Oikutu yomoshilonga shoupristeli
1 “Ndele ifana Aron mumwanyoko, novana vaye ovamati pamwe naye movana vaIsrael ve uye kwoove, opo vo va shiive okulongela nge moshilonga shoupristeli: Aron, Nadab naAbihu, Eliaser naItamar, ovana vaAron. 2 Ndele ove u nokuhondjelifa Aron oikutu iyapuki i ninge efimano newapalo laye. 3 Ove u nokupopya novanongo aveshe, ava Ame nde va yadifa omhepo younongo nokutya, vo va hondjele Aron oikutu oku mu yapulifa, opo ye a shiive okulongela nge moshilonga shoupristeli. 4 Noikutu ei vo ve noku i hondja oyei: Okapapa koponhulo, oshikutu shokomapepe, oshikutu shokombada, ombaikifa ya hondjelwa oulenga, embale nomwiya woshiyata. Osho ngaha hano ve nokuningila Aron, mumwanyoko, novana vaye ovamati oikutu iyapuki, opo vo va shiive okulongela nge moshilonga shoupristeli. 5 Ndele vo ve nokukufa oshingoldo neengodi domavala nodopurpuri noditilyana da fa ohonde noliina iwa.
Oshikutu shokomapepe
6 “Ndele vo ve nokuninga oshikutu shokomapepe noshingoldo neengodi domavala nodopurpuri noditilyana da fa ohonde noliina iwa ya tungwa neengodi da poshelwa kumwe, ngaashi oshilonga shounongo. 7 Musho shi nokukala oikondololwayata ivali ya hondjwa kumwe kombinga yokonima. 8 Noshimangifo eshi shi li kumwe nasho, oku i mangela kumwe, oshi nokukala oshiyata sha faafana naashinya sha hondjelwa kumwe oshinima shimwe ashike oshingoldo neengodi domavala nodopurpuri noditilyana da fa ohonde noliina iwa ya tungwa neengodi da poshelwa kumwe. 9 Opo nee ove u nokukufa oumanya vavali vaoniks nokupandela mo muvo omadina ovana vaIsrael: 10 Omadina ahamano mokamanya kamwe nomadina makwao ahamano mokamanya kakwao pashikulafano lokudalwa kwavo. 11 U nokupandela oumanya ava vavali ngaashi haku pandelwa memanya lokalinga koshihako, pashikulafano lomadina ovana vaIsrael. Ove u noku va tula moukwatelwa voshingoldo va kale va pama, 12 ndele u nokutula oumanya ava aveshe vavali komapepe omoshikutu shokomapepe ngaashi omadimbulukifomanya Ovaisraeli. Aron e nokuhumbata komapepe aye avali omadina avo koshipala shOmwene, opo va dimbulukwe. 13 Ove u nokuninga oukwatelwa voshingoldo, 14 noulyenge vavali voshingoldoelela. Va ninga ngaashi eengodi da poshelwa kumwe, ove u va mangele koukwatelwa.
Okapapa koponhulo
15 “Ove u nokuninga yo okapapa koponhulo komanyamukulo ngaashi oshilonga shounongo. Ngaashi oshikutu shokomapepe u noku ka ninga: neengodi doshingoldo nodomavala nodopurpuri noditilyana da fa ohonde noliina iwa ya tungwa neengodi da poshelwa kumwe; osho u noku ka ninga. 16 Naka kale ke neembinga nhee ka hondjwa ngaashi ondjato. Oule wako nolumbubu lako oli fike peke. 17 Nomuko tula mo u ka yadife nomikweyo nhee doumanya: omukweyo umwe lakarneol natopas namalakati, oo omukweyo wotete. 18 Nomukweyo omutivali: smaragidi nasafir nodiamande. 19 Nomukweyo omutitatu: ohiasint, agaat naametis. 20 Nomukweyo omutine: okrisolit, oniks nayaspis. Vo ve nokutulwa moukwatelwa voshingoldo sha pama. 21 Nomuvalu woumanya u nokukala omulongo navavali pamadina ovana vaIsrael omulongo navavali pamadina avo. Ngaashi haku pandelwa memanya lokalinga koshihako, osho aa omapata omulongo naavali e nokupandelwa, mokamanya keshe edina limwe.
