Omukainhu a djalekwa etango
Ongadu novaengeli vayo tava tewa kuMikael ndele tava ekelwa pedu
1 Ndele meulu omwa monika edidiliko linene. Omukainhu ou a djalekwa etango, nohani ya kala koshi yeemhadi daye, nokomutwe waye oshishani sheenyofi omulongo nambali. 2 Oye okwa li omufimba nokwa kuwa mokufetwa nomokuyehamekwa kokudala.
3 Nedidiliko likwao la holoka meulu: Tala, ongadu inene itilyana ya fa omundilo, i nomitwe heyali neembinga omulongo, nokomitwe dayo oishani iheyali. 4 Nomushila wayo wa komba po oshititatu sheenyofi domeulu, ndele ye di ekela pedu. Nongadu oya kala ofika komesho yomukainhu ou e li pokudala, i xwake po okaana kaye, ngeenge ka dalwa. 5 Oye nokwa dala okaana okalume, ke nokulifa oiwana aishe nodibo yoshivela, nokaana kaye oka vakulwa, ka kale puKalunga nopolukalwapangelo laye. 6 Nomwalikadi okwa ya onhapo mombuwa, oku Kalunga e mu longela onhele, opo a palulilwe ko omafiku eyovi nomafele avali nomilongo hamano.
7 Ndele meulu omwa tukuluka olwoodi; Mikael novaengeli vaye va lwifa ongadu. Nongadu novaengeli vaye ova lwa yo, 8 ndele ova nyengwa, nonhele yokukala kwavo meulu inai monika vali. 9 Nongadu inene ya ekelwashi, eyoka likulu, la ifanwa ondiaboli naSatana, ou ta hongaula ounyuni aushe, okwa ekelwa pedu, novaengeli vaye ova ekelwashi yo pamwe naye.
10 Onda uda ondaka inene meulu ya tya: “Paife exupifo neenghono nouhamba owa ninga waKalunga ketu, nepangelo olaKristus waye, osheshi omuhokololifi wovamwatate vetu okwa ekelwashi, ou kwa li he va hokololifa koshipala shaKalunga omutenya noufiku. 11 Ovo ve mu finda nohonde yOdjona neendjovo domahepaululo avo, ndele va li inava hokwa eemwenyo davo fiyo okufya. 12 Onghee hano nyakukweni, onye omaulu, naava mwa kala muwo! Woo, edu nefuta, osheshi Satana a kulukila kunye nehandu linene, osheshi e shi shii e nokafimbo kaxupi kongaho.”
13 Hano ongadu ei eshi ya mona ya ekelwashi kombada yedu, oya ka shikula omukainhu ou a dala okamati. 14 Omukainhu okwa pewa omavava avali onhwa inya inene, a ka tukile kombuwa konhele yaye, oko ta ka palulwa efimbo limwe nomafimbo netatafimbo, a kale kokule noshipala sheyoka. 15 Neyoka la pembela omukainhu omeva, a dja mokanya kalo a fa omulonga, a twaalelwe komulonga. 16 Nedu ola kwafa omukainhu: la akamifa okanya kalo, ndele la pona omulonga ou ongadu ye u pemba mokanya kayo. 17 Nongadu oya handukila omwalikadi, ndele oya ya i ka lwife ovakwao vomepata laye, ava hava diinine oipango yaKalunga, ndele ve na ehepaululo laJesus. 18 Ndele yo oya kala ofika peheke lefuta.
Omukiintu noshikoko
1 Endhindhiliko enene olya holoka kegulu: omukiintu a zala etango, nomwedhi gu li kohi yoompadhi dhe, noku na oshishani shoonyothi omulongo nambali komutse gwe. 2 Oye okwa li metegelelo li li pokuvalwa, nokwa kugu omoluuwehame nomolwoshitheta shopokuvala.
3 Endhindhiliko ekwawo olya holoka kegulu. Okwa li ku na oshikoko oshinene oshitiligane shi na omitse heyali nooniga omulongo, nokomutse kehe gwasho oku na oshishani. 4 Osho osha kombo po nomushila gwasho oshititatu shoonyothi dhokegulu noshe dhi umbile kombanda yevi. Oshikoko shika osha thikama sha taalela omukiintu ngoka ta hala okuvala, shi lye po okanona, ngele ka valwa. 5 Nena omukiintu okwa vala okanona okamati, hoka ke na okupangela iigwana ayihe nondhimbo yosheela. Ihe okanona hoka oka fegulwa po noka falwa puKalunga noposhipangelapundi she. 6 Omukiintu okwa ka holama mombuga. Oko hoka Kalunga okwa li e mu longekidhila ehala noko ta kala ta silwa oshimpwiyu uule womasiku geyovi limwe nomathele gaali nomilongo hamano.
7 Opo ihe megulu omwa tukuluka olugodhi. Mikael naayengeli ye oya kondjitha oshikoko pamwe naayengeli yasho. 8 Oshikoko naayengeli yasho oya sindika yo inaa pitikwa we okukala megulu. 9 Oshikoko oshinene oshu umbwa mo megulu. Osho eyoka ndyoka hali ithanwa omuhindadhi nenge Satana, ngoka ta pukitha uuyuni auhe. Oshu umbilwa kombanda yevi pamwe naayengeli yasho ayehe.
10 Nena ondu uvu ewi enene megulu tali ti: “Ngashingeyi ehupitho lyaKalunga olye ya! Ngashingeyi Kalunga okwa holola oonkondo dhuukwaniilwa we. Ngashingeyi Kristus okwa holola oonkondo dhe dhokupangela. Oshoka omutamaneki gwaamwatate, ngoka ha thikama koshipala shaKalunga omutenya nuusiku, oku umbwa mo megulu. 11 Aamwatate oye mu sindi koonkondo dhombinzi yOnzigona nodhoohapu dhoshili ndhoka ye dhi uvitha. Oyo oya li nokuli ya hala okuhupula oomwenyo dhawo, ya se. 12 Onkee ano nyanyukweni, ne omagulu naantu amuhe mboka mu li mo! Ihe iihuna otayi ka kala yi thike peni kombanda yevi nomefuta! Oshoka omuhindadhi okwa kulukile kune u udha ondjahi, sho e shi shi kutya oku na ko ashike okathimbo okafupi kowala.”
13 Ano oshikoko sho sha mono kutya shu umbilwa kombanda yevi, osha tameke okutidha omukiintu ngoka a vala okanona okamati. 14 Omukiintu okwa pewa ihe omawawa gontsa onene, opo a tukile keha lye mombuga, hoka ta ka kala ta silwa oshimpwiyu nokwa gamenwa komapukitho geyoka uule woomvula ndatu netata. 15 Nena eyoka olya kungu omeya ga fa gomulonga, lya kungile omukiintu, opo ando a faalelwe kefundja lyomeya ngoka. 16 Ihe evi olya kwatha omukiintu, sho lya nina po omeya ngoka ga kungwa koshikoko. 17 Oshikoko osha sile omukiintu ondjahi nosha yi, shi ka kondjithe oyana mboka ya hupu ko, oomboka haa vulika kiipango yaKalunga nohaa dhiginine oshili ndjoka ya hololwa kuJesus. 18 Nena oshikoko osha thikama pooha dhefuta.
