Omhango tai leshelwa ovanhu ovo va ongala
1 Opo nee ohamba ya ifana ndele va ongaleka ovakulunhu aveshe vaJuda novaJerusalem kuyo. 2 Nohamba ya ya mongulu yOmwene novalumenhu aveshe vaJuda noonakukalamo aveshe vomuJerusalem va ya pamwe nayo, nosho yo ovapristeli novaxunganeki novanhu aveshe, ounona novakulunhu. Ndele yo oya lesha eendjovo adishe domembo lehangano, lo la monika mongulu yOmwene, yo oye li leshela momatwi avo. 3 Nohamba ya kala ofika pongudi ndele tai ningi ehangano nOmwene koshipala shOmwene, nokutya vo ve nokudiinina nomutima aushe nomwenyo aushe oipango yaye neendobwedi daye neenghedimhango daye, opo va diinine eendjovo odo da shangelwa membo olo. Novanhu aveshe ve uya mehangano olo.
Josia ta hanauna po oihongwafano yomotembeli
4 Opo nee ohamba tai lombwele omupristeli omukulunhu Hilkia novapristeli ve mu shikula novanangeli vopoivelo, va kufe mo motembeli oinima aishe ya ningilwa Baal naAsera neengudu adishe dokeulu. Ndele ve i xwika po pondje yaJerusalem kepumbu laKidron ndele omute wayo ve u twala kuBetel. 5 Ndele yo oya lekela yo ovapristeli voikalunga ava va tulwa moshilonga keehamba daJuda, ava va twimina koikulundu nomoushiinda waJerusalem, nosho yo venya va twiminina Baal netango nohani neengudu deenyofi nongudu aishe yokeulu. 6 Ndele ya kufa mo mongulu yOmwene Asera ndele ye shi twala pondje yaJerusalem, ndele ye shi xwika po pokamulonga kaKidron ndele ye shi twa ondwi, nondwi ye i ekelashi komaendo ovafyoona. 7 Ndele yo oya hanauna po eengulu domashenge odo da li mongulu yOmwene, mudo ovakainhu va tungila Asera omalapi oulenga.
8 Ndele oya ifana ovapristeli aveshe vomoilando yaJuda, ndele ya nyatekifa oikulundu yeealtari, oko ovapristeli va twimina, okudja kuGeba fiyo okuBerseba. Ndele yo oya hanauna po oikulundu yeealtari da li poivelo, naasho yo sha kala poshivelo shaJosua, omukulunhu woshilando, kolumosho omunhu ngeenge ta i mo moshivelo shoshilando. 9 Ovapristeli voikulundu yeealtari inava itavelwa okulonda koaltari yOmwene muJerusalem. Vo ova itavelwa okulya omungome uhe nonhafi pamwe navakwao. 10 Yo oya nyatekifa yo Tofet, sho sha li mefilu lovana vaHinnom, paha kale nande umwe ta endifile Molek ovana vaye ovamati ile oukadona momundilo. 11 Ndele yo ya kufa po eenghambe, eehamba daJuda de di yandjela okufimaneka etango, poshivelo shongulu yOmwene, pokandjuwo kelenga Natan-Melek lo la kala moushiinda woshilando, nomatemba etango yo ye a xwika po nomundilo. 12 Navali ohamba ya ngumauna po eealtari da li konduda yokangulu kopombada kaAhas, odo da ningwa keehamba daJuda, neealtari odo Manasse a tungila moihale ivali yomongulu yOmwene, ndele ya twa, nondwi yomuyo ye i ekelashi mokamulonga Kidron. 13 Nohamba ya nyatekifa oikulundu yokoushilo wokuJerusalem, koumbuwanhu wOmhunda yEnyonauko, oyo ya tungwa kuSalomo, ohamba yaIsrael, okufimanekifa Astarte, oixuna yOvasidoni, naKemosh, oixuna yOvamoab, naMilkom, oixuna yovana vaAmmoni. 14 Ndele yo oya teyaula eengudi domamanya ndele tai ke omiti domalupwelele daAsera neenhele dao yo ye di yadifa nomakipa ovanhu.
