Eeshalinghenda daKalunga inadi danaukifwa
1 Ovamwatate, inandi hala mu kale muhe shi shii, ootatekulu aveshe va kala koshi yoshilemo, naaveshe va pitila mefuta 2 naaveshe ova shashelwa muMoses moshilemo nomefuta, 3 naaveshe ova lya oikulya tuu imwe aike yopamhepo, 4 naaveshe ova nwa oshikunwa shimwe shopamhepo, osheshi ova nwa memanya lopamhepo ndele va shikula, emanya olo oKristus. 5 Ndelenee nande ongaha, vahapu vomuvo Kalunga ine va hokwa, osheshi vo ova nyonauninwa po mombuwa.
6 Ndele oinima ei oya ningilwa kufye edidiliko, tuha haluke owii ngaashi venya va halukile. 7 Ndele nye inamu ninga ovalongeli voikalunga ngaashi vamwe vomuvo, ongaashi pa shangwa: “Ovanhu va kala omutumba okulya nokunwa ndele va fikama va dane.” 8 Ndele inatu kaleni mohole yoipala, ngaashi vamwe vomuvo ve shi ninga, nova nyonwa pomayovi omilongo mbali nomayovi atatu mefiku limwe alike. 9 Ndele fye inatu shindeni Omwene, ngaashi vamwe vomuvo va shindile, ndele va lika po komayoka. 10 Ndele nye inamu ngongota yo ngaashi vamwe vomuvo va ngongotele, nova nyonwa po komunyonauni. 11 Ndelenee ei aishe oya ningilwa venya i kale elondwelo kufye noya shangwa oku tu kumaida, ofye ava twa hangika komaxulilo omafimbo ounyuni. 12 Onghee hano ou e lishii e li ofika, na lungame aha wile po. 13 Inamu hangika keyeleko limwe, olo tuu olo lopanhu, ndelenee Kalunga Oye omudiinini, ite mu efa mu yelekwe nomayeleko e dule eenghono deni, ndele mumwe neyeleko ota longele yo omhito yokupita mo, opo mu dule oku li humbata.
14 Onghee hano, ovaholike vange, indeni onhapo efimaneko loikalunga. 15 Ohandi mu lombwele ngaashi ovanaendunge; tokoleni nye vene eshi handi shi tongo. 16 Eholo lepuniko eli hatu li nangeke noupuna, kali fi hamba ekwatafano nohonde yaKristus? Omungome ou hatu u pambula, kau fi ekwatafano nolutu laKristus? 17 Osheshi omungome umwe, nosho fye vahapu olutu limwe; osheshi ofyeni atusheni twa tambula komungome ou umwe. 18 Taleni Israel yopambelela; ava hava li omayambo vehe nekwatafano noaltari? 19 Ohandi ti ngahelipi hano? Omayambo a yambelwa oikalunga oi na tuu sha, ile oshikalunga oshi na tuu sha? 20 Ahowe, ohandi ti, oinima ei ovapaani tave i yambele, otave i yambele eendemoni, haKalunga; ndele ame inandi hala mu kale mu nekwatafano neendemoni. 21 Itamu dulu okunwa meholo lOmwene nomeholo leendemoni, itamu dulu okulya koshililo shOmwene nokoshililo sheendemoni. 22 Ile otwa hala okuhandukifa Omwene? Ofye otu mu dule?
Elipangelo inali nyona eliudo
23 Aishe ohai ningwa, ndele haaishe i nekwafo. Aishe ohai ningwa, ndele haaishe tai tungu. 24 Inapa kala ou ta kongo ouwa waye mwene, ndelenee keshe umwe na konge ouwa wamukwao. 25 Ashishe hashi shingifwa pomalandelo, shi lyeni, inamu lipulapula nasha omolweliudo; 26 osheshi: “Edu olOmwene, naashishe shi yadi mo.” 27 Ndele ngeenge ku na ou ehe fi omwiitaveli te mu ifana, ndele mwa hala okuya ko, lyeni ashishe tamu shi pewa, muhe lipulaapule sha omolweliudo. 28 Ndele ngee ope na ou te mu lombwele: “Eshi osha yambelwa oikalunga,” inamu lya omolwaau e shi holola, nomolweliudo; 29 itandi popi eliudo loye, ndele olamukweni; elipangelo lange oshike li tokolwe keliudo lamukwetu? 30 Ndele ngeenge handi shi li nokupandula, oshike handi shekwa omolwaashi handi shi pandulile?
31 Onghee hano ngeenge tamu li ile tamu nu, ile keshe tuu eshi tamu shi ningi, ashishe shi ningeni okufimanekifa Kalunga. 32 Inamu yandja nande omuhau, nande okOvajuda ile okOvagreka ile keongalo laKalunga, 33 ngaashi naame onda dulika kovanhu aveshe omoinima aishe, noihandi kongo eshi sha wapalela nge, ndelenee oshosho sha wapalela vahapu, opo va xupifwe.
Inamu simaneka iikalunga
1 Onkee ano aamwameme, onda hala oku mu dhimbulutha shoka sha li sha ningilwa ootate, sho ya li ya landula Moses. Ayehe oya li megameno lyoshikogo noinaa mona oshiponga mokutokola Efuta etiligane. 2 Ayehe oya shashelwa moshikogo nomefuta mokulandula Moses. 3 Oyo oya lile ayehe oshikwiila shimwe shopambepo 4 noya nwine okunwa kumwe kwopambepo; oshoka oya nu momeya ga zi memanya lyopambepo ndyoka lye ende pamwe nayo; nemanya ndyoka oKristus. 5 Onkene tuu oyendji yomuyo Kalunga ine ya hokwa, ihe omidhimba dhawo odha halakanene nombuga ayihe.
