Okuliteeka kwaIsrael nokuhandukilwa kwaye
1 Emoniko laJesaja yaAmos, ye e li hololelelwa tali tongo Juda naJerusalem, opomafiku aUssia naJotam naAhas naHiskia, eehamba daJuda. 2 Akutu omaulu, udeni, nedu ove, tula momatwi oye, osheshi Omwene ota popi: “Ame onda tekula ounona nonde va kulifa, ndele vo ova twa ondubo naame. 3 Ongobe oi shii mwene wayo, nokandongi oke shii etemba lokulila mo lamwene wako, ndelenee Israel iha shiiva novanhu vange inave shi didilika.”
4 Woo, oshiwana shovalunde, ovanhu vomatimba mahapu, noludalo laava ihava udu ko, ounona ovanyoni. Ova efa Omwene, va dina Omuyapuki waIsrael ndele ve mu pilamena. 5 Omwa hala natango mu dengwe peni, eshi natango tamu twikile okuliteeka? Omutwe aushe otau vele, nomutima aushe u noudu. 6 Okudja koshififinwa fiyo okomutwe kape na nande onhele ya yela, ndelenee oipute noivadi noitoshoulwa, oyo inai tumbwa noinai mangwa, yo inai vaekwa omaadi. 7 Oshilongo sheni osha ninga omaputu, noilando yeni oya xwikwa po, omapya eni otaa teywa po kovanailongo moipafi yeni; sha ninga omaputu, ngaashi naanaa sha hanaunwa po kovanailongo. 8 Omona okakadona kaSion oye aeke a xupa po, a fa etwali mepya lomiviinyu. A fa okanduda moshikunino shomatanga, a fa oshilando sha kondekwa. 9 Omwene womatanga ovakwaita ngeno ine tu xupifila oixupe, ei ya xupa, ngeno otwa kala ngaashi Sodom notwa ninga ngaashi Gomorra.
Elongelokalunga loipupulu
10 Pwilikineni ondjovo yOmwene, onye ovakulunhu vaSodom! Tuleni momatwi omhango yaKalunga ketu, nye ovanhu vaGomorra! 11 Omwene ta ti: “Omatomenoyambo eni mahapuhapu ohandi a ningi shike? Ame onda nyonyodola komaxwikiloyambo eedi nomaadi outana va ondolwa. Ohonde yeemhedi noyeedi noyoikombo inandi i hala. 12 Ngeenge nye tamu holoka koshipala shange, olyelye te mu fininike mu lyate momaluumbo ange? 13 Inamu eta vali eendjayambo dongaho; omatwimino oo, oixuna yongaho kwaame. Eehani dipe nomashabata nomaifano oiongalele, okwa tondwa komwenyo wange, oulunde pamwe noivilo inene. 14 Omwenyo wange otau tondo eehani deni, nomafimbo eni oivilo, okwa ninga omutengi mudjuu kwaame, onda loloka oku u humbata. 15 Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde. 16 Likosheni, lifeteni; kufeni po owii womoilonga yeni koshipala shange, nye mu efe okulonga owii. 17 Lilongeni okuninga ouwa; shikuleni ouyuki, hekelekeni ovafininikwa, tokoleleni, eefiye etokolo liyuki, popileni ovafiyekadi.”
Eudaneko nehanyeno
18 Tu yeni tu ka hokololeni Omwene ta ti: “Omatimba eni nande naa tilyane ngaashi ohonde, otaa ka toka ngaashi outokele weemhawe; nonande naa kale a tilyana pyu, otaa yela ngaashi omalududi a toka. 19 Ngeenge tamu dulika ndele tamu udu ko, otamu kala mo ndele tamu ka lya ouwa wedu. 20 Ndelenee ngeenge otamu anye ndele tamu, kala nokunangatela, otamu lika po keongamukonda; osheshi okanya kOmwene oke shi popya.”
21 Woo, oshilando oshidiinini osha ninga ngahelipi oshimbwada! Sho osha li shi yadi etokolo la yuka, nouyuki omo wa li, ndelenee paife osha yada ovadipai. 22 Oshisiliveli shoye osha shituka omange, nomaviinyu oye manyenye okwa nyika omeva. 23 Ovakulunhu voye ova ninga ovanandubo novakwao vovalunga; keshe umwe womuvo e hole okupewa ombubo, ndele ta lovelele ondjabi. Eefiye itadi yakulwa, neendjovo dovafiyekadi itadi fiki ko kuvo.
