Asiria tashi tokolwa
1 Woo, omuhanauni oove; ove mwene ino hanaunwa po! Oshimhulu oove, ou ino tinhwa po! Ngeenge wa mana okuhanauna, ove oto ka hanaunwa, nongeenge wa mana okutinha, naave oto ka tinhwa po.
2 Omwene, tu filonghenda, shaashi fye ohatu ku teelele. Kala okwooko kwavo keshe ongula taku shi, heeno, ekwafo letu mefiku lefininiko. 3 Oiwana otai i onhapo ondaka yengungumo loye, Ove ngeenge to fikama, oiwana otai ka halakanifwa. 4 Opo nee oihakanwaliko yeni otai toolwa ngaashi oipaxu hai toolwa nongaashi oshapapa hashi nhukaanhuka, osho tai tondokelwa.
5 Omwene okwa fimana pombada, shaashi ta kala mokombadambada. Oye ta yadifa Sion noshilitokolo nouyuki. 6 Ndele omayele neshiivo otali ka kala okupama kwomefimbo loye neenghono dexupifo; nokutila Kalunga okwo emona laSion.
7 Tala, ovaladi otava ingida pondje novatumwa vombili otava lili nokulililila. 8 Oitauwa yakula oye likalela, nakeshe omweendi ite linyenge vali mondjila. Oye okwa nyona ehangano, okwa dina oilando nokwa tala ovanhu kave noshilonga. 9 Edu otali nyika oluhodi, tali notelwa; Libanon osha fya ohoni, efilu laSaron la shituka ombuwa, Basan naKarmel oda yaumuka omafo. 10 Omwene ota ti: “Paife onda hala okufikama, paife onda hala okukala ofika, paife onda hala okuyeluka. 11 Nye omwa ninga ovafimba vomwiidi, ndele tamu dala olungu, okufudaana kweni oko omundilo tau mu xwike po. 12 Oiwana otai kangwa, ngaashi okalka, ongaashi omano a tyavwa ndele taa xwikwa po komundilo. 13 Pwilikineni, onye ava mu li kokule, eshi nda ninga, naava vopopepi shiiveni eenghono dange.” 14 Ovalunde vomuSion otava haluka novanaihelele otava hangwa kekakamo. Ohava ti: “Olyelye womakati ketu ta dulu okukala po pomundilo hau lyana, nolyelye ta dulu okukala pomutemo alushe?” 15 Oye ou ha kala nokweenda mouyuki, ndele ha popi doshili, oye ou a dina eliko lenyeko, ou eke laye hali anye okutambula ombubo, oye ou ta fitike omatwi aye aha pwilikine eenghundafana dokutilashi ohonde, ndele ta fifikinifa omesho aye aha tale eshi shii. 16 Oye ta ka mona onhele yaye pombada pokule, ehondamenongulu laye olo ohotemanya yaye; ota ka pewa omungome waye nomeva itae mu pwininine.
17 Omesho oye otaa ka tala ohamba mewapalo layo, otaa mono oshilongo shinene sha mbwalangadja. 18 Omutima woye otau kala nokudiladila omafiku oixuna wa pita mo, ndele tau ti. Omufininiki wefendelo oku li peni? Omuyelekeli oku li peni? Openi e li ou, ha shange eeshungongulu? 19 Ovanhu vapwidi ito ke va mona ko vali, ovanhu voshipopyo shikukutu shedumo elaka lavo kali uditike nande okomunhu.
20 Tala Sion, oshilando shetu shoivilo! Omesho oye otaa ka tala Jerusalem, onhele yombili, etwalifaila, ihali diluka, noiti yalo oyeengodi ihai pweywa mo, neengodi dalo ihadi tokoka nandenande. 21 Ndelenee Omwene oko ta ka kala pufye meenghonoshinge; tapa kala onhele yomilonga dinene da mbwalangadja, itamu ende nande ounengewato, noskepa inene itai di tauluka. 22 Osheshi Omwene Oye omutokoli wetu, Omwene Oye omukwateli komesho wetu, Omwene Oye ohamba yetu, Oye te ke tu xupifa. 23 Ndelenee paife, eengodi doye oda yululuka, inadi kwata vali oitingudi yado, noitadi yelula vali epandela. Ndelenee mefiku olo oixuulwa ihapu yokoita otai ka hakanwa, noingudu yo otai hakana nokutinha shihapu. 24 Ndele onakukalamo nande umwe ta ti: “Aame oshingone.” Ovanhu ava tava kala mo, ova diminwa po omatimba avo.
