Exupifo laJerusalem tali uya
1 Exunganeko, ondjovo yOmwene tai popi Israel. Omwene ou a yala eulu, okwa dika edu ndele a shita omhepo yomunhu meni laye, ota ti: 2 Tala, Jerusalem ohandi shi ningi eholo lokukolwifa oiwana aishe tai shi dingilile. NokuJuda yo tali ke uya fimbo Jerusalem tashi kondekwa. 3 Ndele mefiku tuu olo Jerusalem ohandi shi ningi emanya lidjuu lokuyeleka koiwana aishe. Keshe shimwe tashi li tumbu po, otashi toshoka. Noiwana aishe yokombada yedu otai ongala i shi lwife. 4 Mefiku tuu olo Omwene osho ta ti, Ame ohandi ka halukifa eenghambe adishe novalondi vado neenghwengu. Ndelenee eumbo laJuda ohandi ke li pashukila nomesho ange. Neenghambe adishe doiwana ohandi di denge noupofi. 5 Opo ovakulunhu vepata muJuda tava ka popya momitima davo, tava ti: Eenghono doonakukala muJerusalem odi li mOmwene womatanga ovakwaita, Kalunga kavo.
6 Mefiku tuu olo ovakulunhu vepata muJuda ohandi ke va ninga ngaashi oshikwatelwa shomundilo koshi yonduba yoikuni nongaashi onyika mokati koihati. Vo otava ka lungwinifa oiwana aishe yomoushiinda wavo kolulyo nokolumosho. Ndele Jerusalem otashi pewa okukala ponhele yasho shi novanhu alushelushe muJerusalem. 7 Ndele Omwene ta ka kulila tete omatwali aJuda, opo etumbalo leumbo laDavid netumbalo loonakukala muJerusalem liha dule olo laJuda.
8 Mefiku tuu olo Omwene ota ka amena oonakukalamo muJerusalem. Nomupunduki mokati kavo ta ka kala mefiku tuu olo ngaashi David, neumbo laDavid tali ka kala ngaashi omukwaulu, ngaashi omweengeli wOmwene komesho yavo.
9 Ndele mefiku tuu olo onda hala okuhanauna po yo oiwana aishe tai tondokele Jerusalem. 10 Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano.
Ndele otava ka tala ou a tuwa kuvo.
Ndele otave ke mu lila ngaashi ewifa tali lilwa,
ndele tave ke mu lilila unene,
ngaashi oshiveli ta nyikilwa unene oluhodi.
11 Mefiku tuu olo muJerusalem tamu ka lilwa eefya dinene, ngaashi eefya daHadad-Rimmon da li mefilu laMegido. 12 Moshilongo tamu ka kala elilaano leefya. Keshe epata tali likalele nokulilaana. Epata laDavid oli lili novakainhu valo ove lili, epata laNatan oli lili novakainhu valo ove lili, 13 epata leumbo laLevi oli lili novakainhu valo ove lili, epata laSimei oli lili novakainhu valo ove lili. 14 Osho ngaha omapata aeshe tae li tongola novakainhu vao ve lili.
Ehupitho lyaJerusalem tali ya
1 Ndika olyo elaka tali popi Israel lya zi kOmuwa, Omuwa ngoka a tula ko omawangandjo, a shita evi nokwa mwenyeke omuntu. Ye ota ti: 2 “Otandi ka ninga Jerusalem a fe oshitenga shomaviinu; iigwana ye shi kunduka, otayi ke ga nwa e tayi tantagala ya fa oonkolwi. Nuuna taa kondeke Jerusalem, oshilando shevululuko lyaJuda, nasho wo otashi ka kondekwa. 3 Ihe ethimbo ngele lya thikana, otandi ka ninga Jerusalem ongemanya lya kola. Oshigwana kehe tashi li toola po, otashi gwilwa kulyo. Iigwana ayihe yomuuyuni otayi hangana molugodhi, yi shi matukile. 4 Pethimbo ndyoka otandi ka pwidhukitha uukambe wawo auhe naalondi yawo otandi ke ya goyapeka. Otandi ka tonatela oshigwana shaJuda, ihe uukambe waatondi yawo otandi ke u posipaleka. 5 Nena omaludhi gaantu yaJuda otaga ka lombwelathana taga ti: ‘Omuwa Kalunga Omunankondoawike ota gandja oonkondo kaantu ye mboka ye li muJerusalem.’
6 “Pethimbo ndyoka omaludhi gaJuda otandi ke ga ninga ga fa epeya mokuti nenge omulilo mepya lyiilya ya kukuta — otaa ka hanagula po iigwana ayihe ye ya kunduka. Aantu yaJerusalem otaa ka hupa e taa kala nawa moshilando.
7 “Ongame, Omuwa, tango ote gandja esindano kuJuda, opo oluvalo lwaDavid naantu yaJerusalem yaa kale ye vule oshihupe shaJuda mesimano. 8 Pethimbo ndyoka Omuwa ota ka gamena mboka ye li muJerusalem. Oshimbembe mokati kawo otashi ka kala sha fa David moonkondo. Oluvalo lwaDavid otalu ke ya wilika ngaashi omuyengeli gwOmuwa, ongaashi Kalunga mwene. 9 Pethimbo ndyoka otandi ka hanagula po oshigwana kehe tashi kambadhala okuponokela Jerusalem.
10 “Oluvalo lwaDavid naantu yalwe yaJerusalem otandi ke ya udhitha nombepo yesilohenda noyegalikano. Otaa ka tongolola ngoka ye mu dhipaga notaye ke mu lila ongaantu taa lili omunona epona. Otaa ka lila omahodhi omapyu ongomuntu a kanitha osheeli she shomumati. 11 Pethimbo ndyoka oosa muJerusalem otadhi ka ninga oonene dha fa oosa dhaHadad Rimmon mesilu lyaMegiddo.
12-14 “Ezimo kehe moshilongo otali ka lila oosa pulyo lyene: ezimo lya za muDavid, ezimo lya za muNatan, ezimo lya za muLevi, ezimo lya za muShimei nomazimo agehe galwe. Ezimo kehe otali ka lila oosa pulyo lyene, naalumentu yomezimo kehe otaa ka lila ya yooloka maakiintu.”
