Ovayapostoli omulongo navavali tava tumwa
1 Ndelenee Ye okwa ifana ava omulongo navavali, ndele okwe va pa eenghono okupangela eendemoni adishe nokuvelula omaudu. 2 Ndele okwe va tuma okuudifa ouhamba waKalunga nokuvelula ovanaudu. 3 Ndele okwe va lombwela: “Mondjila inamu ya mo nande nasha, nande ononhaili ile nekutu, hanomungome ile noimaliwa ile noikutu ivali. 4 Ndele ngeenge tamu i meumbo, kaleni omo fiyo tamu ehene komesho. 5 Ndele ngeenge pe na apa itamu tambulwa, djeni ko koshilando oko nye mu lipupule ondwi keemhadi deni, shi ninge ondobwedi kuvo.” 6 Ndele vo ova ya ndele va enda komikunda nomikunda, ova udifila mo evaengeli, ndele ova velula ovanaudu akushe.
7 Omupangeli woshitine Herodes eshi a uda aishe ei ya ningwa ko, okwa limbililwa, osheshi vamwe ova tya: Johannes okwa nyumuka koufi, 8 ndele vakwao ova tya: Elia okwa holoka, navakwao vali: Umwe womovaxunganeki vakulu a nyumuka koufi. 9 Ndele Herodes okwa tya: “Johannes, onde mu tetifa omutwe, ndelenee ou olyelye hano nde mu uda ta ningi oinima i fike apa?” Ndele ye okwa konga omhito oku mu mona.
Ekutifo lovalumenhu omayovi atano
10 Opo ovayapostoli va aluka ndele ove mu hepaululila aishe ei ve i longa. Ye okwa ya navo mouwike popepi noshilando shaBetsaida. 11 Ndelenee ovanhu eshi ve shi uda, ove mu shikula ko, Ye okwe va kunda ndele okwe va hepaululila ouhamba waKalunga, ndele okwa velula ava va pumbwa okuvelulwa.
12 Opo nee pokuningina kwetango venya omulongo navavali ove uya kuye ndele ove mu lombwela: “Lekela ovanhu va ye momikunda nomomaumbo omoushiinda va ka konge omilele nonghuta, osheshi otu li mombuwa.” 13 Ndelenee Ye okwe va lombwela: “Va peni eendja.” Vo ova tya: “Katu na sha shimwe, omingome nhano adike neeshi mbali, ngeenge itatu ka landela ovanhu ava aveshe eendja.” 14 Osheshi vo ova li po ovalumenhu ve fike pomayovi atano. Ye okwa lombwela ovalongwa vaye: “Va kalekeni omutumba eengudu, mongudu keshe ve fike pomilongo itano.” 15 Ndele vo ove shi ninga, ve va kaleka aveshe omutumba. 16 Ndele Ye okwa kufa omingome odo nhano neeshi odo mbali, ndele okwa tala keulu, ndele okwe di nangeka noupuna, ndele okwe di pambula, nokwe di yandja kovalongwa ve di pe ovanhu. 17 Naaveshe ova lya ndele ova kuta, noundjaumukile ovo va xupa po, ova toolwa oimbale omulongo naivali.
Ehepaululo laPetrus
18 Ndele opa ningwa nee, Ye eshi e likalela ndele okwa ilikana, ovalongwa va ongala puye, Ye okwe va pula ta ti: “Ovanhu otava ti Aame olyelye?” 19 Ndele ovo ve mu nyamukula tava ti: “OJohannes Omushashi, vamwe otava ti oElia navakwao otava ti oumwe womovaxunganeki vonale a nyumuka koufi.” 20 Ndele Ye okwa tya kuvo: “Nye otamu ti Aame lyelye?” Petrus okwe mu nyamukula ta ti: “Oove Kristus waKalunga.” 21 Ye okwe va kumaida shili, vehe shi hepaululile nande omunhu, 22 ndele ta ti: “Omona wOmunhu e na okuhepekwa unene nokweekelwashi kovakulunhu nokovapristeli ovakulunhu nokovanongo vomishangwa, Ye e nokudipawa, ndele efiku etitatu oku nokunyumuka.”