15 Nosho yo ya ngumauna po oaltari ya li muBetel, oshikulundu sha tungwa kuJerobeam yaNebat, ou a hongaulila Israel mokunyona, oaltari osho yo oshikulundu e shi hanauna po, ndele e shi ndongola nolupwelele laAsera e li xwika po. 16 Josia eshi a pilamena ko, okwa mona eembila da li komhunda. Okwa tuma ko, va ka kufe omakipa omeembila, nokwe a xwika po koaltari nokwe shi nyatekifa pandjovo yOmwene, omulumenhu waKalunga kwe di udaneka, ou a xunganeka oinima ei. 17 Opo nee ye ta ti: “Oshidimbulukifomanya eshi shokombila, ndi shi wete, oshilipipo?” Novalumenhu vomoshilando ve mu nyamukula: “Oyo ombila yomulumenhu waKalunga, a dile kuJuda nokwa xunganeka oinima ei, ove we i ningila oaltari yomuBetel.” 18 Opo nee ye ta ti: “Na kale nombili, nande umwe a kufe omakipa aye.” Ndele va efa omakipa aye a kale pamwe nomakipa omuxunganeki wokuSamaria, a kale nombili. 19 Neetembeli yo adishe domoikulundu yo ya li moilando yaSamaria, odo da tungwa keehamba daIsrael, opo va handukife Omwene, Josia e di ngumauna po nokwa ninga nado ngaashi a ninga muBetel. 20 Novapristeli aveshe voikulundu va li ko okwe va toma keealtari nokwa xwika po kuyo omakipa ovanhu ndele ta shuna kuJerusalem.
21 Opo nee ohamba ya lombwela oshiwana ashishe, tai ti: “Daneni Opaasa yOmwene Kalunga keni, ngaashi pa shangelwa membo lehangano.” 22 Osheshi Opaasa oyo inai danwa nghee omafiku ovatokolipangeli vaIsrael va pangela nomomafiku aeshe aa eehamba daIsrael nodaJuda. 23 Ndelenee momudo omutimulongo nomutihetatu wohamba Josia, Opaasa ei yOmwene ya danenwa muJerusalem. 24 Josia okwa komba po ovaifani veemhepo dovafi novamonikokule noihongwakalunga yomeumbo noikalunga noififahoni aishe oyo ya li moshilongo shaJuda nomuJerusalem, opo a pameke eendjovo domhango, odo da shangelwa membo, omupristeli Hilkia e li mona mongulu yOmwene. 25 Ndele kakwa li nande ohamba imwe komesho yaye ngaashi ye, ou e lidilulula e liyandja kOmwene nomutima waye aushe nomwenyo waye aushe neenghono daye adishe pamhango aishe yaMoses, ndele konima yaye inapa holoka nande imwe ngaashi ye. 26 Ndelenee Omwene ina handukuluka nande koupyuhandu waye munene nao ehandu laye la xwamena Juda omolwomahandukifo aeshe Manasse e mu handukifa. 27 NOmwene okwa tile: “Ame ohandi ka ekelashi Juda ngaashi nda ekelashi Israel koshipala shange. Naame ohandi ka ekelashi oshilando eshi Jerusalem nde shi hoolola, nongulu oyo nde i popya: Edina lange tali ka kala muyo.”
28 Noinima imwe tai hepaulula Josia naaishe e i ninga, inai shangelwa mbela membo lomafimbo eehamba daJuda? 29 Pomafiku aye Farao Neko, ohamba yaEgipiti, ya homona ohamba yaAsiria komulonga waEufrat. Ohamba Josia oye ke mu shakeneka ko, Ndelenee Farao okwe mu dipaa muMegido divadiva, eshi ye mu mona. 30 Novapiya vaye ve mu twala a fya metemba, va dja kuMegido, ve mu eta kuJerusalem, ndele ve mu paka mombila yaye. Novanhu vomoshilongo va kufa Joahas yaJosia, nove mu vaeka ndele ve mu ninga ohamba ponhele yaxe.
