Jona medimo loshi Eilikano laye nemangululo
1 Ndele Jona okwa ilikana Omwene Kalunga kaye medimo loshi, ndele ta ti:
2 “Moudjuu wange onda kuwa kOmwene,
ndele Ye a uda nge.
Moshovafi onda kuwa onghuwo,
Ove owa uda ondaka yange.
3 Ove wa ekela nge mokule mwi koshi yefuta
opo omatondokelo omeva a dingilila nge,
okwiilauka kwomakufikufi oye aeshe a tuvikila nge.
4 Opo nee ame nda tya:
Ame onda tewa po koshipala shoye.
Nande ongaha ohandi ka tala vali
otembeli yoye iyapuki.
5 Omeva okwa dingilila nge fiyo okomwenyo wange,
oule owe lidingilila nge,
omanenge okwa tangaela nge komutwe wange.
6 Ame onda ninginina mo
fiyo okomikangha deemhunda.
Oidilifo yedu ya patela nge mo fiyo alushe.
Ndelenee Ove wa shila mo omwenyo mekololo,
Omwene, Kalunga kange.
7 Omwenyo wange eshi we liumbilila mwaame,
onda dimbulukwa Omwene
neilikano lange la fika kwoove,
motembeli yoye iyapuki.
8 Ovo tava fimaneke oikalunga yongaho,
otava ekeleshi ou te va filonghenda.
9 Ndelenee ame nda hala oku ku yambela
nondaka yepandulo.
Eshi nde shi udanekela, ohandi ke shi wanifa.
Exupifo oli li mOmwene.”
10 Opo Omwene okwa lombwela oshi oyo, i kungile Jona koukukutu.
Egalikano lyaJona
1 Mela lyohi Jona okwa galikana Omuwa a ti:
2 “Muudhigu wandje onde ku ithana, Omuwa,
nangoye owa yamukula ndje.
Omuule, muuyuni wokuusi onda kugile ekwatho,
nangoye owu uvu ndje.
3 Ongoye wa dhogele ndje muuleeleka,
sigo okondaandelo yefuta,
nkoka omeya ga li ga kuwike ndje,
nomakuthikuthi goye agehe goonkondo oga gwilile ndje pa.
4 Onda dhiladhila kutya onda pegulwa ko koshipala shOmuwa
nokandi na we mpo ne mono otempeli yoye ondjapuki.
5 Omeya oga siikile ndje taga li ndje oshuunguungu,
efuta olya kuwike ndje thiluthilu,
oombungufuta odha kutunine omutse gwandje.
6 Onda mbolokele sigo okomidhi dhoondundu,
eeno, sigo okoshilongo shomiyelo dha patwa aluheluhe.
Ihe ongoye, Omuwa Kalunga kandje,
owa galula omwenyo gwandje mombwili.
7 Sho nda li ndu uvite omwenyo gwandje tagu thigi ndje po,
onde ku galikana, Omuwa,
motempeli yoye ondjapuki ngoye nou uvu ndje.
8 Mboka haa simaneke iimenka kaayi na ntumbu,
otaa etha okuvulika kungoye.
9 Ihe ngame otandi ku imbile omahambelelo;
otandi ku yambele ondjambo
e tandi gwanitha shoka ndu uvaneke.
Ehupitho otali zi kOmuwa.”
10 Nena Omuwa okwa lombwele ohi, yi kungile Jona komunkulo, noye shi ningi.