Jesus ta popi eshikulo laye
23 Ndele Ye okwa tya kwaaveshe: “Ngeenge pe na ou a hala okushikula nge, ye ne lixupule ye mwene, ne litwike omushiyakano waye keshe efiku, ye na shikule nge. 24 Osheshi ou a hala okuxupifa omwenyo waye, ye ote u kanifa, ndele ou ta kanifa omwenyo waye omolwange ote u xupifa. 25 Osheshi otashi kwafa shike omunhu, ngeenge te lilikolele ounyuni aushe, ndelenee te likanifa ile te linyono po? 26 Osheshi ou ta fi nge ohoni neendjovo dange, Omona wOmunhu ote mu fi ohoni, eshi te uya moshinge shaye noshaXe noshovaengeli vayapuki. 27 Osheshi oshili handi mu lombwele: Mwaava ve li ofika apa omu na vamwe itava makele efyo fiyo tava mono ouhamba waKalunga.”
Okuvilimifwa kwaJesus
28 Ndelenee opa ningwa, eshi pa pita omafiku ahetatu eshi a popya eendjovo edi, Ye okwa kufa Petrus naJohannes naJakob, ndele okwa londa pamwe navo komhunda a ka ilikane. 29 Ndele fimbo ta ilikana, olupe loshipala shaye ola shituka noikutu yaye oya yela ya vilima. 30 Ndelenee tala, ovalumenhu vavali, Moses naElia, ova kundafana naye. 31 Ova holoka moshinge ndele ova kundafana okudja po kwaye, nhumbi te ke ku wanifa muJerusalem. 32 Ndele Petrus navakwao ova umbwa eemhofi didjuu, ndele eshi va penduka ova mona oshinge shaye novalumenhu ovo vavali va li ofika puye. 33 Ndelenee petukauko lavo naye Petrus okwa tya kuJesus: “Omuhongi, apa ope tu wapalela okukala, natu dikeni po omatwali atatu, limwe oloye, limwe olaMoses nalimwe olaElia.” Ndele okwa li ehe shii eshi ta popi. 34 Ndelenee fimbo a popya odo oshilemo she uya ndele oshe va tuvikila nomudile washo, ndele vo ova haluka eshi va tuvikilwa koshilemo. 35 Ndele ondaka ya dja moshilemo tai ti: “Ou Omona wange omuhoololwa, mu udeni.” 36 Ndele ondaka ei eshi ya udika, Jesus oku wetike e li po aeke. Ndele ove shi mwenena, nomafiku enya inava hepaululila nande omunhu, nande osha shomwaai va mona oko.
Jesus ta velula omunashinhona
37 Ndele mefiku la shikula eshi va londoloka komhunda, ongudu inene yovanhu oye mu shakeneka. 38 Ndele tala, omulumenhu umwe womongudu okwa popya mokule, ta ti: “Omuhongi, ohandi ku ilikana u tale omona wange ou, osheshi ye ewifa lange. 39 Ndele tala, omhepo ohai mu kwata, opo nee ota kwena unene, oyo otai mu pundaula, ndele otai mu etifa onhutu mokanya ndele otai mu teyaula, ndele inai hala oku mu efa. 40 Ndele ame onda ilikana ovalongwa voye ve i te mo, ndele ova nyengwa.” 41 Ndele Jesus okwe mu nyamukula ta ti: “Woo, epupi eli lihe na eitavelo nola pilalala, fiyo onaini ndi nokukala punye, noku mu lididimikila. Omona woye mu eta oku.” 42 Ndele omumati fimbo kwa li te uya, omhepo ya nyata oye mu pundaula ndele ye mu kama neenghono. Ndele Jesus okwa hanyena omhepo ya nyata nokwa velula omumati ou, ndele okwe mu shunina xe. 43 Ndele aveshe ova kuminwa eenghono dinene daKalunga.
