Enyumuko laKristus nolovafi aveshe
1 Ovamwatate, ohandi mu shiivifile evaengeli olo nde li mu udifila, ndele nye mwe li tambula yo, nomwa kala yo mulo, 2 olo tuu olo tamu xupifilwa yo mulo, ngeenge tamu li diinine li kale ngaashi nde li mu udifila, ngeenge inamu li itavela oshimha.
3 Osheshi komesho yaaishe ame onde mu shiivifila eshi nde shi pewa yo ame mwene: nokutya, Kristus okwa fya omolwoulunde wetu ngaashi pa shangwa. 4 Ndele Ye okwa pakwa, nefiku etitatu okwa nyumunwa pamishangwa, 5 ndele okwe lihololela Kefas nokonima e lihololela ava omulongo navavali. 6 Opo nee Ye okwa holokela palumwe kovalumenhu ve dule omafele atano, vahapu vomuvo ve nomwenyo natango, ndele vamwe va kofa mo. 7 Ndele okwe lihololela vali Jakob novayapostoli aveshe. 8 Ndele hauxuuninwa e lihololela nge, aame, ou nda fa nda dalwa, inandi fika okudalwa, 9 osheshi ame ondi dulike kovayapostoli aveshe, inandi wana okwiifanwa omuyapostoli, osheshi ame nda taataele eongalo laKalunga. 10 Ndelenee okefilonghenda laKalunga ame ondi li po ngaashi ndi li, efilonghenda laye inali hepela mo mwaame, ndelenee onda longa shili ndi va dule aveshe, ndelenee haame mwene, efilonghenda laKalunga eli la kala pamwe naame. 11 Hano nande aame ile venya, osho hatu udifa, ndele nye mwa itavela.
12 Hano ngeenge Kristus ta udifwa nokutya, a nyumuka movafi, ongahelipi hano vamwe vomunye tava ti: kape nenyumuko lovafi? 13 Nongeenge kape nenyumuko lovafi, nena Kristus yo ina nyumunwa; 14 Ndelenee ngeenge Kristus ina nyumunwa, neudifo letu olongaho, osho yo eitavelo leni olongaho. 15 Nafye ohatu monika yo, ofye ovahepaululi vaKalunga ovanaipupulu, shaashi twa hepaulula, hatu kondjifa Kalunga kutya, Oye a nyumuna Kristus, ou ine mu nyumuna, ngeenge ovafi itava nyumunwa. 16 Osheshi ovafi ngeenge itava nyumunwa, naKristus ina nyumunwa yo. 17 Ndele Kristus ngeenge ina nyumunwa, eitavelo leni yo kali nekwafo, onye omu li moulunde weni; 18 hano naava yo va fya muKristus, ova kana. 19 Hano ngeenge twa tula eteelelo muKristus mokukalamwenyo oku akuke, ofye omapongo unene tu dulike kovanhu aveshe.
20 Ndelenee paife Kristus okwa nyumuka movafi, Oye wotete waava va kofa mo, 21 osheshi efyo ngaashi le uya molwomunhu umwe, osho yo nenyumuko lovafi omolwomunhu umwe. 22 Osheshi ngaashi aveshe tava file muAdam, osho yo aveshe tava ningwa ovanamwenyo muKristus. 23 Ndelenee keshe tuu omolufo laye: tete oKristus, opo nee ava vaKristus tava shikula meuyo laye. 24 Opo nee exulilo tali uya, fimbo ta yandje ouhamba kuKalunga Xe, eshi a hanauna po elelo alishe nepangelo neenghono adishe. 25 Osheshi Oye e nokupangela fiyo ota tula ovatondi vaye aveshe koshi yeemhadi daye. 26 Omutondi wahauxuuninwa ou ta hanaunwa po oye efyo. 27 Osheshi aishe e i tula koshi yeemhadi daye. Ndele eshi ta ti: “Aishe oya tulwa koshi, opo nee fye otu shi shii, ou a tula aishe meke laye, Ye ina tulwa mo.” 28 Ndele oinima aishe ngeenge ya tulwa mepangelo laye, opo nee Omona Ye mwene ote ke litula yo koshi yaau e mu tulila ko aishe, Kalunga, opo a kale omunashisho moinima aishe.
