Tu lalakaneneni ewaneneno
1 Onghee hano tu efeni omahovelolongo aKristus, ndelenee tu lalakaneneni ewaneneno, tuha tungulule vali ekanghameno lelidilululo lokoilonga ya fya noleitavelo okwiitavela Kalunga, 2 nelongo lomashasho nomatenheko omake nenyumuko lovafi netokolo laalushe. 3 Nosho twa hala okuninga, Kalunga ngeenge te shi itavele.
Okushuna monima oku noshiponga
4 Osheshi ava va li va minikilwa ndele va makela oshali shomeulu ndele va pewa Omhepo Iyapuki, ngee va efa eitavelo, otava ka nyengwa okwaaluka ve lidilulule; 5 ova makela ondjovo iwa yaKalunga neenghono defimbo lounyuni tau uya, 6 ndele ova efa, otava ka nyengwa okulidilulula vali, osheshi otave livalelele vali Omona waKalunga komushiyakano noku mu shekifa. 7 Osheshi edu eli tali nu odula tai li loko luhapu, ndele tali dalele ovo ve li longelwa yo, otali mono enangeko noupuna kuKalunga; 8 ndelenee ngeenge tali menifa eengwena neeshosholo, kali noshilonga, oli li popepi nokufingwa, nexulilo olo okuxwikwa po.
Tu kanyateleni komaudaneko aKalunga
9 Ndelenee onye ovaholike, nande ohatu tongo ngaha, ohatu mu tale kutya, ei oiwa notai mu etele exupifo. 10 Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango. 11 Ndele otwa halelela shili keshe umwe womunye a holole ouhapu u fike pamwe, opo mu diinine mu kale mu neteelelo la pama fiyo okexulilo, 12 muha fye ounye, ndelenee mu ninge ovashikuli vaavenya va ninga keitavelo nokelididimiko ovafyuululi vaasho sha udanekwa.
13 Osheshi Kalunga eshi a pa Abraham eudaneko, okwe lianena Ye mwene, shaashi kapa li sha shimwe shi mu dule e shi anene, 14 ndele ta ti: “Oshili, ohandi ku punike nokupunikilila, nohandi ku hapupalifile nokuhapupalifilila.” 15 Ndele Abraham, eshi a teelela nokulididimika, a mona osho sha udanekwa. 16 Osheshi ovanhu ohava anene osho shi va dule, neano otali va pamekele oshinima ndele tali xulifa eemhata adishe. 17 Hano osho yo Kalunga eshi a hala okushiivifila shili ovafyuululi vomaudaneko nokutya, omhangela yaye kai nokulunduluka, okwe i pameka neano, 18 opo tu tuwe shili ouladi koinima oyo ivali itai lunduluka, muyo Kalunga ina dula okufufya, ofye ava twa ya onhapo, tu kanyatele keteelelo li li komesho, 19 olo tu li na, la fa ekanghamifo lomwenyo la pama nola kwatelela, la hanga meni mwi langhele metukulifo, 20 omo mwa yaJesus, omulotoki wokomesho ponhele yetu, eshi a ninga omupristeli omukulunhu panghedi yaMelkisedek fiyo alushe.
1 Tu etheni iilongwa yopetameko yomuukriste, tse tu lalakaneni uukuluntu. Onkee itatu popi we iinima mbyoka yetameko ngaashi iilonga yaa na oshilonga, eitaalo okwiitaala Kalunga, 2 omalongo gomashasho, omatenteko giikaha, eyumuko lyaasi nepangulo lyahugunina. 3 Tu humeni komeho! Eeno, osho twa hala okuninga, Kalunga ngele te shi tu pitikile.
4 Oshoka mboka ya shuna monima, otaa itedhululithwa we tuu? Oyo oya li muuyelele waKalunga. Oya makele iikulya yomegulu noya pelwe Ombepo Ondjapuki. 5 Oya li ya makele uutoye woohapu dhaKalunga noya li yu uvite oonkondo dhomuuyuni mboka tau ke ya. 6 Sho ya shuna monima, itaa vulu we okwiitedhululithwa, oshoka oyo otaa alele natango Omuna gwaKalunga komushigakano noku mu sitha ohoni montaneho yaayehe.
7 Kalunga ota yambeke epya ndyoka tali lokwa olwindji komvula notali meneke iimeno yo opalela aalongi yalyo. 8 Ihe ngele tali meneke oongwena noondjoho, otali thingwa e tali yonwa po nomulilo.
9 Ookuume aaholike, nando tatu popi ngeyi, otwe mu inekela natango. One omu na omayambeko omawanawa tage mu fala mehupitho. 10 Kalunga oku shi kwiinekelwa. Ita dhimbwa iilonga nohole yeni mokusimanekitha edhina lye, sho hamu yakula aakriste ooyakweni. 11 Otwa hala unene, kehe gumwe gwomune a dhiginine okukala ta lalakana sigo okehulilo, opo a adhe shoka a kala e shi tegamena. 12 Tse inatu hala, mu kale aananyalo, ihe holeleni mbeyaka yi itaale noyi idhidhimike, sigo ya pewa shoka Kalunga e shi uvaneka.
Euvaneko lyaKalunga
13 Kalunga sho u uvanekele Abraham euvaneko, okwa gana kutya ote li tsakanitha. Sho kaapwa li ngoka omunene e mu vule, oye okwa gana kedhina lye mwene. 14 Oye okwa ti: “Otandi ku uvanekele kutya otandi ke ku yambeka e tandi ku pe oluvalo olwindji.” 15 Abraham okwi idhidhimike e ta pewa shoka Kalunga e mu uvanekela. 16 Uuna omuntu ta gana, oha longitha edhina lyaangoka e mu vule, negano otali hulitha po omaludhi gawo. 17 Kalunga okwa li a hala okuyelithila nawa mboka ya pewa euvaneko lye kutya ita ka lundulula nando edhiladhilo lye. Onkee okwe li koleke negano. 18 Oku na iinima mbika iyali mbyoka tayi holola kutya Kalunga iha lundulula ye iha fundju. Onkee ano tse mboka twa mono egameno muye, otwa tsuwa omukumo omunene, opo tu tegamene shoka shi li komeho. 19 Etegameno ndika lyetu olya kwata lya dhiginina oomwenyo dhetu. Otatu yi nalyo, sigo twa piti metopolitho lyotempeli yomegulu e tatu yi muuyapukielela, 20 moka Jesus a tetekele okuya mo molwetu. Oye okwa ningi omuyambi omukuluntu sigo aluhe palandulathano lyaMelkisedek.