Jesus ta popi vali okuhepekwa kwaye
Ndele aveshe eshi va kuminwa oinenelonga yaye aishe, Ye okwa lombwela ovalongwa vaye: 44 “Eendjovo edi di kwateleni momatwi eni. Omona wOmunhu ta yandjwa momake ovanhu.” 45 Ndelenee ova li vehe udite ko eendjovo odo, vo ove di holekwa inave di shiiva, ndele ova tila oku mu pula odo e di popya.
Olyelye omunene?
46 Ndele muvo omwa penduka ediladilo: Olyelye hano munene e dule vakwao? 47 Ndele Jesus eshi a shiiva ediladilo lokomitima davo, okwa kufa okaana nokwe ka kaleka ofika ponho yaye, 48 ndele ta ti kuvo: “Ou ta tambula okaana aka medina lange, aame ta tambula, naau ta tambula nge, oye ta tambula ou a tuma nge, osheshi ou munini womunye amushe, oye omunene.”
49 Ndelenee Johannes okwe mu lombwela ta ti: “Omuhongi, otwa mona umwe ha te mo eendemoni medina loye, fye otwe shi mu shilika, osheshi ye iha ende pamwe nafye.” 50 Ndelenee Jesus okwa tya kuye: “Inamu shi mu shilika, osheshi ou ehe na ondubo nanye, ye okwa ama kunye.”
Ovasamaria inava tambula Jesus
51 Ndelenee opa ningwa, omafiku okuyelulwa kwaye kombada eshi a li pokufika, Ye okwa tokola shili okuyuka kuJerusalem, 52 Ndele okwa tetekelifa ovatumwa, vo ova ya ko ndele tava i momukunda wonhumba wOvasamaria ve ke mu kongele omulele. 53 Ndele vo inave mu tambula, osheshi Ye okwa li ta yuka kuJerusalem. 54 Ndele ovalongwa vaye Jakob naJohannes eshi ve shi mona ova tya: “Omwene, owa hala tu ifane omundilo meulu u va lungwinife po, Elia ngaashi a ningile?” 55 Ndelenee Ye okwa punguluka, ndele te va tangunine. 56 Ndele vo ova ya komukunda umwe u lili.
Jesus ta pukulula ovashikuli vaye
57 Ndelenee eshi va ehena komesho, umwe okwa tya kuye: “Ame onda hala oku ku shikula keshe apa to i.” 58 Jesus okwe mu lombwela: “Eembadje odi na omakwena, needila dokeulu odi na oihadi, ndelenee Omona wOmunhu ke na apa ta wilike omutwe waye.” 59 Ndele Ye okwa lombwela umwe e lili: “Shikule nge!” Ndele ou okwa tya: “Omwene, efe nge manga ndi ka pake tate.” 60 Ndele Ye okwe mu lombwela: “Efa ovafi va pake ovafi vavo, ndele ove inda u ka udife ouhamba waKalunga.” 61 Ndele umwe vali okwa tya: “Omwene, onda hala ndi ku shikule, ndelenee efe nge manga, ndi ke lilekele noovakwetu ve li meumbo lange.” 62 Ndele Jesus okwa tya kuye: “Kape nomunhu a kwata oshipululo neke laye ta tale vali konima, a wapalela ngeno ouhamba waKalunga.”
Jesus ta tumu aalongwa ye omulongo nayaali
(Mat. 10:5-15Mrk. 6:7-13)1 Jesus okwi ithana aalongwa ye omulongo nayaali nokwe ya pe oonkondo nepitikilo okutidha mo oompwidhuli nokwaaludha omavu. 2 Nena okwe ya tumu okuuvitha Oshilongo shaKalunga nokwaaludha aavu. 3 Oye a ti kuyo: “Inamu ya nasha mondjila: handhimbo, hampunda yokweenda nayo, haikulya, haimaliwa, hahema mbali, yimwe oya gwana. 4 Ngele tamu yi megumbo lyontumba, kaleni moka, sigo tamu ka za mo moshilando shoka. 5 Ngele itamu taambwa, zii mo moshilando shoka, ne mu pupule ko ontsi koompadhi dheni, opo shi ninge onzapo yoku ya pa uusama.”
