1 Kaleni ovahopaeleli vange ngaashi ame omuhopaeleli waKristus.
Nhumbi tamu kalwa meongalo
2 Ndele ohandi pandula eshi tamu dimbulukwa nge moinima aishe notamu diinine omalongo ngaashi ame nde e mu pa. 3 Ndelenee onda hala nye mu shiive nokutya, Kristus Oye omutwe wakeshe omulumenhu, nomutwe womukainhu omulumenhu, nomutwe waKristus oKalunga. 4 Omulumenhu keshe ngeenge ta ilikana ile ta xunganeke a djala sha komutwe, oye ota dinifa omutwe waye. 5 Ndele omukainhu keshe ngeenge ta ilikana ile ta xunganeke ina djala sha komutwe, oye ta dinifa omutwe, osheshi eshi oshi fike pamwe naashi a kululwa noshimbi. 6 Osheshi ngeenge omukainhu ina tuvika omutwe waye, na tetife ko eexwiki daye; ndele ngeenge oshii komukainhu okutetifa eexwiki daye ile oku di kululifa ko, na tuvikile omutwe waye. 7 Osheshi omulumenhu ita tuvike omutwe waye, osheshi oye efano nefimano laKalunga; ndele omukainhu oye efimano lomulumenhu, 8 osheshi omulumenhu ka dile momukainhu ndelenee omukainhu okwa dile momulumenhu; 9 osheshi omulumenhu ina shitilwa omukainhu, ndelenee omukainhu oye a shitilwa omulumenhu. 10 Onghee omukainhu e nokukala e nedidiliko lokupangelwa komutwe waye omolwovaengeli. 11 Ndelenee mOmwene kape nomukainhu, omulumenhu ngeenge ke po, nokape nomulumenhu, omukainhu ngeenge ke po. 12 Osheshi ngaashi omukainhu a dile momulumenhu, osho tuu nomulumenhu a dalwa komukainhu; ndele aishe oyomuKalunga.
13 Tokoleni nye vene, ngeenge osha yuka tuu omukainhu ta ilikana Kalunga ina djala sha komutwe? 14 Ndele oushitwe woovene itau mu longo nokutya, omulumenhu ngeenge ta kala e neexwiki dile, ote lififa ohoni; 15 ndele omukainhu ngeenge e neexwiki dile, odo efimano laye, osheshi e di pewa e liuvike nado. 16 Ngeenge ope na ou e hole eemhata, fye katu neenghedi da tya ngaha, osho tuu yo momaongalo aKalunga.
Oshililo shOmwene nhumbi shi nokuliwa
17 Ndelenee moku mu lombwela eshi, itandi mu pandula, osheshi mokwoongala kweni itamu kulu mouwa, ndelenee omowii. 18 Tete onda uda, ngee tamu ongalele moshiongalele sheongalo, omu na oimhanga mokati keni, nokombinga ohandi shi itavele. 19 Heeno, oimhanga oi nokuholoka mokati keni, opo ovo vomunye ve shii okulineekelwa va shiivike. 20 Hano ngee tamu ongala ngaha, kaku fi okulya oshililo shOmwene, 21 osheshi keshe tuu ou ote lihakanene oikulya yaye mwene, nosho umwe ota fi ondjala nomukwao a kolwa. 22 Hamba, kamu na omaumbo okulila mo nokunwina mo? Ile otamu dini eongalo laKalunga notamu fifa eehepele ohoni? Ondi mu lombwele shike? Ondi na tuu oku mu pandula? Ahowe, apa itandi mu pandula nande.
23 Osheshi onda pewa kOmwene eshi nde shi mu shiivifila yo nokutya, Omwene Jesus oufiku winya a kengelelwa okwa kufa omungome, 24 ndele ta pandula, ndele te u pambula ta ti: “Tambuleni, lyeni, eshi osho olutu lange tali mu yandjelwa; shi ningeni nokudimbulukwa nge.” 25 Osho ngaha okwa kufa yo eholo, eshi va lya, ndele ta ti: “Eholo eli olo ehangano lipe omohonde yange, keshe efiku eshi tamu nu mo, shi ningeni nokudimbulukwa nge.” 26 Osheshi keshe efiku eshi tamu li omungome ou ndele tamu nu meholo eli, otamu hepaulula efyo lOmwene fiyo ote uya.
27 Onghee hano, ou ta li nai omungome ou ndele ta nu nai meholo eli lOmwene, oye ota ka kala e netimba lolutu nohonde yOmwene. 28 Omunhu ne lipulapule hano, ye na lye nee komungome ou, ye na nwe meholo eli; 29 osheshi ou ta li ndele ta nu, ye ina tongola olutu lOmwene, oye ote lilile ndele te linwine etokolo. 30 Onghee hano mokati keni omu noingone novanaudu vahapu, navahapu ova fya. 31 Ndele ngeno hatu lipulapula fye vene, ngeno itatu tokolwa; 32 Ndele ngeenge hatu tokolwa, ohatu dengwa kOmwene, tuha tokolelwe mekano pamwe nounyuni.
33 Onghee hano ovamwatate, ngeenge tamu ongalele okulya, teelelafaneni. 34 Ngeenge ope na ou a fya ondjala, na lye mombulavo, opo muha ongalele etokolo leni. Oinima ikwao ohandi i yukifa nge handi uya ko.
