Paulus te lipopile koshipala shaAgrippa
1 Ndele Agrippa okwa tya kuPaulus: “Ove wa pewa okulipopila.” Opo nee Paulus a yelula eke laye e lipopila, ta ti: 2 “Ohamba Agrippa, onde litala omunelao, eshi nda itavelwa mefiku eli lonena okulipopila koshipala shoye moinima ei aishe, Ovajuda tava pe nge etimba. 3 Osheshi eenghedi nomapulapulo aeshe Ovajuda ou a shii nawa, onghee handi ku indile, tale nge onheni, ove u pwilikine nge.
4 “Okukalamwenyo kwange mounyasha, Ovajuda aveshe ove ku shii, osheshi nda kala pehovelo fiyo onena mokati koshiwana shetu nomuJerusalem. 5 Vo ove shii nge pehovelo, ngeenge va hala okuhepaulula, nhumbi nda li Omufarisai paenghedi odo doshimhanga shinya oshidiinini sheitavelo letu. 6 Ndele paife ondi li apa ofika handi hokololifilwa eteelelo lomaudaneko enya a udanekelwa ootate kuKalunga. 7 Ndele olo tuu olo omapata aa etu omulongo naavali eshi taa diinine okulongela Kalunga oufiku nomutenya, a hala nokuhalelela oku li mona. Eteelelo tuu olo, omwene wange, handi hokololifwa kOvajuda. 8 Oshike tashi mu kelele okwiitavela nokutya, Kalunga ota nyumuna ovafi?
9 “Ame yo onda li ndi shii, ondi nokukondjifa shili edina laJesus Omunasareti. 10 Osho nda ningile yo muJerusalem, nda idilila ovayapuki vahapu modolongo, eshi nda pewa eitavelelo kovapristeli ovakulunhu novakwatwa eshi va dipawa po, naame yo onde shi itavela. 11 Ndele akushe meeshinagoga luhapu onde va fininikifa momahandukilo okutuka Jesus moupyuhandu wange, nonde va hepekele fiyo okoilando yokoilongo.
Paulus ta hepaulula elidilululo laye
(Oil. 9:1-19Oil. 22:6-16)12 “Mokweendela oinima ei, eshi nda ya kuDamaskus, onda li ndi nomaitavelelo ovapristeli ovakulunhu. 13 Opo nee, ohamba, mondjila yange, mokati komutenya, onda mona ouyelele unene, u dule ou wetango, wa dja meulu, ndele wa dingilila nge, aame mwene novafindikili vange. 14 Ndele fye atushe otwa wila poshi, ame onda uda ondaka ya popya mOshiheberi, tai ti kwaame: ‘Saul, Saul, oshike to taataa nge? U noudjuu okufangula konhele yeonga!’ 15 Opo nda tya: ‘Omwene, Oove lyelye?’ Omwene ta ti: ‘Aame Jesus, ou to mu taataa. 16 Ndelenee penduka, likanghameka, osheshi onde ku lihololela, opo ndi ku tule po omupiya wange nondobwedi yange u hepaulule osho we shi mona nakeshe tuu osho handi ku hololele komesho. 17 Ame ohandi ku xupifa momake oshiwana sheni noovapaani ovo, handi ku tumu kuvo, 18 okupashukifa omesho avo, va dje mo momulaulu, ve uye mouyelele, va efe epangelo laSatana, nove uye kuKalunga, ndele mokwiitavela nge, va mone ekufilo lomatimba nefyuululo mokati kovayapulwa.’
19 “Onghee hano, ohamba Agrippa, onda dulika kemoniko olo lomeulu, 20 ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo. 21 Omolwaashi Ovajuda va kwatela nge motembeli nova hala okudipaa nge. 22 Ndele kekwafo olo nde li pewa kuKalunga fiyo onena eli ondi li ofika apa, ndele handi hepaululile ovanini novanene, ndele itandi popi sha shimwe shi lili, osho ashike osho ovaxunganeki naMoses ve shi popya, shi nokuwanifwa, 23 nokutya, Kristus nhumbi kwa li e nokuhepekwa nonhumbi a ninga omutete womenyumuko, opo a udifile ovanhu ava novapaani yo ouyelele.”
