Jesus ta velula ndele ta longo ovanhu
1 Ndele opa ningwa, Ye eshi e uya meumbo lomukulunhu wOvafarisai mEshabata okulya omungome, vo ove mu nangela. 2 Ndele tala, moipafi yaye omwa li mu na omunhu a vela oshidinda. 3 Ndele Jesus okwa hovela okupopya ta ti kovanongo vomhango nokOvafarisai: “Osha yuka tuu okuvelula omunhu mEshabata ile ahowe?” 4 Ndelenee vo ova mwena filu. Ye okwe mu kuma, e mu velula ndele okwe mu lekela. 5 Ndele Ye okwe va lombwela: “Olyelye hano womunye e nondongi ile ongobe tai wile momufima, ndele ite i shili mo ngeno divadiva nande oku naEshabata?” 6 Ndele vo ova nyengwa okunyamukula eendjovo edi.
7 Ndele eshi a mona ovaenda ve lihoololela oipundi yokomesho, okwe va lombwela efaneko ta ti: 8 “Ngeenge ove to ifanwa kuumwe koshivilo shehombolo, ino kala omutumba koshipundi shokomesho, puha ningwe ngeenge tape uya omwiifanwa umwe e ku dule oulenga, 9 ndele ou e mu ifana amushe, ngeenge te uya aha tye kwoove: ‘Yapukila ou ndele opo u nokuya koshipundi shokonima wa fya ohoni.’ 10 Ndele ngeenge wa ifanenwa ko, kala omutumba koshipundi shokonima, naau e ku ifana, ngeenge te uya mo ote ku lombwele: ‘Kaume kange, ehena pombada,’ opo to fimanekwa moipafi yaaveshe ve li pamwe naave poshililo. 11 Osheshi keshe ou te linenepeke ota ninipikwa, naau te lininipike ota ka nenepekwa.”
12 Ndele Ye okwa lombwela ou e mu ifana po ta ti: “Ngeenge to pake po omwisha ile ouvalelo, ino ifana ookaume koye ile ovamwanyoko ile ovakweni ile ovashiinda voye oipuna, vehe ku ifane yo, ove u futwe ngaha. 13 Ndele ngeenge to pake po oitelekela, ifana ovakwanaluhepo noingudu noilema novapofi. 14 Ndele ove to ningi omunelao, osheshi ovo kave na eshi tave ku pe, ndele to ka futilwa menyumuko lovayuki.”
Efaneko loitendele ei inene
15 Ndele umwe womovaenda eshi e di uda okwa tya kuye: “Omunelao oyou ta ka lya omungome mouhamba waKalunga.” 16 Ndelenee Ye okwa tya kuye: “Omulumenhu umwe okwa teleka oitendele inene, ndele a shivila mo vahapu. 17 Ndele efimbo loitendele eshi la fika, ye okwa tuma ko omupiya waye a ka lombwele ovashivwa: ‘Ileni, osheshi ashishe sha longekidwa nokuli.’ 18 Ndele vo aveshe ova hovela okwaanya panghedi imwe. Wotete okwa tya kuye: ‘Ame onde lilandela epya, nondi nokuya ko ndi ke li tale, ohandi ku indile, popile nge.’ 19 Namukwao okwa tya: ‘Ame onda landa eenhani deendjoko nhano, ondi na oku ke di hetekela, handi ku indile, popile nge.’ 20 Nomukwao vali okwa tya: ‘Ame onda hombola, onghee itandi shiiva okuya ko.’ ” 21 “Ndele omupiya okwa aluka ndele okwa hepaululila omwene waye adishe, ndele mwene weumbo okwa handuka, ndele ta lombwele omupiya waye: ‘Endelela, inda keendjila nokomalila oshilando, ove u ka ete mo oingudu neehepele novapofi noilema.’ 22 Ndele omupiya okwa tya: ‘Omwene, onda wanifa eendjovo doye, ndele natango ope nonhele.’ 23 Omwene okwa lombwela omupiya: ‘Inda komalila omikunda nokomangholo eengubu, ove u va kondjife shili okuuya mo, eumbo lange li yade, 24 osheshi ohandi mu lombwele, kape na nande umwe womovalumenhu venya va ifanenwe ta makele oitendele yange.’ ”
Okushikula Jesus otaku pula shike?
