Omupiya wOmwene
1 Tala, omupiya wange, ou handi mu yambidida, omuhoololwa wange, ou omwenyo wange we mu hokwa. Ame onda tula Omhepo yange muye, oye ta ka tandavelifa ouyuki moiwana. 2 Ye ita kala nokwiingida nokupopya pombada, nondaka yaye ite i yelula pombada momapandavanda. 3 Oshihati sha tenda omufya, ite shi teyaula po, nonyika tai twimaana omwifi, ite i dimi, ndele nokudiinina ye ota pangele nouyuki. 4 Ye mwene ita ka dima ngaashi ita ka teka po fiyo ota dikile eyukifilopangelo kombada yedu, neenhunhu domefuta otadi teelele elongo laye.
5 Omwene Kalunga, ou a shita omaulu noe a nyanununa, ou a ninga ongonga yedu naashi tashi mene mo, ou a yandja koshiwana shokombada yalo omufudo, naava hava ende kombada yalo okwe va pa omhepo, Ye osho ta ti: 6 “Ame, Omwene, onde ku ifana mouyuki, nonde ku kwata keke loye, nde ku amena nonde ku nangeka mo, u kale ehangano loiwana nouyelele wovapaani, 7 okupashula omesho ovapofi nokupitifa eenghwate modolongo, nokumangulula meti ava hava kala omutumba momilaulu. 8 Aame Omwene, olo edina lange ihandi yandje efimano lange kuumwe, ile okuhambelelwa kwange oihongwafano. 9 Tala, ei ikulu oya wanifwa, ndele ei ipe ohandi i holola; fimbo inai twiyuka, ohandi i mu shiivifile.”
10 Imbeni kefimano lOmwene eimbilo lipe, imbeni ehambelelo laye kominghulo dounyuni, onye oonakweenda mefuta, nefuta nouyadi walo, onye eenhunhu domefuta noonakukala mudo. 11 Ombuwa noilando yayo nai yelule pombada ondaka yayo, nomikunda omo mwa kala Ovakedari. Oonakukala momamanya nava nyakukwe, nava ingide nokunyakukwa pombada keexulo deemhunda. 12 Nava fimaneke Omwene, nava udifile keenhunhu ehambelelo laye. 13 Omwene ota piti mo ngaashi omukwataiti, Ye ote liladipaleke ngaashi omukwaita; ota kaluka onghalu, heeno, ta ingida pombada, ndele te liholola povatondadi vaye, Ye omuladi. 14 Ame onda li nda mwena efimbo lile, nda mwena filu nde lididimika. Ndelenee paife ohandi ka ingida unene ngaashi omudali, Ame handi ka fudaana nokufululuka. 15 Eemhunda nomitunda ohandi ke di yeleka noimeno yado aishe ohandi i feta po; omilonga ohandi ke di shitukifa eenhunhu, nomadiva ohandi a pwininike. 16 Ndele ovapofi ohandi ke va endifa mondjila vehe i shii, ohandi ke va endifa melila inali shiivika kuvo. Omilaulu Ame ohandi ke di va ningila ouyelele, noitunhu ohandi i yelakanifa. Oinima tuu ei ohandi i shakenifa, itandi i efa, inandi i wanifa. 17 Ndelenee ovo have lineekele oihongwafano, ndele hava popi koitelekwafano tava ti: “Onye oikalunga yetu,” tava ka shuna lwanima ndele tava fifwa ohoni.
18 Udei ko, onye ovafitamatwi, nanye ovapofi, liameneni, mu shiive okutala ko. 19 Olyelye ou omupofi ngeenge ehe fi omupiya wange, nomufitamatwi ngaashi omutumwa wange, ou handi mu tumu? Olyelye omupofi ngaashi okaume kange omulineekelwa nomupofi ngaashi omupiya wOmwene? 20 Okutala owa tala shihapu, ove ino didilika sha; omatwi okwa fituluka, ndelenee ove iho udu ko. 21 Omolwouyuki waye sha wapalela Omwene okuninga omhango oyo inene i noshinge! 22 Ndele oshiwana eshi, oshiwana sha tinhwa nosha luwa, aveshe ova mangifwa eefipa nova idililwa meedolongo; ova ningwa ovahakanwa nopehe na umwe ta xupifa, va ninga eenghwate, ndele kape na ou ta ti: Va shunifa! 23 Olyelye ou womokati keni te shi tambula momatwi, te shi koneke note shi diinine nokomesho? 24 Olyelye a yandja Jakob a luwe naIsrael a tinhwe? E he fi Omwene, ou twa nyona kuye. Ndele vo inava hala okweenda neendjila daye, noinava hala okudulika komhango yaye. 25 Opo nee Ye a tilila oupyuhandu waye kombada yavo nolwoodi lidjuu. Ola xwama, le va dingilila keembinga adishe, ndele vo inave li dimbulukwa nande, ole va xwika, ndelenee inave li itavela momitima.
Omupiya gwOmuwa
1 Omuwa ota ti:
“Omupiya gwandje oye nguka, ngoka tandi mu nkondopaleke —
Oye tuu ngoka nde mu hogolola, omuntu nde mu hokwa.
