li omalutu ongaho a tosholwa oipute. 17 Ndele eshi osha udika kwaaveshe muEfeso, kOvajuda nokOvagreka, ndele va kwatwa ketilo, nedina lOmwene Jesus ola fimanekwa pombada. 18 Ndele vahapu vomuvo va ninga ovaitaveli, nove uya okuhepaulula nokuholola oilonga yavo. 19 Ndele vahapu vomwaava va li va longifa oupule wavo, ova eta omishangwa davo doupule da ndubilwa onduba, ndele ve di xwika po moipafi yovanhu, nondado yado, eshi ya valulilwa kumwe, oya ninga oimaliwa oisiliveli yomayovi omilongo itano. 20 Hano osho ngaha eendjovo dOmwene oda kula noda pama noda holola eenghono dado.
21 Ndele ashishe osho eshi sha ningwa ko, Paulus e litokolela okupitila muMakedonia nomuAkaia nokuya kuJerusalem, ndele ta ti: “Ame nge nda di ko, ondi noku ka mona yo Roma.” 22 Ye okwa tuma ko ovakwafi vaye vavali, Timoteus naErastus muMakedonia, fimbo ye mwene ta kala efimbo limwe muAsia natango.
Euyaano laDemetrius
23 Ndele momafiku enya euyaano linene la tukulukila ondjila ei. 24 Osheshi omuhambwidi umwe woshisiliveli, edina laye Demetrius, ou ha hambula moshisiliveli omafano eetembeli daDiana (Artemis) e a likolifila ovalongi eenghulungu vakwao ovo ve mu longela eliko linene. 25 Ndele okwa ifana ava novalongi vakwao, va longa oshilonga osho, ndele ta ti: “Ovalumenhu nye, omu shi shii eliko letu ola dja moilonga ei. 26 Ndele paife omu shi wete ndele hamu shi udu, Paulus ou nhumbi a ivalaleka, haamo omu muEfeso amuke, ndele nomuAsia alishe ndele ta hongaula ovanhu vahapu eshi ta ti: Oinima ei ya hongwa nomake kai fi ookalunga. 27 Hano paife oshiponga eshi oshi li popepi: hashilonga eshi shetu ashike sha nyika okudinika, ndelenee otembeli yakalungakadona Diana yakula, tai xutuka, nako vene yo taka kanifa etumbalo lako, oko tuu aka ka fimanekwa muAsia ashishe nomounyuni.”
28 Ndele vo eshi ve di uda, ova yada ehandu, va ingida mokule tava ti: “Omwene oove Diana wOvaefeso!” 29 Noshilando ashishe sha hovela okupiyaana, ndele ova lotokela kumwe kondabo youdano nova kokololela mo Gaius naAristarkus, Ovamakedonia, ava va enda pamwe naPaulus. 30 Ndele Paulus eshi a hala okuya mokati kovanhu, ovalongwa inave mu efa. 31 Novakulunhu vamwe vomuAsia ava va li ookaume kaye, ova tuma kuye, ndele tave mu indile, aha ye ko kondabo youdano. 32 Vo aveshe ova uyaana va popya, vamwe eshi novakwao shinya, osheshi ongudu aishe oya dundakana, navahapu ova li vehe shii eshi she va ongaleka ko. 33 Ndele mongudu omwa shililwa Aleksander, Ovajuda ve mu undula moipafi. Aleksander okwe va mweneka neke, a hala okulombwela ongudu eendjovo delipopilo. 34 Ndelenee vo eshi ve mu koneka nokutya, ye Omujuda, opo nee aveshe va hovela okwiingida mokule unene ngaashi okanya kamwe, ndele tava uyaana eetundi mbali, tava ti: “Omwene oove Diana wOvaefeso!”
35 Ndele hamushanga woshilando, eshi a li a mweneka ovanhu, ta ti: “Ovalumenhu nye Ovaefeso, oku na tuu nande oumwe ou ehe shii kutya oshilando shOvaefeso hashi pashukile otembeli inene yaDiana nefano laye la wile meulu? 36 Hano eshi shi li ngaha noshihe fi okutuwa eemhata, omu nokumwena muha longe osho inashi yuka. 37 Nye mwa eta apa ovanhu ava, vehe fi ovanyeki votembeli ile ovasheki vakalungakadona aka ketu. 38 Ngeenge hano Demetrius novalongi eenghulungu ve neemhata nomunhu, oku na omafiku okuhokololifa, novatokoli veendjovo oko ve li, nava ye hano va hokololifafane. 39 Ndelenee ngeenge mu neendjovo donhumba nodongadi dimwe di lili, odo odi nokutokolwa moshiongalele shoshiwana konghedi yoveta yoshilongo. 40 Osheshi oshinima eshi sha ningwa mefiku eli lonena, osha nyika oku tu pa etimba tu hokololifwe omolwondubo, nande inatu nyona sha, ndele fye itatu dulu okulipopila euyaano eli.” 41 Hano eshi a popya ngaha, oshiongalele osha hanauka nee.
