Paulus ta longo ovanhu muKorinto
1 Ndele konima yoinima ei Paulus okwa dja mo muAtena ndele ta i kuKorinto. 2 Ndele okwa hanga mo Omujuda, edina laye Akwila, a dalelwa muPontus, opo a di kuItalia pamwe nomukainhu waye Priskila, osheshi omukesari Klaudius a tokola, Ovajuda aveshe va dje mo muRoma. Ndele Paulus okwa ya kuvo. 3 Ndele eshi a li a shiiva okulonga oilonga pamwe navo, shaashi ovo aveshe ova li ovatungi veefaila, okwa kala puvo ndele tava tungu eefaila. 4 Nakeshe tuu Eshabata okwa popya moshinagoga ndele ta itavelifa Ovajuda nOvagreka.
5 Ndele Silas naTimoteus eshi va dja kuMakedonia nove uya oku, Paulus okwa hangika ta longo ovanhu nouladi nokutomha Ovajuda nokutya Jesus Oye Kristus. 6 Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.” 7 Ndele okwa dja ko ndele ta i meumbo lomulumenhu ha tila Kalunga, edina laye Titus Justus, ongulu yaye ya li ya kwatafana noshinagoga. 8 Ndele Krispus, mwene woshinagoga, pamwe neumbo laye alishe okwa itavela Omwene, nOvakorinto vahapu vomwaava va li tava pwilikine ova itavela, ndele va shashwa.
9 Ndele oufiku memoniko Omwene okwa tya kuPaulus: “Ino tila, popya, ino mwena, 10 osheshi Ame ndi novanhu vahapu moshilando eshi.” 11 Ndele ye okwa kala mo odula imwe neehani 6, ta longo mokati kavo eendjovo daKalunga.
Paulus ta kwatwa
12 Ndele Gallion eshi a li omupangeli muAkaia, Ovajuda ova hangakena ndele va fikamena Paulus, ndele tave mu twala kolukalwatokolo, 13 ndele tava ti: “Ou ota hongaula ovanhu okufimaneka Kalunga konghedi i na ondubo nomhango.” 14 Ndele Paulus eshi a hala okupopya, Gallion ta ti kOvajuda: “Ovajuda nye, ngeno kwa popiwa okunyonauna ile oshilonga shoukolokoshi, ngeno onde lidiinikila oku mu pwilikina. 15 Ndele ngeenge mu neemhata nomapulo omolwomalongo nomolwomadina neemhango deni, oo aeshe onye mu noku a tokola, ame inandi hala okuninga omutokoli wado.” 16 Ndele ye okwe va taataa po polukalwatokolo. 17 Ndele vo aveshe ova nhukila mwene woshinagoga, Sostenes, ndele tave mu dengele polukalwatokolo, ndele Gallion okwa li ehe na ko nasha nasho.
Paulus ta shuna kuAntiokia
18 Ndele Paulus eshi a kala ko omafiku, okwa lekela ovamwatate nokwa ya kuSiria pamwe naAkwila naPriskila, ndelenee ye okwe likululifa eexwiki daye dokomutwe muKenkrea, osheshi ye a hangika a ninga eudaneko. 19 Ndele ye okwa fika kuEfeso, nokwe va fiya ko. Ndele ye mwene okwa ya moshinagoga, ndele ta kundafana nOvajuda. 20 Ndele vo ove mu indila a kale puvo omafiku amwe, ndele ye ine va itavela. 21 Ndele okwa lekela ndele ta ti: “Ame inandi hala nande ndi kale ndihe li moshivilo shomuJerusalem, ndelenee Kalunga ngeenge e shi hala, ohandi alukile kunye.” Nokwa dja mo muEfeso a ka yauke. 22 Ndele eshi va helukila muKesarea, okwa ya kuJerusalem, ndele ta kundile po eongalo, ndele ta i kuAntiokia. 23 Ndele eshi a ninga mo omafiku, okwa fikama ndele ta endaenda noilando ngaashi ya shikulafana moikandjo yaGalatia naFrigia, nokupameka ovalongwa aveshe.
Apollos ta udifa muEfeso nomuKorinto
24 Ndele kuEfeso okwe uya Omujuda, edina laye Apollos, ou a dalelwa muAleksandria, omulumenhu omunongo mokupopya, ye okwa li omunaendunge womomishangwa. 25 Ye okwa li a longwa ondjila yOmwene, ndele mokupopya kwaye omhepo yaye ya xwama ndele ta hepaulula shili Jesus, ndele eshasho laJohannes olo alike a shiiva. 26 Ndele ye okwa hovela okupopya nouladi moshinagoga. Ndele Akwila naPriskila, eshi ve uya oku mu pwilikina, ove mu tambula, ndele ve mu longa noku mu shiivifila shili ondjila yaKalunga. 27 Ndele eshi a hala okutwikila kuAkaia, ovamwatate ove mu twa ouladi ndele va shangela ovalongwa vaakwinya ve mu tambule. Hano eshi a fika ko, okonghenda okwa kwafa unene ovo va itavela. 28 Osheshi ye okwa tomha neenghono eemhata dOvajuda moipafi, eshi e va ulikila momishangwa nokutya, Jesus Oye Kristus.
