Ovafindani novaengeli ve noiyaxahandu iheyali
1 Ndele onda mona edidiliko likwao meulu, linene nolikumwifa: Ovaengeli vaheyali ava ve kwete omahepeko aheyali axuuninwa, omo mwa wanifwa ehandu laKalunga.
2 Ndele nda mona shimwe sha fa efuta lekende la lumbakanifwa nomundilo, naava va finda oshilyani noshiyelekela shasho nomuvalu wedina lasho, ova kala ofika mefuta eli lekende ve neenyalilo daKalunga. 3 Ndele vo ova imba eimbilo laMoses, omupiya waKalunga neimbilo lOdjona, tava ti:
“Oilonga yoye oinene noikumwifa,
Omwene Kalunga, Omunaenghono adishe,
eendjila doye oda yuka nodoshili,
Oove ohamba yoiwana aishe.
4 Olyelye ou ite ku tila, Omwene, ndele ita fimaneke edina loye?
Osheshi Oove auke omuyapuki;
osheshi oiwana aishe otai uya ndele tai ku linyongamene,
osheshi omatokolo oye omayuki a holoka.”
5 Konima yoinima ei, onda mona otembeli ya yeululwa, oyo etwali lehepaululo lomeulu; 6 novaengeli venya vaheyali, va li ve nomahepeko aa aheyali, ova dja motembeli va djala oikutu itoka ya vilima, nokeenhulo ova mangwa nomakwamo oshingoldo. 7 Ndele shimwe shomoinamwenyo oyo ine sha pa ovaengeli venya vaheyali oiyaxa yoshingoldo iheyali i yadi ehandu laKalunga, ou e nomwenyo alushe fiyo alushe. 8 Notembeli oya yada omwifi woshinge shaKalunga noweenghonopangelo daye, ndele kape na nande umwe a dula okuya motembeli, manga omahepeko aheyali ovaengeli vaheyali inaa wanifwa.
Aayengeli yomahepeko gahugunina
1 Nena onda mono kegulu endhindhiliko ekwawo enene nekumithi. Aayengeli yaheyali ye na omageelo gaheyali. Ngoka ogo omageelo gahugunina, oshoka uuna taga mwena, nondjahi yaKalunga wo otayi kodha.
2 Nena onda mono efuta tali tayima ngekende lya vongakanithwa mumwe nomulilo. Onda mono wo mboka ya sindi oshilikama noshiyelekela shasho naangoka gwedhina lyu ulikwa nonomola. Aasindani mbaka oya thikama pefuta tali tayima ngekende ye na uuhumba ye u pewa kuKalunga. 3 Oyo oyi imbi eimbilo lyaMoses, omumati gwaKalunga, nolyOnzigona ya ti:
“Omuwa Kalunga Omunankondoadhihe, iilonga yoye iinene ngiini niikumithi!
Omukwaniilwa ngoye gwiigwana ayihe,
omautho goye ogu uka ngiini nogoshili!
4 Omuwa, olye ngoka itee ku tila?
Olye ta tindi okuhokolola uunene woye?
Oshoka ongoye awike omuyapuki.
Iigwana ayihe otayi ke ya notayi ka tsa oongolo koshipala shoye
e tayi ku galikana.
Oshoka iilonga yuuyuuki woye oya tseyika kwaayehe.”
5 Konima yaambika onda mono otempeli ye eguluka megulu, netsali ndyoka tali holola okukalapo kwaKalunga, li li motempeli. 6 Motempeli omwa zi aayengeli yaheyali mboka ye na omageelo gaheyali. Oyo oya li ya zala oonguwo oontokele dholiina tadhi adhima nomapaya goshingoli poontulo dhawo. 7 Nena shimwe shomiinamwenyo ine osha pe aayengeli mboka yaheyali iiyaha iheyali yu udha ondjahi yaKalunga, ngoka e na omwenyo aluhe sigo aluhe. 8 Otempeli oyu udha olwithi talu zi meadhimo nomoonkondo dhaKalunga, nokakwa li nando oongoka a vulu okuya mo motempeli, sigo omageelo ngoka gaheyali ge etwa kaayengeli yaheyali, ga hulu po.
