Oshingefimano shOmwene tashi i mo
1 Opo nee ye a twala nge koshivelo shopondje sha taalela koushilo. 2 Ndele tala, oshingefimano shaKalunga kaIsrael she uya sha dja kombinga yokoushilo. Ndele oshihomo shasho sha li ngaashi oshihomo shomeva mahapu, nedu ola vema koshingefimano shaye. 3 Nemoniko nde li mona olo la li ngaashi emoniko linya nde li monene mokuuya kwange okuhanauna po oshilando. Omamoniko a li ngaashi emoniko nde li monene pomulonga waKebar. Ndele ame onda wila poshi. 4 Noshingefimano shOmwene sha ya motembeli omoshivelo osho sha taalela koushilo. 5 NOmhepo ya yelula nge noya twala nge moluumbo lomenielela. Ndele tala, oshingefimano shOmwene sha yadifa otembeli. 6 Ndele ame nda uda Umwe ta popi naame motembeli fimbo omulumenhu e li pwaame. 7 Ndele Ye okwa lombwela nge: “Kaana komunhu, eshi onhele yolukalwapangelo lange nonhele yoshififinwa sheemhadi dange, muyo Ame ohandi ka kala mokati kovana vaIsrael fiyo alushe. Neumbo laIsrael itali ka shekifa vali edina lange liyapuki, vo neehamba davo nokuhaela kwado noimhu yeehamba davo pokufya kwado, 8 osheshi vo va tula oshikulo shoposhi poshikulo shange shoposhi nolumhango lavo polumhango lange, opo pa li ekuma alike pokati ketu naavo. Ndele vo ova shekifa edina lange liyapuki noixuna yavo ve i ninga, opo Ame mehandu lange nde va komba po. 9 Paife otava ka twala kokule naame okuhaela kwavo noimhu yeehamba davo, ndele Ame ohandi ka kala mokati kavo fiyo alushe. 10 Oove, kaana komunhu, eenghundana dotembeli ei di shiivifila eumbo laIsrael, vo opo va fye ohoni molwomatauluko avo. Oyo nai va ningile oshihopaenenwa sha yela. 11 Ndele vo eshi hava fi ohoni molwaaishe ve i ningile, ove va shiivifila okufa kwotembeli naaishe ei i li meni, noivelo yokuya mo noivelo yokudja mo, nomalupe aeshe, neenghedimhango, nomalombwelo aeshe neemhango adishe. Yo i shangela moipafi yavo, opo vo va diinine okufa akushe kwayo neenghedimhango adishe nove i wanife. 12 Eshi omhango yotembeli: Koxulo yomhunda pe nokukala onhele aishe yayo iyapukielela keembinga adishe. Tala, omhango yotembeli ei.
Oaltari yexwikiloyambo
13 “Ndele oiyelekifo yokuyeleka oaltari ya yelekifwa nomaludimbo (oludimbo limwe olo li fike poludimbo limwe la wedelwa oule weke): Ekanghameno: oule wopombada oludimbo limwe nounene oludimbo limwe. Oshikelelifo shasho shoshinhoko she shi dingilila, fiyo okolungenge lasho sha li eke limwe. Omufika woaltari oyou: 14 Kekanghameno loposhi fiyo okolukambo loposhi omaludimbo avali, nounene oludimbo limwe. Nokolukambo olu linini fiyo okolukambo linene omaludimbo ane, nounene oludimbo limwe. 15 Fiyo okediko lokuxwikila omaxwikiloyambo omaludimbo ane, nomediko lokuxwikila po omaxwikiloyambo eembinga nhee de litwa pombada. 16 Ediko lokuxwikila po omaxwikiloyambo oule omaludimbo omulongo naavali, nounene walo omaludimbo omulongo naavali, la li li nomingenge nhee, di fike pamwe, keemhati dalo. 17 Noule weemhatikuma omaludimbo omulongo naane, nounene omulongo naane keemhati dado, nolukambo lado la dingilila oludimbo loshinhoko. Ekanghameno lado oludimbo limwe kombinga nombinga, neendodo dado da taalela oushilo.”