22 “Ove u nokuningila okapapa koponhulo oulyenge voshingoldoelela va poshelwa kumwe ngaashi epando; 23 ndele ningila okapapa koponhulo oulinga vavali voshingoldo. Oulinga ava vavali va tula kokapapa kombinga yopombada, 24 ndele eengodi doshingoldo da poshelwa kumwe di mangela koulinga venya vavali vokokapapa koponhulo 25 neenhele mbali dikwao deengodi da poshelwa kumwe di mangela koukwatelwa, di kwatifa komapepe okoshikutu shokomapepe, kombinga yokomesho. 26 Ove u nokuninga yo oulinga voshingoldo noku va kwatifa keembinga doposhi dokokapapa koponhulo nokutya, kombinga oyo yokoshi ya ama koshikutu. 27 Ndele ninga vali oulinga vavali voshingoldo u va kwatife komapepe avali okoshikutu shokomapepe koshi yao kombinga yokomesho pomuhondjo kombada yomwiya woshiyata. 28 Ndele okapapa koponhulo ve noku ka mangela noulinga vako moulinga vomoshikutu shokomapepe neengodi domavala da poshelwa kumwe, opo ka kale kombada yomwiya woshiyata. Osho ngaha okapapa koponhulo itake linyenge. 29 Osho ngaha hano Aron e nokuhumbata omadina ovana vaIsrael kombada yomutima mokapapa koponhulo komanyamukulo, ye ngeenge ta i metwali liyapuki, opo e va dimbulukifife koshipala shOmwene alushe.
30 “Ove u nokutula yo mokapapa koponhulo Urim naTummim, opo yo i kale kombada yomutima waAron, ye ngeenge ta i mo koshipala shOmwene. Osho ngaha hano Aron e nokuhumbata alushe kombada yomutima waye omanyamukulo kovana vaIsrael koshipala shOmwene.
Oikutu imwe yovapristeli
31 “Oshikutu shokombada yoshikutu shokomapepe ove u noku shi ninga ashishe neengodi domavala. 32 Ndele ofingo nokutya, ombululu yomutwe, i nokukala pokati kasho. Momunghulo wofingo aishe mu nokukala omuhondjo wa tungwa; ngaashi ofingo yoshi osho shi nokukala, opo uha pombauke. 33 Nomomuhondjo wayo hondjela mo omafano oiimati yomuti wagranati neengodi domavala nodopurpuri noditilyana da fa ohonde momuhondjo wayo aushe woposhi nopokati kao oungedjo voshingoldo: 34 Okangedjo koshingoldo noshiimati shagranati, nokangedjo koshingoldo noshiimati shagranati ya hovakanifwa momuhondjo woposhi woshikutu shokombada. 35 Ndele Aron moshilonga shaye e noku shi djala opo okukelengedja kwasho ku udike ye ngeenge ta i koshipala shOmwene metwali liyapuki nongeenge ta di mo, aha fye.
36 “Natango u nokuninga okapeleki koshingoldoelela nokupandela muko ‘Onakuyapulilwa Omwene.’ 37 Ndele ka mangifa ongodi yomavala kembale. Ke nokukala komesho yembale. 38 Osho ngaha hano ke nokukala mombaba yoshipala shaAron, opo Aron a shiive okuhumbata omatauluko Ovaisraeli mokuyamba kwavo omayambo mayapuki nomokuyandja kwavo eeshali diyapuki. Naka kale alushe mombaba yoshipala shaye, opo ohokwe yOmwene i kale kombada yavo.