Okukugila ekwatho
1 Yaye aatondi yetu! Oya yugu noya kotokele, nando kaku na ngoka e ya yugu nenge e ya kotokele. Ihe ethimbo lyawo lyokuyuga nokukotokela otali hulu po, noyo yene taa ka ninga omulape gwokuyugwa nokukotokelwa.
2 Omuwa, tu sila ohenda. Otwe ku inekela. Tu gamena esiku nesiku nou tu hupithe methimbo lyuudhigu. 3 Uuna to tu kondjele, iigwana otayi yi ontuku oshihomo shiita. 4 Omaliko gawo otaga nyantukwa nago koombahu, otaga yiwa nago koshiluku shomakamuti.
5 Omuwa omunene ngiini! Oye ha pangele ayihe. Jerusalem ohe shi udhitha uuyuuki nuukwashili. Oha kolekele oshigwana omathimbo gasho. 6 Aluhe ota popile aantu ye e te ya pe uunongo nomayele. Etilo okutila Omuwa olyo uuyamba waSion.
7 Aalumentu oofule otaa kugu onkugo. Aakalelipo yoshilongo mboka taa kambadhala ye ete ombili, otaa kugu ya lulilwa. 8 Oonenendjila odha mbugala, kape na we aayendanandjila. Omauvathano oga tewa, nomaziminathano oga yonagulwa. Kape na omuntu ta simanekwa we. 9 Oshilongo osha polimana sha mbugala. Omakuti gaLibanon oga ganya po, esilu lyaSharon lyo ondoka olya fa owala ombuga, muBaasha nokuKarmel omafo otaga yagumuka ko komiti.
Omuwa ta londodha aatondi ye
10 Omuwa ota lombwele iigwana ta ti: “Ngashingeyi otandi ikwatele ko. Otandi ka holola oonkondo dhandje kutya ongame lye. 11 Otamu pangele oompangela dhaa na oshilonga naashihe tamu shi ningi, kashi na omwago. Ombepo yandje oya fa omulilo ngoka tagu mu lungunitha po. 12 Otamu ka nyanyuka mwa fa omamanya gokaalaka taga fikwa, mwa fa omano taga tomekwa ga ninge omutoko. 13 Ne mboka yokokule, uveni shoka nda longo; nane mboka yopopepi tseyeni oonkondo dhandje.”
14 Aalunde yomuSion otaa kakama kehaluko. Otaa popi taa ti: “Epangulo lyaKalunga olya fa omulilo gwa tema sigo aluhe. Ope na tuu gumwe gwomutse ta ka hupa ko komulilo hagu lyana?” 15 Otamu vulu okuhupa ko, ngele otamu popi notamu longo shoka shu uka. Inamu nyokoma oohepele noinamu taamba oombumbo. Inamu gama kumboka taa dhiladhila okudhipaga nenge okulonga uukolokoshi. 16 Nena otamu ka kala mwaa na ombudhi yasha; otamu ka kala megameno mwa fa mu li mepopilongulu lya kola. Otamu ka kala mu na iikulya yokulya nomeya gokunwa.
Oshilongo shokomeho
17 Oto ka mona ko omukwaniilwa meopalo lye ta lele oshilongo shoka sha taandela koombinga adhihedhihe. 18 Uumbanda woye uukulu wokutila aafendelithi aakwiilongo naatonateli yooshungo otau ka kala owala momadhiladhilo. 19 Ito ka mona we aakwiilongo aadhudhu mboka haa popi elaka ndyoka waa li shi. 20 Tala utale Sion, oshilando moka hatu dhana iituthi yomalongelokalunga! Tala Jerusalem! Ehala olyevululuko ngiini lyokukala omuntu! Olya fa etsali ndyoka ihaali tenguka, oomboha dhalyo ihadhi dhikulwa mo noongodhi dhalyo ihadhi tokolwa. 21 Omuwa ote ke tu ulukila eadhimo lye. Otatu ka kala pomilonga ominene nopomatondokelo gomeya, ihe oosikepa dhaatondi itadhi ka thayila mo. 22-23 Oongodhi adhihe dhokooshumbu dhoosikepa odha yululuka, oothayila itadhi wapa okuyalalekwa! Otatu ka kwata po uuyamba auhe waakwiita aatondi yetu. Otaku ka kala oshindjishindji, noshilema otashi ka mona po oshitopolelwa shasho. Omuwa ye mwene ta ka ninga omukwaniilwa gwetu; oye te ke tu lela e te tu gamene. 24 Kape na nando ogumwe muSion ta ka tya: “Otandi ehama.” Omayonagulo gawo agehe otaga ka dhimwa po.
