Likolelela mefilonghenda
1 Oove hano, omumwange, likolelela mefilonghenda eli li li muKristus Jesus; 2 ndele osho wa uda kwaame mokati keendobwedi dihapu, shi yandja kovalumenhu ve shi okulineekelwa, va wana oku shi longa vakwao yo.
3 Ove, humbata oudjuu, ngaashi omukwaita muwa waKristus Jesus. 4 Kape na omukwaita te lipyakidile oipalwifa, osheshi a hala okuwapalela ou, e mu shivila moukwaita. 5 Ndele ou ta kala mefiyafano, ita pewa oshishani, ngeenge ita fiyafana po pamaufo. 6 Omunepya ou te lihepeke oye e nokupewa tete oiimati. 7 Diladila nawa eshi handi shi ku lombwele, osheshi Omwene ote ku pe omayele moinima aishe.
8 Dimbulukwa, Jesus Kristus, ou a nyumunwa movafi, Oye a dja mepata laDavid pavaengeli lange, 9 mulo handi humbata oudjuu fiyo omeemhango, nda fa omukolokoshi; ndelenee eendjovo daKalunga inadi mangwa. 10 Onghee ohandi lididimikile ashishe eshi omolwovahoololwa, opo navo yo va mone exupifo li li muKristus Jesus noshinge shaalushe. 11 Ondjovo ei oi shii okulineekelwa:
“Osheshi ngeenge twa fyeni pamwe naye,
ohatu ka kaleni yo tu nomwenyo pamwe naye;
12 ngeenge hatu lididimikeni,
ohatu ka kaleni nokupangela yo pamwe naye;
ndelenee ngeenge ohatu mu likale,
Oye ote ke tu likala yo.
13 Fye ngeenge twa kala inatu diinina,
Oye ta kala omudiinini,
osheshi Ye ita dulu okulikala Ye mwene.”
Omukriste ne livangeke eemhata neendjovo dongaho
14 Va dimbulukifa oinima ei noku va lombwela koshipala shOmwene, vaha patafane eendjovo dongaho dihe na nande ekwafo, ndelenee otadi kanifa ovapwilikini. 15 Diinina, u monike kuKalunga oove omufindani momayeleko, omulongi ita fi ohoni oshilonga shaye, e shii okutukula nawa ondjovo yoshili. 16 Ndelenee livangeka eendjovo da nyata nomapopyaano ongaho, osheshi ava tava kwatafana nado, ovo tava ka pwila mo moudinikalunga, 17 ndele eendjovo davo otadi ka tandavela muvo ngaashi oudu wombulwa, vamwe vomuvo Himeneus naFiletus, 18 vo ova kanduka mo moshili, eshi tava ti: enyumuko ola ningwa nale, ndele tava nyono po eitavelo lavamwe. 19 Nande ongaha, ekanghameno la pama laKalunga tali kala la pamenena, ndele ou na oshihako eshi: “Omwene ava vaye oku va shii, nakeshe tuu ou ta ifana edina lOmwene, na efe ouhenouyuki.” 20 Ndelenee meumbo linene ihamu kala oiyuma yoshingoldo noyoshisiliveli aike, ohamu kala yo yoiti noyedu, imwe oya fimana, ikwao inai fimana. 21 Hano, ngeno ope na ou te liyelifa mwaai, ye ota ningi oshiyuma sha fimana sha yapulwa shi noshilonga kumwene washo, sha wapalela keshe tuu oshilonga shiwa.
Shikuleni ouyuki nombili nelididimiko
22 Ndelenee inda onhapo yokahalu kounyasha, ndele shikula ouyuki neitavelo, nohole nombili pamwe naava tava ifana Omwene nomutima wa yela. 23 Ndele hanyena omapulapulo a nyika oulai, ndele ehe neendunge, osheshi u shi shii, oo otaa dala eemhata; 24 ndelenee omupiya wOmwene ina wapala okutwa eemhata, oye e nokukala e nonheni naaveshe, omulongi ta shiiva okulonga nokulididimikila owii; 25 ye e nokupukulula ovanandubo e nombili, ngeno Kalunga e va pe elidilululo opo va shiive oshili, 26 ndele va ninge vali eendunge, va kololokwe, va manguluke mo momwiyo waSatana, ou e va manga okulonga ehalo laye.
Omukwiita ofule gwaJesus Kristus
1 Mumwandje, ikolelela ano mesilohenda ndyoka tu li na muukumwe naKristus Jesus. 2 Dhiginina oohapu ndhoka u uvu tandi dhi uvitha montaneho yoonzapo oyendji. Dhi gandja kaantu ye shi kwiinekelwa, mboka taa vulu oku dhi longa yakwawo.