29 Ndele ngeenge hasho, ava ve lishashifila ovafi, otava ningi shike? Ovafi ngeenge itava nyumunwa, oshike hano tave lishashifa ponhele yavo? 30 Nafye yo ohatu litulile shike moiponga keshe efimbo? 31 Keshe efiku ondi li pokufya, oshili, ngaashi nye ovamwatate, elitango lange muKristus Jesus, Omwene wetu. 32 Olwoodi nda li nalo muEfeso, eshi nda lwa noilyani paenghedi dovanhu, otashi kwafa nge shike? Ngeenge ovafi itava nyumunwa: “Opo nee tu lyeni hano, fye tu nweni,” osheshi mongula ohatu fi. 33 Inamu puka: “Ookaume vai otava nyono po eenghedi diwa.” 34 Kololokweni hano pauyuki, ndele ningeni eendunge nye inamu nyona; osheshi ope na vamwe inava shiiva nande Kalunga. Ohandi shi mu lombwele opo mu fye ohoni.
35 Ndelenee pamwe pe na ou ta ti: Ovafi otava nyumunwa ngahelipi, ndele tava holoka ve nomalutu e li ngahelipi? 36 Elai ove, eshi to shi kunu, itashi ningi omwenyo, ngeenge inashi fila mo. 37 Ndele ngeenge to kunu, ito kunu eshi tashi ningi olutu, ndelenee ombuto yongaho, ngeenge oilya ile keshe tuu eshi shi lili. 38 Ndele Kalunga te shi pe omuno ngaashi Ye a hala, ndele keshe ombuto otai pewa olutu layo vene. 39 Eenhumba adishe kadi li shimwe, eemhumba dovanhu odi lili, nodoimuna odi lili, neenhumba doudila odi lili, nodeeshi odi lili. 40 Ndele oku na omalutu omakwaulu, noku nomalutu omakwadu, ndele oshinge shomalutu omakwaulu oshi lili, noshinge shomalutu omakwadu oshi lili. 41 Oshinge shetango oshi lili, noshinge shohani oshi lili nosheenyofi oshi lili, ndele keshe onyofi i na yo oshinge shayo shi lili.
42 Nenyumuko lovafi osho li li: otapa kunwa olutu tali xulu po, ndele tapa nyumunwa olutu itali xulu po. 43 Mokudinwa tamu kunwa, moshinge tamu nyumunwa; omoungone tamu kunwa, ndele otaku nyumunwa meenghono. 44 Otapa kunwa olutu lopashitwe, ndele tapa nyumunwa olutu lopamhepo. Ngaashi pe nomalutu opashitwe, osho yo pe nomalutu opamhepo. 45 Ndele opa shangwa yo: “Omunhu wotete, Adam, okwa ninga omunamwenyo,” Adam ou a xuuninwa okwa ninga omhepo ei hai yandje omwenyo. 46 Ndelenee hasheshi shopamhepo shotete, ndelenee eshi shopashitwe osho shotete; notashi shikulwa nee kwaashi shopamhepo. 47 Omunhu wotete okwa dja medu, omukwadu; omunhu omutivali, Omwene, a dja meulu. 48 Ngaashi omunhu omukwadu a kala, osho yo ovakwadu; nongaashi omukwaulu a kala, osho yo ovakwaulu. 49 Ndele ngaashi twa li twa djala efano laau omukwadu, osho hatu ka djala yo efano laau omukwaulu.
50 Ndele eshi ohandi shi mu lombwele, ovamwatate, nokutya, onhumba nohonde itai fyuulula ouhamba waKalunga, naashi tashi xulu, itashi fyuulula osho itashi xulu.