39 “Ove u nokuhondjifa yo oshikutu shokoshi oliina iwa, oshilonga shounongo. U nokuninga yo embale oliina iwa nomwiya woshiyata u noku u ninga neengodi domavala. 40 Ndele ningila ovana ovamati vaAron oikutu yokoshi nou va ningile omiya doshiyata. U noku va ningila yo oumbale vokomutwe va ninge efimano newapalo lavo. 41 I djaleka Aron, mumwanyoko, novana vaye. Ndele va vaeka noku va nangekela oshilonga shavo noku va yapulila okulongela nge moshilonga shoupristeli. 42 Va ningila yo oudolombuluku okuuvikila ohoni youlumenhu. Ve nokudja moshiya fiyo okomatundji. 43 NaAron novana vaye ovamati ve noku va djala mokuya kwavo metwali liyapuki ile ngeenge tava ehene koaltari, va longe eyakulolonga metwali, opo vehe litwike etimba nokufya. Eshi onghedimhango yaalushe kuye nokoludalo laye tali shikula.
Oonguwo dhaayambi
(Eks. 39:1-7)1 “Ithana omumwanyoko Aaron noyana Nadab, Abihu, Eleasar naItamar. Ya yoolola mAaisraeli, opo ya longele ndje muuyambi. 2 Tungila omumwanyoko Aaron oonguwo dhuuyambi dhi na uulenga nodha simana. 3 Ithana oonkulungu adhihe ndhoka ndu udhitha nombepo yuunongo, u dhi lombwele, dhi tungile Aaron oonguwo, opo a yapulilwe oshilonga shuuyambi, a longele ndje. 4 Dhi lombwela, dhi tunge oshipapa shomontulo, omapepenguwo, eguyo, ohema yiiyala, egala nekwamo. Nadhi tungile omumwanyoko Aaron noyana aamati oonguwo ndhika oondjapuki, opo ya longele ndje muuyambi. 5 Oonkulungu nadhi longithe oshingoli noongodhi oombulau, oombwilili noontiliganembwilili noliina ombwanawa.
6 “Omapepenguwo oge na okutungwa nuunkulungu noongodhi dhoshingoli, noongodhi oombulau, oombwilili noontiliganembwilili nonoongodhi dholiina ombwanawa. 7 Oge na okukala ge na omakwi gaali ge enda komapepe goku ga kwatakanitha. 8 Ekwamo ndjoka li li ko, oli na okukala lya tungikika lya faathana nomapepenguwo, opo li tse kumwe nago. 9 Kutha omamanya gaali gaoniks e to takele mugo omadhina omulongo nagaali gaana yaIsrael 10 melandulathano lyokuvalwa kwawo, gahamano memanya limwe nagahamano mekwawo. 11 Konga omulongi guuwe onkulungu gwokutakela momamanya gaali omadhina gaana yaIsrael noku ga dhamithitha muundambo woshingoli. 12 Ga tula komakwi gomapepenguwo, ga kalele po omazimo omulongo nagaali gaIsrael. Pamukalo nguka Aaron ota humbata omadhina gawo komapepe ge, opo ngame, Omuwa, ndi dhimbulukwe aluhe aantu yandje. 13 Panda uupando uyali woshingoli 14 nuulyenge uyali woshingoli wa dhingwa wa fa oongodhi e to u mangele kuupando.”
