Efyo laMoses
1 Opo nee Moses okwa dja momaluhaela aMoab nokwa londa komhunda yaNebo, koxulo yaPisga ya shaama naJeriko. NOmwene okwe mu ulikila oshilongo ashishe okudja muGilead fiyo okuDan, 2 Naftali alishe nedu laEfraim nolaManasse nedu alishe laJuda fiyo okEfuta Lopokati, 3 noshilongo shaumbuwanhu nefilu laJordan, efilufuka laJeriko, oshilando shomilunga, fiyo okuSoar. 4 NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”
5 Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela. 6 Ndele Ye okwe mu paka moshilongo shaMoab, mefilu la shaama naBet-Peor. Ndele nande umwe ina shiiva ombila yaye fiyo onena eli. 7 Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala. 8 Ndele ovana vaIsrael va lila eefya daMoses omafiku omilongo nhatu momaluhaela aMoab. Ndele omafiku okulila eefya daMoses noluhodi molwaMoses a xula po. 9 Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.
10 Ndele muIsrael inamu holokela nande omuxunganeki umwe ngaashi Moses, ou a endafana nOmwene koshipala noshipala, 11 nande oumwe ou a ninga omadidiliko noikumwifa ngaashi ye, eshi a tumwa kOmwene medu laEgipiti kuFarao nokovapiya vaye noshilongo shaye ashishe. 12 Nande oumwe ou a li ngeno e neenghonopangelo noilonga aishe inene noya tilika, ei ya ningwa kuMoses moipafi yovana vaIsrael aveshe.
Eso lyaMoses
1 Moses okwa zi molushandja lwaMoab a londo kondundu Nebo, kondungu yondundu Pisga kuuzilo waJeriko. Oko nkoka Omuwa e mu ulukile evi alihe: oshilongo shaGilead sigo okoshilando Dan kuumbangalantu, 2 evi alihe lyaNaftali, iilongo yaEfraim naManasse, oshilongo shaJuda sigo okEfuta lyopokati kuuninginino, 3 ombinga yokuumbugantu waJuda, nolushandja ndoka lwa taandela okuza kuZoar sigo oJeriko, oshilando shomilunga. 4 Omuwa okwa lombwele Moses ta ti: “Ndika olyo evi ndyoka ndu uvanekele Abraham, Isak naJakob tandi li pe oluvalo lwawo. Otandi li ku ulukile, ihe itandi ku pitika u ye mo.”
5 Osho ngaaka Moses, omupiya gwOmuwa, a sile mevi lyAamoabi, ngaashi Omuwa e shi tile. 6 Omuwa okwe mu fumvike mesilu limwe lyomuMoab, ontega noshilando Betpegor, ihe sigo onena kape na ngoka a tseya naanaa mpoka a fumvikwa. 7 Moses okwa li e na omimvo ethele nomilongo mbali, sho a si; nokwa li e na oonkondo natango, nomeho ge oga li ge wete ko natango. 8 Aaisraeli oye mu lili oosa omasiku omilongo ndatu molushandja lwaMoab.
9 Josua yaNun okwa li u udha ombepo yuunongo, oshoka Moses okwe mu langeke a ninge omulanduli gwe. Aaisraeli oya vulika kuJosua e taa dhiginine iipango mbyoka Omuwa e yi ya pele muMoses.
10 Kamwa li we omuhunganeki muIsrael a fa Moses; Omuwa a popi naye oshipala noshipala. 11 Nokaku na omuhunganeki a longa iilongandhindhiliko niinyengandunge, ngaashi mbyoka ya longwa kuMoses, Omuwa sho e mu tumine, e yi ninge mokukondjitha omukwaniilwa gwaEgipiti, omalenga ge noshilongo she ashihe. 12 Nokaku na omuhunganeki gulwe e na oonkondo okuninga iinima iinene niitilithi mbyoka Moses e yi longo montaneho yAaisraeli.