3 Idhidhimikila omahepeko ongomukwiita ofule gwaJesus Kristus. 4 Omukwiita ngoka e li molugodhi, ihi ipyakidhile noompumbwe dhilwe, oshoka okwa hala okwoopalela aluhe omuwiliki gwe. 5 Omumatuki kehe methigathano ita mono ondjambi, ngele ita vulika koompango. 6 Omunepya ngoka i ihepeke nokulonga epya lye, oku na okumona tango sha meteyo lyepya lye. 7 Dhiladhila nawa shoka tandi ku lombwele, oshoka Omuwa ote ke ku pa oondunge dhokuuva ko iinima ayihe mbika.
8 Dhimbulukwa Jesus Kristus, omunezimo lyaDavid ngoka a yumudhwa kuusi, ngaashi tashi popiwa kelaka etoye ndyoka tandi li uvitha. 9 Otandi hepekwa, sho tandi uvitha elaka etoye nonda mangwa nokuli ongomukolokoshi. Ihe oohapu dhaKalunga inadhi mangwa. 10 Onkee ano otandi idhidhimikile iinima ayihe, opo aahogololwa yaKalunga ya mone ehupitho neadhimo lyaaluhe ndyoka li li muKristus Jesus. 11 Ohapu ndjika oyoshili:
“Ngele twa si pamwe naye,
otatu ka kaleni wo tu na omwenyo pamwe naye.
12 Ngele tatu tsikileni okwiidhidhimika,
otatu ka pangeleni wo pamwe naye.
Ngele tatu mu idhimbike,
naye wo ote ke tu idhimbika.
13 Ngele itatu kala aainekelwa,
nena oye ota kala omwiinekelwa,
oshoka ita vulu okwiifundjaleka.”
Omulongihapu a hogololwa
14 Aakwanegongalo yaandjeni ya dhimbulutha iinima mbika, ngu u ya londodhe koshipala shaKalunga, yaa kale ye hole okuludhika. Omaludhi itaga eta uuwanawa washa, ihe otaga yono po owala aapulakeni. 15 Kambadhala, u kale omulongihapu a hokiwa kuKalunga, ongaangoka inaa sa ohoni iilonga ye noha longo aantu oshili ya yela yomoohapu dhaKalunga. 16 Yanda omapopyo ga nyata noguugoya, ngoka taga fala aantu kokule naKalunga. 17 Elongo lyawo olya fa ondhiya tayi kunya ko oontumba kolutu. Yaali yomaalongi mbaka oyo Himeneus naFiletus. 18 Yo oya puka mo mondjila yoshili notaa yono po eitaalo lyoyendji, sho taa popi kutya eyumuko lyaasi olya ningwa nale. 19 Ihe ekankameno ndyoka lya tungwa kuKalunga, olya kola noitali tenguka. Kekankameno ndika okwa nyolwa oohapu ndhika: “Omuwa oku ya shi mboka ye,” na: “Kehe ngoka ta tumbula edhina lyOmuwa, ne ethe uulunde.”
20 Megumbo enene omu na iiyaha nomatiti goludhi kehe: Yimwe oya ningwa moshisiliveli nomoshingoli, yimwe omiiti nomeloya, yimwe ohayi longithwa ashike omasiku gamwe niikwawo ohayi longithwa esiku kehe. 21 Ano ngele ku na ngoka ti iyoolola mo muuwinayi mbuka auhe, ota vulu okulongithwa miilonga yi na esimano. Oye okwa yapulwa, a kale oopalela mwene gwe nokwi ilongekidha okulongithwa moshilonga kehe oshiwanawa. 22 Yanda uuhalu womuugundjuka, lalakanena uuyuuki, eitaalo, ohole nombili pamwe naamboka ye na omitima dha yela nohaa pula ekwatho kOmuwa. 23 Yanda okuludhika kwa nika uugoya nokwaa na owino, oshoka iinima ya tya ngeyi ohayi hulile moontamanana. 24 Omumati gwOmuwa ita pumbwa okutamanana. Oye oku na okukala omulongi omwaanawa, omwiidhidhimiki, e na olukeno naayehe 25 noha pukulula aatamaneki ye nombili. Oshoka Kalunga ota vulu oku ya pa ompito yokwiitedhulula e taa tseya oshili. 26 Nena otaa papudhuka e taa manguluka mo momwigo gwaSatana, ngoka a li e ya manga e te ya vulikitha.