1 Holelii ndje, oshoka ngame otandi holele Kristus.
Okuzala sha komutse melongelokalunga
2 Otandi mu pandula, sho hamu dhimbulukwa ndje miinima ayihe nomwa dhiginine elongo lyandje, ngaashi nde li mu pe. 3 Onda hala, mu kale mwa tseya kutya Kristus oye omutse gwomulumentu kehe, omulumentu oye omutse gwomukadhi, naKalunga oye omutse gwaKristus. 4 Omulumentu kehe ngoka ta galikana nenge tu uvitha melongelokalunga lyaayehe a zala sha komutse, oye ota shekitha Kristus. 5 Nomukiintu kehe ngoka ta galikana nenge tu uvitha melongelokalunga lyaayehe inaa zala sha komutse, ota shekitha omulume. Kapu na eyooloko pokati ke naangoka a kululwa omutse aguhe. 6 Omukiintu ngele ita siikile omutse gwe, nena na kululwe omutse aguhe. Osho ohoni yowala, ngele omukiintu ta kululwa omutse aguhe, nenge omafufu taga tetwa, ga ninge omafupi, ihwepo a siikile omutse gwe. 7 Omulumentu ita pumbwa okusiikila omutse gwe, oshoka oye efano nomuhololi gwesimano lyaKalunga. Ihe omukiintu ota holola esimano lyomulumentu. 8 Oshoka Kalunga sho a shiti omulumentu, ine mu kutha momukiintu, ihe omukiintu oye a kuthwa momulumentu. 9 Osho wo omulumentu ina shitilwa omukiintu, ihe omukiintu oye a shitilwa omulumentu. 10 Omolwaayengeli omukiintu oku na okusiikila omutse gwe, opo a holole kutya oku li mepangelo lyomulumentu gwe. 11 Mokukalamwenyo kwetu mOmuwa omukiintu oku li po omolwomulumentu nomulumentu oku li po omolwomukiintu. 12 Oshoka ngaashi omukiintu a li a kuthwa momulumentu, osho tuu wo omulumentu okwa valwa komukiintu, niinima ayihe ohayi zi kuKalunga.
13 Tokoleni ne yene, ngele osho opala, omukiintu ta galikana Kalunga melongelokalunga lyaayehe kee na sha komutse? 14 Ndishi nuunshitwe otau mu ulukile kutya inashi opala, omulumentu a kale e na omafufu omaleeleka, 15 ihe komukiintu osho esimano. Oshoka omukiintu ngoka e na omafufu omale, otage mu siikile nawa. 16 Ngele oku na ngoka e na omaludhi moshinima shika, ngame otandi ti ashike kutya tse yene nosho omagongalo gaKalunga katu na we omukalo gulwe hatu gu longitha melongelokalunga.
Uulalelo wOmuwa nkene u na okukala
17 Moku mu lombwela omalombwelo ngaka taga landula mpano, itandi vulu we oku mu pandula. Oshoka mokugongala kweni ohamu longo uuwinayi u vulithe puuwanawa. 18 Tango ondu uvu kutya miigongigongalo yeni omu na oongundu dha topoka; nokombinga onde shi itaala kutya oshoshili. 19 Kape na omalimbililo, omatopoko ga tya ngaaka oge na okukala mokati keni, opo mboka ye li mo ye shi kwiinekelwa, ya holoke. 20 Oshoka ngele mwa gongala, ihamu shi ningi, opo mu lye Uulalelo wOmuwa. 21 Oshoka mokulya kweni ohamu kala ngeyi kutya yamwe ye na iikulya yawo yene, manga pu na yamwe ya sa ondjala nayamwe ya kolwa. 22 Ne kamu na omagumbo geni, moka tamu vulu okulya nokunwa? Nenge omwa dhina egongalo lyaKalunga nomwa hala okusitha ohoni aantu mboka yaa na sha? Ngashingeyi omwa tegelela, ndi mu lombwele shike? Omwa tega, ndi mu pandule andola? Aawe, mpaka itandi mu pandula.
23 Oshoka elongo ndyoka nde li mu etele, onde li pewa kOmuwa nokutya: Omuwa Jesus uusiku mbwiyaka a gwaalekwa, okwa kutha oshikwiila, 24 okwa hambelele, okwe shi pambula nokwa ti: “Shika osho olutu lwandje talu gandjwa omolweni. Shi ningeni nokudhimbulukwa ndje.” 25 Osho tuu wo okwa kutha oshitenga, sho ya mana okulya uulalelo, e ta ti: “Oshitenga shika osho ehangano epe tali kolekwa nombinzi yandje. Uuna tamu nu mo, shi ningeni nokudhimbulukwa ndje.” 26 Oshoka kehe esiku tamu li oshikwiila shika notamu nu moshitenga shika, ohamu hokolola eso lyOmuwa, sigo ote ya.
27 Onkee ano ngoka ta li oshikwiila shOmuwa nota nu moshitenga she pamukalo omwiinayi, oye oku na oondjo molwolutu nombinzi yOmuwa. 28 Kehe gumwe ni ikonakone ye mwene, opo ihe ta vulu okulya oshikwiila shika nokunwa mo moshitenga shika. 29 Oshoka ngoka ta li nota nu inaa yoolola kutya olutu lwOmuwa otalu ti shike, oti iyetele epangulo mokulya nokunwa kwa tya ngaaka. 30 Shika osho sha ningi oyendji yomokati keni, ya kale taa alukwa, yamwe aankundi nayamwe oya sa. 31 Ngele tatu ikonakona tse yene tango, itatu adhika kepangulo lyaKalunga. 32 Tse otwa pangulwa notwa putudhwa kOmuwa, opo twaa ka geyelwe pamwe nuuyuni.
33 Aamwameme, ngele tamu gongala, mu lye koshililo shOmuwa, tegelelathaneni. 34 Ngele ku na ngoka a sa ondjala, na lye kaandjawo, opo mokugongala kweni mwaa iyetele epangulo lyaKalunga. Iinima iikwawo otandi yi opaleke, uuna tandi ke ya kune.
