Efyo laSara nokupakwa kwaye
1 Ndele omido daSara da li efele nomilongo mbali naheyali. Odo omido daSara odo. 2 Ndele Sara okwa fila muKiriat-Arba nokutya, Hebron, medu laKaanan. Ndele Abraham okwe uya keefya daSara noku mu lila. 3 Opo nee Abraham okwa fikama ndee okwa dja po pomufi, ndee okwa popya novana vaHet, ndele ta ti: 4 “Ame omunailongo nomweenda mokati keni. Pei nge onhele yeembila medu leni, opo ndi shiive okupaka mo omufi wange.” 5 Opo nee ovana vaHet va nyamukula Abraham ndele tava ti: 6 “Tu pwilikina, omwene wetu! Ove elenga laKalunga mokati ketu. Paka omufi woye monhele yeembila iwa i dule adishe edi tu kwete. Kape na ou mokati ketu te ku anyene onhele yeembila u pake mo omufi woye.” 7 Opo nee Abraham okwa kala ofika nokwe linyongamena moipafi yovanhu vomoshilongo, koshipala shovana vaHet, 8 ndele ye okwa popya navo ta ti: “Ngeenge tashi mu wapalele, ohandi tumbu mo omufi wange meumbo ndele handi mu pake. Hano pwilikineni nge nye mu popile nge koshipala shaEfron, omona waSohar, 9 a pe nge ekololo laMakpela, laye mwene noli li kexulilo loshitukulwa shonhele yaye. Ne li pe nge pakuyeleka ondado yalo, opo ndi kale ndi na onhele yeembila mokati keni.” 10 Ndele Efron okwa li omutumba pokati kovana vaHet. Opo nee Efron, Omuheti, okwa nyamukula Abraham momatwi ovana vaHet, aveshe ava va ya mo moshivelo shoshilando shaye: 11 “Ahowe, omwene wange, pwilikine nge. Oshitukulwa osho shedu ame ohandi shi ku pe, nosho yo ekololo li li musho ohandi li ku pe. Moipafi yovanhu vange ame ohandi shi ku pe. Paka omufi woye.” 12 Opo nee Abraham okwe linyongamena koshipala shovanhu voshilongo, 13 ndele okwa popya naEfron momatwi ovanhu vomoshilongo ndele ta ti: “Eewa, ndelenee pwilikine nge tuu! Oshitukulwa osho shedu ohandi shi yandjele oimaliwa, i tambula kwaame, opo ndi shiive okupaka mo omufi wange.” 14 Ndele Efron okwa nyamukula Abraham ndele ta ti: 15 “Omwene wange, pwilikine nge. Oshitukulwa shedu shi fike peesekeli doshisiliveli omafele ane, oshi na shike pokati ketweni naave? Paka mo omufi woye.” 16 Opo nee Abraham okwa pwilikina Efron, ndele Abraham okwa yelekifila Efron oimaliwa i fike pwaai ya tongwa kuye momatwi ovana vaHet, eesekeli doshisiliveli omafele ane panghedi yoipindi.
17 Osho hano ngaha oshitukulwa shedu laEfron osho shi li muMakpela, sha shaama naMamre, oshitukulwa shedu nekololo lomusho nomiti adishe di li moshitukulwa shedu monhele aishe nopominghulo dayo, 18 ashishe sha ninga shaAbraham moipafi yovana vaHet, moipafi yaaveshe ovo va ya mo moshivelo shoshilando shaye. 19 Opo nee Abraham okwa paka omwalikadi waye Sara mekololo lomoshitukulwa shedu laMakpela koushilo waMamre, nokutya, Hebron, medu laKaanan. 20 Osho hano ovana vaHet va yandja kuAbraham oshitukulwa shedu nekololo lomusho, opo shi ninge onhele yaye yeembila.
Eso lyaSara
1 Sara okwa kala nomwenyo omimvo ethele nomilongo mbali naheyali. 2 Okwa sile muHebron, kokutya Kiriatarba, mevi lyaKaanan, Abraham nokwe mu lili oosa.
3 Nena Abraham okwa zi po pomudhimba gwomukadhi e ta lombwele Aaheti ta ti: 4 “Ngame ondjendi ndi li mokati keni. Kwathii ndje, ndi lande kune eha, ndi fumvike mo omusi gwandje.”
5 Oya yamukula ya ti: 6 “Tatekulu, tu pulakena! Ongoye omuwiliki omunankondo mokati ketu. Fumvika mukadhoye mombila ombwanawa kwaadhihe ndhoka dhetu. Shaa ngoka gwomutse ota nyanyukwa oku ku pa ombila, opo u mu fumvike mo.”
7 Nena Abraham okwi inyongamene pevi koshipala shawo 8 e ta ti: “Ngele otamu pitika, ndi fumvike mukadhandje mpaka, kwathii ndje, mu pule Efron lyaZohar, 9 a landithe ndje po ekololo lyaMakpela ontega nepya lye. Mu puleni, e li landithe po kungame ondando yalyo ya gwana po, opo li ninge lyandje mwene lyomayendo.”
10 Efron mwene okwa li a kuutumba pamwe nAaheti pehala lyoshigongi posheelo shoshilando. Okwa yamukula montaneho yaantu ayehe a ti: 11 “Pulakena, tatekulu. Epya alihe otandi li ku pe nekololo ndyoka li li mulyo. Otandi li ku pe mpaka montaneho yaakwetu, opo u fumvike mo mukadhoye.”
12 Abraham okwi inyongamene pevi koshipala shAaheti 13 e ta ti kuEfron montaneho yaantu: “Kwatha ndje ngaa u pulakene. Epya alihe onda hala ndi li lande. Taamba iifuta yandje notii ka fumvika mo mukadhandje.”
14 Efron okwa yamukula a ti: 15 “Tatekulu, eyana ndyoka olyiimaliwa iisiliveli omathele gane, ihe kayi shi sha pokati ketu. Fumvika owala mukadhoye.” 16 Abraham okwa zimine e te mu yelekithile omwaalu ngoka Efron a tomona montaneho yaantu — iimaliwa iisiliveli omathele gane pamuthika ngoka hagu yelekwa kaalandithi.
17 Osho ngaaka eliko lyaEfron puMakpela, kuuzilo waMamre, olya ningi lyaAbraham, epya alihe nekololo ndyoka li li mo nomiti adhihe mepya nopooha dhalyo. 18 Osha ziminwa kAaheti ayehe ya li moshigongi posheelo shoshilando.
19 Abraham okwa fumvike mo omukadhi Sara mekololo ndyoka li li mevi lyaKaanan. 20 Osho ngaaka epya lyAaheti nekololo li li mulyo, olya ningi lyaAbraham lyomayendo.
