Ondjila iwa unene
1 Nande ndi tonge omalaka ovanhu novaengeli, ndelenee ame nghi nohole onda ninga oshikushu tashi lili, nongaashi ongedjo tai kwelengedja. 2 Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha. 3 Nonande ondi yandjaule oinima aishe ndi palule eehepele, ile nande ondi liyandje olutu lange li xwikwe po, ame nghi nohole, ngeno kashi na eshi tashi kwafa nge.
4 Ohole i noutalanheni, ohole i nolukeno; ohole ihai fi efupa, ihai litange, ihai fulalala, 5 ihai holoka nai, ihai kongo shayo vene, ihai kenyanana, ihai dimbulukwa owii ye u ningilwa, 6 ihai nyakukilwa osho inashi yuka, ndele ohai nyakukilwa pamwe noshili; 7 ohai tuvike aishe nohai itavele aishe, ohai teelele aishe, nohai lididimikile aishe.
8 Ohole ihai xulu po nande, ndele okuxunganeka otaku xulu po nokupopya omalaka otaku xulu po nokushiiva otaku xulu po. 9 Osheshi okushiiva kwetu okombinga, nokuxunganeka kwetu okombinga; 10 ndele osho sha wana sha pwa, ngeenge tashi uya, opo nee eshi shokombinga otashi xulu po. 11 Ame eshi nda li okaana, onda tonga ngaashi okaana, nda shipununa ngaashi okaana, nonda diladila ngaashi okaana; ndelenee eshi nda ninga omukulunhu, onda efa ei yopakanona. 12 Osheshi paife ohatu mono ko ngaashi omoshitengelelo, ongaashi otumbutumbu, ndele mefiku linya okoshipala noshipala: paife okushiiva kwange okombinga, ndelenee efiku linya ohandi ka shiiva nda wana, ngaashi naame mwene yo nda shiivikika. 13 Ndele paife otaku kala eitavelo, eteelelo, ohole, oyo itatu; ndelenee ohole oinene i dule ikwao.
Ohole
1 Nando ndi popye omalaka gaantu nogaayengeli, ihe kandi na ohole, nena okupopya kwandje okwa fa owala ekudhilo lyokangendjo taka tono nenge lyongendjo tayi ngelengendja. 2 Nando ondi kale ndi na omagano gokupopya elaka lyaKalunga nondi na owino wokutseya iiholekwa ayihe; nando ondi kale ndi na eitaalo tali vulu okudhikula po oondundu, ihe kandi na ohole, ongame oshinima showala. 3 Nando ondi gandje po iinima ayihe, nenge ndi gandje olutu lwandje, lu fikwe po, ihe kandi na ohole, itashi kwatha ndje sha.
4 Ohole ohayi idhidhimikile ayihe noyi na olukeno. Ohole ihayi si efupa, ihayi tuwalala. 5 Ohole ihayi holoka nayi, ihayi kongo shayo yene, ihayi ningi omwenyo omwiinayi, ohole ihayi dhimbulukwa uuwinayi ye u ningilwa. 6 Ohole ihayi nyanyukilwa uugoyoki, ihe ohayi nyanyukilwa oshili. 7 Ohole ihayi tonyala, ihe otayi itaale, tayi tegamene e tayi idhidhimike sigo okehulilo.
8 Ohole itayi hulu po. Okupopya elaka lyaKalunga itaku kala sigo aluhe, omagano gokupopya omalaka gaa shiwike itaga kala sigo aluhe, nosho wo okutseya otaku hulu po. 9 Oshoka okutseya nokupopya kwetu elaka lyaKalunga inaku gwana. 10 Ihe shono sha gwana sha pwa ngele tashi ya, nena shono inaashi gwana, otashi hulu po.
11 Ngame sho nda li okanona, onda popi, nda dhiladhila nonda yeleke pakanona; ihe sho nda ningi omulumentu, onde etha ayihe yopakanona. 12 Shoka tu wete ngashingeyi osha fa owala efano inaali yela nawa lyomuntu ngoka ti italele moshiitalelo, ihe esiku ndiyaka otatu ka mona koshipala noshipala. Ngashingeyi okutseya kwandje inaku gwana, ihe esiku ndiyaka otandi ka tseya nda gwana, ngaashi naanaa Kalunga a tseya ndje nawa.
13 Ihe ngashingeyi otaku kala mbika itatu: eitaalo, etegameno nohole, ihe oshinima oshinene kwaayihe mbika osho ohole.