6 Aalongwa oya yi noye ende omikunda adhihe. Oyu uvithile aantu elaka etoye noya aludha aavu akuhe.
Herodes a limbililwa
(Mat. 14:1-12Mrk. 6:14-29)7 Herodes, omuleli gwaGalilea, sho u uvu ayihe mbyoka ya ningwa po, ina tseya shoka e na okuninga. Oshoka aantu yamwe oya popi ya ti kutya Johannes Omushashi okwa yumuka kuusi. 8 Ihe yamwe oya ti, oElia a holoka; yamwe ishewe oya ti kutya gumwe gwomaahunganeki yonale a yumuka kuusi. 9 Herodes okwa ti: “Johannes onde mu tetitha omutse, ihe omulumentu nguka olye ano? Ondu uvu omahokololo ogendji tage mu hokolola.” Oye nokwa kala ta kongo ompito, a mone Jesus.
Jesus ta kutitha aantu omayuvi gatano
(Mat. 14:13-21Mrk. 6:30-44Joh. 6:1-14)10 Aayapostoli oya galuka noya hokololele Jesus ayihe mbyoka ye yi longo. Oye okwe ya kutha maantu nokwe ya fala, ye ki ikalele lwokoshilando, edhina lyasho Betsaida. 11 Oongundu dhaantu sho dhe shi uvu, odhe mu landulile ko. Oye okwe ya taamba nenyanyu nokwe ya hokololele Oshilongo shaKalunga e ta aludha aavu mboka ya li ya pumbwa okwaaludhwa.
12 Ano sho kwa ningi ongulohi, aalongwa ye oye ya kuye noya ti: “Pokuma mpaka omombuga yowala, onkee laleka aantu, ya ye momikunda nomomagumbo gopuushiinda, ya ka konge omulalo niikulya.”
13 Jesus okwa ti kuyo: “Ya peni iikulya.”
Oyo ya ti kuye: “Mpaka otu na po iikwiila itano ayike noohi mbali. Owa hala, tu ye, tu ka landele aantu ayehe mbaka iikulya?” 14 Aalumentu mboka ya li po, oya li ye thike pomayuvi gatano.
Opo Jesus okwa lombwele aalongwa ye e ta ti: “Kuutumbikeni aantu moongundu, kehe yimwe aantu omilongo ntano.”
15 Oyo oye shi ningi e taye ya kuutumbike ayehe. 16 Jesus okwa kutha iikwiila mbyoka itano noohi mbali, okwa ligamene kegulu nokwe yi hambelelele Kalunga, e yi pambula nokwe yi pe aalongwa ye, ye yi topolele aantu. 17 Oyo ayehe oya li e taa kuta. Aalongwa oya toola iihupe yuupambu, oontungwa omulongo nambali.
Ehempululo lyaPetrus
(Mat. 16:13-19Mrk. 8:27-29)18 Pethimbo lyontumba Jesus sho a li ta galikana muuwike, aalongwa ye oye ya kuye. Oye okwe ya pula a ti: “Aantu otaa tile ndje ngiini, ongame lye?”
19 Oyo oye mu yamukula ya ti: “Yamwe otaa ti oJohannes Omushashi, yamwe otaa ti oElia, nayamwe otaa ti gumwe gwomaahunganeki yonale a yumuka kuusi.”
20 Oye okwe ya pula natango: “Ne otamu tile ndje ngiini, ongame lye?”
Petrus okwe mu yamukula a ti: “Ongoye Omugwayekwa gwaKalunga.” 21 Nena okwe ya indike, kaaye mu popye nando okulye.
Jesus ta popi okuhepekwa kwe nokulandulwa kwe
(Mat. 16:20-28Mrk. 8:30—9:1)22 Jesus okwa tsikile ko a ti: “Omuna gwOmuntu ota ka hepekwa nomahepeko ogendji note ke ekelwahi kaakuluntu, kaayambi aakuluntu nokaalongimpango. Oye ota dhipagwa, ihe esiku etitatu ota ka yumudhwa.”
