Jesus naJohannes Omushashi
(Luk. 7:18-35)1 Ndele okwa ningwa, Jesus eshi a mana okulombwela ovalongwa vaye omulongo navavali oipango ei, okwa ehena ko nokulonga nokuudifa moilando yavo.
2 Ndele Johannes eshi a li modolongo okwa uda oilonga yaKristus nokwa tuma kuye ovalongwa vaye 3 nondaka ei: “Oove tuu ou nakuuya, ile tu nokuteelela umwe?” 4 Opo nee Jesus okwe va nyamukula ndele ta ti: “Indeni mu ka hepaululile Johannes edi tamu di udu naai tamu i mono: 5 ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli. 6 Ndele omunelao oye ou ita limbililwa nge.”
7 Opo nee eshi va dja po, Jesus okwa hovela okulombwela ovanhu, ta popi Johannes ndele ta ti: “Mombuwa omwa ka talele mo shike? Olumbungu mbela tali nyenganyengifwa komhepo? 8 Ile omwa ka talele ko shike hano? Okumona omunhu a djala oikutu iwa ipu? Tala, ovo hava djala oikutu iwa ipu, ohava kala meengulu deehamba. 9 Ile omwa ka talele ko shike? Okutala omuxunganeki ngeno? Oshili handi mu lombwele: Oye e dule omuxunganeki. 10 Ndele oye tuu ou a shangwa kwa tiwa:
‘Tala, ohandi ku tetekelifile omutumwa wange,
oye e noku ku longekidila ondjila.’
11 Oshili handi mu lombwele: mwaava va dalwa kovakainhu kaku nomunene e dule Johannes Omushashi; ndele ou munini e dulike kwaaveshe mouhamba womeulu, oye e mu dule. 12 Ndelenee okomafiku aJohannes Omushashi, fiyo opaife ouhamba weulu otau tondokelwa, novahomoni tave u hakana. 13 Osheshi omaxunganeko aeshe ovaxunganeki nomhango oya xulila muJohannes; 14 ndele ngeenge mwa hala okutambula: oye Elia kwa li e nokuuya. 15 Ou e nomatwi, na ude ko!
16 “Ndelenee epupi eli ohandi li yeleke nashike? Olo la fa ounona, ve li omutumba poilandelo tava ingidile vakwao, 17 ndele tava ti:
‘Ofye otwe mu shikila eenyalilo, nye inamu tutula oudano,
notwa imba omaimbilo eenghali, ndele onye inamu lila.’
18 Osheshi Johannes okwe uya, oye ita li noita nu, ndele vo va tya: ‘Oye e nondemoni.’ 19 Omona wOmunhu okwe uya, ta li nota nu, vo notava ti: ‘Tala, omufukulume nongholwe, kaume kovafutifi nokovalunde.’ Ndele ounongo wa hololwa koilonga yavo kufye, owa yuka.”
Oilando inai lidilulula
(Luk. 10:13-15)20 Opo tuu Ye okwa hovela okutangunina oilando inya mwa ningilwa oilonga yaye ihapu yeenghono, osheshi oyo inai lidilulula: 21 “Woo, ove Korasin! Woo, ove Betsaida! Osheshi ngeno muTirus nomuSidon mwa ningilwa oilonga yeenghono, ngaashi inya ya ningilwa punye, ngeno yo ye lidilulula nale mokudjala eeshako nomokulidedaula momute. 22 Ndelenee ohandi mu lombwele: Tirus naSidon otai ningi hixwe, i mu dule efiku olo letokolo. 23 Naave yo Kapernaum, oto ka lengwa fiyo omeulu? Ahowe, oto ka kulukila fiyo omoshovafi! Osheshi ngeno muSodom mwa li mwa ningilwa oilonga ei yeenghono ya ningilwa mwoove, ngeno oko shi li nopaife. 24 Ndelenee ohandi mu lombwele: Edu laSodom otali ningi hixwe li ku dule efiku letokolo.”
Jesus ta hambelele Xe
(Luk. 10:21-22)25 Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana. 26 Heeno, Tate, osheshi osho tuu ngaha she ku wapalela. 27 Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.
Jesus ta ifana ava va loloka
28 “Ileni kwaame, nye amushe hamu longo nomwa lolokifwa, Ame ohandi mu pe etulumuko. 29 Litwikeni ondjoko yange nye mu lilonge kwaame, osheshi Aame omunambili, momutima onde lininipika; ndele tamu monene eemwenyo deni etulumuko. 30 Osheshi ondjoko yange oiwa nomutengi wange omupu.”
Aatumwa ya zi kuJohannes Omushashi
(Luk. 7:18-35)1 Jesus sho a mana omalombwelo ngaka kaalongwa ye omulongo nayaali, okwa zi po pehala ndyoka. Oye a longo e tu uvithile aantu miilando yawo.
2 Ihe Johannes Omushashi sho a li mondholongo, oku uvu iilonga yaKristus. Okwa tumu aalongwa ye kuye 3 oku mu pula: “Ongoye tuu nguka nakuya, nenge otu na okutegelela gulwe?”