6 Ano iinima ayihe ya tya ngeyi oyo iiholelwa yoku tu londodha, twaa longe iilonga iiwinayi, ngaashi yo ya ningile. 7 Inatu simaneka iikalunga, ngaashi yamwe yomuyo ye shi ningi, nongaashi enyolo tali ti: “Aantu oya kuutumba e taa li yo taa nu noya tutula uudhano.” 8 Inatu hondeleni, ngaashi yamwe yomuyo ya ningi; onkee oya yonwa po omayuvi omilongo mbali nagatatu mesiku limwe. 9 Inatu hindeni Omuwa, ngaashi yamwe yomuyo ye shi ningi e taa dhipagwa komayoka. 10 Inamu ngungutula, ngaashi yamwe yomuyo ye shi ningi e taa yonwa po komuyengeli gweso.
11 Iinima ayihe mbika oye ya adha, yi gune aantu yalwe noya nyolwa, yi tu londodhe. Oshoka otu li methimbo, uuna ehulilo li li popepi.
12 Ngoka ta dhiladhila kutya okwa thikama, na kotoke, kaa gwile po. 13 Emakelo ndyoka lye mu adha, olyo tuu ndyoka hali adha aantu ayehe, Kalunga oku shi kwiinekelwa. Onkee ite mu ethele memakelo li vule oonkondo dheni. Ihe ngele ta pitika, mu makelwe, ote mu pe ompito okuza mo mulyo noonkondo dhoku li humbata.
14 Onkee ano, ookuume aaholike, inamu simaneka iikalunga. 15 Otandi popi, ngaashi tandi lombwele aantu aanandunge; tokoleni ne yene okupopya kwandje. 16 Oshitenga shomayambeko shono hatu hambelelele Kalunga nohatu shi nu nokupaathana, ihatu nu nani ombinzi yaKristus? Noshikwiila shono hatu topola, ihatu topolelathana nani olutu lwaKristus, uuna tatu shi li? 17 Sho hatu li oshikwiila shimwe ashike, nonando otu li oyendji, otashi ulike kutya otse olutu lumwe, oshoka ohatu li oshikwiila shimwe.
18 Ipuleni, Aaisraeli mboka ya pitikwa okulya momayambo ngoka taga etelwa Kalunga, oye na ekwatathano neyambelo. 19 Onda hala okutya shike? Oshikalunga shoshene niikulya mbyoka tashi etelwa, otayi tu kwatha tuu sha? 20 Aawe, itayi kwatha sha. Onda hala okutya: omayambo ngoka taga yambelwa pomayambelo gopashipagani, itaga pewa Kalunga, ihe otaga pewa oombepo dhoompwidhuli. Ihe ngame inandi hala, mu kale mu na uukumwe noompwidhuli. 21 Itashi vulika, mu nwe moshitenga shOmuwa e tamu ka nwa ishewe moshitenga shoompwidhuli. Nenge mu lye koshililo shOmuwa e tamu ka lya ishewe koshililo shoompwidhuli. 22 Nenge otwa hala okugeyitha Omuwa? Otu na tuu oonkondo dhi vule dhe?
23 Aantu yamwe otaa dhiladhila kutya oya pitikwa okuninga shaa shoka ye shi hala. Eeno osho, ihe haayihe iiwanawa. Ayihe otayi vulika okuningwa, ihe haayihe tayi kwatha. 24 Inaku kala nando omuntu ta longo owala shoka she mu opalela, ihe na tale wo shoka tashi opalele mukwawo.
25 Ne omwa pitikwa okulya ashihe tashi landithwa puutomeno, itamu pumbwa okupula sha omolweiyuvo lyeni. 26 Oshoka nenyolo wo otali ti: “Evi alihe olyOmuwa nakehe shoka shi li mo.”
27 Omuntu kee shi omwiitaali ngele te ku ithana, u lye koshililo pamwe naye, nowa tokola oku shi ninga, lya ashihe shoka to pewa. Ito pumbwa okupula sha omolweiyuvo lyoye. 28 Ihe uuna to lombwelwa taku tiwa: “Iikulya mbika oya yambelwa iikalunga,” ino lya iikulya ya tya ngaaka omolweiyuvo lyaangoka e ku lombwele nolyoye mwene. 29 Shoka shi na oshilonga mpaka, kashi shi eiyuvo lyoye mwene, ihe olyamukweni.
Omuntu gumwe ota vulu okupula ta ti: “Omolwashike okukala kwandje ku na okupangelwa keiyuvo lyamukwetu? 30 Ngele ohandi hambelele Kalunga molwiikulya yandje, omolwashike ndi na okupewa uusama molwiikulya handi yi hambelelele Kalunga?”
31 Onkee ano mwaashihe shoka tamu ningi, ngele tamu li nenge tamu nu, longeni ayihe nokusimanekitha Kalunga. 32 Kotokeni, mwaa pukithe Aajuda naapagani nenge egongalo lyaKalunga. 33 Holelii ndje. Ngame itandi landula nando shoka sho opalela ndje, ihe ooshoka sho opalela yakwetu ayehe, ya hupithwe.
