Satana ta mangwa ndele Kristus ta pangele
1 Ndele nda mona omweengeli ta kuluka meulu, e noshapi yombwili nelyenge linene meke laye. 2 Ye okwa kwata ongadu, eyoka linya likulu, olo ondiaboli naSatana, ndele okwe mu pandeka oule womido eyovi limwe, 3 nokwe mu ekela mombwili ndele ta idile po, nokwa tula ko oshipateko konima yaye, aha hongaule vali oiwana fiyo omido odo eyovi inadi xula po, ndele konima ota efiwa okafimbo kaxupi.
4 Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi. 5 Ovafi vakwao inava ninga omwenyo fiyo omido odo eyovi da pita po. Olo enyumuko lotete. 6 Omunelao nomuyapuki oye ou ta mono onhele yomenyumuko eli lotete. Efyo etivali kali neenghono oku va pangela, ndelenee vo otava ka ninga ovapristeli vaKalunga novaKristus, ndele tava ka pangela pamwe naye ngaashi eehamba omido eyovi limwe.
Exulilo lepangelo laSatana
7 Ndele omido eyovi nge da piti po, Satana ota ka efiwa a dje mo modolongo yaye, 8 ndele ta piti mo ndele ta ka hongaula oiwana yokeembinga nhee dedu, Gog naMagog, e va shivile oita; ndele omuvalu wavo ou fike peheke lopefuta. 9 Ndele otave lihanene edu alishe, ndele ova kondekela onhanda yovayapuki noshilando shiholike, nomundilo owa koloka meulu ndele we va lungwinifa po. 10 Ndele Satana ou e va pukifa okwa ekelwa mefuta lomundilo nolosulfuri, omo mu na yo oshilyani nomuxunganeki omunaipupulu, ovo tava ka hepekwa omutenya noufiku alushe fiyo alushe.
Etokolo lovanamwenyo nolovafi
11 Ndele onda mona olukalwapangelo linene litoka nomukalimutumba mulo, Oye ou edu neulu la ya onhapo oshipala shaye, ndele ina monikila vali onhele. 12 Ndele nda mona oonakufya, vanini novanene, ve li ofika moipafi yolukalwapangelo; nomambo a nyanunwa; nembo likwao la nyanunwa, olo lomwenyo. Noonakufya ova tokolelwa ei ya shangwa momambo pailonga yavo. 13 Nefuta ola yandja ovafi ava va li mo, nefyo noshovafi oya yandja ovafi ava va li mo; ovo va tokolwa, keshe umwe, pailonga yavo. 14 Nefyo noshovafi oya ekelwa mefuta lomundilo. Olo efyo etivali nokutya, efuta eli lomundilo. 15 Keshe tuu ou ina hangika a shangwa membo lomwenyo, oye okwa ekelwa mefuta lomundilo.
Oomvula eyuvi
1 Nena onda mono omuyengeli ta kuluka e na oshipatululo sholumbogo lwomuule nelyenge enene. 2 Oye okwa kwata oshikoko, eyoka ndyoka ekulu hali ithanwa omuhindadhi nenge Satana, nokwe mu manga, a kale a mangwa ngaaka uule woomvula eyovi limwe. 3 Omuyengeli oku umbile Satana molumbogo lwomuule nokwe lu pata noshipatitho, opo kaa vule we okupukitha aantu, sigo oomvula ndhoka eyovi limwe tadhi piti po. Konima yaashika ota ka mangululwa uule wokathimbo okafupi kowala.
4 Opo ihe onda mono iipangelapundi, naamboka ya kuutumba ko, oya pewa oonkondo dhokupangula. Ongame nonda mono oomwenyo dhaamboka ya dhipagwa molwaasho taa uvitha oshili yaJesus noohapu dhaKalunga. Oyo inaa galikana nando oshilikama nenge oshiyelekela shasho nongaashi inaa ndhindhilikwa noshihako shoshilikama miipala nomiikaha yawo. Oyo oya ningi omwenyo noya kala nokupangela pamwe naKristus uule woomvula eyovi limwe. 5 Ihe oshihupe shaasi mboka ya hupu ko, inaa ninga nando omwenyo, sigo oomvula ndhoka eyovi limwe dha pu ko. Ndika olyo eyumuko lyotango lyaasi. 6 Aanelago naalalekwa nuuyamba oomboka taa mono ompito yokuyumudhwa meyumuko ndika lyotango. Eso etiyali itali vulu nando oku ya pangela, ihe otaa ka ninga aayambi yaKalunga noyaKristus notaa ka pangela pamwe naKristus uule woomvula eyovi limwe.
Satana ta sindwa
7 Oomvula eyovi limwe ngele dha piti po, Satana ota ka piithwa mo mondholongo, 8 nota ka tsikila okupukitha aantu ayehe mboka ya kala kombanda yevi alihe, kokutya Gog naMagog. Eeno, Satana ote ke ya gongela ayehe, ya hinge iita, notaku ka kala aantu oyendji yaa shi okuyalulwa ya fa omawe gehekevi lyomooha dhefuta. 9 Oyo otaa ka halakanena evi alihe notaa ka kundukidha ontanda yaantu yaKalunga noshilando shoka Kalunga e shi hole. Ihe omulilo otagu ka za megulu e tagu ya lungunitha po. 10 Nena omuhindadhi ngoka a li he ya pukitha, otu umbilwa mefuta lyomulilo nosulufuli moka mwa adhika mu umbilwa nale oshilikama nomuhunganeki omufundja. Oyo otaa ka kala taa hepekwa omutenya nuusiku aluhe sigo aluhe.
Epangulo lyahugunina
11 Nena onda mono oshipangelapundi oshinene oshitokele nagumwe a kuutumba ko. Evi negulu oya yi ontuku yoshipala shaangoka a kuutumba koshipangelapundi noinayi monika we. 12 Opo ihe onda mono oonakusa, aanenentu naadhinwa ya thikama komeho goshipangelapundi. Omambo oga li ga pandjwa, nembo ekwawo, embo lyaanamwenyo, olya pandjwa. Oonakusa oya pangulwa noya tokolelwa shaa ngoka ngaashi e shi ilongela, ngashika sha nyolwa membo. 13 Nena efuta olya gandja aasi mboka ya sile mulyo. Eso noshaasi oya gandja wo aasi mboka ya li mo, naayehe oya pangulwa noya tokolelwa, ngaashi ye shi ilongela. 14 Opo ihe eso noshaasi oyu umbilwa mefuta lyomulilo. Efuta ndika lyomulilo olyo eso etiyali. 15 Kehe ngoka edhina lye inaali nyolelwa membo lyaanamwenyo, oku umbilwa mefuta lyomulilo.