25 Ndele eengudu dinene oda enda pamwe naye, Ye okwa punguluka ndele ta ti kudo: 26 “Ngeenge ope na ou te uya kwaame, ye ita tondo xe naina, omukainhu waye novana, novamwaina ovamati noukadona nomwenyo waye mwene nokuli, okwa nyengwa okuninga omulongwa wange. 27 Ndele ou ita humbata omushiyakano waye ndele ta shikula nge, ye ita dulu okukala omulongwa wange. 28 Osheshi ngeenge oku na ou womunye a hala okutunga ongulushungo, ita kala omutumba manga ngeno, ndele ta valula oitungifo, ngeenge oku na oimaliwa oku i wanifa, 29 opo shiha ninge, eshi a tunga ekanghameno ndele ota nyengwa oku i xulifa, aveshe ava ve mu tala, tava hovele oku mu sheka ndele tava ti: 30 ‘Omunhu ou okwa hovela okutunga, ndele okwa nyengwa okuxulifa.’ 31 Ile ngeenge oku na ohamba tai i koita i ka homone ohamba imwe, itai kala manga omutumba i lipulapule, ngeenge otai dulu nomayovi ayo omulongo umwe okushakeneka winya te uya nomayovi omilongo mbali? 32 Ndele ngeenge ya nyengwa, otai tumu ko ovatumwa, mukwao fimbo e li kokule ndele tai mu indile ombili. 33 Osho tuu kape na nande umwe womunye ta dulu okukala omulongwa wange, ngeenge ita efa aishe ye e i kwete.
34 “Heeno, omongwa oo oshinima shiwa, ndele omongwa ngeenge tau tutuka, otau nyenyepekwa vali nashike? 35 Inau wapalela mepya nomoushosho, otau ekelwashi ashike pondje. Ou e na omatwi okuuda, na ude ko.”
Jesus ta aludha omulumentu e na oshizinda
1 Esiku limwe lyEsabati Jesus okwa yi megumbo lyagumwe gwomaafarisayi mboka aakuluntu, a ka lye; aantu oya li ya langela Jesus. 2 Omulumentu a li a zinda olutu aluhe, okwe ya kuJesus. 3 Nena Jesus okwa yi mo moohapu nokwa pula aanongompango naafarisayi a ti: “Ompango yetu otayi pitika tuu, omuntu a aludhe mEsabati nenge aawe?”
4 Ihe inaa yamukula sha. Jesus okwa kutha omulumentu ngoka nokwe mu aludha e te mu lombwele, a ye. 5 Nena okwe ya lombwele a ti: “Ngele gumwe gwomune oku na omwana omumati nenge ongombe e tayi gwile momuthima mEsabati, ite yi hili mo andola nonando Esabati?”
6 Ihe kaya li taa vulu oku mu yamukula moshinima shika.
Elongo kaayenda nokomwiithani
7 Jesus okwa dhimbulula, aayenda yamwe yi ihogololele iipundi ya simana, onkee ayehe okwe ya lombwele eyele ndika a ti: 8 “Ngele ku na ngoka e ku hiya koshituthi shohango, ino kuutumba kiipundi ya simana, oshoka otashi vulika, ku na gumwe a simana e ku vule, a hiywa wo. 9 Nena omwiithani gweni amuhe yaali ote ya e te ku lombwele ta ti: ‘Pa mukweni nguka eha lyoye.’ Nena oto kala wa sa ohoni, sho u na okukuutumba mehala lyokonima. 10 Ihe ngele wa hiywa, inda u ka kuutumbe mehala lyokonima, opo ngoka e ku hiya ngele te ya, ote ku lombwele ihe: ‘Kuume kandje, ila huka kehala ewanawa.’ Shika otashi ku simanekitha montaneho yaayenda yalwe ayehe. 11 Oshoka ngoka ti inenepeke, ota shonopekwa, naangoka ti ishonopeke, ota nenepekwa.”