Paulus ta longo aantu muEfeso: Ondjenda ontintatu
1 Ano Apollos manga a li muKorinto, Paulus okwa taakana pokati koshitopolwa shoka, sigo a thiki kuEfeso. Hwiyaka okwa adha ooitaali yamwe 2 nokwe ya pula ta ti: “Omwa pewa tuu Ombepo Ondjapuki, sho mwa ningi ooitaali?”
Oyo oye mu yamukula ya ti: “Otse inatu uva nando olumwe kutya oku na Ombepo Ondjapuki.”
3 Nena Paulus okwe ya pula ta ti: “Ano omwa shashwa eshasho lya tya ngiini?”
Oyo oye mu yamukula ya ti: “Tse otwa shashwa eshasho ndyoka Johannes e li ningi.”
4 Nena Paulus okwe ya lombwele ihe ta ti: “Johannes okwa shasha mboka yi itedhulula nokweetha oondjila dhawo oombwinayi, ihe okwa lombwele aantu kutya naa itaale ngoka te ya konima ye — kokutya naa itaale Jesus.”
5 Ano oyo sho yu uvu shoka sha popiwa kuPaulus, oyi ishashithile medhina lyOmuwa Jesus. 6 Paulus sho e ya tenteke iikaha ye, Ombepo Ondjapuki oya kulukile muyo. Nena oyo oya tameke okupopya omalaka gaa shiwike noyu uvitha wo oohapu dhaKalunga. 7 Aalumentu mboka oya li ye thike lwopomulongo nayaali ayehe kumwe.
8 Pethimbo lyoomwedhi ndatu Paulus okwa li ha yi mosinagoga e tu uvithile aantu nuulaadhi ta popi Oshilongo shaKalunga. 9 Ihe yamwe oyi ikukutike, ya tindi okwiitaala noya sheke montaneho yaayehe ondjila yaKalunga. Onkee Paulus okwe ya thigi po, a yoolola mo ooitaali nokwa kala ha kundathana nayo esiku kehe mosikola yaTirannus. 10 Pamukalo nguka Paulus okwa tsikile okulonga aantu uule woomvula mbali, naayehe mboka ya kala moshitopolwa shaAsia, Aajuda naapagani, oyu uvu oohapu dhOmuwa.
Aana aamati yaSkeva
11 Kalunga okwa longitha Paulus iikumithalonga iinene. 12 Nokuli iipugulitho niitetahema mbyoka a li e yi longitha, sho ya tentekwa kaavu, oya aluka komavu gawo, noombepo dha nyata odha zi mo muyo.
13 Nena Aajuda yamwe mboka ya li haa endagula nokutidha mo oombepo dha nyata maantu, oya kambadhala wo oku shi ninga nokulongitha edhina lyOmuwa Jesus. Oyo oya lombwele oombepo dha nyata taa ti: “Otandi mu lombwele medhina lyaJesus, ngoka tu uvithwa kuPaulus, zii mo momuntu nguka.” 14 Mokati kawo omwa li wo aana aamati yaheyali yomuyambimukuluntu gwAajuda, edhina lye Skeva.
15 Ihe ombepo ya nyata oye ya yamukula ya ti: “Jesus ondi mu shi, naPaulus ondi mu shi, ihe ne one oolye ano?”
16 Omulumentu ngoka a li e niwe kombepo ya nyata, okwe ya nukile nokwe ya kondjitha noonkondo adhihe e te ya sindi. Nena oyo oya gwaya mo megumbo e taa fadhuka po nomalutu ga toshagulwa noonguwo dha tuulwa.
17 Aajuda ayehe naapagani mboka ya kala muEfeso, oya kundana oshinima shika; oya tila noonkondo noya simaneke unene edhina lyOmuwa Jesus. 18 Oyendji yomooitaali oye ya e taa hempulula nokuhokolola montaneho yaayehe iinima mbyoka ye yi ninga. 19 Oyendji yomwaamboka ya li haa longitha uumpulile, oye eta omambo gawo agehe taga popi uumpulile e taye ga fike po montaneho yaantu ayehe. Sho ya tula kumwe ondando yomambo ngoka agehe, oya ningi iimaliwa yoshisiliveli omayuvi omilongo ntano.