24 Ndelenee eshi e lipopila ngaha, Festus okwa popya mokule ndele ta ti: “Paulus, owa pilalala eendunge. Elongo olo loye olinene notali pilalalifa eendunge doye!” 25 Ndelenee Paulus ta ti: “Festus omufimanekwa, inandi pilalala eendunge, ohandi popi eendjovo doshili nodeendunge diwa. 26 Ndele ohamba oi shii ei aishe, onghee hano handi mu lombwele yo nokuliameka kuye nouladi, osheshi ondi shi shii nawa, kaku na nande oshinima shomwaai aishe, osho inashi shiivika kuye, ei ngaashi inai ningilwa mekololo lapenipeni. 27 Ohamba Agrippa, ove oto itavele tuu ovaxunganeki? Heeno, ondi shi shii, oto va itavele.” 28 Ndele Agrippa ta ti kuPaulus: “Hamba, ou shii okuninga nge Omukriste okupu!” 29 Ndele Paulus ta ti: “Ngee okupu ile okudjuu, onda hala haave auke, ndelenee amushe ava tamu pwilikine nge nena, Kalunga e mu ninge ngaashi ame, kakele komalyenge aa ndi kwete mu kale muhe a kwete.”
30 Ndele Paulus eshi e shi tya, opo ohamba nomupangeli woshilongo naBernike, naaveshe ava va li va kala omutumba pamwe navo, ova fikama. 31 Ndele mokuya ova kundafana, tava ti: “Omulumenhu ou ina ninga sha shoku mu dipaifa ile shoku mu mangifa.” 32 Ndele Agrippa okwa tya kuFestus: “Omulumenhu ou ngeno okwa li ine liameka komukesari, ngeno okwa wana okweefiwa.”
Paulus ti ipopile koshipala shaAgrippa
1 Agrippa okwa lombwele ihe Paulus a ti: “Ou na ompito yokwiipopila.” Nena Paulus okwa yelutha oshikaha she nokwi ipopile ta ti:
2 “Omukwaniilwa Agrippa! Ondu uvite kutya ngame omunelago, sho nda pitikilwa okwiipopila koshipala shoye omolwiinima ayihe mbyoka Aajuda taa yi tamanekele ndje. 3 Eeno, shika oshoshili, oshoka ngoye owa tseya nawa oohedhi nomapulo gAajuda. Onkee otandi ku indile, u idhidhimike okupulakena ndje.
4 “Okuputuka kwandje akuhe sigo omuugundjuka Aajuda oye ku shi, oshoka okuza petameko sigo onena onda kala moshilongo shaandjetu nomuJerusalem. 5 Ngele oya hala, otaa vulu okuhokolola kutya noshitonale ngame onda kala gumwe gwomaafarisayi, mboka haa dhiginine nuulaadhi auhe eitaalo lyetu. Nongele oya hala oku shi holola, otaa vulu oku shi ninga. 6 Ngashingeyi onda thikama mpaka tandi pangulwa molwaashoka ondi itaala omauvaneko ngoka Kalunga e ga uvanekela ootatekulu. 7 Omolwomauvaneko tuu ngaka omazimo agehe omulongo nagaali gomoshigwana shetu ohaga longele Kalunga omutenya nuusiku, naantu oya tegelele, Kalunga e ge ya gwanithile. Etegameno ndika, omukwaniilwa omusimanekwa, olyo tandi tamanekelwa kAajuda. 8 Omolwashike ano ne Aajuda tamu nyengwa okwiitaala kutya Kalunga ota yumudha aasi?
9 “Nangame wo onda li ndu uvite kutya ondi na okukondjitha noonkondo adhihe edhina lyaJesus Omunasareti. 10 Osho nda ningile muJerusalem. Onda li nda pewa oonkondo kaayambi aakuluntu nonde edhilile aantu oyendji yaKalunga mondholongo. Nokuli naasho ya tokolelwa eso, onda li nde shi panda. 11 Olwindji onde ya dhengitha moosinagoga adhihe nonda kambadhala oku ya thiminika, yi idhimbike eitaalo lyawo. Onda li nde ya geele noonkondo, onkee onda yi sigo okiilando yokiilongo yilwe oku ya tidhagana.”