12 Nena Jesus okwa ti kungoka e mu hiya: “Ngele to paka po omwiha nenge uulalelo, ino hiya ookuume koye nenge aamwanyoko aalumentu nenge aanezimo yoye nenge aashiinda yoye aayamba, oshoka mboka otaye ke ku hiya komeho e to futilwa mushoka we shi ningi. 13 Hiya oohepele, iitiningili, iilema naaposi. 14 Nena oto kala wa yambekwa, oshoka mbaka kaye na sha shoku ku pa. Ihe oto ka futwa kuKalunga, uuna mboka ya longa uuwanawa taa ka yumudhwa kuusi.”
15 Gumwe gwaayenda mboka ya li ya kuutumba poshililo, sho e shi uvu, okwa ti kuJesus: “Aanelago oomboka taa ka lya koshililo mOshilongo shaKalunga.”
16 Jesus okwa ti kuye: “Omusamane gumwe okwa longekidha oshituthi oshinene nokwa hiya aantu oyendji. 17 Ano ethimbo lyoshituthi sho lya thiki, okwa tumu omumati gwe, e ki ithane aahiywa ta ti: ‘Ileni, ayihe oya longekidhwa.’ 18 Ihe ayehe oya tameke okutinda komukalo gumwe. Gwotango okwa ti komutumwa: ‘Ngame onda landa epya, ondi na okuya ko, ndi ke li tale.’ 19 Mukwawo okwa ti: ‘Ngame onda landa oonani omulongo, otandi yi, ndi ke dhi tale, nkene tadhi longo. Otandi ku indile, u mangulule ndje.’ 20 Gumwe ishewe okwa ti: ‘Ngame opo nda hokana, itandi vulu okuya.’
21 “Omumati okwa galuka nokwa hokololele omuwa gwe ashihe. Nena omusamane mwene gwegumbo okwa geye nokwa ti komumati gwe: ‘Endelela, u ye koondjila nokomapandaanda goshilando.’ 22 Omumati okwa ti: ‘Omuwa, onda longo, ngaashi wa lombwele ndje, ihe natango omu na eha.’ 23 Nena omuwa okwa ti komumati: ‘Inda natango koondjila nomapola, u ya lombwele, ye ye mo, opo egumbo lyandje lyu udhe. 24 Oshoka otandi mu lombwele: Kaku na nando ogumwe gwaalumentu mbeyaka yi ithanenwe tango, ta makele iikulya yandje.’ ”
Otashi ku pula shike okukala omulongwa
(Mat. 10:37-38)25 Oongundu oonene dhaantu odhe ende pamwe naJesus. Oye okwa taalele kuyo e ta ti: 26 “Kehe ngoka te ya kungame, ita vulu okuninga omulongwa gwandje, ngele ita dhimbwa he nayina, omukiintu gwe noyana, aamwayina aalumentu naakiintu, naye mwene nokuli. 27 Kehe ngoka itaa humbata omushigakano gwe e ta landula ndje, ita vulu okuninga omulongwa gwandje.
28 “Ngele ku na gumwe e na edhiladhilo okutunga oshungo, oku na okukuutumba tango, a yalule kutya otayi pula shi thike peni, ye a tale, ngele oku na iimaliwa ya gwana oku yi tunga sigo ya pu. 29 Opo shaa ninge, sho a mana okutunga ekankameno, ta ka nyengwa okuhulitha etungo alihe. Nena ayehe mboka taye shi mono, otaye ke mu sheka 30 taa ti: ‘Omulumentu nguka okwa tameke okutunga, ihe okwa nyengwa okuhulitha etungo.’ ”
31 “Omukwaniilwa gwontumba ngele ta yi, a ka kondjithe omukwaniilwa mukwawo gulwe, ita kuutumba manga, a dhiladhile, ngele ota vulu naalumentu omayuvi omulongo gumwe aguke okutsakaneka ngoka te ya nomayuvi omilongo mbali? 32 Ngele a nyengwa, ota tumu ko aatumwa, manga ngwiyaka e li kokule, e mu indile ombili. 33 Osho tuu kaku na nando ogumwe gwomune ta vulu okukala omulongwa gwandje, ngele ite etha ayihe e yi na.”
Omongwa gwaa na oshilonga
(Mat. 5:13Mrk. 9:50)34 “Omongwa ogwo oshinima oshiwanawa, ihe uuna tagu hahuka, otagu toyalekwa we nashike? 35 Itagu opalele we mepya nenge muuhoho, otagu ekelwahi owala. Ngoka e na omakutsi, nu uve ko!”
