Nehemia ta itavelelwa okuya kuJerusalem
1 Ndele mohani yaNisan momudo omutimilongo mbali wohamba Artasasta, omaviinyu eshi a li koshipala shayo, ame nda kufa omaviinyu ndele handi pindile ohamba. Ndele inandi kala shito nda nyika oluhodi koshipala shayo. 2 Ohamba ya pula nge: “Omolwashike oshipala shoye tashi nyika oluhodi? To vele? Omutima woye tau fi oluhodi.” Ndele nda tila unene 3 ndele handi ti kohamba: “Ohamba nai kale nomwenyo fiyo alushe! Omolwashike oshipala shange shiha nyike oluhodi, eshi oshilando omo ootate va pakwa sha tokekwa noivelo ya xwikwa po nomundilo?” 4 Opo nee ohamba tai pula nge: “Ove wa hala shike hano?” Ndele ame nda indila Kalunga komeulu 5 ndele nda lombwela ohamba: “Ngeenge tashi wapalele ohamba nongeenge omupiya woye we mu hokwa, tume nge hano kuJuda, koshilando omo ootate va pakwa, opo ndi shi tungulule.” 6 Opo nee ohamba ya pula nge fimbo omumbada a kala omutumba puyo: To ka kala efimbo li fike peni meengeda doye, nonaini to aluka? Nohamba ya tala osha wapala okutuma nge. Naame nde i lombwela efiku 7 ndele nda lombwela ohamba: Ngeenge tashi wapalele ohamba, nandi pewe eenhumwafo kovapangeli vokouninginino waEufrat, vo va itavelele nge okutaulula fiyo handi fiki kuJuda; 8 nonhumwafo kuAsaf, omupashukili womuulu wohamba, ye a pe nge omiti dokupangela oivelo yohotengulu yotembeli noyohotekuma yoshilando noyongulu omo ndi nokukala mo. Nohamba oye shi itavelela nge, shaashi eke liwa laKalunga kange la li kombada yange. 9 Ndele nde uya kovapangeli ovo ve li mouninginino waEufrat neenhumwafo dohamba onde di va pa. Ohamba ya tuma pamwe naame ovakulunhu vomatanga ovakwaita novalondi veenghambe. 10 Ndelenee Sanballat, Omuhoroni, naTobia, omupiya Omuammoni, eshi va uda, nokutya umwe e uya okukongela ovana vaIsrael ouwa, ova ninga omwenyo mwii.
11 Ndele eshi nde uya kuJerusalem ndele nda kala ko omafiku atatu, 12 ame nda fikama oufiku novalumenhu vamwe pamwe naame. Ndelenee inandi shiivifila nande omunhu umwe osho Kalunga kange e shi tula momutima wange ndi shi ningile Jerusalem. Pwaame kapa li nande oshilondomwa ponho yoshilondomwa osho nda li nda londa. 13 Ndele nda pita mo mOshivelo shefilu oufiku, nda londa nda yuka kombinga yOfifiya yeyoka nokOshivelo shoushosho. Ndele nda konakona eehotekuma daJerusalem, odo da ngumaunwa po, noivelo yasho ya xwikwa nomundilo. 14 Ndele nda ehena ko nda ya kOshivelo shofifiya nokEtale Lohamba. Ndelenee kapa li nande onhele yokupitila oshilondomwa osho nde shi londa. 15 Opo nee oufiku mefilu nda londa ndele nda konakona ohotekuma. Opo nee nda aluka vali handi piti mOshivelo shefilu nde uya mo. 16 Ndelenee ovakomesho inava shiiva apa nda ile naashi nda ninga. Osheshi natango tuu inandi shiivifila Ovajuda novapristeli novanamadina novakomesho novakwao ovo va li ve nokukala moshilonga. 17 Opo nee handi ti kuvo: “Nye mu wete oluhepo eli tu li mulo, nokutya Jerusalem sha tokekwa noivelo yasho ya xwikwa nomundilo. Ileni tu tungululeni ohotekuma yaJerusalem, tuha kale vali oshitevo shokushekwa.” 18 Ndele nde va hepaululila nhumbi eke liwa laKalunga kange la li kombada yange, nosho yo eendjovo dohamba, yo eshi ye di lombwela nge. Ndele vo va tya: “Natu fikameni ndele tu tungeni!” Ndele va pameka omake avo va longe oshilonga shiwa.
19 Ndelenee Sanballat, Omuhoroni, naTobia, omupiya Omuammoni, naGesem, Omuarabi, eshi ve shi uda, vo ove tu dina noku tu sheka ndele tava ti: “Oshike osho tamu ningi? Mwa hala hamba okutwa ondubo nohamba?” 20 Opo nee nde va nyamukula ndele handi ti kuvo: “Kalunga komeulu, Ye ote ke shi tu wanifila, nafye, ovapiya vaye, ohatu ka fikama tu tunge. Ndele nye kamu na nande oshitukulwa ile oshipewa ile oshidimbulukifo muJerusalem.”
