1 Paulus omuyapostoli waKristus Jesus okehalo laKalunga, nomumwatate Timoteus, 2 kovamwatate muKristus, ovayapuki novaitaveli vomuKolossi.
Efilonghenda kunye nombili yaKalunga Tate yetu.
Epandulo neilikano omolweitavelo lOvakolossi
3 Ohatu pandula Kalunga Xe yOmwene wetu Jesus Kristus alushe ngeenge hatu mu ilikanene, 4 osheshi eitavelo leni lomuKristus Jesus, nohole yeni yokuhola ovayapuki aveshe, otwe i uda 5 nomolweteelelo leni, mwe li tuvikililwa meulu nomwe li uda nale meendjovo doshili yevaengeli, 6 la fika kunye nongaashi li li mounyuni aushe ndele tali imi oiimati, ngaashi mokati keni yo, okefiku olo mwa uda ndele mwa shiiva onghenda yaKalunga yomoshili, 7 nongaashi mwe shi longwa kuEpafras, omulongi omukwetu omuholike, omuyakuli omudiinini waKristus molweni, 8 ndele oye e tu hepaululila yo ohole yeni yomOmhepo.
9 Onghee nafye yo, kokudja kefiku olo twe shi uda, inatu efa oku mu ilikanena noku mu indilila mu yadifwe okushiiva ehalo laye meendunge adishe nomounongo wopamhepo, 10 okweenda kweni opo ku wapalele Omwene, mu mu hafife mwaaishe shili nokwiimika oiimati moshilonga keshe shiwa, nokukula mokushiiva Kalunga, 11 nokunghonopalekwa neenghono adishe paenghono defimano laye mu shiive okulididimikila moudjuu keshe nokutalonheni 12 nokupandula nehafo Tate, ou e tu wapaleka tu pewe oshitukulwa shefyuululo lovayapuki mouyelele. 13 Ou e tu xupifa mo mepangelo lomulaulu nokwe tu tembulila mouhamba wOmona waye omuholike. 14 Muye otu nekulilo nekufilo lomatimba omohonde yaye.
Kristus Oye omutwe weongalo
15 Oye olupe laKalunga iha monika, Omudalwa wotete woishitwa aishe. 16 Osheshi muye omo mwa shitilwa aishe inya yomeulu naai yokombada yedu, ei i wetike naai ihe wetike, omalukalwapangelo ile ouhamba, nomapangelo ile omapangelonghono a pama, aishe ya shitilwa muye noye mu shitilwa, 17 ndele Oye wotete kwaaishe, nomuye aishe oya pamenena mo. 18 Ndele Oye omutwe wolutu nokutya, weongalo, Oye tuu ou ehovelo, Omudalwa wotete ou a nyumuka kovafi, opo a kale omukomesho moinima aishe; 19 osheshi osho sha wapalela Xe, muye mu kale ouyadi aushe, 20 ndele mokuninga ombili omolwohonde yomushiyakano waye ohandi ti: molwaye a hanganife aishe muye naai yokombada yedu naainya yomeulu.
21 Nanye yo ava mwa li nale ovaliteeki novatondadi vaye momadilongo eni nomolwoilonga ii, 22 Ye e mu hanganifa paife molutu lombelela yaye omolwefyo laye, opo e mu tule koshipala shaye ovayapuki, muhe noshipo nomuhe noushima, 23 ngeenge tamu kala meitavelo, mwe likanghameka mulo, mwa pamenena mo, muha tengauke meteelelo levaengeli eli mwe li uda nola udifilwa ovashitwa aveshe vokoshi yeulu, olo tuu eli ame Paulus nda ninga omuyakuli walo.
Omuyakuli waKristus meongalo
24 Paife ohandi hafe mokuhepekwa omolweni, noixupe youyehame waKristus ohandi i wanifa mombelela yange omolwolutu laye, nokutya eongalo, 25 oleli nda ninga omuyakuli walo, omolwoutekuumbo waKalunga oo nde u pewa molweni ndi udife eendjovo daKalunga noku di wanifa, 26 nokutya, oshiholekwa osho sha li sha holekwa omafimbo nomapupi ndelenee paife osha hololelwa ovayapuki vaye, 27 ovo Kalunga a hala oku va shiivifila oupuna wefimano loshiholekwa eshi shi li mokati kovapaani, osho Kristus munye, eteelelo lefimano. 28 Oye hatu mu udifa nokukumaida nokulonga omunhu keshe mounongo aushe, opo tu kaleke omunhu keshe poluhaela a wana muKristus. 29 Osho tuu eshi handi shi lihepekele nokukondja pakulonga kwaye oko taku longo mwaame neenghono.
1 Ontumwafo ndjika oya zi kuPaulus, omuyapostoli gwaKristus Jesus, kehalo lyaKalunga, nokomumwameme Timoteus.
2 Oya nyolelwa aantu yaKalunga ye li muKolossa naamwameme aainekelwa muKristus.
Esilohenda nombili yaKalunga Tate nayi kale pamwe nane.