24 Opo nee Omwene, Omwene womatanga ovakwaita, Omunaenghono waIsrael ta popi, ta ti:
“Woo! Ehandu lange onda hala oku li polifila movatondi vange nonghone yange okwaava va twa ondubo naame. 25 Ndele eke lange otali ke ku kondjifa nohandi ka hemuna mo mwoove omange, ndi a hemunife omongwa nomute, ndele handi koona mo oholo aishe yoye. 26 Ndele onda hala ndi ku pe ovatokoli ngaashi va li mo nale, novapukululi voye ngaashi sha li pehovelo. Opo nee oto ka ifanwa oshilando shouyuki, noshilando shoudinini.” 27 Sion ota kulilwa ketokolo liyuki tave lidilululile muye okouyuki. 28 Ndelenee ovatauluki novalunde otava ka hanaunwa po sheke; naava tave liteeka Omwene otava manwa po filu. 29 Osheshi otamu ka fifwa ohoni omolwomiandi mwa li mwe di hokwa, ndele tamu ka pembifwa kohoni omolwoikunino yeni mwe i lihoololela. 30 Osheshi otamu ka kala ngaashi omwandi tau yaumuka omafo nongaashi oshikunino shihe nomeva. 31 Ndele ovanaenghono otava ka ninga oitemifo, noilonga yavo otai ka ninga eehandje, naaishe ei ivali otai pile mumwe, ndele kape nomunhu te u dimi.
1 Membo muka omu na omatumwalaka taga popi Juda naJerusalem, ngoka Kalunga e ga hololele Jesaja yaAmos muuyuni waakwaniilwa yaJuda Usia, Jotam, Ahas naHiskia.
Oshigwana oshinandumbo
2 Omuwa okwa popi a ti: “Uva ko, ngoye egulu! Nangoye evi, pulakena! Onda kokitha aanona nonde ya putudha, ihe oya tsile ndje ondumbo. 3 Ongombe oyi shi mwene gwayo, nokasino etemba lyokulila lyamwene gwako, ihe Israel ina tseya sha, aantu yandje kayu uvite ko.”
4 Yaye ngoye, oshigwana shuulunde, ne aantu mwa yona nayi, oluvalo lwaakolokoshi, aana yaatangalali! Omwi iteka Omuwa, omwa sheke Kalunga kaIsrael omuyapuki nomwe mu pilamene. 5 Omwa hala ngaa natango okudhengwa, sho tamu kala mwa tsa ondumbo? Israel, omutse gwoye ogu udha oombole, nomutima gwoye ogwa ala. 6 Okuza koshithi shompadhi sigo okomutse kaku na eha li li nawa. Okwa kanyata iilalo, omadhidhimika nomatuntila ngoka inaaga pangwa, inaaga mangwa go inaaga tulwa omuti.
7 Oshilongo sheni osha mbugala, niilando yeni oya lungunithwa po. Montaneho yeni aakwiilongo oya yugu po omapya geni; oga ninga omaputa, sho ga hanagulwa po kaayeni. 8 OJerusalem ashike sha hupu po, oshilando shi li mekondeka — osha fa shaa na epopilo, sha fa etsali lyomukeeleli gwoshitsambe shomiviinu nenge etala moshilonda shuutanga. 9 Ando Omuwa Omunankondoawike ine tu hupithila aantu yamwe, ando twa kombwa po twa fa Sodom notwa ningwa ngaashi Gomorra.