MuKorinto
1 Konima yaambika Paulus okwa zi muAtena e ta yi kuKorinto. 2 Hwiyaka okwa adha ko omulumentu Omujuda, edhina lye Akula, nomukadhi Priskila. Omulumentu nguka okwa valelwa muPontus nokwa adhika, opo e ya mo a zi kuItalia, oshoka omupangeli Omuroma Klaudius okwa li a lombwele Aajuda ayehe kutya naa ze mo muRoma. Paulus okwa yi kuyo 3 e ta kala puyo nokulonga pamwe nayo, oshoka nayo wo oya li aatungi yootenda ngashika ye. 4 MEsabati kehe Paulus okwa popi mosinagoga nokwa kambadhala okutompa ayehe, Aajuda nAagreka.
5 Ano Silas naTimoteus sho ya thiki muKorinto okuza kuMakedonia, oya adha Paulus i ipyakidhila ethimbo alihe nokuuvithila aantu oohapu dhaKalunga nokwa tompo Aajuda kutya Jesus oye Kristus. 6 Ihe oyo sho ye mu ludhikitha noye mu popile muuwinayi, okwi ipupula ontsi koonguwo dhe e te ya lombwele ta ti: “Ngele omwa ka kana, nena ondjo oyeni yene. Ngame kandi na sha moshinima shika. Okuza kesiku lyonena ngame otandi yi, ndi ka uvithile aapagani.” 7 Nena oye okwe ya thigi po nokwa ka kala megumbo lyomulumentu omupagani nakusimaneka Kalunga, edhina lye Titius Justus. Egumbo ndika olya li popepi nosinagoga. 8 Krispus, omukuluntu gwosinagoga, pamwe naanegumbo lye ayehe oyi itaale, nosho wo aantu oyendji yomuKorinto oyu uvu oohapu dhaKalunga noyi itaale e taa shashwa.
9 Uusiku umwe Omuwa okwi ihololele Paulus memoniko nokwe mu lombwele ta ti: “Ino tila, popya, ino mwena; 10 oshoka ondi li pamwe nangoye. Kape na nando ogumwe te ku ningile uuwinayi, oshoka ondi na aantu oyendji moshilando shika.” 11 Onkee ano Paulus okwa kala muKorinto omvula yimwe netata nokwa longo aantu oohapu dhaKalunga. 12 Ihe Gallio sho a langekwa kAaroma, a ninge omuleli muGreka, Aajuda oya gongala noya hangene Paulus e taye mu kwata noye mu fala kompangu. 13 Oyo oya popi noya ti: “Omulumentu nguka ota kambadhala okuhongolola aantu, ya longele Kalunga pamukalo ngoka gwa tsa ondumbo nompango.”
14 Ano Paulus sho kwa ale a popye, Gallio okwa lombwele Aajuda ta ti: “Aajuda ne, omulumentu nguka ando okwa li a ningi epogolo lyasha nenge oshilonga shuukolokoshi, ando ondi idhidhimike ngaa oku mu pulakena. 15 Ihe sho mu na owala omaludhi naye kombinga yiitya, yomadhina noyompango yeni, nena oshinima shika oshi li miikaha yeni.” 16 Oye nokwe ya tidha mo mompangu. 17 Nena oyo ayehe oya nukile Sostenes, omukuluntu gwosinagoga, noye mu dhengele mpoka komeho goshipundi shompangu. Ihe Gallio okwa li kee na ko nasha.
Paulus ta shuna kuAntiokia
18 Paulus okwa kala natango pamwe nooitaali omasiku ogendji muKorinto, opo ihe okwe ya laleke nokwa yi nosikepa pamwe naAkula naPriskila kuAntiokia. Ihe manga inaa ya mosikepa, okwa gana egano muKenkrea nokwa kululitha omutse gwe. 19 Ano sho ya thiki muEfeso, Akula naPriskila oya thigala moka, ihe Paulus okwa yi kosinagoga nokwa kundathana nAajuda. 20 Oyo oye mu indile, a kale puyo omasiku gamwe, ihe oye okwa tindi. 21 Okwe ya laleke ashike nokwe ya uvanekele a ti: “Kalunga ngele okwe shi hala, otandi ka galukila kune.” Oye okwa zi muEfeso nosikepa.
22 Ano sho a thiki muKesarea, okwa yi kuJerusalem, a ka popithe egongalo. Opo ihe okwa yi kuAntiokia. 23 Sho a kala ko omasiku gamwe, okwa thikama ishewe, a shune. Okwa pitile momikunda dhaGalatia nodhaFrigia nokwa tsu ooitaali omukumo.
Apollos tu uvitha muEfeso nomuKorinto
24 Omujuda gumwe, edhina lye Apollos, a valelwa muAleksandria, okwe ya kuEfeso. Oye okwa li enyakwa lyokupopya nokwa tseya nawa Omanyolo. 25 Apollos okwa li wo a longwa okutseya ondjila yOmuwa, onkee okwa popi nuulaadhi nokwa longo aantu elongo lyu uka kombinga yaJesus. Ihe okwa li a tseya owala eshasho ndyoka Johannes e li ningi. 26 Oye okwa tameke okupopya nuulaadhi mosinagoga. Ano Priskila naAkula sho ye mu pulakene, oye mu kutha e taa yi naye kaandjawo noye mu longo noku mu yelithila nawalela ondjila yaKalunga.
27 Nena Apollos okwa tokola ihe okuya kuGreka, onkee ooitaali yomuEfeso oye mu kwatha mokunyolela ooitaali ooyakwawo yomuGreka noku ya kumagidha, ye mu taambe nawa. Ano sho a thiki ko, okwa kwatha lela mbeyaka ya ningi ooitaali kesilohenda lyaKalunga. 28 Oshoka oye okwa tompo Aajuda nomatompelo ga kola montaneho yaantu ayehe, nomokulongitha Omanyolo okwe ya ulukile kutya Jesus oye Kristus.
