1 Ndele Jesus okwa ya kOmhunda yEemono.
Omunyoni wohombo koshipala shaJesus
2 Ndele ongula inene okwa ya vali motembeli, ndele ovanhu vahapu ve uya kuye. Ndele Ye a kala omutumba ndele te va longo. 3 Ndele ovanongo vomishangwa nOvafarisai ve mu etela omukainhu a kwatwa moluhaelo, ndele tave mu kaleke ofika mokati kavo. 4 Opo nee tava ti kuye: “Omuhongi, omukainhu ou okwa kwatwa e li moluhaelo loovene. 5 Ndele Moses okwe tu lombwela, ava ve li ngaha ove nokudipawa nomamanya. Ove oto ti ngahelipi?” 6 Ndele eshi ve shi tila oku mu shinda, va shiive oku mu popya. Ndele Jesus okwa petama ndele ta shange nomunwe pedu. 7 Ndele eshi va diinina oku mu pula, okwa petuka ndele ta ti kuvo: “Ou womunye ehe netimba, ne mu kupule tete emanya.” 8 Ndele okwa petama vali, ndele ta shange medu. 9 Ndele eshi ve di uda, va pewa oushima komaliudo avo, ndele va ya, umwe naumwe, ovakulunhu fiyo ovava vaxuuninwa. Ndele Jesus okwa kala po aeke nomukainhu ou e li ofika koshipala shaye. 10 Ndele Jesus eshi a petuka, ndele ta ti kuye: “Omukainhu, ovapopi voye ove li peni? Kape na ou e ku tokola?” 11 Ndele ye ta ti: “Ahowe, nande umwe, Omwene.” Ndele Jesus okwe mu lombwela: “Naame yo itandi ku tokola, inda, ndele ino nyona vali.”
Jesus ouyelele wounyuni
12 Ndele Jesus okwe va lombwela vali, ta ti: “Aame ouyelele wounyuni; ou ta shikula nge, ita ende momulaulu, ndele ota kala e nouyelele womwenyo.” 13 Opo nee Ovafarisai tava ti kuye: “Ove oto lihepaulula mwene, elihepaululo loye lihe shii okulineekelwa.” 14 Jesus okwe va nyamukula, ta ti kuvo: “Nande handi lihepaulula, ehepaululo lange oli shii okulineekelwa, osheshi Ame ondi shii apa nda dja, naapa handi i, ndele nye kamu shii apa nda dja naapa handi i. 15 Nye otamu tokola pambelela, Ame ihandi tokola nande oumwe. 16 Ndele ngeenge handi tokola, etokolo lange ola yuka, osheshi Ame haame andike, ndele ofye naTate, ou a tuma nge. 17 Nomomhango yeni omwa shangwa: Ehepaululo lovanhu vavali oloshili. 18 Ame ou handi lihepaulula mwene, naTate ou a tuma nge ota hepaulula nge.” 19 Ndele vo ova tya kuye: “Xo oku li peni?” Jesus okwa nyamukula ta ti: “Kamu shii nge, naTate kamu mu shii; ngeno omu shii nge, ngeno naTate omu mu shii.”
20 Eendjovo edi Jesus okwe di popya poshikefa shoiyandjiwa yotembeli, eshi a longa ovanhu motembeli; ndele kapa li nande omunhu e mu kwata, osheshi efimbo laye la li inali fika manga.