Ohamba Joahas
31 Omido daJoahas da li omilongo mbali nanhatu, ye eshi a ninga ohamba. Nokwa pangela eehani nhatu muJerusalem. Nedina laina la li Hamutal, omona omukainhu waJeremia womuLibna. 32 Ndele ye okwa ninga osho inashi yuka momesho Omwene ngaashi ooxe va ninga. 33 Ndelenee Farao Neko okwe mu kwata onghwate muRibla, medu laHamat, opo ye aha pangele muJerusalem, nokwa futifa oshilongo ofuto yeekilograma omayovi atatu nomafele ane doshisiliveli neekilograma omilongo nhatu nanhee doshingoldo.
Ohamba Jehoiakim
34 Ndele Farao Neko okwa ninga Eliakim yaJosia ohamba ponhele yaxe Josia, nokwa lundulula edina laye Jehoiakim, ndelenee okwa twala Joahas pamwe naye kuEgipiti, ndele oko a fila. 35 Noisiliveli noingoldo yo, Jehoiakim okwa tumina Farao. Ndelenee okwa yeleka omapya, opo a dule okufuta oimaliwa palombwelo laFarao. Pafendelo lakeshe, okwa tambula oshisiliveli noshingoldo shoonakukalamo moshilongo nokwe shi tumina Farao Neko.
36 Omido daJehoiakim da li omilongo mbali nanhano, ye eshi a ninga ohamba. Nokwa pangela omido omulongo nomudo umwe muJerusalem. Nedina laina la li Sebida, omona waPedaja womuRuma. 37 Ndele ye okwa ninga osho inashi yuka momesho Omwene, ngaashi ooxe va ninga.
Josia ta topoka nuupagani
(2 Ondjal. 34:3-72 29-33)1 Omukwaniilwa Josia okwa hiya aawiliki yaJuda noyaJerusalem. 2 Oyo ayehe oya gongala noya yi kotempeli ya thindikilwa kaayambi naahunganeki nokoshihupe ashihe shoshigwana, aayamba noohepele. Montaneho yawo omukwaniilwa okwa lesha mokule embo lyehangano alihe mokule, ndyoka lyi itsuwa motempeli. 3 Okwa thikama pongudhi yaakwaniilwa e ta hangana nOmuwa. Oshigwana ashihe osha li shi na okuuvaneka, shi vulike kOmuwa sho shi dhiginine iipango ye ayihe nomautho ge agehe nomutima aguhe noonkondo adhihe. Ashihe shoka shu uthwa membo lya monika, oshi na okudhigininwa. Aantu ayehe oyu uvaneke okudhiginina ehangano.
4 Nena Josia okwa lombwele omuyambimukuluntu Hilkia, naayakuli ye aayambi naayambi aalangeli yoposheelo shotempeli, ya kuthe mo motempeli iikwaniipangitho ayihe ya longithwa mokusimaneka Baal, oshikalungakiintu Asheera noonyothi. Omukwaniilwa okwa lungunitha po iikwaniipangitho mbika ayihe pondje yoshilando popepi nokalonga Kidron, nomutoko okwe gu falitha kuBetel. 5 Okwa hanagula po aayambi yiikalunga mboka ya langekelwe kaakwaniilwa yaJuda, ya yambe omafikilondjambo kiiyambelo yoshipagani miilando yaJuda nomomahala gopopepi naJerusalem — aayambi ayehe mboka ya li haa yamba omafikilondjambo kuBaal, ketango, komwedhi, koonyothi nokoongundu dhomegulu. 6 Okwa kutha mo motempeli oshiyelekela shaAsheera e te shi fala pondje yoshilando kokalonga Kidron, te shi lungunitha po shi ninge omutoko gwowala e te gu gundu kombanda yoombila. 7 Okwa hanagula po omahala gaanona yiihuna motempeli ga lalwa koohonda dhomotempeli. (Okwa li aakulukadhi haa tungu oonguwo dha longithwa mokusimaneka Asheera.) 8 Okwe eta muJerusalem aayambi mboka ya li miilando yaJuda nokwa shundula iiyambelo yawo moshilongo ashihe. Okwa kumuna po wo iiyambelo mbyoka ya yapulilwa iikalungakombo popepi nosheelo sha tungwa komupangeli gwoshilando, Josua, kolumoho lwosheelo moka aantu taa piti, nge taa yi moshilando. 9 Aayambi mboka kaya li ya ziminwa okuyakula motempeli yOmuwa muJerusalem, ihe oya vulu okulya iikwiila mbyoka inaayi tulwa efulika ye etelwa aayambi ooyakwawo.
