Ohamba tai halelwa ekwafo lOmwene
Epsalme laDavid, la pewa enyakwa lolwiimbo.
1 Omwene ne ku ude mefiku loudjuu,
edina laKalunga kaJakob nali ku amene!
2 Oye ne ku tumine ekwafo
li dje mouyapuki waye,
nepameko loye nali ku dilile muSion.
3 Na dimbulukwe eendjayambo doye adishe,
na tale nohokwe omaxwikiloyambo oye. Sela
4 Oye ne ku pe eshi omutima woye wa hala,
nomauko aeshe ne a wanife.
5 Opo nee twa hala okukalukila efindano,
nomedina laKalunga ketu
omo hatu dungadungifa omapandela etu;
Omwene na shakenife omaindilo oye aeshe.
6 Paamha ondi shi shii,
Omwene ota xupifa omuvaekwa waye,
ndele te mu udu meulu laye liyapuki
omafindano manene eke laye lokolulyo.
7 Oku na ovo have lineekele omatemba oita
navamwe eenghambe;
ndelenee fye hatu hepaulula
edina lOmwene Kalunga ketu.
8 Vo kave na apa tava kwatelele,
ndele tava natwa po,
ndelenee fye otu li ofika, itatu tengauka vali.
9 Omwene, yandja efindano kohamba!
Tu uda, ngeenge hatu ifana.
Okwiindila esindano
Episalomi lyaDavid
1 Omuwa ne ku yamukule, uuna u li muudhigu!
Kalunga kaJakob ne ku gamene!
2 Ekwatho lye nali ku ziilile motempeli ye.
Eambidhidho lye nali ku ziilile kondundu Sion.
3 Na taambe omagano ngoka to mu etele
ye na hokwe omayambo goye agehe.
4 Ne ku pe shoka wa hala
ye na tsakanithe oompangela dhoye adhihe.
5 Nena otatu ka kolwa kenyanyu omolwesindano lyoye,
nokupandeka ekandanga mokusimaneka Kalunga ketu.
Omuwa na yamukule omaindilo goye.
6 Ngashingeyi ondi shi shi kutya
Omuwa oha gandja esindano komukwaniilwa gwe omuhogololwa;
ote mu yamukula e li megulu lye eyapuki
nokoonkondo dhOmuwa, omukwaniilwa ota sindana.
7 Aantu yamwe otaa inekele omatemba gawo guukwiita,
yamwe uukambe wawo,
ihe tse otwi inekela oonkondo dhOmuwa Kalunga ketu.
8 Aantu ya tya ngeyi otaa punduka etaa gwile po,
ihe tse otwa thikama twa kolelela.
9 Omuwa, gandja esindano komukwaniilwa;
tu yamukula, ngele tatu ku indile.
