Eyukipalifo lokeitavelo
1 Hano eshi twa yukipalifwa keitavelo, otu nombili naKalunga molwOmwene wetu Jesus Kristus, 2 molwaau twa mona yo meitavelo omhito yokufikila mefilonghenda eli omo hatu kala, nohatu lifimanekele eteelelo loshinge shaKalunga. 3 Ndelenee hasho ashike, ohatu lifimanekele omaudjuu yo, shaashi otu shi shii omaudjuu otaa dala elididimiko, 4 nelididimiko oudiinini, noudiinini eteelelo; 5 ndele eteelelo itali fifa ohoni, osheshi ohole yaKalunga oya tililwa momitima detu mOmhepo Iyapuki twe mu pewa.
6 Osheshi fye fimbo twa li oingone, Kristus okwa fila ovahenakalunga pefimbo la wapala. 7 Walye nee, ngeenge otaku monika ou te liyandje mokufya omolwomuyuki; heeno kashiimba ku na tuu ou e nouladi a file ou muwa. 8 Ndelenee Kalunga okwe tu hololela ohole yaye oku tu hola, Kristus eshi e tu fila fimbo twa li natango ovalunde. 9 Hano unene tuu paife, eshi twa yukipalifwa mohonde yaye, ohatu xupifwa molwaye omehandu. 10 Hano ngeenge fye, fimbo twa li ovatondi vaKalunga twa kwatakanifwa naye molwefyo lOmona waye, hano unene tuu paife, eshi twa kwatakanifwa, ohatu xupifwa kokukalamwenyo kwaye eshi e nomwenyo. 11 Ndele hasho ashike, ndele ohatu lifimanekele Kalunga omolwOmwene wetu Jesus Kristus mwaau twa mona ekwatakanifo.
Adam naKristus
12 Onghee hano, ngaashi oulunde wa etwa mounyuni komunhu umwe, nefyo okoulunde, osho nee efyo ole uya movanhu aveshe, shaashi aveshe va nyona. 13 Osheshi oulunde owa li mounyuni fimbo omhango ya li ihe po, ndele oulunde kau niwe nao apa pehe nomhango; 14 osho hano efyo la pangela okudja kuAdam fiyo okuMoses nokuvenya va li inava nyona panghedi yokunyona kwaAdam, oye tuu ou oshihopaelelwa shaau a li te ke uya.
15 Ndele oshalinghenda inashi fa enyono, osheshi omolwenyono laumwe vahapu ova fya, hano unenenene efilonghenda noshiyandjiwa shaKalunga omolwefilonghenda lomunhu umwe, Jesus Kristus, ola hapupalela vahapu. 16 Ndele poshali kape li ngaashi pwaashi sha etwa komunyoni umwe, osheshi muumwe omwa dja etokolo lokukanifa, ndele oshalinghenda otai eta eyukipalifo momanyono mahapu. 17 Hano ngeenge okokutauluka kwomunhu umwe efyo la pangelele omolwaau umwe, hano unene tuu ava tava tambula ouyadi wonghenda nowoshali youyuki otava ka pangela mokukalamwenyo taku uya omolwaau umwe, Jesus Kristus.
18 Hano osho pe li, ngaashi etauluko laumwe la etela ovanhu aveshe etokolo lekano, osho yo oshilonga shouyuki shaumwe tashi etele ovanhu aveshe eyukipalifo lomwenyo; 19 osheshi ngaashi kokuhadulika kwomunhu ou umwe ava vahapu va ninga ovalunde, osho yo kokudulika kwaau umwe ava vahapu tava ningi ovayuki. 20 Ndelenee omhango oye uya pokati, omatimba opo a ninge mahapu; ndelenee apa omatimba a ninga mahapu, ouyadi wefilonghenda tau monika. 21 Opo ngaashi oulunde wa pangela mefyo, osho yo efilonghenda tali pangele omolwouyuki li ete omwenyo waalushe molwaJesus Kristus, Omwene wetu.
