Ovakulunhu nava file oshiwana shaKalunga oshisho
1 Ovakulunhu vomokati keni ohandi va kumaida, ame ou ndi li omukulunhu mukweni nondobwedi yomahepeko aKristus nanakupewa mo pamwe mefimano olo tali ka holoka. 2 Lifeni oufita waKalunga mwe u pewa, hakefininiko, ndelenee omehalo liwa; hamolweliko la kaka, ndelenee okehalo liwa lokomwenyo pahalo laKalunga, 3 inamu pangela ngaashi omalenga ava mwe va pewa, ndelenee ningeni ovahopaelelwa voufita. 4 Omufita omukulunhu eshi ta ka holoka, onye notamu ka pewa oshishani shefimano itashi lembe.
Ovanyasha tava kumaidwa
5 Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.” 6 Lininipikeni hano koshi yeke li neenghono laKalunga, opo e mu nenepeke pefimbo la wapala. 7 Noshisho sheni shi mu dikeni, osheshi Oye te mu file oshisho.
8 Kaleni mu nelidiliko nomwa pashuka, omutondi weni, Satana, ohe mu dingilile ngaashi onghoshi hai kumbu, nota kongo ou te mu xwake po. 9 Mu lwifeni mwa pama meitavelo, nye mu kale mu shi shii, novamwaxo yo ve li mounyuni ove nokuhumbata omahepeko a tya ngaha.
Kalunga Oye omudiinini
10 Ndele Kalunga kefilonghenda alishe, ou e mu ifanena oshinge shaye shaalushe muKristus Jesus, eshi mwe lididimika okafimbo, Oye ote mu longekida, te mu yambidida, te mu pameke note mu kanghameke. 11 Oye e neenghono alushe fiyo alushe. Amen.
Omakundilo
12 Silvanus, omumwatate omudiinini, ngaashi nde mu lineekela, onde mu shangifa edi pauxupi noku mu kumaida noku mu hepaululila efilonghenda eli mu li mo, olo tuu efilonghenda lashili laKalunga. 13 Tamu kundilwa po keongalo lomuBabilon, la hoololwa ngaashi nye, nokomona wange Markus. 14 Minikafaneni nokuxupita kwohole.
Ombili nai kale nanye amushe ava mu li muKristus! Amen.
Uusita wegongalo lyaKalunga
1 Aakuluntu yegongalo lyaKalunga yomokati keni otandi ya kumagidha, ngame nguka omukuluntu mukweni. Ongame onzapo yomahepeko gaKristus nondi na oshitopolwa meadhimo ndyoka tali ka hololwa. Otandi mu kumagidha: 2 Kaleni aasita yoshigunda shoka mwe shi pewa kuKalunga, mu shi tonatele nehalo ewanawa, hakethiminiko. Inamu longa nelalakano tali sitha ohoni lyokukonga eliko, ihe onehalo tali zi momwenyo. 3 Inamu pangela mboka ya tulwa metonatelo lyeni, ihe kaleni mu shi kuholelwa kegongalo.
4 Nena Omusitawiliki ngele ta holoka, otamu ka pewa oshishani sheadhimo itaali kana.
5 Ne aagundjuka, vulikeni kaakuluntu. Amuhe zaleni eifupipiko, opo mu vule okuyakulathana. Oshoka enyolo otali ti:
“Kalunga oha tondo aainenepeki, ihe oha sile ohenda aaishonopeki.” 6 Onkee ano ishonopekeni kohi yoshikaha shoonkondo shaKalunga, opo e mu nenepeke pethimbo lye. 7 Mu tsikeni iimpwiyu yeni ayihe, oshoka oye omusilishimpwiyu gweni.
8 Kotokeni ne mu tonate! Oshoka omutondi gweni Satana ohe mu kundukidha, ta ndunduma a fa onime, ta kongo ngoka, te mu ninagula po. 9 Kaleni mu na eitaalo lya kola, opo mu vule oku mu kondjitha. Oshoka omwa tseya nooitaali ooyakwetu yomuuyuni auhe otaa pitile momahepeko ogo tuu ngoka. 10 Ihe omahepeko ogokathimbo kowala. Kalunga kesilohenda alihe okwe mu ithana, mu ye meadhimo lye lyaaluhe muukumwe naKristus. Oye ote mu longekidha, te mu pe oonkondo, te mu koleke note mu tula kekankameno lya kola. 11 Oye na pangele aluheluhe!
Amen.
Omakundo
12 Ontumwafo ndjika ofupi onde yi nyola kekwatho lyaSilvanus, omwiitaali mukwetu ngoka nde mu inekela. Onda hala oku mu kumika noku mu hokololela kutya ndika olyo esilohendalela lyaKalunga. Kaleni mwi ikolelela mulyo.
13 Egongalo ekweni lyomuBabilon ndyoka lya hogololwa wo kuKalunga, otali mu kundile po. Osho wo omumwandje Markus ote mu kundile po. 14 Kundilathanii po nohole yopakriste.
Ombili nayi kale nane amuhe mboka yaKristus.