Egalikano lyehambelelo
3 Tse aluhe otatu hambelele Kalunga, He yOmuwa gwetu Jesus Kristus, sho tatu mu galikanene. 4 Oshoka otu uvu eitaalo lyeni okwiitaala Kristus Jesus nohole yeni okuhola aantu yaKalunga ayehe. 5 Ano elaka etoye nolyoshili sho lyu uvithilwa mokati keni, omu uvu lwotango etegameno ndyoka tali li gandja. One omu uva kutya shoka mwe shi tegamena pauvaneko, oshe mu pungulilwa nawa megulu, onkee eitaalo lyeni nohole yeni oya kankamekwa ketegameno ndyoka. 6 Evaangeli olye eta omayambeko nolya taandele nuuyuni auhe, ngashika naanaa lya taandele mokati keni, okuza kesiku ndyoka mu uvu lwotango esilohenda lyaKalunga nomwi ilongo oku li tseya naanaa ngashika li li. 7 Shika omwe shi longwa kuEpafras, omuyakuli mukwetu omuholike nomwiinekelwa moshilonga shaKristus peha lyetu. 8 Oye okwe tu hokololele ohole yeni ndjoka mwe yi pewa kOmbepo.
9 Onkee ano tse ohatu mu galikanene aluhe okuza kesiku ndyoka tu uvu sha kombinga yeni. Tse otatu indile Kalunga, e mu udhithe Ombepo ye, ndjoka tayi mu pe ontseyo okutseya ehalo lye nuunongo auhe noondunge. 10 Nena otamu ka vula okukala ngashika Omuwa a hala mu kale, nokulonga aluhe shoka she mu opalela. Okukalamwenyo kweni otaku ka kala ihe kwa yambekwa miilonga ayihe iiwanawa, nontseyo yeni okutseya Kalunga otayi ka koka. 11 Oonkondo ndhoka tadhi zi mesimano lyoonkondo dhaKristus, nadhi mu koleke, opo mu wape okwiidhidhimikila ashihe shoka tashi mu adha. 12 Nyanyukweni ne mu hambelele Tate Kalunga, ngoka e mu ningi mu kale mu na oshitopolwa sheni moshipewa shoka a kala e shi nunina aantu ye moshilongo shuuyelele. 13 Oshoka Kalunga oye e tu nakula mo mepangelo lyomilema nokwe tu eta moshilongo shOmwana omuholike. 14 Omwana oye tuu ngoka e tu mangulula nokwa dhimi po oondjo dhetu.
Kristus noshilonga she shekulilo
15 Kristus oye olupe lu wetike lwaKalunga, ngoka ihaa monika. Oye omutango gwiishitwa ayihe noku li kombanda yiishitwa ayihe. 16 Kalunga okwa shititha Kristus iinima ayihe yomegulu noyokombanda yevi, iinima mbyoka yi wetike naambyoka yaa wetike, ongele oonkondo dhomombepo nenge aaleli nenge omapangelo. Kalunga okwe mu shititha ewangandjo alihe. 17 Kristus okwa li ko manga iinima ayihe ya li yaa ko. Onkee muukumwe naye iinima ayihe otayi ka kala yi li pomahala gayolela. 18 Oye omutse gwolutu, nokutya gwegongalo. Oye oluthithiya lwomwenyo gwomolutu nomutango mokuyumudhwa kuusi, opo a kale oye awike omutango miinima ayihe. 19 Oshoka Kalunga okwa tokola, Omwana a kale e na egwanopo lyondjelo ayihe yaKalunga muye mwene. 20 MolwOmwana okwa panga ombili nuuyuni auhe meso lyOmwana lyokomushigakano. Osho ngeyi Kalunga okwa galulile kuye iinima ayihe yokombanda yevi noyomegulu.
21 One omwa kala nale kokule naKalunga nomwi iningi aatondi ye miilonga nomomadhiladhilo geni omawinayi. 22 Ihe ngashingeyi Kalunga okwe mu hanganitha naye mwene molweso lyOmwana, opo e mu ninge aayapuki, aayelele nomwaa na oondjo koshipala she. 23 Onkee ano dhiginineni eitaalo lyeni. Ikoleleleni komukanka ngoka gwa kola nogwashili. Inamu pitika, mu nakulwe mo metegameno lyeni ndyoka mwe li ilikolele, sho mu uvu nomwa taamba evaangeli. Evaangeli ndyoka ngame Paulus nda ningi omuyakuli gwalyo, olyo tuu ndyoka tali uvithilwa aantu ayehe yomuuyuni.
Eyakulo lyaPaulus
24 Ngame onda nyanyukwa ngashingeyi, sho tandi hepekwa omolweni. Oshoka mokuhepekwa ngeyi kolutu otandi kwathele okutsakanitha shoka sha hupa ko natango shomomahepeko gaKristus molwolutu lwe, kokutya egongalo. 25 Kalunga okwa ningi ndje omuyakuli gwegongalo, sho a pe ndje oshilonga shoka, ndi shi longe omoluuwanawa weni. Oshilonga shika osho okuuvitha oohapu dhe, 26 ndhoka dha kala shito oshiholekwa shoka Kalunga a kala e shi holeka aantu ayehe omathimbo agehe ngoka ga piti, ihe ngashingeyi okwe shi hololele aantu ye. 27 Oshoka ompangela yaKalunga oyo okutseyithila aantu ye oshiholekwa shuuyamba noshesimano ndyoka a kala e li nunina aantu ye. Oshiholekwa osho shika kutya Kristus oku li mune, kokutya one otamu ka kala mu na oshitopolwa meadhimo lyaKalunga. 28 Onkee ano tse otatu uvithile aantu ayehe Kristus. Otatu londodha notatu longo omuntu kehe muunongo auhe mboka tau vulu okwaadhika. Otatu kaleke kehe gumwe puuyelele koshipala shaKalunga, a ninge omukuluntu a koka muukumwe naKristus. 29 Onkee ano otandi ihepeke notandi kondjo, opo ndi adhe ethikilo ndyoka. Otandi longo koonkondo dhaKristus ndhoka dhi li mungame.