51 Taleni, ohandi mu lombwele oshiholekwa: Hafye atushe hatu fi, ndelenee atusheni ohatu ka shitululwa. 52 Divadiva, mepakumo leisho, omokushikwa kwenghuma laxuuninwa, osheshi enghuma otali ka shikwa, novafi otava nyumuka, ndele itava xulu po vali, ndele ofye ohatu shitululwa. 53 Osheshi eshi shopanyonauko oshi nokudjala shinya shihe nenyonauko, naashi tashi fi, otashi djala shinya itashi fi. 54 Ndele eshi shopanyonauko ngeenge tashi djala shinya shihe nenyonauko, naashi tashi fi ngeenge tashi djala eshi itashi fi, opo nee ondjovo ei ya shangwa, otai ningi yoshili:
“Efyo ola ponwa po filu mefindano!
55 Efyo, efindano loye oli li peni?
Efyo, oshitwifo shoye oshi li peni?”
56 Oshitwifo shefyo osho oulunde, neenghono doulunde odo omhango. 57 Ndelenee Kalunga Oye na pandulwe, ou ote tu pe efindano omolwOmwene wetu Jesus Kristus.
58 Onghee hano, ovamwatate ovaholike, kaleni mwa pama, muha tengauke, alushe kaleni ovaladi moilonga yOmwene, mu kale mu shi shii nokutya, oshilonga sheni kashi fi oshimha omOmwene.
Eyumuko lyaKristus
1 Aamwameme, onda hala, ndi mu dhimbuluthe kombinga yelaka etoye ndyoka nde mu uvithile, ndyoka mwa taamba nokulyo okwi ikwatalela eitaalo lyeni. 2 Olyo evaangeli, ohapu ndjoka nde mu uvithile. Olyo otali mu hupitha, ngele tamu li dhiginine, ngele inamu itaala osima yowala.
3 Ngame onde mu tseyithile oshinima shi vule ayihe, ngaashi ngame nde shi pewa wo kutya Kristus okwa si omolwoondjo dhetu, ongaashi sha nyolwa mOmanyolo; 4 Okwa fumvikwa e ta yumudhwa kuusi mesiku etitatu, ngaashi kwa nyolwa mOmanyolo; 5 okwi ihololele Petrus, nokonima aayapostoli ayehe omulongo nayaali. 6 Nena okwi ihololele ishewe aalanduli ye ye vule omathele gatano polumwe. Oyendji yomuyo oye na omwenyo natango, nonando yamwe oya sa. 7 Nena okwi ihololele Jakob nokonima aayapostoli ayehe.
8 Hugunina okwi ihololele ndje wo, nonando ngame onda fa omuntu ngoka a pononwa. 9 Oshoka ngame ondi vulike kaayapostoli ayehe noinandi gwana, ndi ithanwe omuyapostoli, oshoka onda tidhaganene egongalo lyaKalunga. 10 Ihe omolwesilohenda lyaKalunga ngame ondi li ngaashi ndi li, nesilohenda lye inali kala lyaa na oshilonga kungame. Ihe onda longo unene ndi vule aayapostoli yalwe ayehe, nonando hakungame mwene nda vulu oku shi ninga, ihe esilohenda lyaKalunga lya longitha ndje. 11 Ano kashi na mbudhi kutya olye te shi ningi, ngele ongame nenge oyo, shika osho hatu uvitha, nomwe shi itaala.