Onde mu udhitha Ombepo yandje,
oye nota ka uthila iigwana ayihe nuuyuuki.
2 Ita ka igidha nenge a kololoke
nenge ewi lye li kugagane momapandaanda.
3 Oshihenguti sha tanduka ite shi nyanyagula
nonyeka tayi tsina ite yi dhimi po.
Ota ka uthila ayehe pauyuuki.
4 Ita ka tenguka nenge a tyololoke;
ota taandelitha uuyuuki kombanda yevi.
Oontuntu dhomefuta otadhi tegelele elongo lye.”
5 Kalunga okwa shiti egulu nokwe li alele;
oye a yala nokwaaneka evi naayihe mbyoka yi li mo;
aantu ayehe okwe ya pe omwenyo nomufudho.
Ngashingeyi Omuwa Kalunga ota lombwele omupiya gwe ta ti:
6 “Ongame Omuwa nde ku ithana
e tandi ku koleke noku ku nkondopaleka,
u tale, uuyuuki ngele otau gwanithwa tuu kombanda yevi.
Omungoye tandi ka hangana naantu ayehe;
mungoye otandi ka minikila iigwana.
7 Oto ka tonatitha omeho gaaposi
nokumangulula mboka ya kuutumba momilema moondjedhililo.
8 “Ongame awike Omuwa, Kalunga koye.
Itandi gandja esimano lyandje kugulwe;
itandi etha okusimanekwa kwandje ku ye kiimenka.
9 Iinima nda hunganekithile nale, oya ningi yoshili.
Ngashingeyi otii mu lombwele iinima iipeepeka,
tandi shi ningi nokuli, manga inaayi ningwa.”
Eimbilo lyekandanga
10 Imbileni Omuwa eimbilo epe;
mu imbileni ondjimbohambelelo, ooha ne dhuuyuni!
Mu hambeleleni, one mboka hamu thayile kefuta;
mu hambeleleni, iishitwa ayihe yomefuta!
Imbeni oondjimbohambelelo, oontuntu ne dhomefuta
none oonakukala mudho!
11 Ombuga niilando yayo nayi tange Kalunga;
omikunda dhaKedar nadhi mu hambelele!
One mboka mwa kala moshilando Sela,
igidheni nokuligola koondunga dhoondundu!
12 Hambeleleni, mboka mwa kala moontuntu dhomefuta,
ne mu simaneke Omuwa!
13 Omuwa ota piti mo a ka kondje ngashika omukwiita ofule;
okwi ilongekidha nokwa pupyalela olugodhi.
Ota tsu onkalu, ta hiki ohiya yolugodhi;
aatondi ye ote ya hololele oonkondo dhe.
Kalunga ta kwatha aantu ye
14 Kalunga ota ti:
“Onda mwena unene ethimbo ele nda tya thilu.
Ine yamukula nando aantu yandje.
Ngashingeyi ethimbo lyokulonga lya thiki;
otandi keme nda fa omukiintu ta thetwa.
15 Otandi hanagula po iikulundundu noondundu,
otandi kukutike omwiidhi nomiti.
Omilonga otandi dhi shitukitha oontuntu
nomatale otandi ga pwinike.
16 “Otandi ka enditha aaposi
moondjila inaaye enda mo nale.
Omilema dhawo otandi dhi shitukitha uuyelele,
nevi lyiisilukutumba otandi li ya yelekanithile.
Ngaka ogo omauvaneko gandje,
notandi ga tsakanitha pwaa na ekandakando.
17 Ayehe mboka yi inekela iimenka,
mboka taa galikana iiyelekela, aniwa ookalunga kawo,
otaa ka fupipikwa nokusithwa ohoni.”
Israel a nyengwa okuuvu ko
18 Omuwa ota ti:
“Pulakeneni, ne oombolo!
Tongololeni nawa, ne aaposi!
19 Oku na tuu omuposi e vule omupiya gwandje?
Oku na tuu ombolo yi vule omutumwa gwandje tandi mu tumu?
20 Israel, wa mono oshindji unene,
ihe ino pupa ko.
Ou na omakutsi gokuuva,
ihe owu uvu shike?”
21 Omuwa oye Kalunga,
ngoka a sa uulaadhi okuhupitha,
onkee okwa ningi ompango ye ya kola noya simana.
22 Ihe aantu ye oya yugwa,
oye edhililwa moondholongo
noya patelwa moondjedhililo.
Oya yugwa noya luwa,
nokape na ngoka e ya mangulule.
23 Ope na tuu gumwe mune ta pulakene shika?
Okuza ngashingeyi olye ta pupu ko shili kushika?
24 Olye a gandja po Jakob a luwe, naIsrael a yugwe?
Oye Omuwa, ngoka twa yono kuye,
oshoka inatu hala okulandula oondjila dhe
nokuvulika kiipango ye.
25 Okwe tu tilile ondjahi ye ya hwama niita iilulululu.
Ondjahi ye oya tukulukile Israel ya fa omulilo;
ihe ina ndhindhilika ye ina tseya sha.
