Jesus ta i kuJerusalem
(Mark. 11:1-11Luk. 19:28-40Joh. 12:12-19)1 Opo nee eshi va ehena kuJerusalem nova fika kuBetfage, kOmhunda yEemono, Jesus okwa tuma ko ovalongwa vaye vavali 2 ndele ta ti kuvo: “Indeni komukunda winya u li komesho yeni ndele tamu ka hanga ko divadiva okambulu okakadi ka pandekwa, nokambulwena kako; va pandekululeni nye mu va ete kwaame. 3 Ndele ngeenge oku na ou te mu lombwele sha, tyeni: ‘Omwene e va pumbwa,’ ndele ye te va tumu diva.”
4 Ndele eshi osha ningwa, opo eendjovo odo da popiwa komuxunganeki di wanifwe, ou a tya:
5 “Lombweleni omona okakadona kaSion:
‘Tala, ohamba yoye te uya kwoove
omunambili nokwa londa okambulu,
okambulwena kokambulu haka longifwa.’ ”
6 Ndele opo nee ovalongwa ova ya, ndele va ninga ngaashi Jesus e va lombwela, 7 ndele va eta okambulu okakadi nokambulwena, ndele tava yale oikutu yavo kuvo, Oye okwa kala omutumba kombada yavo. 8 Ndele vahapu vomongudu va yala oikutu yavo mondjila, navakwao ova teta oitai komiti, ndele ve i ekela mondjila. 9 Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”
10 Ndele eshi e uya muJerusalem, oshilando ashishe sha tukuluka ndele tava ti: “Olyelye ou?” 11 Ndele eengudu dovanhu tadi ti: “Oye omuxunganeki ou, Jesus womuNasaret shaGalilea.”
Jesus ta yelifa otembeli
(Mark. 11:15-19Luk. 19:45-48Joh. 2:13-22)12 Ndele Jesus okwa ya motembeli yaKalunga; ndele okwa ta mo aveshe va li mo tava lande naava tava landifile mo, ndele okwa undulila poshi oitaafula yovakumaani voimaliwa noipundi yovalandifi veenghuti. 13 Ndele okwa tya kuvo: “Okwa shangwa: ‘Ongulu yange i nokwiifanwa ongulu yeilikano’, ndele nye omwe i ninga oshikololo shovanyeki.”
14 Ndele ovapofi noingudu ove uya kuye motembeli, Oye okwe va velula. 15 Ndele ovapristeli ovakulunhu novanongo vomishangwa eshi va mona oikumwifa ye e i longa, nounona, nhumbi va ingida motembeli va tya: “Hosianna, Omona waDavid”, ova umana 16 ndele ova tya kuye: “Ove, udite ko tuu ava osho tava ti?” Jesus okwa tya kuvo: “Heeno, onye inamu lesha hamba nande lumwe: ‘Omomakanya ounona nouhanana we lilongela ehambelelo?’ ” 17 Ndele okwe va fiya po, okwa dja mo moshilando ndele okwa ya kuBetania, ndele okwa kala ko oufiku.
Omukwiyu tau fingwa
(Mark. 11:12-14, Mark. 20-24)18 Ndele ongula inene eshi a meneka ta shuna koshilando, okwa fya ondjala. 19 Ndele a mona omukwiyu pondjila nokwa ya kuwo, ndele ina mona mo sha, omafo aeke; ndele ta ti kuwo: “Ku ima vali oiimati fiyo alushe.” Omukwiyu owa fya diva. 20 Ndele ovalongwa vaye eshi ve shi mona, ova kumwa ndele tava ti: “Omukwiyu owa fya ngahelipi divadiva ngaha!” 21 Ndelenee Jesus okwe va nyamukula: “Oshili handi mu lombwele: ngeno mu neitavelo, nye itamu limbililwa, ngeno otamu dulu hasheshi ashike, omukwiyu eshi wa ningwa, ndele ngeno otamu lombwele omhunda ei: ‘litumba po, ove u liundulile mefuta’, ngeno otashi ningwa. 22 Nakeshe eshi tamu shi indile meilikano nokwiitavela, otamu shi pewa.”
