Jeremia ta dengwa ndele ta kwatwa Ohamba tai mu popile meholeko
1 Ndele Sedekia yaJosia okwa ninga ohamba ponhele yaKonja yaJehoiakim, ngaashi Nebukadnesar, ohamba yaBabilon, e mu nangeka mouhamba woshilongo shaJuda. 2 Ndelenee ye mwene nomalenga aye novanhu vomoshilongo inava pwilikina eendjovo dOmwene e di lombwelifa omuxunganeki Jeremia.
3 Ohamba Sedekia okwa tuma Jukal yaSelemja nomupristeli Sefania yaMaasea komuxunganeki Jeremia ndele ta ti: Tu ilikanena Omwene Kalunga ketu. 4 Mefimbo olo Jeremia okwa li ha endaenda mokati kovanhu, ye ina idililwa natango modolongo. 5 Noita yaFarao ya dja muEgipiti, nOvakaldea ava va kondeka Jerusalem, eshi ve i uda, ova fiya po Jerusalem. 6 Opo nee ondjovo yOmwene ya hanga omuxunganeki Jeremia tai ti: 7 Omwene Kalunga kaIsrael ota ti ngaha: Lombweleni hano ohamba yaJuda, oyo ye mu tuma kwaame mu pule nge, mu tye: Tala, oita yaFarao, ya dile kedu lavo oku mu kwafa, otai ka shuna kedu laye, Egipiti, 8 nOvakaldea otava ka aluka ndele tava te oshilando eshi ndele tave shi xwike po nomundilo. 9 Osho Omwene ta ti: “Inamu lifufya, eshi tamu ti: Ovakaldea otave tu efa tava di po. Osheshi vo itava ka dja po. 10 Osheshi oita ei yOvakaldea tai mu lwifa nande mu va te, ndele tapa xupu vamwevamwe aveke va yashwa meenhanda davo, opo nee vo otava fikama ndele tava xwike po oshilando eshi.”
11 Ndelenee oita yOvakaldea eshi ya dja po omolwoita yaFarao, ndele va efa okulwifa Jerusalem, 12 Jeremia okwa li a hala okufiya po Jerusalem a ye koshilongo shaBenjamin, a ka tambule ko oshitukulwa shefyuululo lepata omokati kovanhu. 13 Eshi a fika koshivelo shaBenjamin okwa hanga ko omukeleli edina laye Jiiria yaSelemja yaHanania. Ye okwa kwata omuxunganeki Jeremia nokwe mu lombwela ta ti: Ove owa hala okwaama kOvakaldea. 14 Ndelenee Jeremia okwa tya: Oipupulu! Ame inandi hala okwaama kOvakaldea. Ndelenee ye ine mu pwilikina. Jiiria okwa kwata Jeremia nokwe mu twala kovakulunhu. 15 Ndele ovakulunhu ova handuka nokuhandukilila Jeremia ndele ve mu denga nove mu idilila modolongo, mongulu yomushangi womouhamba Jonatan, osheshi ove i tunga odolongo. 16 Opo nee Jeremia eshi a kala modolongo mekololo lomeni, naashi a diininwa mo omafiku mahapu, 17 ohamba Sedekia okwa tuma ko ndele te mu ifana. Ohamba oye mu pula mongulu yayo meholeko ndele tai ti: “Ope neendjovo dOmwene?” Jeremia okwa tya: “Heeno, ope na, nokwa tya: Ove oto ka yandjwa momake ohamba yaBabilon.” 18 Jeremia okwa tya vali kohamba Sedekia ndele ta ti: “Ame onda nyona shike kwoove nokovapiya voye nokovanhu ava, eshi mwa idilila nge modolongo? 19 Ndele ovaxunganeki veni ove mu xunganekela va tya: ‘Ohamba yaBabilon itai uya kunye nokoshilongo sheni,’ ove li peni? 20 Hano paife omwene wange, ohamba, pwilikina! Eindilo lange nali fike koshipala shoye, ino shunifa nge vali mongulu yaJonatan, omushangi, opo ndiha file mo.” 21 Opo nee ohamba Sedekia okwa lombwela, Jeremia na diininwe moluumbo lodolongo ndele na pewe omungome umwe keshe efiku, u ka talwe kepandavanda lovateleki vomingome, fiyo omingome adishe domoshilando da pwa po. Osho ngaha Jeremia a kala moluumbo lodolongo.
