Omakumaido
1 Ndele natango, ovamwatate, ohatu mu ilikana nohatu mu kumaida mOmwene Jesus, mu kule muyo natango, nhumbi mu nokweenda nokukala mwa wapalela Kalunga, ngaashi hamu ende paife. 2 Osheshi omalombwelo aa twe mu pa mOmwene Jesus omu a shii nokuli. 3 Osheshi ehalo laKalunga oleli: eliyapulo leni, mu yepe oluhaelo; 4 keshe ou womokati keni a kale e shii kudiinina omukainhu waye omouyapuki nomokufimaneka, 5 hamolwisho louhalu, ngaashi ovapaani ava inava shiiva Kalunga; 6 ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila. 7 Osheshi Kalunga ine tu ifanena enyato, ndele ouyapuki. 8 Onghee hano ou ha dini ei, oye iha dini omunhu, ndelenee oKalunga mwene, ou a yandja Omhepo yaye Iyapuki kufye.
9 Ohole yokuholafana, ovamwatate, ihamu pumbwa oku i shangelwa, osheshi onye vene mwa longwa kuKalunga okuholafana, 10 nohamu shi ningile yo ovamwaxo aveshe vomuMakedonia ashishe. Ndelenee ohatu mu kumaida, ovamwatate, mu kule muyo natango, 11 ndele mu tale efimano leni nokutya, olo okukala mengungumano nokulonga oilonga yeni hamu longifa omake eni vene, ngaashi twe mu lombwela, 12 opo mu ende mu neenghedi moipafi yaava vopondje ndele inamu pumbwa sha.
Enyumuko lomovafi Ealuko lOmwene
13 Ndelenee ovamwatate, fye inatu hala mu kale muhe shi shii, ava va kofa po (oonakufya) nhumbi ve li, muhe va nyikile oluhodi ngaashi venya vamwe vehe neteelelo. 14 Osheshi fye ngeenge hatu itavele Jesus a fya, ndele a nyumuka, opo nee Kalunga ota ka eta pamwe naye ovo va kofa mo muJesus.
15 Osheshi ohatu mu lombwele, ngaashi ondjovo yOmwene nokutya, fye ava hatu fyaala po tu nomwenyo fiyo okealuko lOmwene, ihatu tetekelele ava va kofa po. 16 Osheshi Omwene Ye mwene ota ka londoloka keulu neingido lelombwelo nondaka yomweengeli omukulunhu nekweno lenghuma laKalunga, ovafi ovo va fila muKristus, otava ka nyumuka tete, 17 opo nee nafye yo, ovanamwenyo ava twa fyaala po, ohatu ka vakulwa po shimwe pamwe naava moilemo, tu ka shakeneke Omwene kombadambada, ndele hatu ka kala alushe pOmwene. 18 Hano lihekelekeni neendjovo edi.
Okukalamwenyo taku opalele Kalunga
1 Aamwameme, hugunina otwe mu lombwele, nkene mu na okukala, opo mu opalele Kalunga. Shika osho hamu ningi shito. Onkee otatu mu indile noku mu kumagidha medhina lyOmuwa Jesus, mu shi ninge mu vule shito. 2 Omalombwelo ngoka twe mu pe mewiliko lyOmuwa Jesus, omu ga shi. 3 Kalunga okwa hala, mu kale aayapuki ne mu yande oluhondelo. 4 Omulumentu kehe gwomokati keni na kale a tseya, nkene e na okukala nomukiintu, a kale naye pamukalo gu uka nogwesimaneko. 5 Ina kala naye pakahalu kuulunde ngashika aapagani mboka inaa tseya Kalunga. 6 Ano moshinima shika inaku kala nando omulumentu ta yono kumukwawo nenge te mu yugu. Shika otwe shi mu lombwele nale notwe mu kumagidha noonkondo kutya Omuwa ota ka geela mboka taa longo uuwinayi wa tya ngaaka. 7 Kalunga ine tu ithanena okukala muuholume, ihe okukala aayapuki. 8 Onkee ngoka ta dhini elongo ndika, ita dhini aantu, ihe oKalunga ngoka ha gandja Ombepo Ondjapuki.
9 Itamu pumbwa okunyolelwa kombinga yokuhola ooitaali ooyakweni. Oshoka Kalunga mwene okwe mu longa, mu kale mu holathane. 10 Shika omwe shi holola nale mokukalathana kweni nooitaali ayehe yomuMakedonia. Aamwameme, otatu mu indile, mu shi ninge mu vule shito. 11 Kaleni mu na elalakano okukala mwa gundjila, tamu longo iilonga yeni e tamu ikongele iipalutha yeni, ngaashi twe mu lombwele nale. 12 Pamukalo gwa tya ngeyi otamu simanekitha uukriste weni mokati kaamboka yaa shi ooitaali noitamu pumbwa okukala tamu indile oompumbwe dheni kuyalwe.
Okugaluka kwOmuwa
13 Aamwameme, otwa hala mu tseye kutya aantu mboka ya sa, oye li ngiini, opo mwaaye ya sile oluhodhi ngashika mboka yaa na etegameno. 14 Tse otwi itaala kutya Jesus okwa sile e ta yumuka; onkee otwi itaala wo kutya uuna Jesus te ya, Kalunga ota ka yumudha pamwe naJesus aantu mboka ya sile meitaalo.
15 Mpaka otatu mu lombwele elongo lya zi kOmuwa. Uuna ndoka Omuwa te ya, tse mboka tatu ka adhika tu na omwenyo, itatu ka tetekela mboka ya sa nale. 16 Tango otaku ka uvika elombwelo, ewi lyomuyengeli omukuluntu nehiko lyenkuma lyaKalunga. Nena Omuwa mwene ota ka kuluka ta zi megulu. Aantu mboka ya si yi itaala Kristus, otaa ka yumudhwa tango. 17 Opo ihe tse mboka tatu ka adhika tu na omwenyo pethimbo ndyoka, otatu ka gongelwa atuhe pamwe nayo pombanda miikogo, tu ka tsakaneke Omuwa mombepo. Osho ngeyi otatu ka kala ihe aluhe pOmuwa. 18 Onkee ano talalekathaneni noohapu ndhika.