Jesus ta pulwa epangelo laye
(Mark. 11:27-33Luk. 20:1-8)23 Opo nee eshi a ya motembeli, ovapristeli ovakulunhu novakulunhu voshiwana ve uya kuye fimbo ta longo ovanhu, ndele tava ti: “Okeenghono dilipipo ho longo ei? Olyelye e ku pa epangelo eli?” 24 Ndele Jesus okwe va nyamukula: “Naame yo ohandi mu pula ondjovo imwe; ngeenge tamu i lombwele nge, opo nee naame yo handi mu lombwele okepangelo lilipi handi longo ei. 25 Eshasho laJohannes ola dile peni? Omeulu ile omovanhu?” Ovo va kundafana ndele tava ti: “Ngeenge twa ti: ‘omeulu’, opo nee Oye ta ti: oshike hano inamu mu itavela? 26 Ndele ngeenge hatu ti: ‘omovanhu’, opo otu nokutila ovanhu, osheshi aveshe va tala Johannes oye omuxunganeki.” 27 Ovo va nyamukula Jesus ndele tava ti: “Katu shi shii.” Ndele Ye okwa tya kuvo: “Hano naame yo itandi mu lombwele okepangelo lilipi handi longo ngaha.
Ovamati vavali
28 “Ndelenee otamu ti ngahelipi? Okwa li ku nomunhu e novana ovamati vavali; okwa ya komutete ndele ta ti: ‘Omumwange, inda u ka longe nena mepya lange lomiviinyu.’ 29 Ndele ye okwa nyamukula: ‘Inandi hala.’ Ndele lwanima okwe ke lidilulula ndele ta i ko. 30 Okwa ya kumukwao ndele okwe mu lombwela yo eendjovo tuu odo. Oye okwa nyamukula: ‘Heeno, omwene,’ ndele ina ya ko. 31 Elipipo pwaava vavali a wanifa ehalo laxe?” Ovo va tya: “Oye winya wotete.” Jesus okwa tya kuvo: “Oshili handi mu lombwele: ovafendelifi neembwada otave mu tetekele okuya mouhamba waKalunga. 32 Osheshi Johannes okwe uya kunye nondjila youyuki, nye inamu mu itavela; ndele ovafutifi neembwada ovo ve mu itavela; ndele nande omwe shi mona, nokomesho inamu lidilulula ngeno mu mu itavele.
Ovalongi vai vomepya lomiviinyu
(Mark. 12:1-12Luk. 20:9-19)33 “Pwilikineni eendjovo domafaneko makwao. Okwa li ku nomushamane, a twika epya lomiviinyu, ndele te li umbile ongubu, ndele ta longele mo oshikolelo sheeviinyu, okwa tungila mo oshungo, nokwa nangeka mo ovalongi vepya, ndele okwa ya koilongo yokokule. 34 Ndele eeviinyu eshi da hola, okwa tuma ko ovapiya vaye kovalongi vepya va ka tambule oiimati ei e nokupewa. 35 Ndele ovalongi vepya ova kwata ovapiya vaye, umwe ove mu denga, nomukwao ove mu dipaa, nomutitatu ove mu kupula nomamanya. 36 Ndele okwa tumununa ko ovapiya vamwe ve dule venya votete mouhapu; ndele ovo ve va ninga ngaashi venya votete. 37 Ndele hauxuuninwa okwe va tumina omona waye, ta ti: ‘Omona wange otave mu tila.’ 38 Ndelenee ovalongi vepya eshi va mona omona, ova kundafana ndele tava ti: ‘Ou omufyuululi, tu yeni, tu ke mu dipaeni fye tu mone efyuululo laye.’ 39 Ndele vo ove mu kwata ndele tave mu ekeleshi mo mepya ndele tave mu dipaa. 40 Mwene wepya ngeenge ta aluka, ota ningi ngahelipi ovalongi ava vepya?” 41 Ovo va tya kuye: “Ovakolokoshi ovo ote va nyonauna po nai nepya lomiviinyu ote li pe ovalongi vamwe, ovo tave mu pe oiimati opefimbo tuu layo.”
42 Jesus okwa tya kuvo: “Inamu lesha hamba nande lumwe momishangwa: ‘Emanya olo ovatungi ve li ekelashi, olo la ninga omutwe wokolonela: Eshi osha dja mOmwene, noshikumwifa momesho etu.’ 43 Onghee handi mu lombwele: Ouhamba waKalunga otau mu kufwa ndele tau pewa ovanhu, hava imike oiimati yao. 44 Ndele keshe tuu ou ta pundukile kemanya olo, oye ta teka, naau ta wilwa kemanya olo, oye ta nyanyaulwa.”
45 Opo nee ovapristeli ovakulunhu nOvafarisai eshi va uda omafaneko aa aye, ova koneka kutya, ovo ta popi. 46 Ndele va hala ve mu kwate, ndele ova tila ovanhu, osheshi ovo ve mu tala Oye omuxunganeki.