Eyumuko lyetweni
12 Ano sho tatu uvitha kutya Kristus okwa yumudhwa kuusi, ongiini ano, sho ku na yamwe taa ti kutya aasi itaa ka yumudhwa kuusi? 13 Ngele oshinima sha tya ngawo oshoshili, nena otashi ti, Kristus wo ina yumudhwa; 14 nongele Kristus ina yumudhwa kuusi, nena katu na sha shokuuvitha, nane kamu na sha shokwiitaala. 15 Nena otatu lundile Kalunga, sho tatu ti, okwa yumudha Kristus kuusi, ye ine mu yumudha, ngele aasi itaa yumudhwa. 16 Oshoka ngele aasi itaa yumudhwa kuusi, nena naKristus wo ina yumudhwa. 17 Nongele Kristus ina yumudhwa kuusi, nena eitaalo lyeni kali na oshilonga, nane omwa kanena natango muulunde. 18 Nena ando otashi ti kutya naamboka ya sa nale yo yi itaala Kristus, oya kana. 19 Ngele etegameno lyetu muKristus oshinima shokombanda yevi owala, inaaku tegelelwa we sha shilwe, nena tse aantu aakweyi tu vulike kaantu ayehe.
20 Ihe oshili oyo ndjika: Kristus okwa yumudhwa kuusi. Shika otashi koleke kutya mboka ya kotha muusi ngashingeyi, otaa ka yumudhwa wo. 21 Oshoka ngaashi eso lye ya muuyuni omolwomuntu gumwe, osho neyumuko wo otali ningwa omolwomuntu gumwe. 22 Oshoka ngaashi aantu ayehe ye na okusa omoluukumwe wawo naAdam, osho wo aantu ayehe otaa ka yumudhwa omolwuukumwe wawo naKristus. 23 Ihe kehe gumwe opalufo lwe: Omutango kwaayehe oKristus, notaku landula mboka yaKristus, uuna ndoka te ke ya. 24 Nena otaku ya ihe ehulilo; Kristus ota ka sinda ihe aapangeli yomombepo, omapangelo noonkondo nota ka gandja oshilongo kuTate Kalunga. 25 Oshoka Kristus oku na okupangela, sigo Kalunga a sindi aatondi ayehe e te ya tula kohi yoompadhi dhaKristus. 26 Omutondi gwahugunina e na okusindwa, oye eso. 27 Oshoka enyolo otali ti: “Kalunga okwa tula iinima ayihe kohi yoompadhi dhaKristus.” Shika osha yela kutya iitya mbika “iinima ayihe” inayi kwatela mo Kalunga ye mwene, ngoka ta tula iinima ayihe kohi yoompadhi dhaKristus. 28 Ihe uuna iinima ayihe ya tulwa mepangelo lyaKristus, nena Omwana oti itula wo ye mwene kohi yepangelo lyaKalunga, ngoka a tula iinima ayihe kohi yepangelo lye; naKalunga ota ka ninga oye awike omupangeli gwaayihe.
29 Ihe ongiini kombinga yaantu mboka taa ishashitha medhina lyaasi? Otashi ya kwatha shike? Ngele aasi itaa ka yumudhwa, ngaashi taa ti, omolwashike tayi ishashitha medhina lyaasi? 30 Natse wo omolwashike tatu itula miiponga otundi kehe? 31 Aamwameme, ngame onda taalelwa keso esiku kehe. Otandi vulu okupopya ngeyi, oshoka ondu uvite uuntsa omolweni mokukalamwenyo kwetweni muKristus Jesus, Omuwa gwetu. 32 Ngele muEfeso onda kondjele pantu niilikama, osha kwatha ndje shike? Ngele aasi itaa ka yumudhwa, nena “Tu lyeni tse tu nweni, oshoka ngula otatu si”, ngaashi eyele tali ti.
33 Inamu pukithwa. “We ende nombudhi, nangoye oto ningi ombudhi.” 34 Ningeni aanandunge ne mu ethe uulunde. Otandi shi popi oku mu sitha ohoni kutya yamwe yomune inaa tseya Kalunga.
Olutu lweyumuko
35 Aantu yamwe otaa pula taa ti: “Otashi vulika ngiini, aasi ya yumudhwe? Otaa ka kala ye na omalutu ga tya ngiini?” 36 Aagoya ne! Uuna to kunu ombuto mevi, ndishi ihayi mene, manga inaayi sila mo? 37 Shoka to kunu mevi, osho omuma yowala, ongele oyehangu nenge oyoludhi lulwe, kayi shi oshimeno shoshene shoka sha koka. 38 Kalunga ota pe omuma ya tya ngaaka omuno, ngaashi a hala; kehe tuu omuma ote yi pe omuno gwayo.