Oshipapa shomontulo
(Eks. 39:8-21)15 “Tungila omuyambimukuluntu oshipapa shomontulo tashi longithwa mokupula ehalo lyaKalunga. Nashi tungwe moshiyata shimwe nomapepenguwo: sha tungikika noongodhi dhoshingoli, noongodhi oombulau, oombwilili noontiliganembwilili nonoongodhi dha dhingwa dholiina ontokele. 16 Nashi kale shi na oonkotso ne, sha gonywa, uule washo oshitine sholundya, osho wo omutamo. 17 Tula mo omikweyo ne dhomamanya gondilo: momukweyo gwotango tula mo ospineli, otopasi nosmaragdi; 18 momukweyo omutiyali orubini, osafire nojaspes; 19 momukweyo omutitatu oturkoisi, oagate noametiste; 20 nomomukweyo omutine oberil, okarnelia nojasper. Oga li ga dhamithwa muundambo woshingoli. 21 Pamwaalu gwaana yaJakob omamanya naga kale omulongo nagaali, kehe limwe lyokukalela po ezimo limwe padhina ndyoka lya takelwa mo. 22 Koshipapa shomontulo oto ningile ko uulyenge woshingoli sho shene wa dhingwa nawa wa fa oongodhi. 23 Hambula uulinga uyali woshingoli e to u tula koonkotso dhopombanda dhoshipapa shomontulo. 24 Kuulinga mbuka uyali mangela ko oongodhi dhoshingoli. 25 Oondungu oonkwawo dhadho dhi mangela komapando gaali e to ga mangele ishewe komakwi gomapepenguwo, kombinga yokomeho. 26 Hambula ishewe uulinga uyali woshingoli e to u tula koonkotso mbali dhokohi dhoshipapa shomontulo, koongenge dhomeni dha gama pomapepenguwo. 27 Hambula po ishewe uulinga uyali woshingoli e to u tula koondungu dhopevi dhopontulo dhomakwi agehe gaali gomapepenguwo, popepi nomuhondjo kombanda yekwamo lyuulenga. 28 Mangela uulinga woshipapa shomontulo kuulinga womapepenguwo nongodhi ombulau, opo oshipapa shomontulo shi kankame kombanda yekwamo noitashi dhituluka we.
29 “Aaron uuna ta yi mEhala lyUuyapuki, na zale oshipapa shika shomontulo mwa nyolelwa omadhina gomazimo gaIsrael, opo ngame, Omuwa, ndi kale aluhe tandi dhimbulukwa aantu yandje. 30 Tula Urim naTummim moshipapa shomontulo, opo Aaron e u humbate, nge te ya koshipala shandje mEhala lyUuyapuki. Poompito dha tya ngaaka oku na okuzala aluhe oshipapa shomontulo, opo a vule okuhumbata eutho lyandje kAaisraeli.
Oonguwo dhilwe dhaayambi
(Eks. 39:22-31)31 “Eguyo lyokombanda yomapepenguwo ou na oku li hondja moshiyata oshimbulau. 32 Otali kala li na ombululu yokuya omutse, nombululu ndjika nayi kolekwe nomugoyo gwa tungikika, opo yaa tuuke. 33-34 Komugoyo gwopevi aguhe tula ko omafano giiyimati yomugranati omambulau, omambwilili nomatiliganembwilili ga togwa mumwe nuungendjo woshingoli. 35 Aaron na zale eguyo ndika, uuna ta longo iilonga yuuyambi. Uuna te ya koshipala shandje mEhala lyUuyapuki nenge uuna ta zi mo, ewi lyuungendjo otali uvika, opo kaa se.
36 “Hambula epapa lyoshishani lyoshingoli sho shene e to takele mo enyolo tali ti: ‘Osha yapulilwa Omuwa.’ 37 Li mangela mongodhi ombulau komeho gegala. 38 Aaron ne li zale komutse gwe, opo ngame, Omuwa, ndi taambe omayambo agehe ngoka Aaisraeli taa yapulile ndje, nando ya yone moku ga yambela ndje.
39 “Tungila Aaron ohema yoshiyata sholiina sha tungika nou mu tungile egala lyoliina lya tungika nosho wo ekwamo lyuulenga.
40 “Aana ya Aaron ou na oku ya tungila oohema omakwamo nomatsilu, opo ya simanekwe noya kale yo opala. 41 Oonguwo ndhika dhi zaleka Aaron noyana. Ya gwayeka nomagadhi gooholivi, opo u ya yapule okulongela ndje muuyambi. 42 Ya tungila oombulukweya dholiina dha za mombunda sigo okomatundji, opo dhi siikile epenge lyawo. 43 Aaron noyana naye dhi zale aluhe, uuna taa yi metsalihangano nenge taa hedha koshiyambelo, ya ka yakule miilonga yuuyambi mEhala lyUuyapuki, opo yaa itsike ondjo ya se. Eutho ndika olyaaluhe lyaAaron noluvalo lwe.”