20 Osho ngeyi oohapu dhaKalunga odha taandele noonkondo, naantu oyendji oye dhi itaale.
Ombuyagano muEfeso
21 Konima yaambika Paulus okwa tokola okupitila muMakedonia nomuGreka, a ye kuJerusalem. Oye okwa popi a ti: “Ongame ngele nda thiki ko hoka, nena ondi na wo oku ka talela po kuRoma. 22 Onkee okwa tumu aakwathi ye yaali, Timoteus naErastus, kuMakedonia, manga ye ta kala natango okathimbo muAsia.”
23 Pomasiku ngeyaka muEfeso omwa tukuluka uupyakadhi uunene omolwokulandula Omuwa. 24 Omuhambudhi gumwe gwoshisiliveli, edhina lye Demetrius, okwa li ha hambula iiyelekela iishona yoshisiliveli yotempeli yoshikalunga oshikiintu Artemis. Iipindi mbika oye etele oonakulonga pamwe naye uuyamba owindji. 25 Onkee okwi ithana aantu ayehe mboka haa longo puye nosho wo ooyakwawo yalwe mboka haa longo iilonga ya fa yawo, e te ya lombwele ta ti: “Aalumentu ne, omu shi shi nawa kutya uuyamba wetu ohau zi miilonga mbika. 26 Ihe ngashingeyi omu shi wete nomu shi uvite ko ne yene shoka omulumentu nguka Paulus ta ningi. Oye ota popi kutya omafano giikalunga ngoka ga hongwa kaantu, kage shi Kalunga. Oye okwi itaalitha aantu oyendji moshinima shika, haamuka ashike muEfeso, ihe okonyala moshitopolwa ashihe shaAsia. 27 Ano ngashingeyi ope na oshiponga shi li popepi kutya iilonga mbika yetu otayi ka dhinika. Nokuli haashika ashike, ihe ope na wo oshiponga oshikwawo kutya otempeli yakalunga omukiintu a simana, Artemis, otayi ka dhinika, nesimano lye enene otali ka shunduka, nonando oye kalunga ngoka ha simanekwa kaantu ayehe yomuAsia noyomuuyuni auhe.”
28 Ano ongundu yaantu sho yu uvu oohapu ndhika, oya geyea noya tameke okwiigidha mokule taa ti: “Artemis gwaEfeso oye omunene!”
29 Epiyagano ndika oli ihanene oshilando ashihe. Nena aantu oya nukile Aamakedonia yaali, Gaius naAristarkus, mboka ye ende pamwe naPaulus, noye ya tidhile kongulu yomaudhano.
30 Paulus okwa li a hala okupopya komeho gongundu, ihe ooitaali inaye shi pitika. 31 Yamwe yomaaleli yoshilongo, mboka ya li ookuume kaPaulus, oye mu tumine elaka noye mu indile, kaa ye ko nando kongulu yomaudhano. 32 Mongulu yomaudhano omwa li epiyagano alike. Aantu oya li taa igidha taa popi shontumba noshongandi, yo oyendji oya li kaaye shi wo kutya oya gongalele shike. 33 Yamwe oya dhiladhila kutya Aleksander oye e etitha epiyagano, Aajuda sho ye mu undulile komeho gaantu. Nena Aleksander okwa mweneke aantu noshikaha she, oshoka okwa li a hala okupopila Aajuda komeho gongundu. 34 Ihe aantu sho ya dhimbulula kutya oye Omujuda, oya tameke okwiigidha mokulekule ongomuntu gumwe uule wootundi mbali taa ti: “Artemis gwaEfeso oye omunene!”
35 Hugunina amushanga gwoshilando okwa mweneke aantu. Oye okwe ya lombwele ta ti: “Aaefeso ne, aantu ayehe oye shi shi kutya oshilando shaEfeso ohashi gamene otempeli yakalunga omukiintu omunene, Artemis, noyemanya eyapuki ndyoka lya gwa megulu. 36 Kape na nando ogumwe ta ludhike iinima mbika. Onkee ano gundjileni, inamu longa nando osha shaa fele. 37 One omwe eta aalumentu mbaka huka, nando oyo inaa yaka mo iinima iiyapuki yomotempeli nongaashi inaa sheka nando kalunga haka ketu. 38 Demetrius naalongeli ye ngele oye na oombudhi dhasha nomuntu gwontumba, omasiku gu uthwa gompangu oko ge li, naatokoli yoohapu opo ye li, naa ka tamanekathane hwiyaka. 39 Nongele ope na natango sha shilwe shoka mwe shi hala, nena oshi na okukundathanwa moshigongi shoshigwana pamukalo gwompango yoshilongo. 40 Oshoka oshinima shika sha ningwa nena, otashi vulu oku tu talitha kutya otse aapiyaganeki yaantu, nando hasho. Kape na nando eipopilo lyasha okupopila epiyagano ndika.”
41 Ano sho a popi ngeyi, aantu oya halakana.
