Epandulo omolwevaengeli
1 Paulus, omuyapostoli omwiifanwa waKristus Jesus okehalo laKalunga, nomumwatate Sostenes. 2 Okeongalo laKalunga lomuKorinto, okovayapulwa muKristus Jesus, ovo ovaifanwa novayapuki pamwe naava aveshe hava kuwile ekwafo ledina lOmwene wetu Jesus Kristus meenhele adishe, davo nodetu. 3 Efilonghenda kunye nombili yaKalunga Tate yetu nokOmwene Jesus Kristus.
4 Ame ohandi mu pandulile Kalunga kange alushe omolwefilonghenda eli laKalunga mwe li pewa muKristus Jesus, 5 shaashi mwa punikwa moinima aishe muye, meendjovo adishe nomokushiiva akushe, 6 ngaashi ehepaululo lomuKristus la pamekwa munye, 7 nokutya, onye inamu hepa sha shomeeshalinghenda, mokuteelela kweni eholoko lOmwene wetu Jesus Kristus. 8 Oye te mu pameke yo fiyo okexulilo, mu kale muhe noshipo mefiku lOmwene wetu Jesus Kristus. 9 Kalunga Oye omudiinini, Oye tuu ou e mu ifana mu kale mekwatafano lOmona waye Jesus Kristus, Omwene wetu.
Ekumaido okulivangeka omalutandu
10 Ndelenee ohandi mu kumaida, ovamwatate, omolwedina lOmwene wetu Jesus Kristus, amushe mu kale kumwe mu nondaka imwe, nye muha kale mwa tukauka mokati keni, ndelenee mu kale hamu udafana meendunge dimwe nomokudiladila shimwe. 11 Osheshi ovamwatate nye, ame onde mu kundana kwaava vomeumbo laKloe, kutya nye omu neemhata mokati keni. 12 Ame ohandi tongo odo tadi popiwa kukeshe tuu womunye, eshi umwe ta ti: “Ame owaPaulus,” nomukwao: “Ame owaApollos,” ile: “Ame owaKefas,” navali: “Ame owaKristus.” 13 Mboli Kristus okwa tukaulwa? Ile Paulus okwa valelwa komushiyakano omolweni mbela? Ile omwa shashelwa medina laPaulus? 14 Ohandi pandula Kalunga eshi inandi shasha nande umwe mokati keni, oKrispus naGaius aveke, 15 nande umwe aha tye, okwa shashelwa medina lange. 16 Heeno, novaneumbo laStefanas onde va shasha; ame noinandi shiiva vali ngeenge oku na umwe nde mu shasha. 17 Osheshi Kristus ina tuma nge okushasha, ndelenee okuudifa evaengeli, hanounongo weendjovo, omushiyakano waKristus opo uha dje eenghono.
Eenghono domushiyakano odi li pavali
18 Osheshi ondjovo yomushiyakano oya nyika oulai kwaava tava ka kana, ndelenee kufye ava ovaxupifwa oyo eenghono daKalunga 19 Osheshi opa shangwa:
“Ounongo wovanongo ohandi u hanauna po,
neendunge dovanaendunge ohandi di dimi po.”
20 Ovanaendunge ove li peni? Ovanongo vomishangwa ove li peni? Eenghulungu dounyuni ou odi li peni? Ounongo wounyuni ou, Kalunga ine u pilika u ninge oulai? 21 Osheshi ounyuni okounongo wao inau shiiva Kalunga mounongo waye, onghee hano sha wapalela Kalunga a xupife, okoulai weudifo, ovo tava itavele. 22 Osheshi Ovajuda otava pula omadidiliko, nOvagreka otava kongo ounongo, 23 ndele fye ohatu udifa Kristus, omuvalelwa komushiyakano, ou kOvajuda epundukifo, noulai kovapaani, 24 ndelenee ava ovaifanwa, nOvajuda nOvagreka ohatu va udifile Kristus, eenghono daKalunga nounongo waKalunga. 25 Osheshi oulai waKalunga u nounongo u dule wovanhu, nounongo waKalunga u neenghono di dule dovanhu.
26 Osheshi ovamwatate, taleni okwiifanwa kweni nhumbi ku li: havahapu ovanongo vopanhu, navahapu ovanaenghono, havahapu oidale, 27 ndelenee ei oilai yomounyuni, oyo ya hoololwa kuKalunga, a fife ohoni ovanongo, naai oingone mounyuni oyo Kalunga e i hoolola, a fife ohoni eshi shi neenghono, 28 naashi shihe nedina mounyuni nosha dinika Kalunga okwe shi hoolola, osho shihe fi oshinima, opo a xutule po osho shi li po, 29 opo paha kale nande ombelela imwe tai litange koshipala shaKalunga. 30 Ndelenee omuye mwa dja okukala kweni muKristus Jesus, ou e tu ningilwa ounongo kuKalunga, nouyuki neyapulo nekulilo, 31 opo pa kale ngaashi pa shangwa: “Ou te litange, ne litangele mOmwene.”
1 Ontumwafo ndjika oya zi kuPaulus, ngoka i ithanwa pahalo lyaKalunga, a ninge omuyapostoli gwaJesus Kristus, nokomumwatate Sostenes.
2 Oya nyolelwa kegongalo lyaKalunga lyomuKorinto, kwaayehe mboka yi ithanwa kuKalunga, ya ninge aantu ye aayapuki muukumwe naKristus Jesus, kumwe naayehe mboka ye li akuhe haa ithana edhina lyOmuwa gwetu Jesus Kristus nohaa ti kutya oye Omuwa gwawo nongaashi e li wo Omuwa gwetu.