Nehemia ta yi kuJerusalem
1 Sho pwa piti oomwedhi ne; esiku limwe momwedhi Nisan gwomumvo omutimilongombali gwelelo lyomupangeli Artakserkses, onda li tandi mu pindile omaviinu. Sho inaa tseya ndje nale ndi na oshipala shi na oshizimbi, 2 okwa pula ndje a ti: “Omolwashike wa sa oluhodhi? Ngoye inoo gomboka, shila ou na uudhigu washa?”
Onda haluka 3 e te yamukula te ti: “Nkeyama, kala u na omwenyo sigo aluhe! Otandi kala ngiini ndaa na luhodhi, sho oshilando shoka sha fumvikwa ootatekulu, osha kumunwa po nomiyelo dhasho dha fikwa po?”
4 Omupangeli okwa pula a ti: “Owa hala nduno shike?”
Onda galikana Kalunga komegulu, 5 nonda ti komupangeli: “Nkeyama, ngele ou uvitile ndje ohenda nowa hala u kwathe ndje, taamba eindilo lyandje, u tume ndje kevi lyaJuda, koshilando shoka sha fumvikwa ootatekulu, opo ndi ke shi tungulule.”
6 Omupangeli okwa li pamwe nomunyekadhi a kuutumba ontega naye, nokwa taamba eindilo lyandje. Okwa pula ndje kutya uunake tii ka kala nda za po nuunake tandi ka galuka, nonde mu lombwele.
7 Onde mu pula, a pe ndje oontumwafo dha nyolelwa aaniikandjo yoshitopolwa shokuuninginino waEufrat, e ya lombwele, ya pitike ndje ndi ye kuJuda. 8 Ondi indile ishewe, omupangeli a nyolele wo Asaf, omulangeli gwomakuti guuwa, ontumwafo, e mu lombwele, a kwathe ndje omiti dhokupangela omiyelo dhepopilongulu moka tamu tonatelelwa otempeli, nodhomomadhingililokuma goshilando nodhongulu ndjoka tandi ka kala mo. Omupangeli okwa pe ndje ayihe nda li nde yi pula, oshoka Kalunga okwa li pamwe nangame.
9 Omupangeli okwa tumu aaniihako yamwe yetangakwiita naakayilinkambe pamwe nangame nonda tameke ondjenda yu uka koshitopolwa shokuuninginino waEufrat. Nkoka onda pe aaniikandjo oontumwafo dhomupangeli. 10 Ihe Sanballat gwokuBethoron naTobia, omukwanepangelo moshikandjo Ammon, sho yu uvu kutya okwe ya omuntu gumwe a kalele po Aaisraeli, oya ningi omwenyo omwiinayi.
11 Onda yi kuJerusalem nonda kala mo omasiku gatatu 12 inaandi lombwela nando olye shoka Kalunga a uthile ndje, ndi shi ningile Jerusalem. Nena onda penduka mokati kuusiku e te piti mo naalumentu yamwe. Otwa kutha okasino kamwe akeke hoka nda kayile. 13 Okwa li uusiku natango, sho nda zi moshilando nda pitile mOsheelo shopesilu kuuninginino nondu uka kuumbugantu te pitilile Oluthithiya lwomayoka ndu uka kOsheelo shuuhoho. Mokweenda onda tala omadhingililokuma goshilando ga kumuka nomiyelo dha fikwa po. 14 Kombinga yokuuzilo woshilando onda yi kuumbangalantu kOsheelo shopoluthithiya nokEdhiya lyuuwa. Okasino hoka nda kayila inaka wapa we okupandakana miitandu yomamanya. 15 Okuza mpoka onda silukile kokalonga Kidron nda kayila, te talatala edhingililokuma. Opo ihe onda shuna nondjila nde endele nayo nonda yi moshilando nda pitile mOsheelo shopesilu.
16 Ihe aawiliki inaa tseya manga mpoka nda yile naashoka nda ningi, oshoka onda li inaandi shi tseyithila nando Aajuda, ongele aayambi, aawiliki, omalenga nenge mboka ye na okukala miilonga mbyoka. 17 Onda ti kuyo: “Omu wete tuu uudhigu mboka tu u na, molwaashoka Jerusalem oshi li momakulukuma, nomiyelo dhasho odha yonagulwa po. Natu tungululeni omadhingililokuma goshilando, tu hulitheni po omupya gwetu.” 18 Onde ya lombwele, nkene Kalunga a li nangame nokwa kwatha ndje, naashoka omupangeli a lombwele ndje.
Oyo noya yamukula ya ti: “Natu tamekeni etungululo.” Oyi ilongekidhile okutameka iilonga.
19 Sanballat, Tobia nOmuaraba gumwe edhina lye Geshem sho ye shi uvu, oye tu yolo e taa ti: “Otamu ningi aniwa shike? Otamu tsu ondumbo nomupangeli?”
20 Onda yamukula nda ti: “Kalunga komegulu ote ke tu pa elago. Otse aapiya ye, notatu ka tameka etungo. Ihe ne kamu na uuthemba weliko lyasha muJerusalem ne mwaa na nomithigululwakalo dhasho.”