Jesus mafiku ta i
21 Ndele Jesus ta ti vali kuvo: “Ame ohandi di po, ndele nye otamu kongo nge, ndele otamu ka fila momatimba eni. Oku handi i, itamu shiiva okuya ko.” 22 Opo Ovajuda tava ti: “Ote lidipaa mbela, eshi ta ti: ‘Oku handi i, itamu shiiva okuya ko?’ ” 23 Ndele Ye okwe va lombwela: “Nye ovopedu, Ame owopombada, nye ovomounyuni ou, Ame nghi fi womounyuni ou. 24 Onghee nde mu lombwela, otamu ka fila momatimba eni. Osheshi ngeenge itamu itavele nokutya, Aame tuu ou, otamu ka fila momatimba eni.” 25 Opo nee tava ti kuye: “Oove lyelye hano?” Jesus okwa nyamukula ta ti kuvo: “Oye tuu ou nde mu lombwela nokuli pehovelo. 26 Ondi neendjovo dihapu oku mu tongela noku mu tokolela, ndele ou a tuma nge Oye omunashili, naashi nda uda kuye, ohandi shi tongo kounyuni.” 27 Ndele vo ova li vehe udite nokutya, ota popi Xe. 28 Opo nee Jesus ta ti kuvo: “Omona wOmunhu nge mwe mu yelula pombada, opo nee tamu ka dimbulukwa nge nokutya, Aame tuu ou, osho ihandi longo sha mwaame mwene, ndelenee osho Tate e shi longa nge, osho ashike handi shi tongo. 29 Naau a tuma nge oku li pwaame. Ina fiya nge po andike, osheshi ohandi longo ashishe eshi she mu wapalela.” 30 Ye eshi a popya edi, vahapu ve mu itavela.
Ovapika novamangululwa
31 Ndele Jesus okwa lombwela Ovajuda ava ve mu itavela ta ti: “Ngeenge tamu kala meendjovo dange, onye ovalongwa vange shili, 32 ndele tamu ka shiiva oshili, noshili otai mu mangulula.” 33 Opo vo ve mu nyamukula: “Fye oludalo laAbraham, tuhe na apa twa li ovapika vomunhu. Oto ti ngahelipi hano, ‘otamu ka mangululwa?’ ” 34 Jesus okwe va nyamukula: “Oshilishili ohandi mu lombwele: Keshe tuu ou ta longo oulunde, oye omupika woulunde. 35 Ndelenee omupika iha kala alushe meumbo, omona oha kala alushe. 36 Omona ngeenge te mu mangulula, omwa manguluka shili. 37 Ame ondi shi shii nokutya, nye oludalo laAbraham, ndele omwa hala okudipaa nge, shaashi eendjovo dange inadi mona onhele munye. 38 Ame ohandi tongo eshi nde shi mona puTate, nanye yo tamu longo eshi nye mwa mona kuxo.”
39 Ndele vo va nyamukula tava ti: “Abraham oye tate yetu.” Jesus ta ti kuvo: “Ngeno nye ovana vaAbraham, ngeno hamu longo oilonga yaAbraham. 40 Paife mwa hala okudipaa nge, omunhu ou nde mu lombwela oshili, oye e i uda kuKalunga. Abraham ina ninga ngaha. 41 Nye ohamu longo oilonga yaxo yeni.” Vo ova tya kuye: “Fye inatu dalwa moluhaelo, otu na Tate umwe aeke, Kalunga.” 42 Jesus ta ti kuvo: “Ngeno Kalunga oXo yeni, ngeno omu hole nge, osheshi Ame nda dja muKalunga, onde uya nda dja kuye; Ame inandi dja mwaame mwene, ndelenee Ye okwa tuma nge. 43 Oshike inamu uda ko ondaka yange? Osheshi itamu dulu okupwilikina eendjovo dange. 44 Nye omu na xo yeni, Satana, ndele ouhalu waxo yeni mwa hala oku u wanifa. Ye omudipai nghee a dja, ina kala moshili, osheshi muye kamu na oshili. Eshi ta tongo oipupulu, ota tongo eshi shaye mwene, shaashi ye omunaipupulu naxe yayo. 45 Molwaashi Ame ohandi popi oshili, itamu itavele nge. 46 Olyelye mokati keni ta tomhele nge nande etimba limwe? Hano ngeenge handi popi oshili, oshike itamu itavele nge? 47 Ou womuKalunga, oye ta udu eendjovo daKalunga. Nye itamu di udu, osheshi kamu fi vomuKalunga.”