Paulus ta hokolola eitedhululo lye
(Iil. 9:1-19Iil. 22:6-16)12 “Nelalakano ndika onda yile kuDamaskus ndi na oonkondo nomapitikilo ga za kaayambi aakuluntu. 13 Ano sho nda li mondjila pokati komutenya, omukwaniilwa omusimanekwa, onda mono uuyelele owindji u vule mboka wetango wa zi kegulu nowa kondeke ndje pamwe naalumentu mboka twa li nayo. 14 Tse atuhe otwi ihata pevi, ngame nondu uvu ewi tali popitha ndje mOshihebeli tali ti: ‘Saulus, Saulus, omolwashike to tidhagana ndje? Ngoye oto ialula ngoye mwene, sho to thanga ondungu yegonga.’ 15 Nena onde mu pula nda ti: ‘Ongoye lye, Omuwa?’ Oye okwa yamukula a ti: ‘Ongame Jesus ngoka to mu tidhagana. 16 Ihe thikama, ikolelela komagulu goye. Ongame onde ku ihololele, opo ndi ku longekidhe, u ninge omuyakuli gwandje. Ongoye ou na okuhokololela aantu yalwe shoka we shi mono nena, naashoka tandi ke ku hololela komeho. 17 Ngame otandi ke ku hupitha miikaha yAaisraeli noyaapagani mboka tandi ku tumu kuyo. 18 Ngoye ou na okutonatitha omeho gawo, opo ya ze mo momilema, ye ye muuyelele, yo ya thige po epangelo lyaSatana, ye ye kuKalunga. Nena omolweitaalo lyawo okwiitaala ndje otaa ka dhiminwa po oondjo dhawo notaa ka pewa eha mongundu yaahogololwa yaKalunga.’
Paulus ta hokolola iilonga ye
19 “Onkee ano, omukwaniilwa Agrippa, ngame onda zimine okuvulika kemoniko lyomegulu. 20 Onkee ondu uvithile tango muDamaskus nomuJerusalem, opo ihe onde shi ningi moshilongo shaJudea ashihe nomokati kaapagani wo. Onde ya lombwele, yi itedhulule, ye ethe uulunde noya galukile kuKalunga, ya longe iilonga mbyoka tayi holola kutya oyi itedhulula. 21 Ano omolwokuuvitha kwa tya ngeyi Aajuda oya kwata ndje, manga nda li motempeli, noya li taa kambadhala okudhipaga ndje. 22 Ihe Kalunga okwa kwatha ndje, onkee sigo onena onda thikama mpaka notandi hololele aantu ayehe, naanamadhina naadhinwa, oshili. Nokuli shoka tandi popi, osho naanaa shoka aahunganeki naMoses ya tile kutya onashi ka ningwa: 23 kokutya Kristus oku na okusa, opo a ninge omutango mokuyumudhwa kuusi ye a uvithile Aajuda naapagani uuyelele wehupitho.”
24 Ano Paulus sho kwa li ti ipopile ngeyi, Festus okwe mu popitha newi enene a ti: “Paulus, oto yi oonkwengu! Elongo lyoye enene notali pilaaleke oondunge dhoye!”
25 Paulus okwe mu yamukula a ti: “Aawe, omusimanekwa Festus, inandi pilaala, ihe otandi popi oohapu dhoshili nodhi shi kwiinekelwa. 26 Omukwaniilwa Agrippa, otandi vulu oku ku hokololela iinima mbika nomukumo aguhe, oshoka ngoye owe yi tseya nawa. Ondi inekela shili kutya iinima mbika ayihe owe yi koneka, oshoka inayi ningilwa meholamo. 27 Omukwaniilwa Agrippa, owi itaale tuu shoka sha nyolwa kaahunganeki? Eeno, ondi shi kutya owe shi itaala.”
28 Nena Agrippa okwa lombwele Paulus a ti: “Oto dhiladhila aniwa kutya oto vulu okuninga ndje omukriste mokathimbo okafupi ke thike mpoka?”
29 Paulus okwe mu yamukula a ti: “Kashi na mbudhi kutya ethimbo ele nenge efupi, ngame otandi galikana ashike Kalunga, opo ngoye pamwe naantu ayehe mboka taa pulakene ndje ngashingeyi, mu ninge aakriste ngangame. Kakele ashike kaashoka kutya inandi hala, mu mangwe.”
30 Nena omukwaniilwa, omuleli gwoshilongo, naBernike naantu yalwe ayehe mboka ya li pamwe nayo, oya thikama e taa yi. 31 Ano mokweenda kwawo oya kundathana taa ti: “Omulumentu nguka ina ninga nando osha shoka sha gwana oku mu dhipagitha nenge oku mu tulitha mondholongo.” 32 Agrippa okwa lombwele ihe Festus a ti: “Omulumentu nguka ando okwa li ini igameka komupangeli Omuroma, ando ota mangululwa ashike.”