23 Jesus okwa lombwele aantu ayehe e ta ti: “Ngele ku na ngoka a hala okulandula ndje, oye ni idhimbwe ye mwene, ni itsike omushigakano gwe esiku kehe, ye na landule ndje. 24 Oshoka oongoka a hala okuhupitha omwenyo gwe, oye te gu kanitha, ihe ngoka ta kanitha omwenyo gwe molwandje, oye te gu hupitha. 25 Oshoka otashi kwatha shike, omuntu nando ni ilikolele uuyuni auhe, ye e ta kanitha omwenyo gwe nenge ti iyono po? 26 Ngele ku na ngoka ta si ndje ohoni nosho wo oohapu dhandje, nena Omuna gwOmuntu ote ke mu sa wo ohoni, uuna te ke ya e li mesimano lye mwene nolyaHe nolyaayengeli aayapuki. 27 Ongame tandi mu lombwele: Opu na yamwe mwaambaka ya thikama mpaka, itaa makele eso, manga inaaya mona Oshilongo shaKalunga.”
Jesus ta adhimithwa
(Mat. 17:1-8Mrk. 9:2-8)28 Jesus sho a popi ngeyi, opwa piti konyala omasiku gahetatu nokwa kutha Petrus, Johannes naJakob e ta yi nayo kondundu, a ka galikane. 29 Manga a li ta galikana, olupe lwoshipala she olwa shituluka, noonguwo dhe odha toka dhe eta uuyelele. 30 Ombaadhilila opwa holoka aalumentu yaali, Moses naElia, e taa kundathana naye. 31 Oyo oya holoka ye na eadhimo lyomegulu noya kundathana naJesus, nkene ta ka tsakanitha ehalo lyaKalunga, sho ta ka sa muJerusalem.
32 Ihe Petrus nayakwawo oya li yu umbwa oomposi, ihe sho ya papudhuka mo, oya mono eadhimo lyaJesus naalumentu mboka yaali ya thikama puye. 33 Ano Moses naElia sho ya topoka naJesus, Petrus okwa ti kuye: “Muhongi, opwe tu opalela mpaka okukala. Otatu ka dhikila po omatsali gatatu, limwe olyoye, limwe olyaMoses nalimwe olyaElia.” Petrus ina tseya shoka a li ta popi.
34 Ano manga ta popi, oshikogo osha holoka noshe ya siikile nomuzile gwasho. Aalongwa mboka oya tila, sho ya siikilwa koshikogo. 35 Ewi olya zi moshikogo lya ti: “Nguka Omumwandje, ngoka nde mu hogolola, mu uveni.”
36 Konima yokupopya kwewi aalongwa oya mono Jesus e li awike. Oyo noye shi mwenene yo inaa hokololela nando omuntu sha pethimbo ndyoka shoka ye shi mono.
Jesus ta aludha omunashintona
(Mat. 17:14-18Mrk. 9:14-27)37 Mesiku lya landula ko, sho ya kuluka kondundu, aantu oyendji oya tsakaneke Jesus. 38 Omulumentu gumwe okwi igidha mokati kongundu a ti: “Muhongi, otandi ku indile, u sile ohenda omumwandje, omuvalwa awike. 39 Oku na ompwidhuli, ndjoka omathimbo gamwe hayi mu kwata, nota tameke okwiigidha oshihalulu, e tayi mu mbungambunga, sigo te eta ondutu. Oyo ohayi kala tayi mu ehameke noyi na uudhigu oku mu etha. 40 Onda li ndi indile aalongwa yoye, ye yi tidhe mo, ihe oya nyengwa.”