3 Silweni ohenda, ne mu kale mu na ombili yaKalunga Tate noyOmuwa Jesus Kristus.
Omayambeko molwaJesus Kristus
4 Otandi hambelele Kalunga kandje aluhe omolweni nomolwomagano gesilohenda ngoka e ge mu pe medhina lyaJesus Kristus. 5 Oshoka mokukala muukumwe naKristus omwa ningi aayamba miinima ayihe ngaashi mokupopya nomokutseya akuhe. 6 Elaka tali popi Kristus olya tsama nawa mune, 7 onkee inamu hunutha eyambeko nando olimwe mokutegelela eholoko lyOmuwa gwetu Jesus Kristus. 8 Kalunga ote mu kankameke sigo okehulilo, opo mu ka adhike mwaa na oshipo sigo okesiku lyOmuwa gwetu Jesus Kristus. 9 Kalunga oye omwiinekelwa. Oye ngoka e mu ithanene muukumwe nOmwana Jesus Kristus, Omuwa gwetu.
Omatopoko megongalo
10 Aamwameme, otandi mu kumagidha medhina lyOmuwa gwetu Jesus Kristus: Uvathaneni mwaashihe shoka tamu popi, opo mokati keni mwaa kale omatopoko. Kaleni nekwatathano, mu na edhiladhilo limwe nelalakano limwe. 11 Oshoka onda hokololelwa kuyamwe ya zi kaandjaKloe kutya mokati keni omu na oontamanana. 12 Onda hala okutya: Kehe gumwe gwomune ota popi i iyukila. Gumwe ota ti: “Ngame onda gama kuPaulus;” mukwawo ota ti: “Ngame onda gama kuApollos;” mukwawo ota ti: “Ngame onda gama kuPetrus;” mukwawo ota ti: “Ngame onda gama kuKristus.” 13 Kristus okwa topolwa ano moongundu? Nenge ngoka a si komushigakano molweni, oPaulus? Omwa shashwa, mu ninge aalongwa yaPaulus?
14 Otandi pandula Kalunga, sho inaandi shasha nando omuntu gumwe, kakele kaKrispus naGaius. 15 Kaku na nando ogumwe gwomune ta vulu okutya omwa shashwa, mu ninge aalongwa yandje. 16 Eeno, onda shasha wo Stefanas pamwe naanegumbo lye, ihe itandi dhimbulukwa kutya onda shashele omuntu gwontumba gulwe. 17 Kristus ina tuma ndje, ndi ka shashe aantu. Oye okwa tumu ndje ndi ka uvithe elaka etoye, nondi ke li uvithe itaandi longitha uunongo wopantu. Oshoka uunongo wopantu otau ningi eso lyaKristus lyokomushigakano li kale lyaa na oshilonga.
Kristus oye uunongo noonkondo dhaKalunga
18 Oshoka ohapu ndjoka tayi popi eso lyaKristus lyokomushigakano, oya nika uugoya kumboka ye li mondjila ndjoka yu uka mekano, ihe kutse mbaka tu li mondjila ndjoka yu uka mehupitho, oyo oonkondo dhaKalunga. 19 Oshoka enyolo otali ti:
“Otandi hanagula po uunongo waanongo,
oondunge dhaanandunge otandi dhi shundula.”
20 Nena ano aanongo oye li peni? Aalongimpango oye li peni? Aanongo mokuludhika yomuuyuni mbuka oye li peni? Kalunga okwe shi holola kutya uunongo wopauyuni mbuka owo uugoya wowala.
21 Oshoka uunongo waKalunga inau shi pitika, aantu ye mu tseye noondunge dhawo. Onkee Kalunga okwa tokola, a hupithe aantu mboka yi itaala keuvitho ndyoka tatu li uvitha, lya nika uugoya. 22 Aajuda oya hala okwiitaalithwa kiikumithalonga, nAagreka otaa kongo uunongo. 23 Ihe tse otatu uvitha Kristus omwaalelwa komushigakano. Ohapu ndjika oya tsikitha Aajuda noya nika uugoya kaapagani. 24 Ihe kombinga yAajuda naapagani mboka yi ithanwa kuKalunga, ohapu ndjika oKristus. Oye oonkondo dhaKalunga nuunongo waKalunga 25 Oshoka kehe shoka Kalunga te shi longo sha fa uugoya, oshu udha oondunge dhi vule dhaantu, naashoka tashi ulike Kalunga a fa kee na oonkondo, oshu udha oonkondo dhi vule dhaantu.
26 Aamwameme, dhimbulukweni kutya omwa li mwa tya ngiini, Kalunga sho e mu ithana, mu ninge aakriste. Ngele tandi popi pantu, aashona yowala yomokati keni ya li aanongo nenge aanankondo nenge ya valekeka. 27 Oshoka Kalunga oha hogolola shoka uuyuni tau shi tala kutya osha nika uugoya, opo aanongo ya sithwe ohoni. Kalunga oha hogolola aankundi, opo aanankondo ya sithwe ohoni. 28 Kalunga oha hogolola mbyoka uuyuni tau yi tala yopevilela, ya dhinika noyaa na oshilonga, opo a hanagule po shoka uuyuni tau shi tala kutya oshi na oshilonga. 29 Onkee inaku kala ku na nando omuntu gumwe ta vulu okwiitanga koshipala shaKalunga. 30 Ihe Kalunga okwe mu eta muukumwe naKristus Jesus nokwa ningi Kristus uunongo wetu. MuKristus omwa zi ompito, tu ningwe aayuuki koshipala shaKalunga. Otse otwa ningi aantu yaKalunga notwa mangululwa. 31 Onkee ano ngaashi enyolo tali ti: “Kehe ngoka a hala okwiitanga, ni itangele shoka Omuwa e shi longa.”