10 Omukwaniilwa Josia okwa shundula wo Tofet, ehala lyiinonoma yuupagani mesilu lyaHinnom, opo shaa ngoka kaa yambe omwana omumati nenge omukadhona, a ninge efikilondjambo koshikalunga Molek. 11 Okwa hanagula po wo iiyelekela yuukambe mbyoka aakwaniilwa yaJuda ya yoololele okusimaneka etango e ta fike po omatemba ga longithwa miinonoma mbika. (Iiyelekela mbika oya li posheelo shotempeli, popepi nongulu yaNatan Melek, elenga enene.) 12 Omayambelo ngoka ga tungilwe po kaakwaniilwa yaJuda kontala yokombanda yongulu yaAhas, omukwaniilwa Josia okwe ga kumuna po, osho wo iiyambelo mbyoka ya tungilwe po komukwaniilwa Manasse momahalandjandja gaali gotempeli; okwa nyanyagula po iiyambelo noku yi nyangushula po, nontsi oya gundwa molusilu lwaKidron. 13 Josia okwa shundula iiyambelo mbyoka omukwaniilwa Salomo a tungile kuuzilo waJerusalem, kuumbugantu wOndundu yomiolivi, ya tungilwa iinonoma yiikalunga iikungitha — Astarte, oshikalungakiintu shaSidon, Kemosh, oshikalunga shaMoab, naMilkom, oshikalunga shaAmmon. 14 Omukwaniilwa Josia okwa teyagula po oongundhimanya e ta kumuna po oshiyelekela sha yapulilwa oshikalungakiintu Asheera, nevi ndyoka mpoka pwa li iikalunga, okwe li siikile niipongo yaantu.
15 Josia okwa yonagula po wo ehala lyiinonoma muBetel, ndyoka lya tungilwe komukwaniilwa Jeroboam yaNebat, ngoka a fala Israel muulunde. Josia okwa kumagula po oshiyambelo, ta nyangushula omamanya gasho uutandu e te u ningi omutoko; okwa lungunitha po oshiyelekela shaAsheera. 16 Nena Josia okwa lengalenga koombinga noombinga e ta mono oombila dhimwe dhi li koshikulundundu, okwa fumvulitha mo iipongo e te yi lungunithile koshiyambelo. Pamukalo nguka okwa shundula oshiyambelo, a gwanitha shoka omuhunganeki a popile nale medhano lyoshituthi, uuna omukwaniilwa Jeroboam a li ta yamba omayambo koshiyambelo shika. Omukwaniilwa Josia okwa lengalenga ishewe koombinga noombinga e ta mono ombila yomuhunganeki ngoka a popile iinima mbika. 17 Okwa pula a ti: “Ombila ndjino oyalye?”
Aabetel oye mu yamukula ya ti: “Ombila ndjika oyomuhunganeki ngu a zile kuJuda e ta hunganeke iinima mbika wa ningi koshiyambelo.”
18 Josia okwa ti: “Yi etheni, yi kale ngaashi yi li, iipongo ye itayi fumvulwa mo.”
Osho ngaaka iipongo ye inayi fumvulwa mo nosho wo iipongo yomuhunganeki ngoka a zile kuSamaria.
19 Nomiilando ayihe yaIsrael omukwaniilwa Josia okwa hanagula po omahala agehe giinonoma yuupagani ngoka ga li ga tungwa kaakwaniilwa yaIsrael, mboka ya pendutha ondjahi yOmuwa. Agehe okwe ga hanagula po, ngaashi a ningi muBetel. 20 Aayambi ayehe aapagani okwe ya dhipagele kiiyambelo nkoka ya li haa nonomene, e ta lungunithile iipongo yaantu koshiyambelo kehe. Nena okwa galukile kuJerusalem.
Josia ta dhana Opaasa
(2 Ondjal. 35:1-19)21 Omukwaniilwa Josia okwa lombwele aantu, ya dhane Opaasa mesimaneko lyOmuwa, Kalunga kawo, ngaashi sha nyolelwa membo lyehangano. 22 Kaku na Opaasa ya dhanenwe ngaandjika kaakwaniilwa yaIsrael nenge yaJuda, okuza kaatokolihapu sho ya li melelo lyoshigwana. 23 Osha ningwa ashike momumvo omutimulongo nomutihetatu gwepangelo lyaJosia, Opaasa sho ya dhanenwe muJerusalem.