41 Jesus okwa yamukula a ti: “Yayee, aantu yopethimbo ndika yaa na eitaalo noya pilaala, osigo uunake tandi kala pune? Osigo uunake ndi na oku mu idhidhimikila?” Opo Jesus okwa ti kuhe: “Eta omumwoye huka kungame.” 42 Omumati manga te ya, ompwidhuli oye mu hata pevi e tayi mu mbungambunga. Nena Jesus okwa ganda ombepo ya nyata nokwa aludha omumati e te mu fala kuhe. 43 Aantu ayehe oya kuminwa oonkondo oonene dhaKalunga.
Jesus ta popi okuhepekwa kwe
(Mat. 17:22-23Mrk. 9:30-32)Aantu oya li ya kuminwa natango ayihe mbyoka Jesus e yi longo, sho a lombwele aalongwa ye e ta ti: 44 “Taambeni oohapu ndhika tandi mu lombwele ngashingeyi, mu dhi dhiginine: Omuna gwOmuntu ota ka gandjwa miikaha yaantu.” 45 Aalongwa inaa uva ko kutya otashi ti ngiini, oshoka osha li she ya holekwa, ihe oya tila oku mu pula.
Omunene olye
(Mat. 18:1-5Mrk. 9:33-37)46 Mokati kaalongwa omwa penduka edhiladhilo kutya olye omukuluntu e vule ooyakwawo ayehe. 47 Jesus sho a dhimbulula omadhiladhilo gawo, okwa kutha okanona nokwe ka thikameke ponto ye 48 e ta ti kuyo: “Kehe ngoka ta taamba medhina lyandje okanona nkaka, oye ta taamba ndje; naangoka ta taamba ndje, ota taamba wo ngoka a tuma ndje. Oshoka ngoka gwomokati keni omudhinwa kwaayehe, oye omukuluntu.”
Ngoka kee na ondumbo nane, okwa gama kune
(Mrk. 9:38-40)49 Johannes okwa popi a ti: “Muhongi, otwa mono omuntu gumwe ta tidha mo oompwidhuli medhina lyoye, otse notwe mu indike, oshoka ka li gwomongundu yetu.”
50 Opo Jesus okwa yamukula Johannes naalongwa yalwe a ti: “Inamu mu indika, oshoka ngoka kee na ondumbo nane, oye okwa gama kune.”
Oshilando shomuSamaria inashi taamba Jesus
51 Ano omasiku sho ga thiki popepi, uuna Jesus e na okulonda, a ye megulu, okwa tokola okuukilila kuJerusalem. 52 Oye okwa tetekelitha aatumwa ye, ya ye komukunda gwontumba muSamaria, opo ye ke mu longekidhile ehala lyokulala. 53 Ihe mbeyaka oya tindi okutaamba Jesus, oshoka okwa li u uka kuJerusalem. 54 Ano aalongwa ye Jakob naJohannes, sho ye shi mono, oya ti: “Omuwa, owa hala, tu indile omulilo gu ze megulu, gu ya halakanithe po?” 55 Nena Jesus okwe ya tala e te ya ganda. 56 Oyo noya yi komukunda gulwe.
Jesus ta pukulula mboka ya hala oku mu landula
(Mat. 8:19-22)57 Ano mokweenda kwawo omulumentu gumwe okwa ti kuJesus: “Onda hala oku ku landula shaa mpoka to yi.”
58 Jesus okwa ti kuye: “Oombandje odhi na omakwena, noondhila odhi na iihandhila, ihe Omuna gwOmuntu ke na mpoka ta langeke omutse gwe.”
59 Jesus okwa lombwele natango gulwe a ti: “Landula ndje!”
Nguka okwa ti: “Omuwa, pitika ndje manga, ndi ye, ndi ka fumvike tate.”
60 Jesus okwa ti kuye: “Etha aasi, ya fumvike aasi yawo. Inda, u ka uvithe Oshilongo shaKalunga.”
61 Gumwe ishewe okwa ti: “Omuwa, onda hala oku ku landula, ihe etha ndje manga, ndi ka laleke yaandjetu.”
62 Jesus okwa ti kuye: “Kehe ngoka ta tameke okupulula e ta tala konima, ino opalela Oshilongo shaKalunga.”