Aayuuki koshipala shaKalunga
1 Ano ngashingeyi sho twa ningwa aayuuki koshipala shaKalunga molweitaalo, otu na ombili naKalunga omolwOmuwa gwetu Jesus Kristus. 2 Oshoka molweitaalo Kristus okwe tu thikitha mesilohenda lyaKalunga, moka tu li mo ngashingeyi. Onkee ano tu nyanyukweni mokutegamena eadhimo lyaKalunga. 3 Hasho shika ashike, ihe otatu nyanyukwa wo, sho tu li muudhigu, sho tu shi shi kutya muudhigu ohamu zi eidhidhimiko. 4 Eidhidhimiko otali tu kwatha okusindana memakelo notamu zi omukumo gwetu gwokutegamena. 5 Okutegamena itaku tu sitha ohoni, oshoka ohole yaKalunga oya tililwa moomwenyo dhetu kOmbepo Ondjapuki, ndjoka twe yi pewa omagano kuKalunga.
6 Ano manga twa li twaa na nando etegelelo lyasha, Kristus okwa sile aakolokoshi pethimbo lyu uthwa kuKalunga. 7 Osho oshinima oshidhigu, omuntu gwontumba ngele ta si omolwomuyuuki. Eeno, pamwe otashi vulika, omuntu gwontumba ta si omolwomuntu gumwe omwaanawa. 8 Ihe Kalunga okwe tu hololele kutya oku tu hole, Kristus sho a si peha lyetu, manga twa li aalunde. 9 Unene tuu ngashingeyi, sho twa ningwa aayuuki koshipala shaKalunga omolweso lye, Kristus ote tu hupitha, twaa adhike kondjahi yaKalunga. 10 Oshoka manga twa li aatondi yaKalunga, Kalunga okwe tu hanganitha naye mwene meso lyOmwana. Ano unene ngashingeyi sho tu li mehangano naKalunga, otatu hupithwa kokukala kwaKristus e na omwenyo. 11 Ihe hasho shika ashike; tse otatu nyanyukilwa Kalunga omolwOmuwa gwetu Jesus Kristus, ngoka e tu hanganitha naKalunga.
Adam naKristus
12 Uulunde owe etwa muuyuni komuntu gumwe, nuulunde we owe etelele eso. Onkee ano eso olya taandele maantu ayehe, oshoka ayehe oya yono. 13 Uulunde omo wa li muuyuni, manga ompango inaayi gandjwa; ihe manga kaakwa li ompango, uulunde owa li inaau yalulwa. 14 Ihe okuza kethimbo lyaAdam sigo okethimbo lyaMoses eso olya pangele maantu ayehe naamboka inaaya yona ngaashi Adam, ngoka a li inaa vulika koshipango shaKalunga.
Adam okwa li oshiholelwa shaanguka te ke ya. 15 Ihe mbaka yaali inaa faathana, oshoka omagano gesilohenda lyaKalunga itaga vulu okuyelekwa nokuyona kwaAdam. Eeno, aantu oyendji oya si omolwokuyona kwomuntu gumwe. Ihe esilohenda lyaKalunga enenenene nomagano ge ogendjigendji kaantu oyendji omolwesilohenda lyomuntu gumwe, Jesus Kristus. 16 Ihe opu na eyooloko pokati komagano gaKalunga neyono lyomuntu ngoka gumwe. Eyono lyomuntu ngoka gumwe olye mu etele a pangulilwe eso. Ihe esilohenda lyaKalunga olyo okumangulula omuntu konima yokuyona okwindji. 17 Eeno, omolwokuyona kwomuntu gumwe eso olya tameke okupangela maantu omolwomuntu ngoka gumwe. Ihe shoka sha ningwa kwaanguka gumwe, Jesus Kristus, osho oshinene. Omolwe ayehe mboka taa pewa eudho lyesilohenda lyaKalunga nomagano guuyuuki we, otaa ka pangela mokukalamwenyo kwawo.
18 Ano ngashika okuyona kwagumwe kwe etele aantu ayehe epangulo, osho tuu wo oshilonga shimwe shuuyuuki otashi mangulula aantu ayehe e taa pewa omwenyo. 19 Ngaashi aantu ayehe ya ningi aalunde omolwokwaavulika kwomuntu gumwe, ano osho tuu oyendji otaa ningwa aayuuki koshipala shaKalunga omolwokuvulika kwomuntu gumwe.
20 Ompango oya gandjwa, opo yi indjipaleke omayono; ihe mpoka oondjo dha ningi odhindji, opo mpoka wo esilohenda lyaKalunga tali ningi olindji. 21 Oshoka ngashika uulunde wa pangele mokweeta eso, osho tuu wo esilohenda lyaKalunga otali pangele li na uuyuuki, li tu fale momwenyo gwaaluhe omolwaJesus Kristus, Omuwa gwetu.