Jesus ta kayile ta yi kuJerusalem
(Mrk. 11:1-11Luk. 19:28-40Joh. 12:12-19)1 Sho yi ihilile kuJerusalem, oya thiki kuBetfage, popepi nOndundu yooholivi. Nena Jesus okwa tetekelitha aalongwa ye yaali 2 e ta ti kuyo: “Indeni komukunda ngwiyaka gu li komeho geni. Nziyanziya otamu mono okasino okakiintu ka pandekwa nontana yako. U pandukululeni, ne mu u ete kungame. 3 Nongele ku na ngoka ta ti sha kune, mu lombweleni mu tye: ‘Omuwa e u pumbwa. Oye ote u galula mbala.’ ”
4 Shika osha ningwa, opo oohapu ndhoka dha popiwa komuhunganeki, dhi tse, sho ta ti:
5 “Lombweleni oshilando shaSion:
‘Tala, omukwaniilwa gwoye te ya kungoye.
Oye omunambili a kayila okasino.
Oye a kayila ontana,
ona yokasino haka longithwa.’ ”
6 Aalongwa oya yi noya ningi, ngaashi Jesus e ya lombwele. 7 Oyo ye eta okasino okakiintu nontana yako noya yala oonguwo dhawo kuwo, Jesus e ta kuutumba ko. 8 Ihe ongundu onene yaantu oya yala oonguwo dhawo mondjila. Yamwe oya tete iitayi yomiti e taye yi yala mondjila. 9 Ano oongundu dhaamboka ya kwata komeho naamboka ye mu landula, oyi igidha mokule ya ti: “Hosianna, Omuna gwaDavid! Na lalekwe nuuyamba kuKalunga, oonguka te ya medhina lyOmuwa! Hosianna, gwokombandambanda!”
10 Ano sho e ya muJerusalem, oshilando ashihe osha piyagana. Aantu oya pula ya ti: “Olye nguka?”
11 Oongundu odha yamukula: “Nguka oye Jesus, omuhunganeki gwomuNasaret shaGalilea.”
Jesus to opaleke otempeli
(Mrk. 11:15-19Luk. 19:45-48Joh. 2:13-22)12 Jesus okwa yi motempeli e ta tidha mo ayehe ya li taa landa notaa landitha motempeli. Oye okwa tilehi iitaafula yaapingakanithi yiimaliwa niipundi yaahalithi yoonguti 13 nokwa ti: “Okwa nyolwa: ‘Ongulu yandje oyi na okwiithanwa ongulu yegalikano,’ ihe ne omwe yi ninga ombogo yaayugi.”
14 Aaposi niilema oye ya kuye motempeli, oye nokwe ya aludha. 15 Ano aayambi aakuluntu naalongimpango oya geye, sho ya mono iikumitha e yi longo, naanona mboka yi igidha motempeli ya ti: “Hosianna, Omuna gwaDavid!” 16 Oyo oye mu pula ya ti: “Ou uvite ko mbano shoka taa ti?”
Jesus okwa ti kuyo: “Eeno. Inamu lesha nani nando lumwe, sho taku tiwa: ‘Momakana guunona noguuhanona owa longekidhile mo ehambelelo.’ ”
17 Jesus okwe ya thigi po e ta zi mo moshilando. Oye okwa yi kuBetania nokwa kala ko uusiku auhe.
Omukwiyu tagu geyelwa
(Mrk. 11:12-14Mrk. 20-24)18 Jesus sho a meneka ongula ta shuna koshilando, okwa li a sa ondjala. 19 Pondjila okwa mono omukwiyu nokwa yi kugwo, ihe ina mona mo sha, omafo ageke. Oye a ti kugwo: “Ku imi we iiyimati sigo aluhe.” Omukwiyu nogwa si mbala.
20 Ano aalongwa sho ye shi mono, oya kumwa e taa pula: “Omukwiyu ogwa si ngiini nziyanziya?”
21 Jesus okwe ya yamukula a ti: “Ongame tandi mu lombwele: Andola mu na eitaalo, ne itamu limbililwa, ando otamu vulu, hashika ashike sha ningilwa omukwiyu, ihe otamu vulu wo okulombwela ondundu ndjika: ‘Itumba po mpaka, u iyundulile mefuta,’ notashi ningwa. 22 Nongele mwi itaala, otamu pewa kehe tuu shoka tamu shi indile megalikano.”
Jesus ta pulwa kombinga yepangelonkondo lye
(Mrk. 11:27-33Luk. 20:1-8)23 Jesus sho a yi motempeli, aayambi aakuluntu naakuluntu yoshigwana oye ya kuye, manga ta longo aantu, e taye mu pula: “Okoonkondo dhalye ho longo ngeyi? Olye e ku pa epitikilo?”
24 Jesus okwe ya yamukula a ti: “Nangame wo otandi mu pula epulo limwe. Ngele tamu li yamukula, nena nangame wo otandi mu lombwele, okoonkondo dhalye tandi longo. 25 Eshasho ndyoka lya ningwa kuJohannes, olya zi peni: okuKalunga nenge omaantu?”