Jesus te lipopile
48 Opo nee Ovajuda va nyamukula tava ti kuye: “Inatu popya mbela da yuka, eshi twa tya, Oove Omusamaria nou na ondemoni?” 49 Jesus ta ti: “Nghi na ondemoni, ohandi fimaneke Tate, ndele nye otamu fifa nge ohoni. 50 Ndele haame handi kongo efimano lange mwene, oku na umwe te li kongo nota tokola. 51 Oshilishili ohandi mu lombwele: Ngeenge ope na ou ta diinine eendjovo dange, ita ka mona efyo fiyo alushe.” 52 Opo Ovajuda ova tya kuye: “Paife otu shi shii nee ou na ondemoni. Abraham okwa fya novaxunganeki, ndele ove to ti: ‘ngeenge pe na ou ta diinine eendjovo dange, ita ka makela efyo fiyo alushe.’ 53 Ove u dule mbela tate Abraham, ou a fya, novaxunganeki va fya, ove oto liningi omushike hano?” 54 Jesus ta ti: “Ame ngeenge handi lifimaneke mwene, efimano lange olongaho, ndelenee ope na Tate ou ta fimaneke nge, Oye tuu tamu ti Oye Kalunga keni. 55 Ndele nye kamu mu shii, Ame ondi mu shii. Ngeno Ame ndi tye kandi mu shii, ngeno Ame omunaipupulu ngaashi nye, ndelenee Ame ondi mu shii ndele ohandi diinine eendjovo daye. 56 Xo yeni Abraham okwa hafela unene okumona efiku lange, ndele okwe li mona ndele ta nyakukwa.” 57 Opo Ovajuda va tya kuye: “Omido doye inadi fika komilongo itano, ndele wa mona Abraham?” 58 Jesus okwa tya kuvo: “Oshili ohandi mu lombwele: Abraham fimbo ina dalwa, Ame opo ndi li.” 59 Opo vo ova toola omamanya ve mu kupule, ndelenee Jesus okwa hondama ndele ta di mo motembeli, ta ende mokati kavo, ta i.
Omukiintu a kwatwa moluhondelo
1 Ihe Jesus okwa yi kOndundu yooholivi. 2 Ongula onene yesiku lya landula okwa yi ishewe motempeli. Aantu ayehe oye ya kuye, okwa kuutumba nokwa tameke oku ya longa. 3 Aalongimpango naafarisayi oye eta mo omukiintu a kwatwa moluhondelo noye mu kaleke omuthika montaneho yawo ayehe. 4 Oyo oya ti kuJesus: “Muhongi, omukiintu nguka okwa adhelelwa moluhondelo lwo lwene. 5 Mompango yetu Moses okwe tu pa oshipango kutya aantu ya tya ngaaka oye na okudhipagwa nomamanya. Ngoye oto ti ngiini?” 6 Shika oye shi popi taye mu makele, opo ya vule oku mu tamaneka. Jesus okwa petama nokwa nyola pevi nomunwe gwe.
7 Sho ya dhiginine oku mu pula, Jesus okwa petuka ihe e ta ti kuyo: “Ngoka gwomokati keni kee na oondjo, ne mu umbe tango nemanya.” 8 Ye okwa petama ishewe nokwa nyola pevi. 9 Oyo sho ye dhi uvu, oya yi gumwe nagumwe okutameka kaakuluntu. Jesus okwa thigala po oye awike nomukiintu ngoka a thikama koshipala she. 10 Jesus okwa petuka nokwa ti kuye: “Nekulu, mbeyaka yalwe oye li peni? Inapu thigala nando ogumwe, e ku pangule?”
11 Ye okwa ti: “Aawe, nando ogumwe, Omuwa.”
Jesus okwe mu lombwele: “Nangame wo itandi ku pangula. Inda ano, ngoye ino yona we.”]
Jesus oye uuyelele wuuyuni
12 Jesus okwe ya lombwele ishewe a ti “Ongame uuyelele wuuyuni. Kehe ngoka ta landula ndje, ite ende we momilema, ihe ota kala e na uuyelele mokukalamwenyo kwe.”