39 Onyama yiinamwenyo ayihe inayi faathana; onyama yaantu oyi ili, yiimuna noyiiyamakuti oyi ili, yoondhila oyi ili noyoohi oyi ili.
40 Oku na omalutu gomegulu nomalutu gokevi; eadhimo lyomalutu gomegulu oli ili, neadhimo lyomalutu gokevi oli ili, 41 etango oli na eadhimo lyalyo li ili, lyomwedhi oli ili nolyoonyothi oli ili, nomokati koonyothi dhodhene omu na omayooloko. 42 Osho naanaa tashi ka kala mokuyumudhwa kwaasi. Mevi otamu pakwa olutu lweyonuuko, mokuyumudhwa tamu zi olutu lwokwaayonuuka. 43 Otamu pakwa olutu lwa shunduka, ihe olutu lwa yumudhwa olwa sheneka. Otamu pakwa olutu luunkundi, mo tamu yumudhwa olutu luukolele. 44 Olutu ndoka talu pakwa, otalu vulu okugumwa, ihe ndoka lwa yumudhwa, otalu ka kala lwopambepo. Ngaashi ku na olutu talu vulu okugumwa, osho wo oku na olutu lwopambepo. 45 Oshoka enyolo otali ti: “Omuntu gwotango Adam okwa ningi omunamwenyo.” Adam ngoka a hugunine oye Ombepo tayi gandja omwenyo. 46 Shoka shopambepo hasho shotango, ihe ooshoka tashi vulu okugumwa, opo ihe shoka shopambepo. 47 Adam gwotango okwa shitwa montsi yevi; Adam omutiyali okwa zi megulu. 48 Aantu mboka yokevi oya faathana naangoka a shitwa montsi yevi; mboka yomegulu oya faathana naangoka a za megulu. 49 Ngaashi twa zala uukwatya womuntu ngoka a shitwa montsi yevi, osho wo tatu ka zala uukwatya wOmuntu gwomegulu.
50 Aamwameme, onda hala okutya: Olutu nduka lwonyama nombinzi italu vulu okuya mOshilongo shaKalunga, naashoka shi na okusa, itashi vulu okukala itaashi ka sa.
51 Pulakeneni oshiholekwa: Itatu ka seni atuheni, ihe otatu ka shitululweni ombaadhilila, 52 ongepathimo lyeho, uuna enkuma lyahugunina tali ka hika. Oshoka uuna tali tameke okuhika, aasi otaa ka yumudhwa nomalutu itaaga si we, nena atuheni otatu ka shitululwa. 53 Oshoka shoka tashi ka yonuka po, oshi na okwiizaleka shoka itaashi ka yonuka po; naashoka tashi ka sa, oshi na okwiizaleka shoka itaashi si. 54 Ano uuna shoka tashi ka sa, sha zalekwa shoka itaashi si, nena enyolo otali ka gwanithwa ndyoka tali ti: “Eso lya sindwa, olya yonwa po sheke.”
55 “So ngoye, esindano lyoye oli li peni?
“So ngoye, oonkondo dhoye dhokweehameka odhi li peni?” 56 Uulunde owo tau pe eso oonkondo dhokweehameka, nuulunde otau pewa oonkondo kompango. 57 Ihe Kalunga na hambelelwe, ngoka te tu pe esindano molwOmuwa gwetu Jesus Kristus!
58 Onkee ano aamwameme ne aaholike, kaleni mwi ikolelela, mwaa tenguke. Kaleni mwi ipyakidhila aluhe niilonga yOmuwa, oshoka omu shi shi kutya ashihe shoka tamu ningile Omuwa, otashi tompola sha.
