Israel ta kumaidululilwa okulidilulula
1 Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali. 2 Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye. 3 Osheshi Omwene osho ta ti kovalumenhu Ovajuda nOvajerusalem: Likokoleleni oshikokola shipe, inamu kuna meeshosholo. 4 Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.
Ehanauno loshilongo shaJuda tali xunganekwa
5 Udifileni mu Juda nye mu shiivifile muJerusalem mu tye: Shikeni omanghuma moshilongo ashishe! Ingideni pombada mu tye: Ongaleni, tu yeni moilando i nohotekuma ya pama. 6 Dikeni epandela lwokuSion, fadukeni po, inamu kanghama! Osheshi ohandi eta omupya tau di koumbangalanhu nomahanauno madjuu. 7 Onghoshi otai shituluka momufitu wayo, nomuhanauni woiwana okwa fikama, a dja konhele yaye yokukala, a teye po oshilongo shoye shi ninge ombuwa. Oilando yoye otai ka ninga omaputu, itamu kala vali ovanhu. 8 Onghee hano lidikeni eeshako, kemeni nokulila, osheshi oupyuhandu wOmwene inau tu efa. 9 Ndele mefiku tuu olo, Omwene osho ta ti, ohamba nomalenga aye otava ka kala va limbililwa vehe nouladi, ovapristeli tava ka kala va haluka novaxunganeki tava kala nokumwena. 10 Opo ame onda tya: “Akutu, Omwene Kalunga, oshili Ove wa limbilika oshiwana eshi nOvajerusalem, eshi wa tile: Onye otamu ka kala mu nombili, ndele eongamukonda otali tyuula fiyo momwenyo.”
11 Mefimbo tuu olo oshiwana eshi nOvajerusalem otava ka lombwelwa: koikulundudu yomamanya yomombuwa otaku di omhepo ipyu ya yukilila komona okakadona koshiwana shange, yo ihe fi yokupepelifa noyokuyelifa oilya. 12 Omhepo idjuu i dule oinima ei otai uya tai di kwaame. Paife eshi handi ke va lombwela yo omatokolo.
13 Tala, ote uya ngaashi oshilemo nongaashi omhepo yoshikungulu, osho omatemba aye oita e li. Eenghambe daye odi nonhapo di dule eenhwa. Woo fye, osheshi fye ohatu hanaunwa po! 14 Feta po owii wokomutima woye, ove u yele, Jerusalem, opo u shiive okuxupifwa. Fiyo onaini omadiladilo oulunde taa hondama monhulo yoye? 15 Osheshi ondaka otai di muDan nokeemhunda daEfraim tai shiivifa oshiponga. 16 Lombweleni oiwana! Tala, shiivifileni Jerusalem ondaka yekondjifo nokutya, otaku di ovakwaita vokoshilongo shokokule, tava dingilile ndele tava yelulile oilando yaJuda ondaka yoita. 17 Ngaashi ovakeleli vepya tave shi dingilile, osheshi ovo va twa ondubo naame, Omwene osho ta ti. 18 Ondjila yoye neenghedilonga doye, oyo ye ku etela ei aishe, oulunde ou woye ulula, ndele tau hange fiyo okomutima woye.
Oluhodi lomuxunganeki
19 Akutu, onhulo yange, onhulo yange! Ame handi kakamifwa kehaluko! Oikololo yomutima wange, omwenyo wange wa tukuluka, itandi dulu okumwena, osheshi ove omwenyo wange wa uda omanghuma taa kuwaana nonghuwo yolwoodi tai kuu! 20 Okwa dja ondaka: ehanauno tali shikula ehanauno, osheshi oshilongo ashishe sha teywa po sheke. Ohaluka, eefaila dange oda hanaunwa po nomatwali ange mefaukilo. 21 Fiyo onaini ndi nokutala epandela nondi nokuuda ekuwaano lomanghuma? 22 Osheshi ovanhu vange omalai, inava shiiva nge, ovo oludalo la lunduka, kave na nande omayele, ove neendunge dowii, ndele inava shiiva okulonga ouwa.
