Omuvalo wOvalevi noilonga yavo
1 David eshi a kulupa nokwa loloka kombada yedu, okwa ninga omona waye Salomo ohamba yOvaisraeli, 2 nokwa ongela ovakulunhu aveshe vOvaisraeli novapristeli nOvalevi. 3 NOvalevi va valwa, okudja kwaava va wanifa omido omilongo nhatu ile ve di koya. Omuvalu wavo komunhu nomunhu wa li ovalumenhu omayovi omilongo nhatu naahetatu. 4 Omayovi omilongo mbali nomayovi ane vomuvo ve nokupashukila oshilonga shomongulu yOmwene, omayovi ahamano va ninga omalenga novayukifi voilonga. 5 Novanangeli voivelo omayovi ane, novaimbi omayovi ane, va hambelele Omwene nouxumba, ava ndele va ningila ehambelelo. 6 Ndele David okwe va tukula eengudu pavana vaLevi: Gerson, Kohat naMerari.
7 VomOvagerson: Ladan naSimei. 8 Ovana vaLadan ovava: Omukulunhu Jehiel, naSetam naJoel, vatatu. 9 Ovana ovamati vaSimei ovava: Selomot naHasiel naHaran, vatatu. Vo ova li ovakulunhu vomepata laLadan. 10 Novana ovamati vaSimei ovava: Jahat, Sina naJehus naBeria. Hano ovana vaSimei vane. 11 Ndele Jahat okwa li omukulunhu, ndele Sisa omutivali. Ndelenee Jehus naBeria va li vehe noludalo lihapu, onghee omapata avo a ninga ongudu imwe.
12 Ovana ovamati vaKohat ovava: Amram, Ishar, Hebron naUsiel, vane. 13 Ovana ovamati vaAmram ovava: Aron naMoses. Ndele Aron novana vaye ovamati va yapulilwa okuyapula oinima iyapuki fiyo alushe, va twimine koshipala shOmwene, ndele ve mu longele, ndele va nangeke noupuna medina laye fiyo alushe. 14 Ndele ovana ovamati vaMoses, omulumenhu waKalunga, ova valelwa mepata laLevi. 15 Ovana ovamati vaMoses va li Gersom naElieser. 16 Novana ovamati vaGersom: Sebuel, omukulunhu. 17 Novana ovamati vaElieser ovava: Omukulunhu Rehabja. Ndele Elieser kwa li e novana ovamati vamwe, ndelenee ovana ovamati vaRehabja va hapupala unene. 18 Omona waIshar: Omukulunhu Selomit. 19 Ovana ovamati vaHebron ovava: Omukulunhu Jeria, Amarja omutivali, Jahasiel omutitatu naJekameam omutine. 20 Ovana ovamati vaUsiel ovava: Mika, omukulunhu, naIsshia, omutivali.
21 Ovana ovamati vaMerari ovava: Mahli naMushi. Novana ovamati vaMahli: Eliaser naKis. 22 Ndele Eliaser okwa fya ehe novana ovamati, oukadona aveke. Ndele ovana ovamati vaKis, ovakwao vavo, ve va hombola. 23 Ovana ovamati vaMushi ovava: Mahli naEder naJeremot, vatatu.
24 Ovo hano Ovalevi pamapata avo, ovakulunhu vomapata, ngaashi va valwa pamuvalo wavo, omunhu nomunhu, ovo va longa oshilonga mongulu yOmwene ve nomido omilongo mbali ile ve di koya. 25 Osheshi David a tya: “Omwene Kalunga kaIsrael okwa pa oshiwana shaye etulumuko, ndele Ye ota kala muJerusalem fiyo alushe. 26 Osho ngaha hano Ovalevi inava pumbwa vali ngaashi oshilonga shavo okuhumbata etwali noinima aishe yalo, 27 (osheshi paendjovo daxuuninwa daDavid, movana ovamati vaLevi mwa valwa ovo ve nomido omilongo mbali ile ve di koya) 28 ndelenee oshilonga shavo sha li okuyakula oludalo laAron moshilonga shomongulu yOmwene, ngaashi ovapashukili voihale noveendjuwo nokuyelifa oinima aishe iyapuki noilonga yomongulu yaKalunga, 29 nomingome detaliko noufila wa nakwa womeendjayambo noikuki ya lalakana ihe nonhafi noshipeleki shokuteleka oikuki, neendjayambo da pilulwa noiyelekifo aishe yoiyuma noyoule, 30 nokukala ofika ongula keshe neenguloshi yo nokuhambelela Omwene noku mu pandula, 31 nokuyambela Omwene omaxwikiloyambo efimbo alishe koshipala shOmwene momashabata nomohani ipe nopomafimbo oivilo, pamuvalo wayo wa tongwa momalombwelomhango ao. 32 Osho ngaha hano va li ve nokudiinina oilonga yometwali leongalo noilonga yomotembeli, noilonga oyo oludalo laAron ya li li na mongulu yOmwene.”