4 Jesus okwe ya yamukula a ti: “Indeni, mu ka hokololele Johannes mbyoka tamu yi uvu notamu yi mono: 5 aaposi otaa mono ko, iilema otayi ende, aanashilundu otaa yele, oombolo otaa uvu ko, aasi otaa yumudhwa noohepele otaa uvithilwa elaka etoye. 6 Ihe omunelago oye tuu ngoka itaa etha ndje.”
7 Ano aalongwa yaJohannes sho ya yi, Jesus okwa tameke okulombwela aantu ta popi Johannes ta ti: “Mombuga omwa yile, mu ka tale shike? Enenge tali nyenganyengithwa kombepo? 8 Nenge omwa yile, mu ka tale shike? Omuntu a zala oonguwo dho opala? Oomboka haa zala oonguwo dho opala, oyo haa kala moombala dhaakwaniilwa. 9 Lombwelii ndje, omwa ka talele tuu shike? Omuhunganeki andola? Ongame tandi mu lombwele: Oye e vule omuhunganeki. 10 Johannes oye tuu ngoka a nyolwa kwa tiwa: ‘Ongame tandi tumu omutumwa gwandje, e ku tetekele. Oye ngoka te ku opalekele ondjila.’ 11 Ongame tandi mu lombwele: Kaku na nando ogumwe gwomaantu omunene e vule Johannes Omushashi. Ihe mOshilongo shegulu ngoka omushuushuka kwaayehe oye e mu vule. 12 Okuza komasiku gaJohannes Omushashi sigo onena Oshilongo shegulu otashi matukilwa, noofule otaye shi hakana. 13 Oshoka omahunganeko agehe nompango oya hulile muJohannes Omushashi. 14 Nongele mwa hala okwiitaala, Johannes oye Elia ngoka a li e na okuya. 15 Ngoka e na omakutsi, nu uve ko!
16 “Ihe aantu yopethimbo ndika otandi ya yeleke nashike? Oya fa uunona wa kuutumba pomalandelo tau igidhile uukwawo 17 e tau ti: ‘Otse twe mu hakelele, ihe ne inamu tutula uudhano. Otse notwi imbi omaimbilo goosa, ihe ne inamu lila.’ 18 Johannes okwe ya ti idhilike iikulya ye ita nu omaviinu. Oyo notaa ti: ‘Oye oku na oompwidhuli.’ 19 Omuna gwOmuntu okwe ya ta li ye ta nu omaviinu. Oyo notaa ti: ‘Tala komufukedhi nonkolwi, kuume kaafendelithi nokaalunde!’ Ihe uunongo waKalunga owa hololwa kiilonga ye.”
Iilando inaayi itedhulula
(Luk. 10:13-15)20 Jesus okwa tameke okunyenyetela iilando moka a li a ningile iilongankondo oyindji, oshoka oyo inayi itedhulula. 21 “Yayee ngoye, Korasin! Yayee ngoye, Betsaida! Oshoka ando muTiro nomuSidon mwa li mwa ningilwa iilongankondo mbyoka ya ningilwa mune, ando oyo oyi itedhulula nale mokuzala omahahi nokukuutumba momutoko. 22 Ihe ngame otandi mu lombwele: Tiro naSidon otayi ka ninga ihwepo yi mu vule mesiku lyepangulo. 23 Nangoye wo Kapernaum, oto ka lengwa sigo omegulu? Aawe, oto ka kulukithilwa sigo omoheli. Oshoka ando muSodom mwa li mwa ningilwa iilongankondo ngaambika ya ningilwa mungoye, ando opo shi li sigo onena. 24 Ihe otandi mu lombwele: Evi lyaSodom otali ka ninga ihwepo li mu vule mesiku lyepangulo.”
Jesus ta hambelele He
(Luk. 10:21-22)25 Pethimbo olyo tuu ndyoka Jesus okwa tameke okupopya a ti: “Otandi ku hambelele, Tate, Omuwa gwegulu nogwevi, oshoka iinima mbika ongoye we yi holeke aanongo naanamayele nowe yi hololele mboka ya fa uunona. 26 Eeno, Tate, shika osho she ku opalela.”
27 “Iinima ayihe onde yi pewa kuTate. Kaku na ngoka a tseya Omwana, Tate oye tuu awike. Osho wo kaku na ngoka a tseya Tate, Omwana oye tuu awike, naangoka Omwana a hala oku mu hololela.”
Ileni kungame, mu vululukwe
28 “Ileni kungame amuhe mwa vulwa nomwa humbatekwa uudhigu, ongame notandi mu pe evululuko. 29 Itsikeni ondjoko yandje, ne mu tseye ndje, oshoka ongame omunambili nomomutima ondi ishonopeka; notamu imonene evululuko. 30 Oshoka ondjoko yandje ombwanawa nomutenge gwandje omupu.”