10 Jerusalem, aaleli yoye naantu yoye oya fa Aasodomu nAagomorra. Pulakena shoka Omuwa ta popi te ku lombwele. Ndhindhilika shoka Kalunga ketu te ku tsomayele. 11 Ota ti: “Ou shi onda hokwa oontselelandjambo adhihe ndhoka tamu yambele ndje? Onda kuta koonzi ndhoka mwa lungunitha dhi ninge omafikilondjambo nokomagadhi gomitanda dheni dho ondodhwa. Onda kunyukwa ombinzi yoontsezi, yoonzi noyiikombo. 12 Olye e mu lombwele, mu yi etele ndje ayihe, sho tamu holoka koshipala shandje? Olye e mu lombwele, mu ye motempeli yandje nokulyatagula kweni? 13 Inamu etela ndje we oondjambo dhiikulya dhaa na oshilonga! Iitsinino oyo iihuna kungame. Ite vulu we okwiidhidhimikila iituthi yeni yOmwedhi omupe, Omasabati niigongi yeni yomalongelokalunga. Ayihe oya nyatekwa kuulunde weni. 14 Otandi tondo iituthi yeni yOmwedhi omupe nomasiku geni omayapuki; ogo omutenge nda vulwa oku gu humbata.
15 “Uuna tamu yelutha omaako geni megalikano, itandi ke mu tala nando. Nando mu galikane olule ngiini, itandi ka pulakena, oshoka iikaha yeni oya nika ombinzi. 16 Iyogeni, mu yele. Etheni uuwinayi mbuka ndi wete tamu u ningi. Eeno, etheni okulonga iihuna, 17 ne mu ilonge okulonga uuwanawa. Seni oshimpwiyu uuyuuki u gwanithwe, kwatheni aahepekwa, uthileni oothigwa, nomu popile aaselekadhi.”
18 Omuwa ota ti: “Ileni tu ka tamananeni. Oondjo dheni nando nadhi kale dha tiligana mbyumbyumbyumbyu, otadhi ka toka dha fa oompawe; nonando nadhi kale dha tiliganenena, otadhi yele dha fa omafufu omatokele goonzi. 19 Ngele otamu zimine nokuvulika kungame, otamu ka lya uutoye wevi lyeni. 20 Ihe ngele otamu tindi nomwa tangalala, otamu ka dhipagwa kegongamwele. Ongame Omuwa nde dhi popi ndhoka.”
Oshilando shuulunde
21 Oshilando shoka sha li nale oshidhiginini, osha ningi sha fa ohonda! Nale osha li shu udha aayuuki, ihe ngashingeyi aadhipagi ya kala mo. 22 Jerusalem, nale owa li wa fa oshisiliveli, ihe ngashingeyi owa kanitha omwago; owa li wa fa omaviinu go gene, ihe ngashingeyi wa hayuka wa fa omeya gowala. 23 Aawiliki yoye oya ningi aanandumbo nookuume kaafuthi. Ohaa taamba oombumbo nohaa lalakanene omilongelo. Ihaa popile oothigwa moompangu nenge ya pulakene aaselekadhi, uuna taa eta uudhigu wawo.
24 Onkee ano ngashingeyi pulakeneni, sho Omuwa Omunankondoawike, Kalunga kaIsrael omunankondo ta popi ta ti: “Otandi mu kwatele iikonene, ne aatondi yandje, noitamu ka etela ndje we omukundu gwasha. 25 Otandi ke mu kondjitha. Otandi ke mu yelitha, ngaashi osheela hashi yelithwa, e tandi mu kutha ondoya nomulilo. 26 Otandi ke mu pa aatokolihapu ya fa mbeyaka yonale, naagandjindunge ngaashi ya li petameko. Nena Jerusalem otashi ka ithanwa oshilando shuuyuuki, oshilando oshidhiginini.”
27 Omuwa ota hupitha Jerusalem naamboka ye li mo yi itedhulula, oshoka oye omuyuuki. 28 Ihe aanandumbo naayoni ote ya hanagula po nota dhipaga po mboka taye mu etha po.
29 Otamu ka sithwa ohoni omolwomiti ndhoka dhiidhila mwe dhi longele; otamu ka yemata omolwiikunino mbyoka yiinonoma mwa hogolola. 30 Otamu ka kala mwa fa omwandi tagu si, mwa fa oshitsambe ihaashi tekelwa. 31 Ngashi naanaa oshihenguti tashi hwamekwa kohandje, osho wo niilonga yaanankondo tayi ka hanagulwa po kuukolokoshi wawo nokaku na nando ogumwe ta vulu okumweneka ehanagulo ndyoka.