1 David sho a kulupa, okwa kwaniileke omwana Salomo omukwaniilwa gwaIsrael.
Iilonga yAalevi
2 Omukwaniilwa David okwa gongaleke aakuluntu yAaisraeli naayambi ayehe nAalevi. 3 Okwa yalulitha aalumentu Aalevi mboka yomimvo omilongo ndatu nenge ye vule po. Ayehe kumwe oya li omayuvi omilongo ndatu nagahetatu. 4 Omayuvi omilongo mbali nagane yomuyo oye na okutonatela iilonga yomotempeli nomayuvi gahamano aadhiginini yoondjalula naatonateli yoontamanana, 5 omayuvi gane ogokukeelela piiyelo nomayuvi gane ogokwiimba omahambelelondjimbo taa tanga Omuwa niihikomwa ya ningithwa kuDavid.
6 David okwa topola Aalevi moongundu ndatu pamaludhi gawo: Gerson, Kohat naMerari.
7 Gerson okwa li e na oyanamati yaali, Ladan naShimei. 8 Ladan okwa li e na oyanamati yatatu: Jehiel, Setam naJoel, 9 mboka ya li aakuluntu yomaludhi ga za muLadan. (Shimei okwa li e na oyanamati yatatu: Shelomot, Hasiel naHaran.) 10-11 Shimei okwa li e na oyanamati yane: Jahat, Sina, Jeush naBeria, melandulathano lyawo lyuukuluntu, Jeush naBeria kaya li ye na omaluvalo ogendji, omolwasho ya talwa oludhi lumwe.
12 Kohat okwa li e na oyanamati yane: Amram, Izhar, Hebron naUssiel. 13 Osheeli she Amram okwa vala Aaron naMoses. (Aaron noluvalo lwe oya yoololelwa okutonatela iinima iiyapuki sigo aluhe, okulungunitha omatsininondjambo mokusimaneka Omuwa, oku mu longela nokuyambeka oshigwana medhina lye. 14 Ihe aana yaMoses, omumati gwaKalunga, oya tulwa mumwe nAalevi.) 15 Moses okwa li e na oyanamati yaali, Gersom naElieser. 16 Omuwiliki mokati kaana yaGersom oye Shebuel. 17 Elieser okwa li e na omwanamati epona Rehabia, ihe Rehabia okwa li e na oluvalo olwindji.
18 Omuna gwaKohat omutiyali, Izhar, okwa li e na omwanamati Shelomit, omukuluntu gwoludhi. 19 Kohat okwa li e na omwanamati omutitatu, Hebron, ngoka a li e na oyanamati yane: Jeria, Amaria, Jahasiel naJekameam. 20 Aana yomuna gwaKohat omutine, Ussiel, oya li Mika naIsshia.
21 Merari okwa li e na oyanamati yaali, Mahli naMushi. Mahli okwa li ishewe e na oyanamati yaali, Eleasar naKish, 22 ihe Eleasar okwa si inaa vala omumati, aakadhona ayeke. Oyana aakadhona oya hokanwa kaamwahegona, aana yaKish. 23 Omuna gwaMerari omutiyali, Mushi, okwa li e na oyanamati yatatu: Mahli, Eder naJeremot.
24 Nduka oluvalo lwaLevi pamaludhi nomagumbo, ngaashi ya yalulwa pamadhina gawo. Oluvalo kehe lwomimvo omilongo mbali nenge lu vule po lwa li lu na oshitopolwa miilonga yotempeli yOmuwa.
25 David okwa ti: “Omuwa, Kalunga kaIsrael, okwa pe aantu ye evululuko noye mwene ta ka kala muJerusalem sigo aluhe. 26 Aalevi itaa pumbwa we okuhumbata po etsalihangano niipumbiwa ayihe hayi longithwa melongelokalunga.” 27 Palombwelo lyaDavid lyahugunina Aalevi ayehe oya yoololelwa eyakulo, shaa ya adha epipi lyomimvo omilongo mbali. 28 Oya pewa iilonga mbika: okuyakula aayambi yomoluvalo lwaAaron melongelokalunga, okusila oshimpwiyu omahala noondjugo dhomotempeli, okwoopaleka iinima ayihe iiyapuki; 29 okusila oshimpwiyu iikwiila iiyapuki nuusila womunziya tau pumbiwa miikulyandjambo nomiikwiila yuupapi yaa na efulika, uukuki wokuyamba nuusila wa lungilwa momagadhi, nokutonatela iiyotitho niimetitho ayihe; 30 okuhambelela nokwaadhimitha Omuwa ongula kehe nongulohi; 31 nokuyambela Omuwa omafikilondjambo agehe mOmasabati, miituthi yomwedhi omupe nomiituthi iikwawo, ngaashi sha li shu uthwa, Aalevi ye shi ninge ethimbo alihe. 32 Oya pewa oshimpwiyu shokuyakula metsalihangano lyOmuwa nomotempeli noya kwathe aanezimo lyawo, aayambi yomoluvalo lwaAaron melongelokalunga lyomotempeli.