23 Onda tala edu, ndelenee tala, ola dundakana, nola li lihe na sha, nokeulu yo, ndelenee lo la li lihe nouyelele. 24 Ame onda tala keemhunda, tala, do oda kakama nokoikulundudu oya tengauka. 25 Ame onda tala ko, ndelenee kapa li nande omunhu, needila adishe dokeulu oda ya onhapo. 26 Ame onda tala ko, ndelenee tala, edu liwa loikunino ola ninga omaputu, noilando yomoshilongo oya teyaulwa po kOmwene nokoupyuhandu waye. 27 Osheshi Omwene osho ta ti: Edu alishe otali ka ninga ombuwa, nande itandi li mane po sheke. 28 Onghee edu tali ka nyika oufiye, neulu pombada otali ka laula, osheshi Ame nda popya, nda tokola, nosho nde shi hala itandi shi efa.
29 Oshilando ashishe otashi faduka po keweelelo lovalondi veenghambe nolovakwaita ve nomauta. Oonakukala moshilando va ka hondama moixwa ndele tava londo keemhunda domamanya. Oshilando ashishe sha efiwa. Kape na nande omunhu a kala mo.
30 Ove omuhanaunwa oto ningi ngahelipi hano eshi to djala oikutu iwa itilyana, ndele to liwapeke noulenga woshingoldo ndele to nenepekifa omesho oye nokulivaeka nondomo ilaula. Ove oto liwapeke oshimha. Ovaholike voye otave ku dini ndele tava nangele omwenyo woye. 31 Osheshi Ame onda uda okukema kwaumwe ngaashi okukema kwomufetwa, onghuwo ya fa yomunhu ta fetelwa oshiveli shaye, omona okakadona Sion ota lili mokule ndele te lihepeke nokukema. Omaoko aye otaa twala pombada nokwiilikana: Woo ame! Omwenyo wange tau pu mo kovadipai.
Eigidho lyeitedhululo
1 Omuwa ota ti: “Aaisraeli ne, ngele omwa hala okugaluka, galukileni kungame. Ngele tamu etha iimenka handi yi tondo e tamu inekele ndje, 2 otashi ka kala shu uka, sho tamu gana medhina lyandje. Nena iigwana ayihe otayi ka galikana ndje ndi yi yambeke, notayi ka hambelela ndje.”
3 Omuwa ota lombwele Aajuda nAajerusalem ta ti: “Kokoleni oshikokola, inamu kuna mokati komano. 4 Dhiginineni ehangano nangame, Omuwa gweni, iyapulilii ndje, ne Aajuda nAajerusalem. Ngele itamu shi ningi, ondjahi yandje otayi ka hwama ya fa omulilo omolwiinima iiwinayi mwe yi ningi. Otandi ka hwama nopwaa na omudhimi gwomulilo ngo.”
Ehomono tali zi kuumbangalantu
5 Hikeni omankuma noshilonga ashihe!
Ga fudhileni ga kugagane nawa!
Lombweleni Aajuda nAajerusalem
ya ye miilandohote.
6 Yelutheni endhindhiliko lyokuuka lwokuSion.
Zii ko neendelelo mu ka holame! Inamu kwatakwata!
Oshoka otandi eta oshiponga tashi zi kuumbangalantu,
ehanagulo enenenene.
7 Omuhanaguli okwa mbunzuka ko
a fa onkoshi ya hituka moshiholameno shayo.
Ote ya a hanagule po Juda.
Iilando yaJuda otayi ka kumunwa po,
nokaku na ngoka ta ka kala mo muyo.
8 Zaleni omahahi mu lile ne mu takume,
oshoka ehwamo lyondjahi yOmuwa inali penga Juda.
9 Omuwa ota ti: “Esiku ndyoka aakwaniilwa nomalenga otaga tyololoka; aayambi otaa kunkwa, naahunganeki otaa kumwa.”
10 Ngame onda ti: “Omuwa Omupangeliawike, oshili, owa kotokele Aajerusalem! Owa tile, otaku kala ombili, ihe egongamwele olyo ndyoka li li poothingo dhawo.”