18 Ndele ye okwa lombwela nge: “Kaana komunhu, Omwene Kalunga ta ti ngaha: ‘Eshi eenghedimhango doaltari: Mefiku tuu olo eshi yo ya pwa okulongwa, omaxwikiloyambo opo a etwe kuyo nohonde opo i shaminwe kuyo, 19 u nokupa ovapristeli Ovalevi, ava oludalo laSadok ndele tava itavelelwa okweehena kwaame va longele nge, Omwene Kalunga ta ti, u noku va pa omhunya ngaashi etimbayambo. 20 Ndele ove u nokukufa mo ohonde yomohonde yayo noku i vaeka keembinga nhee dayo nopomakololo ane olukambo nokomukunghulo wa dingilila. Nosho ngaha ove u noku i yapula noku i etela ekwatakanifo. 21 Opo nee mu nokukufa ongobe omhedi yetimbayambo, ndele vo ve noku i xwikila monhele yomotembeli ya tongolelwa oshilonga eshi, pondje yotembeli. 22 Ndele mefiku etivali ove u nokweeta oshikombo shihe noshiponga ngaashi etimbayambo. Noaltari i nokuyapulwa ngaashi ya yapulwa nongobe yomhedi. 23 Ngeenge mwa mane okuyapula, u nokweeta onhana yondume ihe noshiponga nodi ihe noshiponga yomeedi. 24 Ndele ove u noku di eta koshipala shOmwene, novapristeli ve nokuunda omongwa kombada yado noku di eta kOmwene ngaashi omaxwikiloyambo. 25 Momafiku aheyali, keshe efiku, u nokulongekida oshikombo, ongobe yomhedi nodi yondume molwetimbayambo. Aishe nai kale ihe na oshipo. 26 Momafiku aheyali mu nokweetela oaltari ekwatakanifo noku i feta noku i yapula, 27 ndele mu nokuwanifa omafiku aa. Opo nee mefiku etihetatu nosho yo momafiku taa shikula, ovapristeli ove nokulongekida omaxwikiloyambo avo nomapanduloyambo koaltari, ndele Ame ohandi ke va hokwa, Omwene Kalunga ta ti.’ ”
Omuwa ta shuna kotempeli
1 Omulumentu okwa fala ndje komweelo gwa taalela kuuzilo, 2 nonda mono ko eadhimo lyaKalunga kaIsrael tali zi kuuzilo. Ewi lyaKalunga otali ndunduma lya fa epopilo lyefuta, evi nolya adhima kesimano lye. 3 Emoniko ndika olya li lya fa ndyoka nda mwene, sho Kalunga i ile a hanagule po Jerusalem, naandyoka nda mwene pomulonga Kebar. Ngame nonda tsu oshipala pevi. 4 Eadhimo olya pitile mosheelo shokuuzilo e tali yi motempeli.
5 Ombepo yOmuwa oya yambula ndje po e tayi fala ndje kehale lyaayambi, moka nda mono kutya otempeli oyu udha eadhimo lyOmuwa. 6 Omulumentu okwa thikama ponto yandje, nondu uvu Omuwa ta lombwele ndje e li motempeli ta ti: 7 “Muna gwomuntu, oshipangelapundi shandje opo shi li mpaka. Otandi ka kala mpaka mokati kAaisraeli notandi ya lele aluhe sigo aluhe. Aaisraeli nenge aakwiilongo yawo itaa ka sitha we edhina lyandje eyapuki ohoni mokusimaneka iikalunga nenge ya fumvike omidhimba dhaakwaniilwa yawo mehala ndika. 8 Aakwaniilwa oya tungu omishigo niikulo yomiyelo dhuuwa wawo ontega nomishigo niikulo yotempeli yandje; pokati ketu nayo opwa li owala ekuma. Oya dhinitha edhina lyandje eyapuki niilonga ayihe iinyanyalithi ye yi ningi, nomolwashoka nde ya yono po mondjahi yandje. 9 Ngashingeyi oye na okweetha okusimaneka iikalunga nokukutha po omidhimba dhaakwaniilwa yawo. Ngele taye shi ningi, otandi ka kala mokati kawo sigo aluhe.”
10 Omuwa okwa tsikile a ti: “Muna gwomuntu, lombwela Aaisraeli kombinga yotempeli, ya koneke omufanekelo gwayo. Ya sitha ohoni niilonga yawo yuulunde ye yi ningi. 11 Ngele oya si ohoni molwaambyoka ya ningi, ya fatululila omufanekelo gwotempeli, meni lyayo nkene mwa tya, iiyelo yayo yokuya mo noyokupita mo, olupe lwayo, omalongekidho agehe, elelo lyayo nomautho gayo agehe. Mbika ayihe yi ya nyolela, opo ya dhimbulule nkene ayihe ya landulathanithwa, yo ya gwanithe omautho agehe. 12 Ndjika ompango yotempeli: Ehala alihe lye yi kunkula kondungu yondundu, olyo eyelele neyapuki.”