13 Aafarisayi oye mu lombwele ya ti: “Ngashingeyi oto ihokolola mwene. Ehokololo lyoye kali na oshilonga.”
14 Jesus okwe ya yamukula a ti: “Nonando otandi ihokolola mwene, shoka tandi popi, oshoshili. Oshoka ngame ondi shi ko nkoka nda za naankoka tandi yi. Ne kamu shi ko nkoka nda za naankoka tandi yi. 15 Ne otamu pangula pantu, ihe ngame ite pangula nando omuntu. 16 Nongele tandi pangula, epangulo lyandje olyu uka, oshoka ngame kandi li awike moshinima shika, ihe otu li naTate, ngoka a tuma ndje. 17 Nomompango yeni omwa nyolwa kutya ehokololo lyaantu yaali ngele olya tsa kumwe, nena shoka taya ti, oshoshili. 18 Ngame otandi ihokolola ngame mwene, naTate, ngoka a tuma ndje, ota hokolola ndje wo.”
19 Oyo oye mu pula: “Ho oku li peni?”
Jesus okwe ya yamukula: “Ngame kamu shi ndje, naTate kamu mu shi. Ando omwa li mu shi ndje, ando naTate omu mu shi wo.”
20 Oohapu ndhika adhihe Jesus okwe dhi popi, sho a li ta longo aantu motempeli mondjugo ndjoka mwa li mu na iiketha yomayambo. Ihe kape na nando omuntu e mu kwata, oshoka ethimbo lye olya li inaali thika manga.
Kokuma nkoka tandi yi, itamu vulu okuya ko
21 Jesus okwe ya lombwele ishewe a ti. “Ngame otandi yi; ne otamu ka kala nokukonga ndje, ihe otamu ka sila moondjo dheni. Kokuma nkoka tandi yi, itamu vulu okuya ko.”
22 Aajuda oya ti: “Okwa hala ando okwiidhipaga, sho ta ti: ‘Kokuma nkoka tandi yi, itamu vulu okuya ko?’ ”
23 Jesus okwa yamukula a ti: “Ne omwa za huka kevi, ihe ngame onda za kombanda. Ne oyomuuyuni mbuka, ihe ngame kandi shi gwomuuyuni mbuka. 24 Onkee ano onde mu lombwele kutya otamu ka sila moondjo dheni. Oshoka ngele itamu itaale kutya ‘Ngame ongame tuu ngoka,’ otamu ka sila moondjo dheni.”
25 Oyo oye mu pula: “Ongoye lye ano?”
Jesus okwa yamukula: “Osho tuu shoka nde mu lombwele okuza petameko. 26 Ngame ondi na iinima oyindji oku mu popya noku mu pangula. Ihe ngoka a tumu ndje, omunashili, naashoka tandi uvu kuye, osho tandi lombwele uuyuni.”
27 Yo oya li kaa uvite ko kutya ye ote ya lombwele He. 28 Onkee Jesus okwa ti kuyo: “Uuna tamu ka yelutha Omuna gwOmuntu pombanda, otamu ka dhimbulula kutya ‘Ngame ongame tuu ngoka’. Osho wo otamu ka dhimbulula kutya ngame itandi vulu okuninga sha ngame mwene, ihe otandi popi ashike shoka Tate a longa ndje. 29 Oongoka a tuma ndje, oku li pamwe nangame. Ye ine etha ndje, ndi kale awike, oshoka ngame otandi longo aluhe shoka she mu opalela.”
30 Aantu oyendji mboka yu uvu, Jesus sho ta popi iinima mbika, oye mu itaale.
Oshili otayi mu mangulula
31 Jesus okwa lombwele ihe Aajuda mboka ye mu itaala a ti: “Ngele tamu vulika koohapu dhandje, nena kapu na omalimbililo, one aalongwa yandje. 32 Ne otamu ka tseya ihe oshili, noshili otayi ke mu mangulula.”
33 Oyo oye mu yamukula: “Otse aana yaAbraham, katu na nando oompoka twa li aapika yomuntu. Oto dhiladhila shike, sho to ti: ‘Ne otamu ka mangululwa?’ ” 34 Jesus okwe ya yamukula: “Ngame otandi mu lombwele oshili: Kehe ngoka ta longo uulunde, oye omupika guulunde. 35 Omupika iha kala aluhe megumbo, ihe omuvalwa oha kala mo aluhe. 36 Omwana ngele te mu mangulula, nena kape na omalimbililo, otamu kala mwa manguluka. 37 Ondi shi shi kutya ne aana yaAbraham. Ihe onkene tuu omwa hala okudhipaga ndje ne inamu hala okutaamba elongo lyandje. 38 Ngame otandi popi shoka nde shi mono puTate, osho wo ne otamu longo shoka mwa lombwelwa kuho.”