Omalunduluko ga ningithwa kuJosia
24 Opo oompango dhi gwanithwe ndhoka dha nyolwa membo ndyoka lyi itsuwa komuyambimukuluntu Hilkia motempeli, omukwaniilwa Josia okwa kombo muJerusalem nomuJuda oompulile adhihe naayanekeli ayehe niikalunga ayihe yomomagumbo, iimenka ayihe niinonoma ayihe yuupagani. 25 Kakwa li omukwaniilwa e mu tetekela e mu fa, ngoka a longele Omuwa nomutima gwe aguhe noondunge dhe adhihe noonkondo dhe adhihe nokuvulika kompango ayihe yaMoses, noinaku landula we omukwaniilwa e mu fa.
26 Ihe ondjahi yOmuwa ya hwama oya kala kombanda yaJuda ya tukuluthwa kiilonga yomukwaniilwa Manasse yo inayi lotela we. 27 Omuwa okwa ti: “Otandi ningile Juda naanaa, ngaashi nda ningile Israel: otandi kandula ko Aajuda koshipala shandje e tandi ekelehi Jerusalem, oshilando shoka nde shi hogolola, notempeli, ehala ndyoka nda popile te ti, omo tandi simanekelwa.”
Ehulilo lyepangelo lyaJosia
(2 Ondjal. 35:20—36:1)28 Ashihe shilwe shoka omukwaniilwa Josia a ningi, osha nyolelwa membo lyondjokonona yaakwaniilwa yaJuda. 29 Josia manga a li omukwaniilwa, omukwaniilwa gwaEgipiti Neko okwa fala etangakwiita lye sigo okomulonga Eufrat, a ka kondjithe omupangeli gwaAssur. Omukwaniilwa Josia okwa kambadhala okukeelela etangakwiita lyAayegipiti puMegiddo. Nena Neko, omukwaniilwa gwaEgipiti, okwe mu dhipaga, sho e mu mono. 30 Omalenga ge oga tula omudhimba gwe metembakwiita e tage gu fala kuJerusalem, nkoka a fumvikwa moombila dhaakwaniilwa.
Aajuda oya hogolola omuna gwaJosia, edhina lye Joahas, e taye mu kwaniileke.
Joahas, omukwaniilwa gwaJuda
(2 Ondjal. 36:2-4)31 Joahas okwa li e na omimvo omilongo mbali nandatu, sho a ningi omukwaniilwa gwaJuda nokwa lele muJerusalem oomwedhi ndatu. Yina oHamutal yaJeremia gwokuLibna. 32 Joahas okwa landula oshinkoti shoohekulu e ta yono kOmuwa. 33 Epangelo lye olya hulu po, sho omukwaniilwa gwaEgipiti Neko e mu kwatele muRibla moshilongo shaHamat e ta futitha Juda oshisiliveli shondjundo yookilograma 3,400 noshingoli shondjundo yookilograma 34. 34 Omukwaniilwa Neko okwa ningi Eliakim lyaJosia omukwaniilwa gwaJuda, a landule Josia, e ta lukulula edhina lye li ninge Jehoiakim. Joahas okwa falwa kuEgipiti, nkoka a sile.
Jehoiakim, omukwaniilwa gwaJuda
(2 Ondjal. 36:5-8)35 Omukwaniilwa Jehoiakim okwa gongele iifendela e yi kunguna kaantu mekwatathano lyuuyamba wawo, opo a tsakanithe omwaalu tagu pumbiwa okufuta shoka tashi pulwa komukwaniilwa gwaEgipiti.
36 Jehoiakim okwa li e na omimvo omilongo mbali nantano, sho a ningi omukwaniilwa gwaJuda nokwa lele muJerusalem omimvo omulongo nagumwe. Yina oSebida yaPedaia gwokuRuma. 37 Jehoiakim okwa landula oshinkoti shoohekulu e ta yono kOmuwa.