Oshiyambelo
13 Oondjeleko dhoshiyambelo odho ndhika, nge to yeleke noshiyelekitho shoka wa yeleke nasho otempeli. Oshitako shoshiyambelo osha kunkulwa komukanka gu na uule wopohi woosendimeta omilongo ntano nomutamo gwoosendimeta omilongo ntano. Koongenge dhomukanka oku na omugoyo gu na omutumbo gwoosendimeta omilongo mbali nantano. 14 Oshitopolwa shopevi shoshiyambelo, okuza pombanda yoshitako, oshi na omuthika gwometa yimwe. Oshitopolwa oshitiyali shomutumbo gwoometa mbali osha tentekwa kushoka shopevi pokati ku na oosendimeta omilongo ntano kombinga kehe okuza koongenge dhoshitopolwa shotango. Oshitopolwa oshititatu osha tulwa kushoka oshitiyali, pokati ku na wo oosendimeta omilongo ntano kombinga kehe okuza koongenge dhoshitopolwa oshitiyali. 15 Omutumbo gwoshitopolwa shoka shopombanda, mpoka hapu fikilwa omafikilondjambo, ogwo oometa mbali. Uunguku pomakuvu gane owa li wa lontomana kombanda yoshiyambelo. 16 Omutse gwoshiyambelo ogwa li ombine yoometa hamano luhamano. 17 Oshitopolwa shopokati osha li wo ombine yoometa heyali luheyali, shi na omugoyo gwomutumbo gwoosendimeta omilongo mbali nantano kolungenge lwokondje. (Omukanka ogwomutamo gwoosendimeta omilongo ntano.) Iilyatelelo yu uka pombanda koshiyambelo, oya li kombinga yokuuzilo.
Eyapulo lyoshiyambelo
18 Omuwa Omupangeliawike okwa lombwele ndje a ti: “Muna gwomuntu, pulakena shoka tandi ku lombwele. Oshiyambelo nge sha tungwa, shi yapula nokufikila kusho omafikilondjambo noku shi shashamina nombinzi yiimuna mbyoka tayi yambwa. 19 Aayambi yezimo lyaLevi ya za moluvalo lwaSadok oyo ayeke taa vulu okuya koshipala shandje ya yakule ndje. Ongame Omuwa Omupangeliawike nde shi popi. Ou na oku ya pa ongombe ondumentu yomutanda yi yambelwe oondjo. 20 Ou na okukutha mo ombinzi yayo e to yi gogo kuunguku une woshiyambelo, nokomakuvu goshitopolwa shopokati shoshiyambelo nokoongenge adhihe. Pahedhi ndjika oto yapula oshiyambelo noku shi yelitha. 21 Ou na okukutha ongombe ndjoka ya yambelwa oondjo e to yi lungunitha po peha lyi ikalela pondje yehala lyotempeli. 22 Esiku lyanofu ou na okukutha oshikombo oshilumentu shaa na oshipo, u shi yambele oondjo. Yelitha oshiyambelo nombinzi yasho pahedhi ndjoka ngaashi wa ningile nombinzi yongombe. 23 Nge wa mana, kutha ongombe ondumentu yomutanda nonzigona ondumentu, adhihe dhaa na oshipo, 24 ngoye u dhi etele ndje. Aayambi otaye dhi gundu omongwa e taye dhi fikile ndje omayambo. 25 Esiku kehe lyomomasiku gaheyali ou na okuyamba oshikombo, ongombe ondumentu yomutanda nonzigona ondumentu, yi ninge omayonondjambo. Ayihe nayi kale yaa na oshipo. 26 Omasiku gaheyali aayambi oye na okuyapula oshiyambelo, ye shi longekidhile okulongithwa. 27 Oshiwike nge sha piti, aayambi oye na okutameka okuyamba omafikilondjambo nomakwatathanondjambo gaantu koshiyambelo. Nangame otandi ka kala ndi na ombili nane amuhe. Ongame, Omuwa Omupangeliawike, nda popi.”