39 Oyo oye mu yamukula noya ti: “Tate oAbraham.”
Jesus okwa ti kuyo: “Ando okwa li Abraham oye ho, ando otamu longo iilonga mbyoka Abraham a longo. 40 Ashihe shoka ngame nda ningi, osho oku mu hokololela oshili ndjoka nda uvu kuKalunga, ihe ne omwa hala okudhipaga ndje. Abraham ina ninga nando osha sha tya ngaaka. 41 Ne otamu longo iilonga yaho.”
Oyo oya ti kuye: “Tse inatu valwa moluhondelo, otu na tate gumwe awike, oKalunga.”
42 Jesus okwe ya lombwele a ti: “Ando okwa li Kalunga oye ho, ando omu hole ndje. Oshoka ngame onda za muKalunga nondi li mpaka ngashingeyi. Ngame inandi ya mungame mwene, ihe oye a tuma ndje. 43 Omolwashike kaamu uvite ko shoka tandi ti? Omolwashoka ne itamu vulu okupulakena oohapu dhandje. 44 Ne omu na ho omuhindadhi, nomwa hala okulandula uuhalu waho. Oye omudhipagi okuza ketameko ye ke na nando oompoka a li moshili, oshoka muye kamu na nando oshili. Ngele ta popi iifundja, ota popi shoka shomuukwatya we mwene, oshoka oye omufundja nahe yiifundja ayihe. 45 Ngame onde mu lombwele oshili, onkee inamu itaala ndje. 46 Olye gwomune ta vulu okuulika kutya ondi na oondjo. Ngele otandi popi oshili, omolwashike ano inaamu itaala ndje? 47 Ngoka a za muKalunga, ota pulakene oohapu dhaKalunga. Ne inamu za muKalunga, onkee inamu hala okupulakena oohapu dhe.”
Jesus naAbraham
48 Aajuda oya yamukula Jesus ya ti: “Ongoye Omusamaria nou niwe kompwidhuli?”
49 Jesus okwa yamukula: “Ngame kandi na ompwidhuli. Ngame otandi simaneke Tate, ihe ne omwa dhina ndje. 50 Ngame itandi kongo esimano lyandje mwene. Ope na gumwe ngoka te li kongele ndje noye ta pangula. 51 Ngame otandi mu lombwele oshili: Kehe ngoka ta vulika koohapu dhandje, ke na mpoka ta ka sa sigo aluhe.”
52 Aajuda oya ti kuye: “Ngashingeyi otu shi shi nawa kutya ou niwe kompwidhuli. Tate Abraham okwa sa, naahunganeki oya sa, ihe ngoye oto ti: ‘Kehe ngoka ta dhiginine oohapu dhandje, ke na mpoka ta ka sa sigo aluhe.’ 53 Ngoye omunene nani u vule tate Abraham ngoka a sa? Aahunganeki nayo wo oya sa nale. Ngoye oto iningi lye?”
54 Jesus okwa ti. “Ngame ando onda li tandi kongo esimano lyandje mwene, ando esimano lyandje kali na oshilonga. Tate, ngoka hamu ti, oye Kalunga keni, oye ota simaneke ndje. 55 Ne nokamu mu shi, ihe ngame ondi mu shi. Ando ondi tye kandi mu shi, nena ando ongame omufundja ngashika ne. Ihe ngame ondi mu shi nohandi dhiginine oohapu dhe. 56 Ho Abraham okwa nyanyukwa pombanda okumona esiku lyandje; okwe li mono nokwa nyanyukwa.”
57 Aajuda oya ti kuye: “Ngoye ino gwanitha natango oomvula omilongo ntano, ihe oto ti, owa mono Abraham?”
58 Jesus okwe ya yamukula: “Ngame otandi mu lombwele oshili: Abraham manga inaa valwa, ngame oko nda li nale.”
59 Aajuda oya toola omamanya, ye mu dhenge, ihe Jesus okwa holama nokwa zi mo motempeli.