11 Esiku otali ya, uuna Aajerusalem taa ka lombwelwa kutya ombepo ompyu otayi pepe tayi ziilile kombuga, yu uka kuyo. Inayi opala, yi pepe po ashike etutu — 12 ombepo ndjoka tayi ya palombwelo lyOmuwa, otayi ka ninga epukutula! Omuwa oye mwene ta tumbulile aantu ye epangulo.
Juda ta kondekwa kaatondi ye
13 Talii ko, omutondi te ya a fa iikogo. Omatembakwiita ge oga fa ombepo yoshikungulu, nuukambe we otau endelele u vule omakodhi. Yaye tse! Ehanagulo tali ya!
14 Jerusalem, yoga ko uuwinayi komwenyo gwoye, opo u hupithwe. Sigo uunake to tsikile nomadhiladhilo guulunde?
15 Aatumwa ya zi koshilando Dan nokoondundu dhaEfraim, otaa hokolola onkundana ombwinayi. 16 Oye ya okulondodha iigwana nokulombwela Jerusalem kutya aatondi otaa ya taa zi koshilongo shokokule. Aatondi mbaka otaa ka kugila iilando yaJuda onkugo 17 notaa ka kondeka Jerusalem ya fa aantu ya keelela epya, oshoka aantu yasho oya tsu ondumbo nOmuwa. Omuwa oye a popi.
18 Juda, owe shi iyetele mwene mokukala mondjila ndjoka wa lamba nomokulonga shoka wa ningi. Uulunde woye owe eta iihuna yomahepeko; otayi ku tsu momutima.
Jeremia ta lilile oshigwana
19 Yayee, tandi tapata, tandi nkundumanekwa kuuwehame!
Omutima gwandje! Omwenyo gwandje gwa tukuluka!
Ite vulu okumwena;
ondu uvite omankuma nonkugo yolugodhi.
20 Oshiponga otashi landula oshiponga oshikwawo.
Oshilongo ashiheshihe osha hanagulwa po.
Omatsali getu oga dhikulwa mo ohaluka,
nomagumbo getu ga ningi iihanuhanu yowala.
21 Sigo uunake tandi tala uugeyi wolugodhi
nokukala te pulakene ehiko lyomankuma?
22 Omuwa ota ti:
“Aantu yandje aagoya, inaa tseya ndje.
Oyo aanona aatsini;
kaye na nando omayele.
Oya pyokoka mokulonga uuwinayi,
ihe otaa nyengwa okulonga uuwanawa.”
Jeremia to mono eyo lyehanagulo
23 Onda tala evi —
olya li lya vongakana nolya mbugala;
onda ligamene kegulu —
kakwa li ku na uuyelele.
24 Onda tala koondundu —
okwa li ekakamo,
niikulundundu ayihe oya li tayi tengauka.
25 Onda mono kutya kaku na aantu;
noondhila odha tuka ko.
26 Evi lyo ondoka olya mbugala;
iilando yalyo oya ningi omakulukuma
molwoohandje dhondjahi yOmuwa.
27 Omuwa okwe shi popi ta ti:
“Evi alihe otali ka mbugala,
nando itandi li hanagula po thiluthilu.
28 Evi otali ka lila;
eyalelo otali ka luudha.
Omuwa okwa popi noita ka lundulula we omadhiladhilo ge.
Okwa utha etokolo lye
noite li shunithile mo we.”
29 Paigidho lyaakayilinkambe noondjumbeta
shaa ngoka ota yi ontuku.
Yamwe otaa ka matukila komakuti,
yamwe otaa ka londakana omamanya.
Oshilando kehe otashi ka thigwa po,
nokaku na ngoka ta ka kala mo we.
30 Yaye ngoye Jerusalem!
Omolwashike wa zala uutiligane?
Omolwashike wa zala omawe nowa gwayeke oombafu dhoye?
Owi imbonzola mo osima yowala!
Aaholi yoye oye ku ekelehi
noya hala oku ku dhipaga po.
31 Otandi uvu onkugo ya fa yomukulukadhi ta thetwa,
ekemo lya fa lyomukiintu opo ti iyelipa omunona.
Oyo onkugo yaJerusalem ta hetha mefudhagano,
okwa yelutha omaako ge ta takuma ta ti:
“Akwetse! Otandi ka sila miikaha yaadhipagi.”