Oya tameke okupatathana: “Natu tye ngiini? Ngele otwa yamukula: ‘OmuKalunga,’ ota ka tya: ‘Omolwashike ano inaamu itaala Johannes?’ 26 Ngele tatu ti ishewe: ‘Omaantu,’ nena otu na okutila aantu, oshoka aantu ayehe oya tala Johannes oye omuhunganeki.” 27 Oyo oya yamukula Jesus ya ti: “Katu shi wo.”
Nena Jesus okwa ti kuyo: “Ano nangame wo itandi mu lombwele, okoonkondo dhalye tandi longo ngeyi.
Eyele lyaamati yaali
28 “Otamu dhiladhila ngiini? Okwa li ku na omuntu e na oyana aamati yaali. Oye a yi komutango e ta ti: ‘Mumwandje, inda, u ka longe nena meyana lyandje lyomiviinu.’ 29 Oye a yamukula: ‘Inandi hala,’ ihe komeho okwi itedhulula e ta yi. 30 He okwa yi ihe komukwawo e te mu lombwele oohapu odho tuu ndhoka. Oye a yamukula: ‘Eeno tate,’ ye ina ya. 31 Oguni po gwaambaka yaali a gwanitha ehalo lyahe?”
Oyo oya yamukula: “Oonguka gwotango.”
Jesus okwa ti kuyo: “Otandi mu lombwele: Aafendelithi noohonda otaye mu tetekele okuya mOshilongo shaKalunga. 32 Oshoka Johannes okwe ya kune e te mu ulukile ondjila yu uka ndjoka mu na oku landula, ne inamu mu itaala, ihe aafendelithi noohonda oye mu itaale. Nokomeho nando mwe shi dhimbulula, inamu itedhulula, ne inamu itaala.”
Aalongi yeyana aawinayi
(Mrk. 12:12Luk. 20:9-19)33 Jesus okwa ti: “Pulakeneni eyele ekwawo. Okwa li ku na omusamane a tsike omiti dhomiviinu meyana lye. Oye okwe dhi gumbile enkolo, okwe dhi fulile oshilambo shokukolela mo omaviinu, okwa tungile mo ongulushungo nokwa langeke mo aalongi yeyana e ta yi kiilongo yokokule. 34 Ano oomviinu sho dha tiligana, mwene gweyana okwa tumu aamati ye kaalongi yeyana, ye mu pe iiyimati mbyoka e na oku yi pewa. 35 Aalongi yeyana oya kwata aamati ye, gumwe oye mu dhenge, omukwawo oye mu dhipaga nomutitatu oye mu dhipaga nomamanya. 36 Oye a tumununa ko aamati yalwe ye vule mbeyaka yotango, oyo noye ya ningile ngaashi yakwawo. 37 Lwahugunina okwa tumu ko omwana nokwa ti: ‘Omumwandje otaye mu tila.’ 38 Ihe aalongi yeyana sho ya mono omwana, oya kundathana ya ti: ‘Nguno omuthigululi, tu yeni, tu ke mu dhipageni, tse tu ye neliko lye.’ 39 Oyo oye mu kwata, oye mu umbu mo meyana noye mu dhipaga.
40 “Mwene gweyana ngele a galuka, ota ningi ngiini aalongi mbano?” Jesus okwe ya pula.
41 Oyo oya ti kuye: “Aakolokoshi mboka ote ya yonagula po nayi, neyana lyomiviinu ote li pe aalongi yalwe, mboka taye mu pe iiyimati pethimbo lyo opala.”
42 Jesus okwa ti kuyo: “Inamu lesha nani nando olumwe mOmanyolo, sho taku tiwa:
‘Emanya ndyoka aatungi ye li ekelehi,
olyo lya ningi emanya li na esimano li vule agehe.
Osha ningwa kOmuwa,
nosha ningi oshikumitha momeho getu.’
43 “Onkee ano tandi mu lombwele. Otamu ka kuthwa Oshilongo shaKalunga e tashi ka pewa aantu haa imike iiyimati mbyoka ya pumbiwa. 44 [Kehe tuu ngoka ta pundukile kemanya ndyoka, oye ota teka; naangoka ta gwilwa kemanya ndyoka, oye ota nyanyagulwa.”]
45 Ano aayambi aakuluntu naafarisayi sho yu uvu omayele ngaka gaJesus, oya dhimbulula kutya oyo taa popiwa. 46 Oyo oya kambadhala oku mu kwata, ihe oya tila aantu, oshoka oya tala Jesus oye omuhunganeki.