Etokolo lya Sedekia
1 Nebukadnezzar, omukwaniilwa gwaBabilon, okwa kwaniileke Sedekia yaJosia peha lyaJehoiakin yaJehoiakim. 2 Ihe Sedekia, omalenga ge nenge oshigwana inashi vulika koohapu dhOmuwa ndhoka e dhi lombwele ndje.
3 Omukwaniilwa Sedekia okwa tumu Jukal yaShelemia nomuyambi Sefania yaMaaseia, ya indile ndje, ndi galikanene oshigwana shetu kOmuwa Kalunga ketu. 4 Onda li inaandi tulwa manga mondjedhililo nonda li tandi vulu okwiinyenga nemanguluko mokati kaantu. 5 Etangakwiita lyaBabilonia olya li lya kondeke Jerusalem, ihe sho lya kundana kutya etangakwiita lyaEgipiti olya tokola ongamba yaEgipiti, olye etha ekondeka.
6 Nena Omuwa, Kalunga kaIsrael, okwa lombwele ndje, 7 ndi ka lombwele Sedekia ndi tye: “Etangakwiita lyaEgipiti oli li mondjila tali ya li mu kwathe, ihe otali ka shuna. 8 Aababilonia otaa galuka, otaa ponokele oshilando, otaye shi kwata po e taye shi fike po. 9 Ongame, Omuwa, tandi mu londodha, mwaa ifundjaleke mu dhiladhile kutya Aababilonia itaa galuka we, oshoka otaa ke ya. 10 Nokuli nando mu sinde etangakwiita alihe lyaBabilon, pu hupe oomwahe dhowala dha lala momatsali gadho, otadhi ka penduka po e tadhi fike po oshilando shika.”
Jeremia ta kwatwa
11 Etangakwiita lyaBabilonia olya zi po puJerusalem, oshoka etangakwiita lyaEgipiti olya li tali hedha kulyo. 12 Onda zi muJerusalem, ndi ye koshikandjo shaBenjamin ndi ka taambe uuthiga, oshitendelwa shandje sheyana shomezimo. 13 Ihe sho nda thiki posheelo shaBenjamin, omukuluntu gwaalangeli, edhina lye Jirija yaShelemia, omutekulu gwaHanania, okwa kankeke ndje e ta ti: “Ngoye oto iyakele kAababilonia!”
14 Onda yamukula nda ti: “Hasho sho! Itandi iyaka.” Ihe Jirija ina hala okupulakena ndje. Okwa kwata ndje e ta fala ndje komalenga. 15 Oga geele ndje noonkondo, oga dhengitha ndje noge edhilile ndje mongulu yamushangampangu Jonatan. Ongulu ye oya li ya shitukithwa ondjedhililo. 16 Onda tulwa melambo nonda kala mo olule.
17 Omukwaniilwa Sedekia okwa tumu ihe, ndi ye kuye muuwa, e ta pula ndje ongumitila ta ti: “Inaku za elaka lyasha kOmuwa?”
Onda yamukula nda ti: “Okwa za, ngoye oto ka gandjwa miikaha yomukwaniilwa gwaBabilon.” 18 Onda pula nda ti: “Onda yono ano shike kungoye nenge komalenga goye nenge koshigwana, sho wa tula ndje mondjedhililo? 19 Aahunganeki yeni mboka ye mu lombwele kutya Aababilonia itaye mu homona, nenge ya homone oshilongo shika, oya ningwa ngiini? 20 Nkeyama, otandi ku galikana, u pulakene ndje ngoye u ninge shoka tandi ku pula nda gwaya evi, ino shuna ndje we maandja Jonatan. Ngele oto shi ningi, otandi ka sila mo shili.”
21 Osho ngaaka omukwaniilwa u utha, ndi edhililwe molugumbo lwomalangelo muuwa, nonda li handi pewa oshipambu shoshikwiila esiku kehe sha zi mombeka, sigo iikwiila ayihe ya pu po thilu moshilando.
