Jeremia ta lombwele Sedekia ehanauno laJerusalem
1 Ondjovo ya dja kOmwene ya hanga Jeremia, ohamba Sedekia eshi a tuma kuye Pashur yaMalkia naSefania yaMaasea, omupristeli, ndele ta ti: 2 “Tu pulila Omwene, osheshi Nebukadnesar ohamba yaBabilon ote tu lwifa. Kashiimba Omwene te tu ningile oshikumwifalonga shi fike poikumwifalonga yaye aishe, ndele ou te tu fii po, ta i.” 3 Opo nee Jeremia okwe va lombwela: Lombweleni Sedekia ngaha: 4 Omwene Kalunga kaIsrael ota ti ngaha: “Taleni, oilwifo ei i li momake eni ndele tamu kala noku i lwifa ovakondekeli veni, ohamba yaBabilon nOvakaldea pondje yohotekuma, ohandi ke i ongela meni loshilando. 5 Ndele Ame mwene ohandi ke mu lwifa neke la yeluka nokwooko ku neenghono; heeno, mehandu nomexwamo linene lehandu. 6 Ndele oonakukalamo moshilando eshi, ovanhu noimuna ohandi ke i hanauna po. Otava ka fya koudu wolutapo. 7 Ndele konima yoinima ei, Omwene osho ta ti, Ame ohandi ka yandja Sedekia, ohamba yaJuda, pamwe novapiya vaye noshiwana naava va xupa mo moshilando eshi, va xupa koudu wolutapo nokeongamukonda nokondjala, ohandi ke va yandja meke lohamba yaBabilon, Nebukadnesar, nomeke lovatondadi vavo nomeke laava hava nangele eemwenyo davo. Ndele oye ote ke va dipaifa eongamukonda. Ye ite ke va udila olukeno ile oku va xupifa ngaashi ite ke va fila onghenda.”
8 Ndele lombwela oshiwana eshi u tye: Omwene ota ti ngaha: “Taleni, Ame ohandi tula komesho eni ondjila yomwenyo nondjila yefyo: 9 Ou ta fyaala moshilando eshi ye ota ka fya keongamukonda nokondjala nokoudu wolutapo. Ndelenee ou ta di mo ndele ta i kOvakaldea, ava tave mu kondekele, ye ota ka kala nomwenyo, ta hakana omwenyo waye. 10 Osheshi oshipala shange onde shi yelulila oshilando eshi oshiponga, hauwa, Omwene osho ta ti. Oshilando eshi otashi ka yandjwa momake ohamba yaBabilon, ye ote shi xwike po nomundilo.”
11 Ndele keumbo lohamba yaJuda, tya: “Pwilikineni ondjovo yOmwene: 12 Eumbo laDavid! Omwene osho ta ti: ‘Ongula keshe tokoleni omatokolo a yuka, xupifeni onakunyekwa meke lomuhepeki, opo ehandu lange liha teme ngaashi omundilo ndiha xwame molwowii woilonga yeni, ndele puha kale omudimi.’
13 “Tala, handi ku lotokele, oove onakukala mefilu, oove emanyahote lomehenene, Omwene osho ta ti. Onye tuu ovo tamu ti: Olyelye ta ka dula okukulukila noku tu tondokela nolyelye ta ka dula okupumina mo momaumbo etu? 14 Ndele Ame ohandi ke mu handukilila paoimati yoilonga yeni, Omwene osho ta ti. Ndele Ame ohandi ka tema omundilo momufitu washo, ndele oo tau ka xwika po ashishe eshi she shi dingilila.”
Jeremia ta yamukula aatumwa yaSedekia
1 Omukwaniilwa Sedekia okwa tumu Pashhur yaMalkija nomuyambi Sefania yaMaaseia kungame ye na eindilo ndika tali ti: 2 “Tu kwatha u tu galikanene kOmuwa, oshoka omukwaniilwa gwaBabilonia Nebukadnezzar naakwiita ye oya kondeka oshilando. Ngiika Omuwa te tu monithile oshilongandhindhiliko ngashika nale nota thiminike Nebukadnezzar a ze po.”
3 Omuwa okwa lombwele ndje, nonda lombwele aatumwa 4 ya ka lombwele Sedekia kutya Omuwa, Kalunga kaIsrael, okwa ti: “Sedekia, otandi ka dhenga etangakwiita lyoye ndyoka tali kondjitha omukwaniilwa gwaBabilonia naakwiita ye. Omatati gaakwiita yoye otandi ke ga ndumbila ondumba pokati koshilando. 5 Otandi ke ku kondjitha noshikaha shoonkondo nokwooko kwa taganana, nondjahi yandje, nongeyo yandje nonuupyundjahi wandje. 6 Otandi ka dhipaga ayehe moshilando shika; aantu niinamwenyo otayi si kelega etilithi. 7 Ihe ngoye, omalenga goye naantu mboka ya hupu ko kiita, kondjala nokelega, otandi ke mu kwatitha po amuhe komukwaniilwa Nebukadnezzar nokaatondi yeni, mboka ya hala oku mu dhipaga. Nebukadnezzar ote ke mu dhipaga. Ita ka hupitha ko nando ogumwe gwomune nenge e mu sile ohenda nenge e mu etele olukeno. Ongame, Omuwa, nda popi.”
8 Omuwa okwa lombwele ndje, ndi lombwele aantu ndi tye: “Pulakeneni! Ongame, Omuwa, otandi mu pe ehogololo, mu hogolole ondjila ndjoka tayi fala komwenyo nenge ndjoka tayi fala meso. 9 Shaa ngoka ta kala moshilando shika, ota ka dhipagelwa miita nenge ta ka sa kondjala nenge kelega. Ihe ngoka ta piti mo noti igandja kAababilonia, aakondeki yoshilando, ota ka hupa e ta kala e na omwenyo. 10 Onda tokola ndaa hupithe oshilando shika, ihe ndi shi hanagule po. Otashi ka gandjwa miikaha yomukwaniilwa gwaBabilon, oye note shi fike po, shi lungune po. Ongame, Omuwa, nda popi.”
Epangulo lyombala yaJuda
11-12 Omuwa okwa lombwele ndje, ndi gandje elaka ndika kombala yaJuda, oluvalo lwaDavid, tali ti: “Pulakeneni shoka ngame, Omuwa, tandi ti. Tokoleni pauyuuki esiku kehe. Hupitheni omuyugwa miikaha yomuyugi. Ngele itamu shi ningi, uuwinayi mboka tamu ningi, otau ka hwameka ondjahi yandje ya fa omulilo itaagu dhimwa. 13 Ngoye, Jerusalem, owa kuutumba puule pombanda yomasilu, wa fa ondundu ya yeluka kombanda yolushandja. Otandi ke ku kondjitha. Oto ti kaku na ngoka te ku ponokele nenge a teyagule omapopilo goye. 14 Otandi ku geelele shoka wa ningi. Ombala yoye otandi ke yi tomeka omulilo, nomulilo otagu ka lungunitha po ashihe shoka she yi kunduka. Ongame, Omuwa, nda popi.”
